Dunveryssyn yn Tooder-Folley - The Vampire Murders

Skeeal straneagh liorish Brian Stowell: Ayrn 42
A serial story by Brian Stowell: Part 42

‘She, cassan ny greiney. Cuin v’ou ruggit?’ vrie Blaanid dy kiune.
V’ad goll seose y cassan dys y thie. Bwooise da Jee, smooinee Orree. Sonnys er dty laue, Vlaanid. Nish v’ad goll trooid y dorrys as stiagh sy thie ayns tostid as sauçhys. Va Victoria foast smooinaghtyn.
‘V’ou ruggit ayns Mean Fouyir, nagh row, Veen?’ Hug Orree y fys scanshoil shoh er aght feer chooyrtoil. Ren y ven echey doostey, y ferg eck aa-vioghit. ‘Jeigh dty ghob, vleb!’ ren ee screeagh. ‘Ta fys mie aym er y vee va mee ruggit!’
‘T’ou uss dty Voidyn myr shen’, dooyrt Blaanid dy kiune. ‘Abyl dy yannoo briwnys cairal eer tra t’ou kianlt seose ayns cooish ennagh...reaghey reddyn dy mie...çheet dy ve lhiantynagh mychione reddyn...’
Shen kiart dy liooar, smooinee Orree. Cre’n fa t’ee briaght shoh? smooinee Victoria.
----------------------------------------------------------------------------------------------------------------
‘..Cuin v’ou ruggit?’ vrie Blaanid dy kiune. (KWUNN-vow-RUGG-it? vry-BLAA-nid- the-K’YOON) - ‘..When were you born?’ asked Blaanid calmly.
Sonnys er dty laue, Vlaanid. (SONN-iss-err-the-LAW, VLAA-nid) - Luck on your hand, Blaanid. (Good luck to you, Blaanid.)
Where appropriate, change the first letter of someone’s name when you speak to them: ‘B’ goes to ‘V’.
..ayns tostid as sauçhys. (unnss-TOST-id-azz-SOW-chiss) - ..in silence and safety.
V’ou ruggit ayns Mean Fouyir, nagh row, Veen? (vow-RUGG-it-unnss-MAYN- FOWR, nakh-ROW, VEEN?) - You were born in September, weren’t you, Dear?
Hug Orree y fys scanshoil shoh..(hug-ORR-ee-a-FISS-skansh-OLE-SHAW) - Orree gave this important knowledge..
Alternatively: Ren Orree cur y fys scanshoil shoh...
..er aght feer chooyrtoil. (err-AKHT-feer-khoort-OLE) - ..in (on) a very polite way.
Ren y ven echey doostey..(renn-a-VEN-EGG-a-DOOST-a) - His wife woke up..
Alternatively: Ghooisht e ven ... (GHOOSHCH-a-VEN)
..y ferg eck aa-vioghit. (a-FERG-eck-ah-V’YOHGH-it) - ..her anger revived.
If something is repeated, we use ‘aa’, with letter change: aa-yannoo = re-doing; aa-vioghey = reviving.
Jeigh dty ghob, vleb! (JAA-ee-the-GHOB, VLEBB!) - Shut your gob, (you) fool!
T’ou uss dty Voidyn, myr shen. (tow-USS-the-VUDJ-in, mar-SHEN) - You are a Virgo in that case. (‘You are in-your Virgin, as that’.)
Abyl dy yannoo briwnys cairal..(AYBL-the-YINN-oo-BR’YOON-iss-KAYR-al) - Able to make a proper judgement..
..eer tra t’ou kianlt seose ayns cooish ennagh..(EER-traa-tow-K’YAWLT-SOOSS- unnss-KOOSH-enn-YAKH) - ..even when you’re tied up in some affair...
..reaghey reddyn dy mie.. (RAYKH-a-RITH-un-the-MY) - ..arranging things well..
..çheet dy ve lhiantynagh mychione reddyn..(CHITT-the-vay-L’YANT-in-akh-ma- H’YOWN-RITH-un) - ..becoming obsessive about things..(‘..coming to be..’).
Shen kiart dy liooar, smooinee Orree. (shen-K’YART-the-L’YOOR, SMUNN-ee- ORR-ee) - That’s right enough, thought Orree.