Dunveryssyn yn Tooder-Folley - The Vampire Murders

Skeeal straneagh liorish Brian Stowell: Ayrn 60
A serial story by Brian Stowell: Part 60

‘Nagh abbyr dy dooyrt mee shoh rhyt, agh my t’ou geearree goll ny sodjey loayr rish y ven whaagh shen Blaanid Costain ayns Rhumsaa...’
‘Goll ny sodjey?’ vrie Juan. ‘C’red t’ou çheet er, ghooinney?’
‘S’liooar shen’, dooyrt Smith er aght follit. ‘Ta mee er ghra rouyr hannah...gow my leshtal, agh ta obbyr aym ry yannoo’.
Va Juan goaill yindys mooar. Hooill eh magh ass y stashoon marish Sam.
‘C’red v’ou coontey jeh shen?’ vrie Juan jeh Sam.
‘Ta mee goaill yindys dy loayr eh rhyt myr shen,’ dooyrt Sam. ‘Cha nel eh currit da tutlerys noadyr. Foddee dy bee eh feeu loayrt rish y ven shen, Blaanid Costain’.
‘Cre’n aght foddym feddyn ee?’ vrie Juan.
‘Brie jeh peiagh erbee ayns Rhumsaa’, dreggyr Sam.
----------------------------------------------------------------------------------------------------------------
Nagh abbyr dy dooyrt mee shoh rhyt..(nakh-ABB-er-the-DOORT-mee-SHAW-rut)
- Don’t say that I said this to you...’
If a verb stem (imperative) starts with a vowel, you make the order negative with ‘nagh’ rather then ‘ny’.
..my t’ou geearree goll ny sodjey..(ma-tow-GEER-ee-gull-na-SUDDJ-a) -..if you want to go further (deeper)..
..loayr rish y ven whaagh shen..(LAWR-rish-a-VEN-HWAAKH-shen) -..speak to that strange woman..Note: ‘quaagh’ becomes ‘whaagh’ here.
C’red t’ou çheet er..? (KERR-id-tow-CHITT-err?) - What do you mean?
S’liooar shen (sl’yoor-shen) - That’s enough.
..dooyrt Smith er aght follit. (doort-SMITH-err-AKHT-FOLL-it) - ..said Smith in (on) a secret way.
Ta mee er ghra rouyr hannah..(TAMM-ee-err-GHRAA-ROWR-HANN-a) - I’ve said too much already.. (‘I am after saying...’)
..ta obbyr aym ry yannoo. (ta-OBB-er-IMM-ra-YINN-oo) - ..I have work to be done.
Note: ‘ry’ causes lenition: ‘clashtyn’ - ‘hearing’, ‘ry chlashtyn’ - ‘to be heard’.
Va Juan goaill yindys mooar. (va-JOO-an-goyl-YINN-diss-MOOR) - Juan was astonished. (‘Juan was taking great wonder’.)
..dy loayr eh rhyt myr shen..(the-LAWR-a-rut-mar-SHEN) - ..that he spoke to you like that. Note: ‘loayr!’ - ‘speak!’, ‘loayr’ - ‘spoke’.
Cha nel eh currit da tutlerys noadyr. (ha-NELL-a-KURR-it-daa-TUTT-ler-iss- NAWTH-er) - He’s not given to gossip at all.
Foddee dy bee eh feeu loayrt..(FUTH-ee-the-BEE-a-F’YOO-LAWRT) - Maybe it will be worthwhile speaking..
Cre’n aght foddym feddyn ee? (krinn-AKHT-FOTH-im-FETH-un-ee?) - How can I find her? Note that when questions are involved, you don’t use the question form of the verb (dependent form) after ‘Cre’n aght?’ , ‘Cre’n fa?’, etc., - you use the independent form. So it’s NOT ‘Cre’n aght noddym...?’
Brie jeh peiagh erbee..(BRY-jay-PA-ee-akh-er-BEE) - Ask anyone..
Note: ‘Brie jeh peiagh ennagh ‘ - ‘Ask someone’.