Dunveryssyn yn Tooder-Folley - The Vampire Murders

Skeeal straneagh liorish Brian Stowell: Ayrn 84
A serial story by Brian Stowell: Part 84

Dooyrt Sidebotham: ‘Shinyn ayns Mannin, cha nel shin gra “çheer vooar”. Ta shinyn loayrt mychione ny “ellanyn sniessey”. As ta fir-lhee yindyssagh ain er yn ellan shoh. Ec y traa t’ayn, ta nane jeu çheet dy chur cooney da’n Ard-Veoir-Shee. Cha nel eshyn ro olk......nish, son shickyrys, ta, as va, tutlerys goll mygeayrt mychione baaseyn ny deiney shoh. Agh veagh eh quaagh mannagh beagh sleih goaill cowag mychione y lheid, nagh beagh? Cha nel shen obbyr ny meoiryn-shee, dy ve smooinaghtyn mychione tutlerys dy dowin. Son shickyrys, ta shin cur geill ennagh da, agh cha nel shin rouyr geill da.’
‘C’red ta obbyr ny meoiryn-shee, eisht?’ vrie yn earisheyr lunagh.
‘Feddyn magh row kimmeeys erbee bentyn rish baaseyn ny deiney shoh’, dreggyr Sidebotham. ‘As my va kimmeeys sy chooish, glackey sleih ta loght jeant oc, foddee.’
‘As vel shiu er-çhee glackey peiagh erbee ayns ny cooishyn shoh?’ vrie earisheyr elley. Foddee dy vel y fer lunagh coayl bree, smooinee Sidebotham.
‘Cha nel’, dreggyr Sidebotham. ‘Agh ga nagh dooar ny deiney shoh baase kyndagh rish ny tuill ayns ny mwannallyn oc, cha nel shen yn un red as gra nagh row kimmeeys erbee ayn’.
----------------------------------------------------------------------------------------------------------------
..loayrt mychione ny “ellanyn sniessey”. (LAWRT-ma-H’YOWN-na-ELL-yan-un- SN’YETH-a) -..speaking about the adjacent (nearest) islands.
..ta fir-lhee yindyssagh ain..(ta-FIRR-L’YEE-YIND-iss-akh-INE) -..we have wonderful doctors.. Note: plural of ‘fer’ is ‘fir’.
..ta nane jeu çheet..(ta-NAAN-JAA-oo-CHITT) -..one of-them is coming..
..ta, as va, tutlerys goll mygeayrt ..(TAA, azz-VAA, TUTT-lerr-iss-gull-ma-GEERT) - ..there is, and there was, gossip going around..
..veagh eh quaagh..(VEE-ukh-a-KWAAKH) - ..it would be strange..
..mannagh beagh sleih goaill cowag mychione y lheid..(MANN-akh-BEE-ukh-SLA- ee-goyl-COW-ag-ma-H’YOWN-a-L’YIDD) - ..if people weren’t chatting about the like..(‘..if people would not be taking a a chat about the like..’)
..ta shin cur geill ennagh da..(ta-shin-kurr-GAYL-enn-YAKH-daa) - ..we pay (give) some attention to-it..
..vrie yn earisheyr lunagh. (VRY-in-irr-ish-AYR-LOON-akh) - ..the sarcastic journalist asked.. Alternatively: ..ren yn earisheyr lunagh briaght..
Feddyn magh row kimmeeys erbee bentyn rish baaseyn ny deiney shoh..(FETH- un-MAKH-row-KIMM-ee-iss-er-BEE-BENT-in-rish-BAASS-un-na-DAYN-ya- shaw) - Finding out if there was any criminality associated with the deaths of these men.
As my va kimmeeys sy chooish..(azz-ma-va-KIMM-ee-iss-sa-KHOOSH) - And if there was criminality in the matter/affair...
..glackey sleih ta loght jeant oc..(GLACK-a-SLA-ee-ta-LAWKHT-jinnt-ock) - ..apprehending people who have committed a crime..
..ga nagh dooar ny deiney shoh baase..(gaa-nakh-DOOR-na-DAYN-ya-shaw- BAASS) - ..although these men did not die...
..cha nel shen yn un red..(ha-NELL-shen-in-UNN-ridd) -..that’s not the same thing..