Dunveryssyn yn Tooder-Folley - The Vampire Murders

Skeeal straneagh liorish Brian Stowell: Ayrn 59
A serial story by Brian Stowell: Part 59

‘Ta, son shickyrys’, dreggyr Smith dy tappee. ‘Agh shegin dooys smooinaghtyn er goo mie Radio Eubonia....cha nel mee laccal musthaa elley....’
‘C’red t’ou çheet er?’ vrie Juan. Va fys echey dy firrinagh.
‘Ta fys ayd’, dooyrt Steen Smith. ‘Y musthaa shen bentyn rish baase Askell Mylvoirrey yn çhiaghtin shoh chaie. Ren shinyn gymskeaylley naight y vaase, dimraa shin ny fouaghyn va goll mygeayrt as eisht va sleih quaagh veih’n reiltys baggyrt orrin....shione dhyt y stayd ta shin ayn’.
Bione da Juan. Va’n stashoon-radio croghey er argid veih’n reiltys as v’eh doillee da’n stashoon gymskeaylley skeealyn veagh cur yn olk er yn reiltys. Agh cre’n fa veagh skeeal baase Vylvoirrey cur wheesh olk orroo?
Dooyrt Smith ny sodjey, lesh mongey beg: ‘As cha bee ny mainshtyryn ayds ro yeean dy chlou ooilley’n fys sollagh mychione baase fer mooar elley va kianlt lesh y reiltys’.
----------------------------------------------------------------------------------------------------------------
..dreggyr Smith dy tappee. (DREGG-er-SMITH-the-TAVV-ee) -..Smith replied quickly. NOTE: ‘Freggyr!’ - ‘Reply!’ ‘Dreggyr’ - ‘Replied’.
With regular verbs where the stem (imperative) starts with ‘f’, you can form the past tense by replacing the ‘f’ with ‘d’.
..shegin dooys smooinaghtyn er..(SYDN-DOO-iss-SMUNN-yakht-in-err) -..I must think about (on)..
..goo mie Radio Eubonia..(GOO-MY-RADD-ee-o-..) - ..the reputation of R.E.
..cha nel mee laccal musthaa elley..(ha-NELL-mee-LALL-muss-TAA-ELL-ya) - I don’t want another uproar..
C’red t’ou çheet er? (KERR-id-tow-CHITT-err?) - What do you mean?
Y musthaa shen bentyn rish baase Askell Mylvoirrey..(a-muss-TAA-shen-BENT-in- rish-BAASS-ASK-ell-mul-VURR-a) - That uproar connected with the death of Askell Mylvoirrey.
Ren shinyn gymskeaylley naight y vaase..(renn-SHING-un-gimm-SKAYL-ya-NY- akht-a-VAASS) - We broadcast the news of the death..
..dimraa shin ny fouaghyn va goll mygeayrt ..(dim-RAA-shin-na-FOW-akh-un-va- GULL-ma-GEERT) -..we mentioned the rumours (which) were going about.. NOTE: ‘Imraa!’ - ‘Mention!’ ‘Dimraa’ - ‘Mentioned’.
..baggyrt orrin..(BAGG-ert-ORR-in) -..threatening (on) us..
..shione dhyt y stayd ta shin ayn..(SHONE-dut-a-STAAD-ta-shin-AWN) -..you know the state we are in..
Bione da Juan. (B’YONE-daa-JOO-an) - Juan knew.
..croghey er argid..(KRAWGH-a-er-ERG-id) -..depending (hanging) on money..
..skeealyn veagh cur yn olk er..(SKEE-al-un-VEE-ukh-KURR-in-ULK-err) -..stories which would annoy..(‘..stories which would be putting the evil on..’)
..cur wheesh olk orroo..(kurr-HWEESH-ULK-ORR-oo) -..anoying them so much..
Dooyrt Smith ny sodjey, lesh mongey beg..(DOORT-SMITH-na-SUDJ-a, lesh- MONG-a-BEG) - Smith said further, with a little smile..
..ro yeean dy chlou ooilley’n fys sollagh..(raw-YEE-an-the-KHLOW-ULL-yan-FISS- SOLL-akh) - ..too keen to print all the dirty information..