Cabdil 4

Tin-vaal

Ren yn Chiare as Feed cummal yn veeteil oc ec Tinvaal, ec Feailleoin, tra v'ad ceau yn vollan feailleoin mygeayrt y mysh y chione, er yn wheigoo laa jeh'n vee s'jerree jeh'n touree.
Ta bun ny ockle shoh, " Ting Voayl," ta shen dy ghraa " Chengey Voayl," ny " Tiengey Voayl " (voayl aileagh). Foddee eh y ve " Tien (ta shen ' aile ') Vaal," er nonney oddys eh ve " Tiengey Voal " (voal aileagh).
Va ny mraane obbee grait goit seose hug yn clieau jeh Quayleoin, j as currit ayns stoandey, as treinaghyn eiyrit stiagh ayns yn stoandey, as v'ad rollit gys y vun.
Va ooilley cooishyn reaghit ec yn Whaiyl shen liorish ny briwnyn, as ooilley ny leighaghyn cleeau lhait magh hug yn sleih three keayrtyn, as cha vel ad leigh foast derrey ta shen jeant.
j Slieau-whallin.


Ta'n Chiare as Feed enmyssit "Keys," son dy ren ad jannoo ny " keeshyn."
Ec yn traa t'ayn ta shirveish cummit ayns Keeilleoin. Eisht t'ad shooyl, ayns yn order shoh, jees as jees, voish yn cheeill gys y chronk Tin Vaal.

Kiare sessenee jeh'n chee,
Ny shey toshee yioarree,
Ny captanyn ny skeeraghyn,
Ny saggrtyn,
Ny briwnyn beggey,
Yn Chiare as feed,
Ny fir coyrlee,
Yn er cliwe,
Yn Chiannoort,
Yn daa haggyrt reiltys,
Yn er-lhee y lught-thie,
Sidooryn,

as eisht as wheesh dy leih as sailleu geiyrt orroo shen. Va shuinyn skeaylt er ny greeishyn Tin Vaal son cowrey dy chur biallys.



Va dy chooilley skeerey chaglym ooir dy yannoo yn Chronk Tin Vaal ayns y toshiaght. Er Laa Tin Vaal ta sleih cheet voish dy chooilley ard jeh Mannin dy chlashtyn ny slattyssyn focklit magh. Ta ny shenn toshee yioarree livrey ny slattyn oc da'n Chiannoort, as ta'n chied vriw loo ny feallagh noa stiagh. Eisht ta dy chooilley hoshiaghjioarey gliooney sheese roish yn Chiannoort, as goaill yn tlat echey veih laueyn yn Chiannoort. Ta toshiagh jioarey Glenfaba lhaih ny slattyssyn ayns Gaelg.