Dunveryssyn yn Tooder-Folley - The Vampire Murders

Skeeal straneagh liorish Brian Stowell: Ayrn 66
A serial story by Brian Stowell: Part 66

‘Nee uss Blaanid Costain?’ vrie eh jeh’n ven aeg.
Vrish y dooinney stiagh: ‘Shen kiart, as mish Hoodn Quilliam. As ta’n ennym orts Juan Kodhere, ta gobbraghey da’n fritlag shen....’
Ghow Juan yindys. Va shen ry ‘akin veih ny sooillyn echey. Cha vrie eh ‘Kevys dhyts?’ agh dooyrt eh jeeragh ‘Vel fys erbee ayd er yn aght hooar Askell Mylvoirrey baase?’
Dy çhelleeragh ren eddin Vlaanid jiargaghey. V’ee jeeaghyn dy ve fud y cheilley as yeeagh ee dy myn er y voayrd.
‘She skeet uss, ghooinney!’ dooyrt Hoodn. ‘V’ou geaishtagh rooin, kiart dy liooar’.
Cha row Juan gennaghtyn ro vie. Cha row eh laccal dy chur yn olk er y ven aeg.
Agh v’eh soaral skeeal ayns shoh. Begin da goll er.
Dooyrt Juan: ‘Ta skeeal goll mygeayrt dy dooar Askell Mylvoirrey baase jeh teaym-cree as eshyn ny lhie marish ben aeg...’
‘Jarrood shen, ghooinney!’ dooyrt Hoodn. ‘V’eh feddynit as daa howl beg sy wannal echey. Va dunverys jeant!’
Hoig Juan dy row sleih elley sy thie-lhionney jeeaghyn orroo er aght briaghtagh.
----------------------------------------------------------------------------------------------------------------
Nee uss Blaanid Costain? (n’yay-USS-BLAA-nid-kost-AYN?) - Are you Blaanid Costain? Alternatively: Vel uss Blaanid Costain?
Vrish y dooinney stiagh..(VRISH-a-DUNN-ya-SCHAKH) - The man broke in..
Alternatively: Ren y dooinney brishey stiagh...
.. ta gobbraghey da’n fritlag shen..(ta-GOBB-rakh-a-daan-FRIT-lag-shen) - ..who works for that rag.. In ‘Classical Manx’: ... da’n ‘ritlag shen...
Ghow Juan yindys. (GHOW-JOO-an-YIND-iss) - Juan was surprised.
Alternatively: Ren Juan goaill yindys. (‘Juan took wonder’.)
Cha vrie eh ‘Kevys dhyts?’..(ha-VRY-a-KEVV-iss-DUTTS?) - He didn’t ask ‘How do you know?’..
Dy çhelleeragh ren eddin Vlaanid jiargaghey. (the-chell-EER-akh-ren-ETH-in- VLAA-nid-JERG-akh-a) - Immediately Blaanid’s face blushed.
..yeeagh ee dy myn er y voayrd. (YEEKH-ee-the-MINN-err-a-VORD) - ..she looked closely at the table..(‘..she looked ‘finely’ on the table..’)
V’ou geaishtagh rooin..(vow-GAYSH-chakh-run) - You were listening to us...
Cha row Juan gennaghtyn ro vie. (ha-ROW-JOO-an-GENN-akht-in-raw-VIE) - Juan wasn’t feeling too good.
..v’eh soaral skeeal.. (vay-SOHR-al-SKEE-al) -..he was smelling a story..
Begin da goll er. (BA-eedn-DAA-GULL-ERR) - He had to go on.
..dy dooar Askell Mylvoirrey baase jeh teaym-cree..(the-DOOR-ASK-ell-mul-VURR- a-BAASS-jay-TEE-um-KREE) - ..that A.M. died of a heart attack..
Va dunverys jeant! - (va-DUN-ver-iss-JINNT!) - Murder was done!
Hoig Juan dy row sleih elley..(HIGG-JOO-an-the-row-SLA-ee-ELL-ya..) - Juan understood that other people were..
Alternatively: Ren Juan toiggal dy row sleih elley...
..jeeaghyn orroo er aght briaghtagh. (JEEKH-un-ORR-oo-err-AKHT-BRY-akht-akh) - looking at them in an enquiring way. (‘..on-them on on a way enquiring.’)