Ta'n Seihll cheet dys Jerrey


Shoh skeeal er ny inshey liorish Ned Maddrell ass Glion Chiass, Purt le Moirrey, sy vlein 1952.

Ta mee chlashtyn jeh shenn dooinney as e ven baghey ayns thie ayns y valley (Cregneash), as un oie ren ny guillyn goll mygeayrt dy yeeaghyn son red ennagh dy yannoo as ren ad coodagh yn uinnag oc seose lesh soddyn. Er y voghree ren y dooinney girree dy yeeaghyn row sollys cheet, agh cha ren eh fakin red erbee agh dorraghys as hie eh dy lhie reesht. Traa lurg shen ren eh gaase scaaghyrys as dimmee eh as hie eh gys y dorrys as ren eh fakin yn ghrian goll sheese ec Kione Bradda, Haink eh back neesht gys e ven as dooyrt eh, "My Yee, Paie, ta'n seihll cheet dys jerrey. Ta'n ghrian girree ayns y sheear!