Skeealyn ass Balley Laagh

Shoh daa skeeal er nyn inshey dooys liorish Chalse Mooar Balley Laagh; hooar eh veih Harry Boddagh ad as eshyn nyn glashtyn voish e yishag vooar. Inshyms diu skeeal beg mychione daa ghooinney mooar va gobbraghey er toor ny keeilley noa ec Balley Laagh mysh y vlein hoght keead jeig ghaa yeig as feed. Va ny deiney shoh cur seose ny claghyn vooarey da ny masoonee va heose er y vullagh, as v'ad mooar as tallee as cho lajer as cabbil, agh v'ad feer jollysagh son y yough as veagh as pineraght dy chooilley oie.

Un laa tra v'ad gobberagh er y cheeill, honnick ad dooinney va freayll mwyllin-ushtey goll shiaghtey er yn vayr son dy gheddyn costrayl ooill son y mwyllin echey. Va'n chostrayl currit ayns y phoaxey agh va'n mwannal, jee cheet magh ass e phoagey, as tra honnick y ghaa ghooinney shoh, smooinee ad dy row red ennagh mie ayn son giu cheasthie Jee Dyllce nane oc er y ghooinney va ny 'er v wyllin "Tar neese aynshoh as cur bine dou ass dty chostrayl, son ta mee paa as mychyn."

Hie fer y wyllin stiagh sy cheeill as ghow eh yn chostrayl dy tappee magh ass e phoagey as eisht hayrn eh yn dol, as hug eh dy jeeragh yn chostrayl da'n dooinney va gyllagh er. V'eh goaill aggle mooar dy bcagh yn chostrayl goit ersooyl veih liorish yn dooinney elley, as er y fa shen hug ch dy jeearagh seose gys e veeal ee as ghow eh jough jeh'n ooill roish va fys echcy c'red v'ayns y chostrayl. Cha row eh foddey feddyn magh ny yeih, as eisht v'eh corree agglagh as ghow eh toshiaght claghyn vooarey y hilgey er fer y wyllin va cheumooie ny keeilley nish as v'eh eignit roie sheese y raad gollrish mwaagh.


Va dooinney baghey ny lomarcan heose er ny sleityn as v'eh gra dy kinjagh nagh row ferrishyn ny bugganeyn ny red erbee elley gollrish shen ayn, as dy re ooilley boghtnid shen. "Cha jeanyms dy braagh credjal ayndaue," yiarragh eh, agh roish my dooar eh baase ren eh credjal kiart dy liooar; v'eh caghlaait yn aght shoh.

Un oie lurg da'n dorraghys ve ayn, v'eh eignit goll magh ass y thie dy yannoo red ennagh, as tra v'eh mooie cheayll eh red ennagh lesh corraa vooar gimmagh syn oie, ''Ga-how. Ga-how." Cheayll eh shoh ymmodee keayrtyn as eisht dyllee eh. "Ayns ennym Nhurin ga how magh royd neesht." Cho leayr's dyllee eh shen, roie eh dy jeeragh gys y thie as ghooin eh yn dorrys dy tappee, agh ec yn un traa woaill red ennagh yn dorrys as huitt eh sheese er mullagh e ching as cheayll eh red ennagh gerrym dy ard cheumooie as gra rish. "As nish nee oo credjal dy lickly as foddee nee shen cur jerrey er, dty ghaanys ! "