Dunveryssyn yn Tooder-Folley - The Vampire Murders

Skeeal straneagh liorish Brian Stowell: Ayrn 90
A serial story by Brian Stowell: Part 90

Dy jarroo, neayr’s ghow Magnus toshiaght dy hooyl magh marish ‘y ven aeg chiune’ shoh, haink eh dy ve ny smoo corree as ny smoo elgyssagh foast. Cha dooyrt caarjyn voir as ayr Vagnus veg roosyn my-e-chione, agh, ny mast’oc hene, v’ad gaccan mychione y fer aeg lunagh, agglagh shoh.
Va Clejeen as Magnus moostit ass nyn smooinaghtyn liorish gong va goll er bwoalley dy niartal faggys da uinnag foshlit sy thie. Va shen soilshaghey dy row ayr Vagnus er-çhee fockley magh quoid argid v’ad er jymsaghey son y hospys ec y giense-garey.
‘Chreest, cha noddym jannoo lesh shen!’ ren Magnus gaccan. Agh dooyrt Clejeen:
‘Lhig dooin goll erash dys y thie - ta mish laccal tooilley jough’.
‘Shen eie mie’, dooyrt Magnus. Hie ad erash dy tappee dy ‘luggey sheese gless ny ghaa dy hampane roish my row ayr Vagnus loayrt. V’ad giu y nah ghless tra dooyrt Mnr Williams rish y çhionnal sy çhamyr-soie vooar dy row ad er jymsaghey un thousane, queig cheead as tree feed punt y fastyr shen.
Er lhimmey jeh Magnus as Clejeen, ren dy chooilley pheiagh bwoalley bassyn.
‘Yindyssagh!’ as ‘Jeant dy mie!’ ren ad gyllagh magh.
----------------------------------------------------------------------------------------------------------------
..marish ‘y ven aeg chiune shoh’..(MAA-rish-a-VEN-AAG-H’YOON-SHAW) - ..with ‘this calm young woman’.. Note: ‘marish’ - ‘in company with’
..haink eh dy ve ny smoo corree as ny smoo elgyssagh foast. (HENK-a-the-vay-na- smoo-KORR-ee-azz-na-smoo-ELG-iss-akh-FOHSS) - ..he became even more angry and spiteful (‘he came to be more angry and more spiteful still..’)
Cha dooyrt caarjyn voir as ayr Vagnus veg roosyn my-e-chione..(ha-DOORT-KERJ- un-VAWR-azz-AIR-VAG-nus-veg-ROO-zun-ma-a-H’YOWN) - ‘The friends of the mother and father of Magnus did not say anything to-them about it..’
..y fer aeg lunagh, agglagh shoh. (a-FERR-AAG-LOON-akh, AGG-lakh-SHAW) - ..this rude, frightful young man..
Va Clejeen as Magnus moostit ass nyn smooinaghtyn..(va-klej-ENN-azz-MAG-nus- MOOST-it-ass-nin-SMUNN-yakht-in)
..va goll er bwoalley..(va-GULL-err-BOOL-a) -..(which) was being struck..
Va shen soilshaghey..(va-SHAW-SA-eel-zhakh-a) - This was declaring (showing)..
..er-çhee fockley magh quoid argid..(er-CHEE-FAWG-la-MAKH-kwud-ERG-id) - ..about to (on the point of) announcing how much money..
..v’ad er jymsaghey..(vadd-err-JUM-sakh-a) - ..they had collected..(‘after collecting’)
Note; ‘çhymsaghey’ goes to ‘jymsaghey’ here.
..cha noddym jannoo lesh shen! (ha-NOTH-im-JINN-oo-lesh-SHEN!) - I can’t do with that!
..dy ‘luggey sheese gless ny ghaa dy hampane..(the-LUGG-a-SHEESS-GLESS- na-GHAA-the-hamp-AAN) - ..to swallow down a glass or two of champagne..
..roish my row ayr Vagnus loayrt. (ROHSH-ma-ROW-AIR-VAG-nus-LAWRT) - ..before Magnus’s father was speaking.
..rish y çhionnal..(rish-a-CHONN-al) -..to the crowd..
..ren dy chooilley pheiagh bwoalley bassyn. (renn-the-KHULL-ya-PHA-ee-akh- BOOL-a-BAZZ-un) - ..everyone clapped..(‘struck palms’)