Dunveryssyn yn Tooder-Folley - The Vampire Murders
Skeeal straneagh liorish Brian Stowell: Ayrn 33
A serial story by Brian Stowell: Part 33
As cha noddagh oo croghey er Hoodn dy hannaghtyn çheu-mooie jeh pryssoon.
'Cre'n fa t'ad ooilley ceau bollan bane Laa Tinvaal ny laghyn t'ayn jiu?' dooyrt Hoodn
rish y jough echey. Cha dreggyr peiagh erbee. Va Orree giu y jough echey dy imneagh.
Bare leshyn goll dy valley. Dreggyr Hoodn rish hene: 'Va'n shenn sleih toiggal red ny ghaa. My t'ou caigney duillagyn bollan bane foddey dy liooar, t'ou floateil ersooyl
er turrys mie...t'eh jannoo foays dhyt, yussa!'
'Agh ta ny duillagyn shen reen agglagh', dooyrt Blaanid. 'Veagh ny druntyn ayd lhiggey
fuill'. 'Cha row ad boirit ec shen ayns ny shenn laghyn' dooyrt Hoodn lesh shickyrys.
'Traa goll dy valley nish!' ren fer y thie gyllagh magh as eshyn goaill ny glessyn follym veih'n voayrd. 'Slug-shiu sheese y jough eu!' V'eh mongey agh va meehurranse
ry-chlashtyn sy choraa echey.
----------------------------------------------------------------------------------------------------------------
As cha noddagh oo croghey er..(azz-ha-NOTH-akh-oo-KRAWGH-a-err) - And you couldn't
depend on ..('And you couldn't hang on..')
Cre'n fa t'ad ooilley ceau bollan bane Laa Tinvaal..(krinn-FAA-tadd-ULL-ya-k'yow- BOLL-an-BAAN)
- Why are they all wearing bollan bane (mugwort) on Tynwald Day..
..ny laghyn t'ayn jiu.. (na-LAAGH-un-tawn-JOO) - ..these days..
Cha dreggyr peiagh erbee. (ha-DREGG-er-PY-akh-er-BEE) - No one answered.
('Did not answer a person at-all').
Remember you can get the past tense of regular verbs by taking the imperative ('Freggyr!')
and altering the first letter if necessary: 'f' is replaced by 'd': dreggyr = answered.
Alternatively: Cha ren peiagh erbee freggyrt = No one answered.
..giu y jough echey dy imneagh. (G'YOO-a-JAWKH-EGG-a-the-imm-N'YAY-akh) - drinking
his drink ('the drink at-him') anxiously.
Bare leshyn goll dy valley. (bare-LEZH-un-GULL-the-VAL-ya) = He preferred to go home.
('Was better with-him
going home')
My t'ou caigney duillagyn bollan bane..(ma-tow-KAHG-n'ya-DULL-yag-un-BOLL- an-BAAN)
- If you chew bollan bane leaves ..
..t'eh jannoo foays dhyt..(tay-JINN-oo-FOW-iss-dit) - ..it does you good..
..reen agglagh..(reen-AGG-lakh) -..terribly tough..
Veagh ny druntyn ayd lhiggey fuill. (VEE-ukh-na-DRUNT-un-EDD-L'YIGG-a-FOO- il) -
Your gums would be bleeding.('The gums at-you would be letting blood')
Cha row ad boirit ec shen..(ha-ROW-add-BURR-it-eck-SHEN) - They weren't worried
by (at) that..
..as eshyn goaill ny glessyn follym veih'n voayrd. (azz-EZH-un-goyl-na-GLEZZ-un- FOLL-im-vine-VORD)
- '..and he taking the empty glasses from the table.'
Slug-shiu sheese y jough eu! (SLUG-shoo-SHEESS-a-JAWKH-AA-oo) - Swallow (down)
your drink! ('..the drink at-you!')
V'eh mongey, agh va meehurranse ry-chlashtyn sy choraa echey (vay-MONG-a, akh-va-MEE-HURR-anss-ra-KHLASH-chin-sa-kho-RAA-EGG-a)
- He was smiling, but there was impatience to be heard in his voice.