"C'raad hemmayd roin noght?"

Er ny yannoo liorish Shorus y Creayrie, Jerrey Fouyir, 1975.
Ta'n carr ry gheddyn ayns Dr. J. Clague, Lioar 1, d. 50, ear. 15.


Un oie va mee marish my chaarjyn ayns Doolish,
B'aynshen dooyrt mee roosyn, "C'raad hemmayd roin noght?"
"Well, shione dooys boayl prowmayd ayns Purt ny h-Inshey,
Raad yiowmayd gyn boir' erbee palchey dy yough ."

She ayns y thie lhonney, aynshen va shin pinteragh,
'S ghow shin arraneyn as sheeaney dy ard,
Agh, cha mie lesb yn oasteyr nyn giaull as v'eh gaccan
As ren eshyn shin y cheau magh er y traid.

Faagall yn thieoast, gyn arrys er cho erbee
Keimeragh noon as noal rish tammylt liauyr.
Fy yerrey shoh dooyrt mee, "Shione dooys fer elley
'S gyn ourys bee failt orrin ayns y Thie Bouyr

"Shen ta mee er chlashtyn dy vel deiney daaney
Ta cloie daunseyn Manninagh, tappee as moal,
Ta feallee dy liooar ayn's arrane ny jees ocsyn,
'S t'ad sheeaney dy mie as ad cur preab san !"(2).

Eisht shen ren shin jannoo as taitnys mooar orrin
By vreeoil as niartal yn kiall as arrane;
Agh, cho lajer va'n thiggar ry gheddyn sy voayl shen
Dy ren eh cur orrym 's ny rinkyn 'ghoaill ayrn.

Ny yeih hooar shin cuirrey dy gholl gys yn cheilidh
Va cummit ayns thie na' row foddey ersooyl;
Va palchey dy lhune ain as 'uisge na bracha ',(3)
As ghow shin toshiaght dt er y chooyl.

'Shen deayshil yn lhiggar nyn jengaghyn meeley
As ren shinyn taggloo er lheh mychione mraane.
'Shen honnick mee doodee lurg va mee er cannoo,
Agh va mee ro-veshit dy aghter dy jeean.

Halnk chingys king orrym 's my ghailley myr furnish,
My vellyn va teaymey magh maynrys my chree.
Eisht hooar mish mee hene aynshen paagey ny jeeigyn
'S my lhie ayns my skeeah, gyn bea as gyn bree.

She, my hiaght mynney mollaght er ughtar ny lhonney,
T'eh doolney my hooillyn as dooblagh yn raad;
Agh s'likly dy iuyms reesht fastyr ny vairagh
As yioyms mee hene dy feer ayns yn un stayd.

(1) Thie-oast "The Central" ayns Purt ny h-Inshey

(2) Yernish: "giu lesh bree". She ennym er arrane eh.

(3) Gaidhlig: She ushtey ny braih ayns Gaelg.