SKEEAL JEH'N CHOLLOO






Foddey 'sy yionn 'sy yughtee, va kuse dy leih cummal er y Cholloo. Va chammah thieyn as thalloo oc, as chooid veg dy ollagh, mucyn, kuse dy chirree kiarkyn, guoiee, tunnagyn as bunnys dy chooilley horch dy chretoor ta ry akin er feyrm erbee.

Va'n thie share er yn ellan troggit ec dooinney aeg er-ennym Finlo Karran as e yishag, Thobm. She thie liauyr v'ayn. Va boalley 'sy chesh vean, jannoo daa ayrn jeh'n thie. Va Fyn as e lught-thie 'syn ayrn heose, as nyn ollagh (daa vooa as troor sy stitt) 'syn ayrn heese.

Cha row yn ollagh shoh sthie agh 'sy gheurey. Va dorrys 'sy voalley, as daa ghreeish jannoo sheese da'n thie ollee. Myr shen, va chiass yn ollee lhiggey stiagh 'syn ayrn heose 'sy gheurey, as blaa feayr 'sy tourey.

Va boayl-chynney er heh ayns chesh vean yn ayrn heose. She Kione slatt v'ayn. T'ad shoh jeant lesh dress-speeinit feeit ry-cheilley, as eisht laagh-crayee slaait harrish, chammah cheu-mooie as cheusthie. Ta shiu er n'akin aile ayns caardee; va'n boayll chynney shoh feer gollrish shen.

Va ooilley shoh fo'n 'ane chlea, as myr shen va'n voalley meanagh cooney lesh trimmid y chlea er chummal. S'liooar shen mychione y thie son tammylt, son ta skeeal aym diuish.

Cha row yn thie agh un vlein troggit tra va Thobm, jishag Finlo, baiht 'sy Cheyllys. Ta'n skeeal shoh mychione Finlo as e ven enmyssit Aine.

Laa dy row, va Fyn er-chee goll magh ass y thie, tra honnick eh saic, as aynjee va lheiy bwoirrin. Cha row eeagh laa ny jees dy eash. Deam eh er Aine, as haink ee magh ass y thie.

"Shegin dooin briaght quoi s'lesh ee!" as Aine.

"Cha naik mee rieau lheiy lhied y shen roie," as Fyn, "agh t'ee gaccan lesh paays kiart dy liooar." Va palchey dy vainney oc, as ren y lheiy giu e saie.

Vrie ad er fud ny hellan, agh cha row pyagh erbee shirrey lheiy. Cha nirrys va Fyn as Aine fo-yindys cre voish daink ee.

Daase y lheiy dy chooie dy liooar myr ta cliaghtey ec jannoo. Fy yerrey, haink ee dy ve ny booa.

Oie dy row haink Illiam, jishag Aine, lesh shilley orroo, as v'ad loayrt mychione shoh as shid.

"Vel yn vooa shen foast bio?" as Illiam.

"Bio as bioyr neesht," as Fyn. "Cre hon t'ou briaght ?"

"Vel fys ayd dy nee Shee-booa t'euish?" as Illiam.

"Cha nel, edyr!" as Fyn, "as cha gredjym eh noadyr."

"She'n kiart-irrin firriney, she Shee-booa t'ayn."

"Agh t'ee mooie nish faggys da'n thie," as Illiam.

"V'ee, ansherbee, tammylt beg er dy henney," as Aine.

"Credjym shen mie dy liooar,'' as Illiam "agh ta mee bunnys shickyr nagh nee mooie t'ee nish."

Hie yn troor jeu magh ass y thie, agh cha row shilley erbee ry-akin jee.

"Ta mee er chlashtyn my henayr loayrt mychione Shee-ollagh," as Illiam, "As dooyrt eh nagh ren kione erbee jeu fuirraghtyn rish foddey er y thalloo shoh wass. Ta ny shiaght bleeantyn ec kione nish, as t'ee er-ash gys e cheer hene."

Cha dooar Fyn ny Aine shilley erbee arragh jee!

Shee er ny Fir-shee as er ny Fir-sheel-naue.





Sean Tomas Leisle O'Cuirc
Agus a Bhean-cheile!