Dunveryssyn yn Tooder-Folley - The Vampire Murders

Skeeal straneagh liorish Brian Stowell: Ayrn 73
A serial story by Brian Stowell: Part 73

Yeeagh ee stiagh ayns sooillyn Yuan: ‘Ren oo rieau clashtyn mychione Cooilleeney Vannin?’ ren ee briaght.
Va Juan jerkal rish feysht elley agh dooyrt eh: ‘Ren - beggan, ansherbee. Ta sleih ennagh gra dy nee possan follit t’ayn. As ta sleih elley gra nagh vel y lheid ayn. Red ennagh bentyn rish y Ghaelg.’
‘Agh vel oo toiggal y red ta Cooilleeney Vannin shirrey?’ vrie Blaanid. As dreggyr ish y feysht eck hene: ‘Cooilleeney son baase y Ghaelg myr çhengey’n theay...’
Kevys jee, smooinee Juan. Dooyrt eh: ‘Agh my ta lheid y phossan shoh ayn, cre’n aght oddagh ad geddyn cooilleeney son shen? Cha nel y loght er sleih ta er mayrn y laa t’ayn jiu’.
‘Shione dou shen’, dooyrt Blaanid. ‘Ta’n possan ayn, mie dy liooar, foddym gra rhyt nish. As y sleih t’ayns y phossan, t’ad cur y loght er peiagh erbee ta loayrt noi’n Ghaelg....sleih myr Askell Mylvoirrey as Wattleworth...’
Va Juan ny earisheyr reesht.
‘Vel uss dy ghra dy vel kiangley eddyr ny baaseyn shen as Cooilleeney Manninagh?’ ren eh briaght.
----------------------------------------------------------------------------------------------------------------
Yeeagh ee stiagh ayns sooillyn Yuan..(YEEKH-ee-SCHAKH-unnss-SOOL-yun- YOO-an) - She looked into Juan’s eyes..(‘..the eyes of Juan..’)
Ren oo rieau clashtyn mychione Cooilleeney Vannin? (RENN-oo-R’YOO-KLASH- chin-ma-H’YOWN-kull-YEEN-a-VANN-in?) - Did you ever hear about The Vengeance of Mann?
Note: ‘cooilleeney’ can mean ‘fulfilment’ as well as ‘vengeance’.
Va Juan jerkal rish feysht elley..(va-JOO-an-JERK-al-rish-FAYSHT-ELL-ya) - Juan was hoping for another question..
..dy nee possan follit t’ayn. (..the-n’yay-POZZ-an-FOLL-it-TAWN) - ..that it’s a secret group. (‘..that it’s a secret group (which) is in.’)
Red ennagh bentyn rish y Ghaelg. (RITH-enn-YAKH-BENT-in-rish-a-GHILG) - Something connected to Manx.
Cooilleeney son baase y Ghaelg myr çhengey’n theay..(kull-YEEN-a-son-BAASS- a-GHILG-mar-CHIN-yan-TEE-a) - Revenge for the death of Manx as the community language..(‘..the language of the people..’)
Kevys jee..? (KEVV-iss-JEE?) - How does she know..?
..my ta lheid y phossan shoh ayn..(ma-ta-L’YIDD-a-FOZZ-an-shaw-AWN) - ..if the like of this group exists.. (‘..if the like of this group is in..’)
Cha nel y loght er sleih ta er mayrn y laa t’ayn jiu. (ha-NELL-a-LAWKHT-err-SLA- ee-ta-err-MARN-a-LAA-tawn-JOO) - The fault isn’t with (on) people who are alive (to the fore) at present (the day which is in today).
..t’ad cur y loght er peiagh erbee ta loayrt noi’n Ghaelg. (tadd-KURR-a-LAWKHT- err-PA-ee-akh-er-BEE-ta-LAWRT-NA-een-GHILG) - ..they blame any person who speaks against Manx. (‘..they put the blame on a person at-all who..’)
Va Juan ny earisheyr reesht. (va-JOO-an-na-irr-ish-AYR-reesh) - Juan was a journalist again. (‘Juan was in-his journalist again’.)
..dy vel kiangley..(the-vell-K’YANG-la) -..that there is a link..