Dunveryssyn yn Tooder-Folley - The Vampire Murders

Skeeal straneagh liorish Brian Stowell: Ayrn 95
A serial story by Brian Stowell: Part 95

V’eh gaccan dy mennick mychione y mayl v’eh geeck da shellooder yn thie, oltey jeh’n Chiare as Feed va nane jeh ny goaldee ec giense-garey ayr as moir Vagnus.
Hoie Clejeen sheese er yn aashag marish Magnus as dooyrt ee rish Illiam: ‘Dooys cappan dy hey’.
Dreggyr Illiam: ‘Abbyr “My sailt” as verrym dhyt eh. Vel y fer quaagh laccal tey neesht?’
Ren Clejeen gearey. ‘Foddee nagh vel, agh jean paart da - my sailt’.
Ghow Illiam toshiaght dy yannoo y tey as eh gyindys cre’n fa va ben cho aalin as tastagh as shen shooyl magh marish lheid y toot shen. Agh shen yn aght. Smooinee Illiam dy jinnagh eh greinnaghey Magnus gys corree.
‘Cre’n fa t’ou tuittym magh reesht lesh lught yn argid? Nagh nod oo tannaghtyn dty host as çheet dy ve feer verçhagh?’ dooyrt Illiam rish Magnus.
Haink Magnus dy ve corree, agh cha nee feer chorree. ‘Cha jinnins lhiggey da Peddyr Shimmin soiaghey beg jeem myr shen!’ dooyrt eh.
‘Agh cre’n oyr v’ou gimraa Mylvoirrey as Watterson?’ dooyrt Clejeen. ‘Cha lhisagh oo er nyannoo shen!’ As rish Illiam: ‘V’eh gra dy beagh sooder-foalley marroo Shimmin er yn aght cheddin as v’adsyn marrooit!’
‘Va mee rieau smooinaghtyn dy row feeacklyn liauyr ec Magnus’, dooyrt Illiam.
----------------------------------------------------------------------------------------------------------------
..y mayl v’eh geeck da ..(a-MAAL-vay-GEECK-daa) - ..the rent he was paying to ..
..shellooder yn thie..(SHELL-ood-er-in-TY) -..the owner of the house..
..va nane jeh ny goaldee..(va-NAAN-jay-na-GAWLD-ee) - (who) was one of the guests..
..ec giense-garey ayr as moir Vagnus. (eck-G’YINSS-GAAR-a-AIR-azz-MAWR- VAG-nus) - ‘..at the garden party of the father and mother of Magnus.’ = ..at Magnus’ father’s and mother’s garden party.
Dooys cappan dy hey. (DOO-iss-KAVV-an-the-HAY) - Give me a cup of tea.
..verrym dhyt eh. (VERR-im-DUT-a) - I will give it to you. (‘I’ll give to-you it’.)
Alternatively: ...nee’m cur dhyt eh / ..nee’m cur eh dhyt.
..jean paart da..(jinn-purt-daa) - ..make some for-him..
..as eh gyindys..(azz-ay-G’YIND-iss) - ‘.. and he wondering..’
..lheid y toot shen...(L’YID-a-TOOT-SHEN) -.. the likes of that idiot..
..dy jinnagh eh greinnaghey Magnus gys corree. (the-JINN-akh-a-GRENN-yakh-a- MAG-nus-guss-KORR-ee) - ..that he would incite Magnus to anger.
Nagh nod oo tannaghtyn dty host..? (nakh-nod-oo-TANN-akht-un-the-HUSST?) - Can”t you stay quiet ..? (‘Can’t you stay in-your silence..?’)
Cha jinnins lhiggey da Peddyr Shimmin soiaghey beg jeem ..(ha-JINN-ins-L’YIGG- a-daa-PEDD-er-SHIMM-in-SA-ee-akh-a-BEG-jeem) - I wouldn’t let (to) Peter Shimmin slight me ... (‘..setting little of-me..’)
Cha lhisagh oo er nyannoo shen! (ha-L’YITH-akh-oo-err-N’YINN-oo-shen!) - You shouldn’t have done that!
..er yn aght cheddin as v’adsyn marrooit! (err-in-AKHT-KHITH-in-azz-VADD-sun- MARR-oo-it!) - ..in (on) the same way as they were killed!
..rieau smooinaghtyn..(r’yoo-SMUNN-yakht-in) - ..always (ever) thinking..