Dunveryssyn yn Tooder-Folley - The Vampire Murders

Skeeal straneagh liorish Brian Stowell: Ayrn 98
A serial story by Brian Stowell: Part 98

Agh dy jinnagh ad çheet dy ve ainjyssagh rish Illiam veagh ad goaill yindys dy row y fer keoie shoh ny ghooinney ynsit as meen. Va’n cummal-rea echey lane dy lioaryn trome v’eh cliaghtey lhaih anmagh er yn oie. V’eh jooigh son resoonaght inçhynagh, red va goan dy liooar sy vea echey. Agh, myr v’eh gra rish hene dy mennick, c’raad va resoonaght inçhynagh onneragh ry-gheddyn boayl erbee?
S’anvennick va’n lheid ry-gheddyn mastey fir-lhee.
Va’n troor floateil ayns ny seihllyn oc hene. Ghow Clejeen toshiaght dy gharaghtee. ‘Shenn deiney jollyssagh!’ ren ee giggleragh. ‘Credjal ayns sooderyn-foalley neesht! Agh t’ad ersooyl thie nish ..... cha row mee jerkal rish shen ....’
Haink teaym elley er Cleejeen dy doaltattym as v’ee bunnys keayney. ‘Quoi ny shenn deiney jollyssagh?’ vrie Illiam. ‘Cha row fys aym dy row enney ayd er shenn deiney jollyssagh!’
‘Ta enney ecksh er shenn deiney dy liooar’, dooyrt Magnus. Ren Illiam prowal dy smooinaghtyn er freggyrt aghtal agh va’n kennip jannoo er ny smoo as cha ren eh agh gearey. Agh lurg shen v’eh smooinaghtyn dy dowin er goan Chlejeen.
Ayns ard-stashoonyn ny meoiryn-shee ayns Doolish, cha row yn Ard-Veoir-Shee Baldwin gennaghtyn ro vie. V’eh ayns yn offish echey marish daa chronneyder va’n Oik Sthie er chur gys Mannin dy chooney lesh meoiryn-shee Vannin as adsyn prowal dy ‘eddyn y peiagh ny’n sleih ren marroo y daa ghooinney scanshoil.
----------------------------------------------------------------------------------------------------------------
Agh dy jinnagh ad çheet dy ve ainjyssagh rish Illiam..(akh-the-JINN-akh-add- CHITT-the-vay-AYN-jiss-akh-rish..) - But if they became acquainted with...
..veagh ad goaill yindys dy row y fer keoie shoh ny ghooinney ynsit as meen. (VEE- ukh-add-GOYL-YINND-iss-the-ROW-a-FERR-KA-ee-SHAW-na-WUNN-ya- INN-zit-azz-MEEN) - ‘..they would be taking wonder that this mad man was in-his learned and meek man’.
V’eh jooigh son resoonaght inçhynagh..(vay-JOOKH-son-rezz-OON-akht-INN-chin- akh) - He was greedy for intellectual debate ...
S’anvennick va’n lheid ry-gheddyn mastey fir-lhee. (san-VENN-ick-van-L’YIDD-ra- GHETH-un-MAST-a-FIRR-L’YEE) - ‘It’s seldom the like was to be found amongst doctors.’
.. ayns ny seihllyn oc hene. (unnss-na-SAYL-un-ock-HEEN) - ..in their own worlds.
Shenn deiney jollyssagh! (SHANN-DAYN-ya-JOLL-iss-akh!) - Ravenous old men!
Agh t’ad ersooyl thie nish ..(akh-tadd-er-SOOL-TY-NISH) - But they’re away home now .. Euphemism for ‘They’re dead now..’
Haink teaym elley er Cleejeen dy doaltattym..(HENK-TAYM-ELL-ya-err-KLEJ-een- the-dawl-TADJ-um) - Another mood came on Clejeen suddenly ...
.. cha ren eh agh gearey. (ha-RENN-a-akh-GAYR-a) - .. he only laughed.
.. dy dowin er goan Chlejeen. (the-DOW-in-err-GAWN-khlej-EEN) - ..deeply on Clejeen’s words. ‘Goan’ means ‘Spoken words’.
..marish daa chronneyder va’n Oik Sthie er chur gys Mannin..(MAA-rish-DAA- KHRONN-ad-er-van-EECK-STY-err-KHURR-gus..) -..with two detectives the Home Office had sent to the Isle of Man.