Dunveryssyn yn Tooder-Folley - The Vampire Murders

Skeeal straneagh liorish Brian Stowell: Ayrn 89
A serial story by Brian Stowell: Part 89

Cha row eh fakin y folt doo, ny sooillyn dhone, ny craueyn-eddin mettey, y beeal gyn foill as corp aalin e charrey. Agh, ga dy row ee smooinaghtyn er cooishyn elley, va ayrn jeh enneeyn Chlejeen cur geill da Magnus. V’ee clashtyn eh loayrt as loayrt, ga nagh row ee geaishtagh rish ny focklyn. Er aght ennagh, v’ee fakin ny sooillyn corree as y beeal elgyssagh. Va Magnus beg dy liooar, goll rish y voir as ayr echey. Veagh folt doo echey, agh va’n kione echey baarit dy bollagh. Va faasag doo echey as v’eh shang dy liooar. V’eh kinjagh lane dy vree as va ny roihaghyn as lurgaghyn echey gleashaghey car y traa myr dy beagh eh ferrish keoi. Va meeryn dy vetal goll trooid tuill sy chorp echey ayns shoh as ayns shid.
Va moir as ayr Vagnus jeant bwooiagh tra ghow eh toshiaght dy hooyl magh marish Clejeen, ben aeg va cho aalin as dy row sleih çhyndaa mygeayrt dy yeeaghyn urree sy ‘traid. Heill y voir as ayr dy jinnagh Clejeen cur er y vac oc dy ve ny s’kiuney, agh cha ren shen taghyrt.
----------------------------------------------------------------------------------------------------------------
..ny craueyn-eddin mettey..(na-KRA-oo-un-ETH-in-METH-a) - ..the delicate cheek-bones (face-bones)
.. y beeal gyn foill as corp aalin e charrey. (a-BEE-al-ginn-FO-ill-azz-KORP-AAL-in- a-KHARR-a) - the faultless mouth and the beautiful body of his friend.
..va ayrn jeh enneeyn Chlejeen cur geill da Magnus. (va-ARN-jay-ENN-yin-khlej- ENN-kur-GAYL-daa-MAG-nus) - ..part of Clejeen’s brain was paying (giving) attention to Magnus. Note: ‘enneeyn’ has no singular.
..ny sooillyn corree as y beeal elgyssagh. (na-SOOL-yun-KORR-ee-azz-a-BEE-al- ELG-iss-akh) - ..the angry eyes and the spiteful mouth.
..goll rish y voir as ayr echey. (GORR-ish-a-VAWR-azz-AIR-egg-a-) -..like his mother and father.. (‘..like the mother and father at-him.’)
..va’n kione echey baarit dy bollagh. (van-K’YOWN-egg-a-BAAR-it-the-BOLL-akh) - .. his head was shaved completely.
..va ny roihaghyn as lurgaghyn echey gleashaghey car y traa..(va-na-RA-ee-akh- un-azz-LURG-akh-un-egg-a-GLAYSH-akh-a-car-a-TRAA) - ..his arms and legs were moving all the time..
..myr dy beagh eh ferrish keoi..(mar-the-BEE-ukh-a-FERR-ish-KA-ee) - ..as if he were a mad fairy..(‘..as if he would be a mad fairy..’)
Va meeryn dy vetal goll trooid tuill..(va-MEER-un-the-VETT-al-gull-trood-TOO-ill) - Pieces of metal were going through..
Va moir as ayr Vagnus jeant bwooiagh..(va-MAWR-azz-AIR-VAG-nus-JINNT- BWEE-akh) - Magnus’s mother and father were pleased..(‘..made pleased..’)
..tra ghow eh toshiaght..(traa-GHOW-a-TOZH-akht) -..when he started..
Alternatively: ‘..tra ren eh goaill toshiaght..’
..va cho aalin as dy row sleih çhyndaa..(va-ho-AAL-in-azz-the-row-SLA-ee-chin- DAA) - (who) was so beautiful that people were turning..)
Heill y voir as ayr..(HEEL-a-VAWR-azz-AIR) - The mother and father supposed..
..dy jinnagh Clejeen cur er y vac oc dy ve ny s’kiuney..(the-JINN-akh-klej-EEN-kur- err-a-VACK-OCK-the-vay-na-SK’YOON-ya) - ..that Clejeen would make their son more calm.. (‘..that Clejeen would put on the son at-them to be calmer..’)