Cabdil 8

Cliaghtyn bentyn rish Poosey as Baase.

Va'n oie roish y vannish va cayrnyn sheidit fud ny hoie.
Haink sheshaght yn ven-phoosee voish yn thle eck, as yn dooinney poosee voish yn thie echeysyn, as v'ad dy mennick goll dagh raad gys y cheeill derrey yinnagh ad meeiteil y cheilley, as eisht craa laueyn as croymmey nyn ghing.
Hie yn ven-phoosee marish yn vraar eck, ny fer faggys mooinjerys j'ee gys y cheeill, as y dooinney-poosee marish y chuyr echey myr va lheid echey, ny yn chinney sniessey.
Paart dy cheayrtyn veagh queig jeig ny feed gigyn. Va'n feallagh va ayns ny gigyn imneagh dy yeeaghyn jeh ny cabbil oc.
Ny vud ny labreeyn va fainey dy mennick yeeassit son yn laa, as paart dy cheayrtyn veagh ad jannoo ymmyd jeh ogher dorrys y cheeill.
Ta mee er chlashtyn jeh fainey va yeeassit son poosey as caillit, as feddynit lane bleeantyn lurg shen.

Cha row eh coontit aigh vie dy choayl yn fainey, ny lhiggey da tuittym er yn thalloo.
Ayns shenn hraaghyn haink sleih hug yn vannish er dreeym cabbil, as paart dy keayrtyn veagh whilleen as three feed cabbil.
Va ny shelleeyn Manninee feer veg, as ren ad ymmyd jeh pollanyn jeant jeh eaddagh as coonlagh er nyn ghreeymyn. Ny keayrtyn veagh yn ven phoosee soie chooyl yn dooinney poosee er yn phollan.
Tra va'n poosey harrish ren ad lhiggey thie cha tappee as oddagh ad gys thie yn ven phoosee. Quoi roshtagh gys y thie hoshiaght v'ad dy mennick eabey quoi yinnagh tayrtyn braag feayshtey jeh'n ven phoosee, ny yn chryss ghlioon eck, tra v'ee goll stiagh ayns y thie.
Va paart dy soddag banshey brisht ayns meeryn veggey, as skeaylt harrish kione yn ven phoosee tra v'ee gentreil y thie cheet voish y cheeill.

Va'n viol cloieder coontit kiart wheesh as va'n saggyrt, as hooar eh yn unnysup. Va daunsin freaylt seose gys oor anmagh, as va palchey lhune da dy chooilley nane. My va'n chuyr saa poost roish y chuyr shin ney, va'n chuyr shinney dy ghaunsey ayns trie oashyryn.
Tra- va ny goaldee goll thie ec yn oie va'n oashyr jeh cass chiare jeh'n ven phoosee currit trooid yn uinnag, as yn ven aeg nagh row poost vinnagh tayrtyn ee va coontit yn nah nane dy ve poost. Va meer jeh soddag vanshey currit trooid yn fainey, as currit da ny 'neenyn aegey as ny guillyn aegey dy chur fo ny clooiesagyn oc dy yeeaghyn jinnagh ad fakin ny graihderyn ayns ashlish.
Va ben ainshter H - - - poost ayns eaddagh varkee dimmity vane.

Va shenn ven seyr ginsh dou tra v'ee ny lhiannoo v'ee ec bannish, as ven-phoosee veih Glion Sulby, as va'n dooinney poosee veih Jurby.
Va mysh keead goaldagh ayn, deiney, mraane, as paitchyn, paart er dreem cabbil, paart ayns gigyn, as paart elley ayns kartyn, as v'ad lhiggey gunnaghyn ooilley yn raad gys yn cheeill.
V'ad cummal ad ny keayrtyn lesh tedd tessen yn raad, dy chur orroo geeck leagh, red va cadjin ec bannish.
Va stoandey dy lhune currit er mullagh y chleigh cheu-mooie jeh'n thie, da sleih nagh row ec y vannish.

My yinnagh dooinney tranlasse noi ennaghtyn dy leih liorish brishey poosey, v'ad dy mennick goaill yn leigh ayns ny laueyn oc hene.
Ta cooinaght aym er dooinney enmyssit "- - yn Ollick," jeh Beemakem. Haink mysh jeih as feed ny daeed dooinney geiyrt er gys Ballanorris, er laa feailley. Ren ad goaill giat jeh ny jeushanyn, as cur eh er y vullagh, as hug ad lesh yn yiat lesh eshyn er y vullagh gys thie y ven echey.
V'ad gyllagh, as kiaulleeagh, as gyllagh far enmyn da, as briaght jeh c'red v'eh er ve jannoo. Va'n eaddagh echey raipit, as v'eh bunnys rooisht, roish hooar eh thie hug yn ven echey. Va paart jeu bwoailley eh lesh maidjyn. Eisht hie ad ooilley gys yn thie oast dy gheddyn lhune harrish. Red va dooinney ny jees agglagh ad hene dy yannoo, cha row ad agglagh tra v'ad ooilley cooidjagh. Ve enmyssit " Cur dooinney er y stang."
Va'n stang lorg liauyr, va sleih va jannoo tranlaase currit dy varkiagh, er cabbyl fuygh, as eisht v'ad kippit er yn lorg.
Ayns yn traa shoh va giat jeant ymmyd jeh, er yn oyr dy row mooarane deiney son shassoo fo dy chur lesh yn dooiney thie.
Ayns shenn hraaghyn va ny kirp ny merriu coodit lesh brelleein verriu, as v'ee freaylt ayns y thie son yn oanluckey. V'ee dy kinjagh aarloo, as v'ee ny keayrtyn freaylt ayns y thie son bleeantyn.
Va claare lesh sollan currit er yn chorp marroo, as dy mennick va foaid geayney as sollan currit fo yn lhiabbee.
Va lane credjue oc ayns sollan, son dy row eh smooinit dy reayll eeast as feill voish goll mow. V'ad cur sollan ayns bainney tra v'eh creckit, ny ayns cooid erbee elley veagh yeeassit, ny currit ersooyl.
V'ad credjal dy row reddyn va goll dy haghyrt cur caslys jeh reddyn va goll dy haghyrt.
Va paart dy caslysyn baase myr shoh. Va ushag getlagh noi yn uinnag.
Kellagh kiark gerrym ayns yn oie, as ny cassyn echey feayr. My veagh ny cassyn echey cheh ve monney bannish.
Yn chlag merriu ayns yn chamyr.
Smarageyn cheet seose trooid yn chymlee cheumooie yn thie.
Brishey gless erbee choud as va pyagh ching.
Kiark gerrym.
Tra va brelleein-verriu er yn chainle.
Pohnnaryn cloie ec jannoo oanluckey.
Cur mysh ny boandyrys oikan ayns ashlish.
Va ny ashlishyn smooinit dy gholl noi.
Tra va corp marroo, va ny uinnagyn coodit, as freaylt myr shen derrey veagh yn chorp goll ersooyl voish yn dorrys, as eisht va ny coodaghyn er ny ghoaill jeh. V'ad dy ve goit jeh er aggle dy beagh oanluckey elley ayns traa gerrid.
Va arrey ny farrar freaylt er dy chooilley chorp, as va feailley dy chooilley oie choud as veagh yn chorp ayns y thie.
Dy chooilley oie va ny nabooyn as sleih mooinjerey yn phyagh marroo cheet dy chur stiagh yn oie maroo. Veagh lhune as bee, piobyn as tombaghey, son pyagh erbee yinnagh jannoo ymmyd jeu. Veagh mennick viol-cloieder ayn, as veagh ad kiauleeaght as cloie fud-ny-hoie. Ny keayrtyn veagh yn chiauleeaght feer hrimsagh. Veagh cainleyn freaylt loshtey marish yn chorp marroo, as veagh gless-huarystal as dy chooilley horch dy ghless coodit lesh coodagh bane. Ec traa yn oanluckey veagh ooilley sleih harragh raad liauyr, ny ny nabooyn, geddin bee as feeyn ny lhune, as ve chebbit da sleih cheu mooie jeh'n thie, nagh darragh ad stiagh.

Tra va'n choir verriu currit er yn charbyd, va caayn oanluckee kiauleeit, as freaylt seose tra va'n cheshaght faagail yn dorrys. Va shoh jeant ec y toshiaght dy reayll ersooyl drogh spyrrydyn. Veagh ad kiauleeagh ooilley yn raad gys y cheeill. Shoh va'n oyr dy row clag bwoailt tra va pyagh erbee marroo, as myr geddin yn oyr v'eh bwoailt tra va'n oanluckey cheet gys y cheeill, dy eiyrt ersooyl drogh spyrrydyn Mannagh row yn kiaulleeaght mie, ve smooinit dy row eh cowrey jeh oanluckey elley ayns traa gerrid. Ve ymmyrchagh da'n oanluckey dy gholl er y raad va'n fer cliaghtey goll gys y cheeill. Beign da'n oanluckey goll er raad killagh, as ragh ad trooid lhionteenyn roish harragh ad raad erbee elley.

Bollagh eh ve yn leigh ayns Mannin, my va lhiannoo ec ben roish v'ee poost, my yinnagh yn dooinney poosey ee ec traa erbee lurg shen, veagh yn lhiannoo eirey hug yn thalloo ny cooid erbee veagh echey.
Te foast yn leigh, dy vod yn lhiannoo ve eirey my veagh yn jishig as moir poost cheu sthie jeh daa vlein lurg da'n lhiannoo ve ruggit.
Ta - - - er yannoo assee da Mannin, liorish nagh vel eh er hoilshaghey yn leigh shoh ayns yn lioar echey. Ren eh cur da sleih ayns ayrnyn elley jeh'n reeriaght Hostyn baght aggairagh jeh ellynyn Vannin, son lhisagh soilshey ennagh jeh'n leigh shoh er ve currit ayns y lioar, son ta'n leigh shoh er-lheh bentyn gys yn ellan shoh.
V'eh leigh dy chairys.