Dunveryssyn yn Tooder-Folley - The Vampire Murders

Skeeal straneagh liorish Brian Stowell: Ayrn 93
A serial story by Brian Stowell: Part 93

Agh ec y traa cheddin v’eh ymmydoil dy hannaghtyn çheu-sthie jeh camp y noid as feddyn magh ny va taghyrt mastey’n sleih va stiurey’n Ellan (ny foddee v’ad smooinaghtyn dy row ad stiurey’n Ellan).
‘Hooin roin dys cummal-rea Illiam’, dooyrt Cleejeen. Cha dooyrt Magnus veg. Myr shen, hooill ad dys cummal-rea Illiam Gill, fer aeg feer aghtal v’er shooyl magh ass ollooscoill raad v’eh goll er traenal myr fer-lhee. V’eh cummal ayns ard jeh Doolish va garroo dy liooar. Cha dod e voir as ayr toiggal cre’n fa nagh jinnagh eh çheet dy valley. Va’n ayr foast feer chorree dy row e vac er cheau ersooyl y caa dy ve ny ghooinney doaiagh.
Daag Magnus as Clejeen ny thieyn glen as garaghyn glassey as haink ad dys ny shenn thieyn-aaght va giarrit seose ayns cummalyn-rea. Hie ad stiagh sy thie raad va Illiam cummal. Va ben aeg shooyl noon as noal syn entreilys as babban keayney ayns ny roihaghyn eck.
----------------------------------------------------------------------------------------------------------------
.. v’eh ymmydoil dy hannaghtyn ..(vay-imm-ud-OLE-the-HANN-akht-un) -..it was useful to stay..
.. camp y noid .. (KAMP-a-NOHDJ) - ..the camp of the enemy ..
.. ny va taghyrt mastey’n sleih va stiurey’n Ellan..(na-va-TAGH-ert-MAST-an-SLA- ee-va-SCHOOR-an-ELLyan) - .. what was happening amongst the people (who) were directing the Island..
Hooin roin dys cummal-rea Illiam ..(HOON-RONE-duss-KUMM-al-RAY-ILL-yam) - Let’s go to Illiam’s flat .. (‘... to the flat of Illiam’)Not ‘y cummal-rea Illiam’
..fer aeg feer aghtal .. (ferr-aag-FEER-AGHT-al) - a very clever young man ..
..v’er shooyl magh ass ollooscoill..(verr-SHOO-al-MAKH-ass-OLL-oo-SKOLL) - ..(who) had walked out of a university.. (‘..(who) was after walking out ..’)
..raad v’eh goll er traenal myr fer-lhee. (RAAD-vay-GULL-err-TRAIN-al-mar-FERR- L’YEE) - ..where he was being trained as a doctor. (‘..going on training ..’)
Cha dod e voir as ayr toiggal.. (ha-DODD-a-VAWR-azz-AIR-TIGG-al) - His mother and father could not understand ...
Note: ‘dod’ is the PAST tense and ‘oddin’, ‘oddagh’, etc., is the CONDITIONALtense: ‘Cha dod e voir ..’ - ‘His mother was not able..’
But: ‘Cha noddagh e voir ...’ - ‘His mother would not be able ... ‘
..dy row e vac er cheau ersooyl y caa ..(the-row-a-VACK-err-H’YOW-er-SOOL-a- KAA) - .. that his son had thrown away the chance..
..dy ve ny ghooinney doaiagh. (the-vay-na-WUNN-ya-DAW-yakh) - ..to be a respectable man. (‘..to be in-his respectable man’.)
Daag Magnus as Clejeen..- Magnus and Clejeen left ...
To form the past tense here, take the stem and replace the ‘f’ with ‘d’:
Faag! = Leave! daag = left
Alternatively: Ren Magnus as Clejeen faagail ...
Va ben aeg shooyl noon as noal ..(va-BEN-AAG-SHOO-al-NOON-azz-NAWL) - A young woman was walking backwards and forwards..
.. as babban keayney ayns ny roihaghyn eck. (azz-BABB-an-KAYN-ya-unnss-na-RA-ee-akh-un-eck) - ‘.. and a baby crying in the arms at-her’.