Dunveryssyn yn Tooder-Folley - The Vampire Murders

Skeeal straneagh liorish Brian Stowell: Ayrn 49
A serial story by Brian Stowell: Part 49

‘Vel oo smooinaghtyn dy bee red erbee feeu ry-chlashtyn ayns shoh jiu?’ vrie eh jeh Sam. Yeeagh Sam er Juan lesh trimshey. She shenn naighteyr va Sam, va er jeet dys Mannin ymmodee blein er dy henney. Yeeagh eh er y dooinney aeg jesh, hug eh my ner yn eddin bioyr, ny sooillyn gorrym as y folt doo, yn eaddagh jesh as gastid y fer aeg shoh.

‘Cre goll rish ta ny mraane ayns shoh?’ vrie Sam. Cha beagh red erbee feeu ry-chlashtyn. Va ooilley’n stoo shen follit as va fys echey er paart jeh. Juan boght! V’eh foast credjal dy row earisheyrys onnoroil. Dy beagh Sam feed blein ny saa, veagh eh rouail trooid yn çhamyr vooar shen, geiyrt er ny mraane. Va’n dooinney aeg shoh jummal e hraa.
----------------------------------------------------------------------------------------------------------------
Vel oo smooinaghtyn dy bee red erbee feeu..? (VELL-oo-SMUNN-yakht-in-the- BEE-ridd-er-BEE-F’YOO) - Do you think that there will be anything worthwhile...?
..ry-chlashtyn ayns shoh jiu (ra-KHLASH-chin-unnss-SHAW-JOO) - ..to be heard here today.
..vrie eh jeh Sam. (VRY-a-jay-SAM) -..he asked (of) Sam.
Use ‘brie / briaght’ when questions are being asked. If somebody’s beeing asked to do something, use ‘shir / shirrey’.
Yeeagh Sam er Juan lesh trimshey. (YEEKH-SAM-err-JOO-an-lesh-TRIM-zha) - Sam looked at (on) Juan with sorrow.
She shenn naighteyr va Sam. (shay-SHANN-ny-akht-AYR-va-SAM) - Sam was an old newsperson. (‘It’s an old newsperson was Sam.’)
..va er jeet dys Mannin ymmodee blein er dy henney. (va-err-JITT-duss-MANN-in- IMM-od-ee-BLAYN-err-the-HINN-ya) - ..who had come to Mann many years ago. (‘..[who] was after coming to Mann many years ago.’)
Nouns are often left in the singular after ‘ymmodee’.
..hug eh my ner yn eddin bioyr.. (HUG-a-ma-N’YERR-in-ETH-in-B’YOHR) -..he perceived the lively face..
..as gastid y fer aeg shoh. (azz-GASST-id-a-FERR-AAG-SHAW) - ..and the cleverness of this young man.
Cre goll rish ta ny mraane..? (kra-GORR-ish-ta-na-MRAAN?) - What are the women like ..?
Va ooilley’n stoo shen follit..(va-ULL-yin-stoo-shen-FOLL-it) - All that stuff was secret...
V’eh foast credjal dy row earisheyrys onnoroil. (vay-fohss-KREDJ-al-the-row-irr-ish- AYR-iss-onn-or-OLE) - He still believed that journalism was honourable.
Dy beagh Sam feed blein ny saa, veagh eh rouail trooid yn çhamyr vooar shen ..
(the-BEE-ukh-SAM-feed-BLAYN-na-SAA, VEE-ukh-a-row-AYL-trood-in- CHAAM-er-VOOR-SHEN) - If Sam was twenty years younger, he would be wandering through that big room..
..geiyrt er ny mraane. (G’YEHRT-err-na-MRAAN) - ..following (on) the women.
..jummal e hraa. (JUMM-al-a-HRAA) - ..wasting his time.