Daunse-Chliwe veih'n Ellan Skianagh


Shoh skeeal er ny inshey liorish Hugh MacRae ass Skeabost syn Ellan Skianagh.

Shimmey aght t'ec sleih yn theihll er ve soilshaghey nyn daitnys, as cha nel ny Gaeljee edyr er ash: ayns yn aght shen, as shimmey daunse eunyssagh as boggeyragh vees oc. As she un 'er jeu daunse rish yiarragh shin Daunse Chliwe, as shen yn daunse ta fashiantey dy mie ny vud ny Gaeljee, as rere beeal-Arrish t'eh ny ghaunse cho shenn as s'enney dooin. As my cheayll mish mychione shennagheys yn daunse va shoh; myr v'eh currit er bun.
V'eh ec yn traa, tra va Noah syn arg, as shen feer foddey er ash. V'eh mooarane ny sodjey er ash na ta cooinaght ec dooinney ta bio jiu. Agh s'caslagh dy row Noah. tra v'eh jus tree ny kiare shiaghteeyn syn arg as eh troailt er eaghtyr ny ushtaghyn as gyn nhee dy 'ys echey ansherbee vaikagh eh dy braa tooilley thalloo chirrym as va shoh cur bwoirey mooar erl ged hooir eh gialdynys dy vaikagh eh thalloo chirrym ayns yn traa hie eh er cur er cheu er son shen. Tammylt liauyr lurg da geddyn yn gialdynyd v'eh gaase feer woirit as hug eh er a ghaa vac adsyn dy ve dy kinjagh as dy jeean y yeeaghyn nagh agh vaikagh ad thalloo chirrym.
As va un vac echey, t'eh grait, as she'n ennym v'er Calum. As un laa va shoh honnick ad, myr dy beagh red girree magh ass ny ushtaghyn agh cha row ad braew shickyr c'red v'ayn. Va'n derrey fer gra dy re peesh dy 'uygh na floodran v'ayn agh nagh nee thalloo v'ayn edyr. Agh va eie elley ec Noah; v'eh jannoo magh dy row cummey er dy re mullagh beinney v'ayn, dy re rish shen v'eh caslagh, as tra haink ad ny b'niessey da v'ad jannoo magh as jannoo arganeaghey ny mast oc hene c'red v'ayn. Agh fy yerrey. hooar Noah yn arg mygeayrt as hug yn gheay ass ny shauill as va Calum e vac arryltagh - dooyrt eh dy ragh eh harrish voayrd as dy vaikagh eh ansherbee she thalloo chirrym v'ayn na nee red va floddey. As lheim eh magh as tra hooar eh magh er mullagh yn toman va shoh va girree magh ass ny ushtaghyn yeeagh eh mygeayrt-e-mysh, as honnick eh dy row ny ushtaghyn goll ny by-loo as ny by-loo, dy row baare yn chrinkan v'eh ny hassoo er ry 'akin .
Va taintnys cho mooar er as dyllee eh rish e ayr "She thalloo chirrym ta shoh." as hooar eh daa pheesh maidjey daag ny ushtaghyn, er mullagh y chrink va shoh as chur eh cass my stiagh ad as ghow eh toshiaght er jannoo daunse. Shen yn chied daunse hie rieau er jannoo. As v'eh lheimmeragh veih gob gy gob jeh ny maidjyn va shoh, as va Noah cho mooar er e voggey as deam eh magh, "My ghuilley Calum," as eshyn. as shen euish myr ghow eh toshiaght - myr hooar yn daunse va shoh yn ennym. As ansherbee my vees firrinys aynshen ny dyn, ta un red ta shickyr - dy row Gaelg ec Noah ansherbee!