Dunveryssyn yn Tooder-Folley - The Vampire Murders

Skeeal straneagh liorish Brian Stowell: Ayrn 86
A serial story by Brian Stowell: Part 86

‘Lhisagh shiu lhiggey da’n fer aeg shoh leedeil y ronsaght!’ dooyrt yn earisheyr lunagh as eh cowraghey magh Juan. Ren Sidebotham mongey er aght annoon.
Ec thie ooasle ayns Doolish, va ny goaldee berçhagh goaill taitnys jeh goaill cowag, giu jough as gee bee. Çheu-mooie ayns y gharey aalin, va sheshaght-chiaullee kiaulley as paitçhyn cloie er y faaie yindyssagh. Va ushtey goll er spreih ass farraneyn cooyrtoil. Va’n ghrian soilshean as va dy chooilley nhee feer vie.
She giense-garey v’ayn, nane jeh ram giensaghyn-garey reaghit ec Mnr Williams dy hymsaghey argid son y hospys. Eer Mnr Williams, delleyder berçhagh, v’eh goaill yindys ec yn argid va goll er çhymsaghey. Va thousaneyn rowlal stiagh. Va sleih ennagh gaccan nagh row monney argid faagit son sheshaghtyn giastyllagh elley.
Va Magnus Williams, mac y delleyder, rouail mygeayrt marish e charrey Clejeen Gill. Va ayr Vagnus er ghuee ersyn eh dy heet gys y giense-garey. ‘Bee sleih anaasagh ayn’, va’n ayr er ghra. ‘Shione dooys nagh mie lhiats lheid y sleih shen, agh jean prowal gyn y ve cho keyl-aignagh...’
----------------------------------------------------------------------------------------------------------------
Lhisagh shiu lhiggey da’n fer aeg shoh..(L’YITH-akh-shoo-L’YIGG-a-daan-FERR- AAG-SHAW) - You should allow (to) this young man..
..leedeil y ronsaght (lee-JAYL-a-RONZ-akht) - ...to lead (‘leading’) the investigation
..as eh cowraghey magh..(azz-ay-KOW-rakh-a-makh) - ‘and he indicating..’
Ren Sidebotham mongey er aght annoon. (renn-S.-MONG-a-err-AKHT-a-NOON) -
Sidebotham smiled in (on) a feeble way.
Alternatively: Vong Sidebotham er aght annoon.
..va ny goaldee berçhagh goaill taitnys..(va-na-GAWLD-ee-BERCH-akh-GAWL- TATT-n’yiss) - ..the rich guests were enjoying.. (‘..were taking pleasure..’)
..cloie er y faaie yindyssagh..(KLA-ee-err-a-FAA-ee-YIND-iss-akh) - ..playing on the wonderful lawn..
Va ushtey goll er spreih (va-USH-cha-gull-err-SPRA-ee) Water was being sprayed
..ass farraneyn cooyrtoil. (ass-farr-AAN-un-koort-OLE) - ..out of polite fountains.
She giense-garey v’ayn..(shay-G’YINSS-GAAR-a-vawn) - It was a garden party..
..dy hymsaghey argid..(the-HUM-zakh-a-ERG-id) - ..to collect money..
..son sheshaghtyn giastyllagh elley. (son-SHEZH-akht-un-G’YAST-ill-akh-ELL-ya) - ..for other charitable societies.
Va ayr Vagnus er ghuee ersyn eh dy heet..(va-AIR-VAG-nus-err-GHWEE-err-sin- AY-the-HITT) - Magnus’s father had pleaded with him to come.. (‘The father of Magnus was after entreating on-him he to come..’
Bee sleih anaasagh ayn..(bee-SLA-ee-an-AAS-akh-awn) - There’ll be interesting people there..
Shione dooys nagh mie lhiats..(SHOHN-DOO-iss-nakh-MY-L’YATTS) - I know you don’t like..
Note: ‘dooys’ is the emphatic of ‘dou’ - ‘to me’ and ‘lhiats’ is the emphatic of ‘lhiat’ - ‘with-you’.
..jean prowal gyn y ve cho keyl-aignagh..(JINN-PROW-al-GINN-a-vay-ho-KEEL- AGG-n’yakh) - ..try not to be so narrow minded..