Dunveryssyn yn Tooder-Folley - The Vampire Murders

Skeeal straneagh liorish Brian Stowell: Ayrn 70
A serial story by Brian Stowell: Part 70

‘Kevys dhyt?’ ren Juan briaght.
‘Ta fys ec Mannin ooilliu, ghooinney’, dooyrt Hoodn. ‘As ta fys erskyn towse ec y doodee shoh’.
‘Foddee nagh vel, Hoodn’, dooyrt Blaanid. Nagh vel ee aalin, va Juan smooinaghtyn. Ny sooillyn shen, as y folt eck. ‘Cha nel fys aym er red erbee agh ny skeealyn ta goll mygeayrt’.
‘As cre ny skeealyn shen?’ vrie Juan as eshyn guee dy beagh Hoodn ny host.
Cha beagh.
‘Skeealyn dy row Askell Mylvoirrey marrooit ec sooder-folley va coamrit goll rish ben aeg aalin!’ dooyrt Hoodn dy barriaghtagh. ‘As ta enney ec Blaanid er y tooder-folley shen!’
Haink Blaanid dy ve corree dy liooar.
‘Ersooyl lhiat. Hoodn!’ dooyrt ee dy eulyssagh. ‘S’gaueagh y ve loayrt myr shen!
Cha nel enney ayms er sooder-folley - ny bee ommidjagh! Shegin dou goll dy valley - t’eh anmagh.’
Hass ee seose as ren ee stiurey cassan trooid ny reddyn va nyn lhie dy chooilley voayl er y laare. Ren Juan geiyrt urree. Dooyrt eh: ‘Shegin dooys goll neesht.
By vie lhiat heiss dys boayl ennagh, Vlaanid?’
‘Oie vie,’ dooyrt Hoodn. ‘Cur twoaie da earisheyryn, Vlaanid’.
----------------------------------------------------------------------------------------------------------------
Kevys dhyt? (KEVV-iss-DUT?) - How do you know?
..ta fys erskyn towse ec y doodee shoh. (ta-FISS-er-SKIN-TOWSS-EGG-a-DOOTH- ee-SHAW) - ..this girl knows an awful lot. (‘..there is knowledge above measure at this girl.’)
As cre ny skeealyn shen? (azz-KRA-na-SKEEL-un-SHEN?) - And what (are) those stories?
..as eshyn guee dy beagh Hoodn ny host. (azz-EZH-un-GWEE-the-BEE-ukh- HOODN-na-HUST) - ‘..and he praying that Hoodn would be in-his silence’.
Skeealyn dy row Askell Mylvoirrey marrooit ec sooder-folley..(SKEEL-un-the-row- ASK-ell-mul-VURR-a-MARR-oo-it-eck-SOOD-er-FOLL-a) - Stories that Askell Mylvoirrey was killed by (at) a vampire..
..dy barriaghtagh. (the-BARR-ee-akht-akh) - ..triumphantly.
..dooyrt ee dy eulyssagh. (DOORT-ee-the-AA-ool-iss-akh) - ..she said furiously.
S’gaueagh y ve loayrt myr shen! (SGOW-akh-a-vay-LAWRT-mar-SHEN!) - It’s dangerous to be speaking like that!
Cha nel enney ayms er sooder-folley..(ha-NELL-ENN-ya-IMM-iss-err-SOOD-er- FOLL-a) - I’m not acquainted with a vampire.. (‘There is not acquaintance at me on a vampire..’)
..ren ee stiurey cassan..(RENN-ee-SCHOOR-a-KAZZ-an) - ..she steered a path..
Ren Juan geiyrt urree. (renn-JOO-an-GA-eert-URR-ee) - Juan followed (on) her.
By vie lhiat heiss dys boayl ennagh..? (ba-VY-l’yatt-HA-eess-duss-BAWL-enn- YAKH?) - Would you like a lift (to) some place..?
Cur twoaie da earisheyryn..(kurr-TOO-ee-daa-irr-ish-AYR-un) - Beware of journalists..