ANNYM BIO

G'imraa yn Rullick Malew, s'cooin lhiam y chenn ghooinney va ny ' sexton ' ayns shen, enmyssit Jimmy Connor, as hooar eh jeih skillin son dagh oaie yinnagh eh reurey, as 'syn earish shen, va lieh-phunt coontit argid mie!
Va shenn raa creeney goll er insh ayns m'aegid, as foddee t'ee foast ry chlashtyn: "Ta geurey fliugh jannoo rullick roauyr," as dy jarroo firrinagh, ta geurey fluigh as feayr jannoo creoi er ny shenn sleih, as fir-aegey neesht ny cheayrtyn, as er-y-fa shen va Jimmy ny ghooinney feer harroogh, agh myr dooyrt eh-hene, "myr sh'lee oaieghyn, sh'lee yn argid cheet stiagh."
Haink sourey cheh as chirrym ayn, as un laa va reggyryn dy vraane 'sy traid ain taggloo, myr ta ny mraane cliaghtey jannoo, as cha nee mastey ny mraane Valley Chashtal ny lomarcan, noadyr! Va'n co-loayrtys oc mychione traaghyn creoi, mysh boghtynid as genney ny h-argid, as va'n derrey ven lurg y ven elley gaccan as trughaney kyndagh rish, eisht fy-yerrey haink shayll y ven Yimmy e raa y gheddyn.
Nish v'ee ny ben Yernagh, as dooyrt ee, "Och, shickyr nish, nee taggloo mychione traaghyn creoi ta shiuish? Faik, mish y ven as fys eck er traaghyn creoi - ta shoh Jimmy, my ghooinney-hene, as cha nel eh er n'oanluckey ANNYM BIO rish tree meeghyn!