Dunveryssyn yn Tooder-Folley - The Vampire Murders

Skeeal straneagh liorish Brian Stowell: Ayrn 47
A serial story by Brian Stowell: Part 47

Ayns y chlub-çheerey ooasle, va’n jough roie goll rish awin. Awin va roie stiagh ayns beill ny banceyryn, fir-urrysaght as fir-dellal va taggloo dy breeoil as dy gennal roish yn loayrtys veagh currit liorish Sam Wattleworth, ard-ghooinney yn argidys ayns Reiltys Vannin. Agh cha nee jough veshtallagh v’ayn, son y chooid smoo, agh ushtey bio as ushtey feagh. Cha row eh goll rish ny shenn laghyn tra va sleih çheet dy ve scoorit dy liooar ec lheid yn immeeaght shoh. Va reddyn ny smoo trome-chooishagh nish. Sheelt as dree, va ny shenn deiney gaccan. Agh ny yei shen as ooilley, va ny deiney mooarey ayns banc ny ghaa ceau fastyr Jeheiney gobbraghey dy creoi lesh boteilyn dy h-ushtey-bea, as ad dooint ayns nyn offishyn.
----------------------------------------------------------------------------------------------------------------
Ayns y chlub-çheerey ooasle...(UNNSS-a-khlub-CHEER-a-WUZZL) - In the magnificent country club..
‘Çheer’ means ‘country’ and ‘çheerey’ means ‘of country’.
Awin va roie stiagh ayns beill ny banceyryn..(OW-in-va-RA-ee-SCHAKH-unnss- BAYL’-na-bank-AYR-un) - A river (which) was running into the mouths of the bankers..
Manx doesn’t need a word for ‘which’.
..fir-urrysaght as fir-dellal va taggloo dy breeoil as dy gennal..(firr-URR-izz-akht-azz- firr-DELL-al-va-TAWL-oo-the-bree-OLE-azz-the-G’YENN-al) - ..insurance men and businessmen (who) were talking energetically and cheerfully..
..roish yn loayrtys veagh currit liorish..(rohsh-in-LAWRT-iss-VEE-ukh-KURR-it- L’YORR-ish) - ..before the talk which would be given by..
..ard-ghooinney yn argidys..(erd-WUNN-ya-in-ERG-id-iss) - ..the big man of finance
‘Ard’ is used before nouns to express ‘chief’, ‘most important’.
Agh cha nee jough veshtallagh v’ayn..(akh-ha-N’YAY-jawkh-VESH-chal-akh- VAWN) - But it wasn’t intoxicating drink..(‘But {it} isn’t intoxicating drink {which} was in..’)
..ushtey bio as ushtey feagh. (USH-cha-B’YO-azz-USH-cha-FEE-akh) -..sparkling water and still water. (‘..live water and quiet water’.)
..tra va sleih çheet dy ve scoorit dy liooar..(TRAA-va-SLA-ee-CHITT-the-vay- SKOOR-it-the-L’YOOR) - ..when people became quite drunk..
..ec lheid yn immeeaght shoh. (eck-L’YIDD-in-IMM-ee-akht-SHAW) - ..at such an event. (‘..at the like of this event’.)
Va reddyn ny smoo trome-chooishagh nish. (va-RITH-un-na-SMOO-trome- KHOOSH-akh-nish) - Things were more serious now.
Sheelt as dree..(SHEELT-azz-DREE) - Sober and boring..
..va ny deiney mooarey ayns banc ny ghaa ceau fastyr Jeheiney..(VANN-a-DAYN- ya-MOOR-a-unnss-BANK-na-GHAA-k’yow-FASST-er-ja-HAYN-ya) -..the big men in a bank or two were spending Friday afternoon..
..gobbraghey dy creoi lesh boteilyn dy h-ushtey-bea..(GOBB-rakh-a-the-KRA-ee- lesh-bod-AYL-un-the-HUSH-cha-BAY) -..working hard with bottles of whiskey..
..as ad dooint ayns nyn offishyn. (azz-add-DOONT-unnss-nin-OFF-ish-un) - ..while they were shut in their offices. (‘..and they shut in their offices’.)