Cabdil 10

Obbeeys

Va arran as caashey currit ayns yn phoagey, liorish yn ven va cur lesh yn oikan gys yn cheill, as currit da'n chied phyagh yinnagh ee meeiteil, dy lhiettal yn drogh hooill.
Cha row eh smooinit dy ve red cairagh da pyagh erbee dy ghoaill yn choodagh jeh eddin yn lhiannoo, dy yeeaghyn er.
Va arran as caashey dy mennick currit da yn chied phyagh yinnagh eh meeiteil, liorish fer erbee va freaylt ec y thie voish yn cheeill liorish chingys, ny oyr erbee elley, tra hie pyagh hug yn cheeill reesht son yn chied cheayrt.
Va sleih credjal dy vod lhiannoo ve caghlaait, dy beagh eh faagit ny-lomarcan ayns y thie.
Va ny ferishyn, as ny drogh spyrrydyn, goaill aggle roish yiarn, as ayns yn voayl va'n lhiannoo faagit ny-lomarcan, va brod greesagh as yn chlouw currit tessen er yn chlean, dy yannoo casly,s- crosh. Va shoh pooar mooar.



Cha row ny ferishyn son goll trooid ushtey, ny dy gholl harrish, eer yn sprieh sloo dy ushtey yinnagh jannoo. Yinnagh fer fakin eisht yn ymmyd jeh ushtey casherick. V'eh ayns y toshiaght ymmyd jeant jeh, dy reayll ersooyl drogh spyrrydyn. Va feer vennick inneenyn aegey, as guillyn aegey, spreiht lesh ushtey, tra v'ad goll thie voish daunsin, dy reayll ad veih drogh spyrrydyn.
Va biljyn tramman gaase mygeayrt thieyn, son dy reayll ersooyl drogh spyrrydyn. Va ben obbee er lheh, as v'ee dy mennick goaill caslys mwaagh, as v'ee enmyssit " mwaagh tramman." Oddagh ee ve goit, lesh lhiggey ass gun lesh meer argid ayn.


Ta cooinaghtyn aym, tra va mee my lhiannoo, er shenn ven ny lhie cummal yn lhiabbee son shiaght bleaney. Va sleih gra dy row ee lhiggit urree, son dy row ee buitch. Skeabey yn joan jeh kione kiare raaidyn, as cur yn joan harrish dooinney, ny baagh, va smooinit dy ghoaill ersooyl yn drogh hooill. Ta mee er chlashtyn sleih gra mysh shenn ven voish Ballachrink, ren skeabey yn raad ec droghad Colby, as cur eh er yn dooinney eck, son dy row ee smooinaghtyn dy row drogh hoffill er ve er. V'ee cliaghtey goIl sheese gys y droghad lesh skian yuiy, as skeabey yn joan ayns yn apyrn eck lesh yn skian.
Ta mee er chlashtyn jeh shenn ven elley, ayns C - - -. V'ad smooinaghtyn dy row ee buitch, as lurg j'ee er ve ayns thie naboo, v'ad skeabey ooilley yn voayl v'ee er ve ny hoie, lesh skian yuiy, as eisht ceau yn joan ass y thie. Va shoh jeant dy reayll ad voish yn drogh hooill eck.


Ta drogh spyrryd fer ta imneagh dy yannoo olk, as te ny smessey tra ta sleih elley smooin aghtyn dy vel eh jargal dy yannoo eh.
T'ad shoh paart jeh ny reddyn ta ny buitchyn, ny mraane-obbee, jannoo ymmyd jeh:
Va cruint jeant er snaie olley, as eisht currit fo yn thoo, fo ny scraaghyn jeh'n thie. Roish cur ad ayns shen, va paart jeh shirveish oan luckee lhaiht, tra v'ad kiangley ny cruint.
Cur lesh thie paart jeh'n arran Chreesteeagh, as jannoo brooillagh jeh, as yinnagh carage dhoo cheet as gee eh.


Va fuill as meinn corkey mastit ayns claare, as crouw chonnee currit harrish, as eisht cur yn chonney er aile, harragh yn vuitch, as cur yn aile ass.
Veagh meer dy eill oanluckit, as goll mow, dy yannoo assee er dooinney, ny baagh.
V'ad ny keayrtyn goaill cree jeh baagh, ny eean, as cur freenaghyn ayn, as eisht va'n chree goit, as losht, ny currit er yn ghreesagh. Va shen smooinit dy yannoo mooarane assee.
Va paart dy olt jeh oikan noa-ruggit currit ayns billey, as my veagh ny renaigyn currit lesh ersooyl liorish ushag chiaullee dy yannoo yn edd, veagh yn lhiannoo fer kiaullee.
Veagh meer dy yiarn currit fo yn edd guiy, ny fo'n edd kiark Frangagh, ny jeh eean erbee elley, tra v'ad dy ghuir, dy lhiettal drogh hooill.


Oddagh eh y ve dy reayll ny hoohyn cheh, tra va'n eean jeh'n edd.
Cha row lhuss ny ghuiy dy ve currit lesh ayns y thie, choud's va ny guoiee guirr. V'ad smooinit nagh row ad cur lesh aigh vie.
Ein cheet ass ny hoohyn ec y Chaisht, ve smooinit nagh row eh aigh vie.


Va'n Vible, ny paart jeh'n eaddagh yn dooinney eck currit ayns y lhiabbee tra va ben goll dy lhie hoalley, dy reayll ersooyl drogh spyrrydyn. Va paart elley jeh'n eaddagh echey currit ayns y chlean, dy ghoaill kiarail jeh'n lhiannoo.
Ve ymmyrchagh dy ee arran as caashey, ny dy iu red ennagh, son nagh jinnagh shiu goaill ersooyl aigh vie.


Tra va lhiannoo ruggit, my v'eh guilley, v'eh currit ayns paart jeh eaddagh y dooinney, as my v'ee 'neen, v'ee myrgeddin currit ayns paart jeh eaddagh y vummig, feer vennick ayns oanrey.
V'ad smooinaghtyn dy row ruggyree as baaseyn dy mennick taghyrt ec caghlaa tidey.



Tra va dooinney ass e cheeayl, v'eh ny keayrtyn currit lesh magh ayns baatey, as va tedd currit mygeayrt yn wannal echey, as eisht v'eh tilgit magh ayns yn cheayn, as tayrnit geiyrt er yn vaatey, dy yeeaghyn darragh eh hug eh hene. V'ad smooinaghtyn sleih veagh agglit ass nyn geeayl, dy beagh ad agglit ayns nyn geeayl reesht.
Bollagh sleih ass nyn geeayl va freaylt ayns Cashtal Rushen, son nagh row boayl erbee arragh dy chur ad. Va skeeal scruit ec dooinney va enmyssit Peacock, mychione dooinney va ass e cheeayl ec Ballakillowey, as shen va'n oyr dy row yn thie-coadey jeant ayns Mannin.


Mannagh row aigh vie ec ny eeasteyryn, va crouw chonnee currit ayns aile, as currit lesh gys dy chooilley ard jeh'n vaatey, dy gheddyn rea rish drogh spyrrydyn.
Veagh ny eeasteyryn cur dooinney gys Glion-y-Eiy, gys y fer-lhee buitch, dy gheddyn ny lossereeyn, as eisht dagh dooinney jeh'n cheshaght diu bine y pheesh jeh'n awree, as eisht va'n chooid elley jeh'n awree spreeit er ooilley yn snaie, as trooid y vaatey.