Cabdil 12

Beaghey

Paart dy laghyn v'ad ooilley goaill yn un horch dy veaghey.
Oie Houney--Praaseyn broojit, as eeast, as pesmadyn.
Oie Innyd--Sollaghyn son j innair, broit as eean kiark son shibber, soddag phash.
Jeheiney Chaist--Barnee son anjeal, oohyn as eeast son jinnair.
Jerdein Frastyl *--" beign gee feill eer dy beagh eh meer yn roih echey."

* " Er yn laa shoh cha n'eign diu jeeaghyn choud as yinnagh shiu fakin."


Va'n chooid smoo jeh ny eirinee jannoo yn imbyl oc hene.
Va thie-imlee ec dy chooilley skeerey da hene.
Milljag--lhune roish ta'n vry currit ayn.
Syllabub--lhune cheh, as oohyn currit ayn.
Lhune jeant cheh lesh cur yn brod greesagh jiarg ayn.
Lhune jeant cheh, as pibbyr currit ayn.
Awnroie--ushtey lesh feill roish te cheet dy ve broit.
Amvlass--ushtey cheh as bainney vestit.
Cowree.--Va skeelaghyn corkey currit ayns ushtey, as eisht freaylt ghaa ny three dy laghyn, as eisht currit trooid creear, eisht va'n soolagh broit, as eeit marish bainney millish.
V'eh dy mennick goit er son shibber, ny mrastyr beg.
Oddagh eh ve jeant jeh garvain ayns yn aght cheddin.

Va sollaghyn jeant jeh poddash meinn corkey, as awree jeh feill broiet, as va'n awree eeit marish yn phoddash.
Sollaghyn Gharvain--garvain broiet ayns soolagh feill vroit. Tra bee ad chiu myr poddash, cur ad ayns claare, as goaill yn toolagh maroo.
Broish--arran corkey thummit ayns awree, as eeit marish.
Veagh eeym eeit marish poddash, tra veagh yn vainney goan.
Cranchyn ny croaghan. Lheie yn eeh, as eisht mast garvain marish
Haggis--prinjeig cheyrragh, lhieent lesh feill broojit, praaseyn, unnishyn, as garvain, as broiet son traa liauyr.
Awnlin--red erbee eeit marish arran; myr eeym, ny cashey, ny bainney.
Bee bane, bee blasstal, bee blasstal broiet, arran curnaght, arran oarn, arran corkey.

Crammelt va keint dy horch dy phishyr, faagit son oie ayns bainney.
Va'n oarn cheerit er losht, ny clagh chiowit harrish aile moain, as eisht v'ee beilt ayns braain, ny clagh vleih veayn hrial.*
Va teayst jeant, as eisht v'ee fuinnit er yn losht. V'ad enmyssit barreyn, ny berreenyn. Va'n nane s'jerree dy mennick ny s'chee na va feallagh elley, as ve enmyssit " soddag-verreen."


Furmity

Gow oarn skihlt, as broie eh ayns ushtey mysh oor. Eisht cur paart dy vainney millish ayn, eisht mast red beg dy flooyr ayns bainney feayr, as cur ad ayns y phash, as mast ad gys bee ad currit lhieu gys cloie, as cloiet dy mie.
* Ayns yn vlein shey cheead yeig as shiaght as daeed, ren Chiarn Derby goardrail dy chooilley vraain-laue dy ve brisht, as ve sleih eignit dy gholl gys mwyljyn y chiarn.

Praaseyn as skeddan.
Broit dy chiark, feill-vart, ny feill-vohlt, broit lesh oarn skihlt, as napinyn, carrageyn, kail, lhuss-pharslee, glassereeyn-garey, ooilley giarit ayns meeyrn veggey.
Kiark broiet, as meer dy cherroo vuc, ny lieckan.

Arran as bainney.
Binjean--bainney chiowit, as awree yn vinnid currit ayn, as faagit mysh lieh oor dy aase chiu.
Flooyr, as oohyn, as bainney, mastit seose dy cheilley, as broit ayns clooid aanrit.
Teaystag--Va flooyr, as eeh, as ushtey, mastit cooidjagh, as broit ayns awree. Praasyn, poanrey mooar, as cabash, broit kione y cheilley, as broojit.
" Pash mie dy vainney broit, lesh craa braew dy arran oarn," as " berreen arran oarn, lesh cheeid dty vass y laue dy eeym er."