Poblaght Vannin?
A Manx Republic? Since it is the present position that all Acts passed in Tynwald must receive the 'Royal Assent' (and be promulgated at Tynwald on 5th July) before passing into law permanently, this necessitates the over seeing of such Acts by the Privy Council on which there are no Manx members; that is to say, that all Acts of Tynwald are overseen by an 'authority' in which the Isle of Man is not represented. Since this procedure is inextricably tied up with the function of the English monarch in his / her capacity as Lord of Man - not King / Queen - then the removal of this procedure would of necessity result in the removal of the office of the Lord of Man.
Tamain er chlashtyn ram mychione yn clat-veih (birch) ayns ny shiaghteeyn shoh chaie, dy vel ram deiney ayns Mannin gaccan dy vel yn ynrican red v'oc dy chummal shee ayns yn Ellan goll sheese y Swany. Agh ayns firrinys, myr ta fys ec dy chooilley pheiagh nish, shoh aght da ny Sostnee dy gheddyn greme gloon er gloon er yn Ellan. Ec y traa t'ayn, maidjey rish dagh Aght t'er ngoll trooid Tynvaal, shegin da Chiarn Vannin dagh Aght shoh y liakal roish my vod eh coondit myr Aght leighoil ayns yn Ellan, as er y fa dy nheign da dagh Aght shoh goll fo hooillyn yn Choonceil Follit, nagh vel peiagh erbee ayn dy loayrt ass leih ny Manninee, ta shen lhiggey er dy vel kiartys ny cairys ec reiltys joarree dy yeeaghyn harrish dagh red ta ny Manninee son jannoo. Foddee dy beagh sleih ayns cordailys rish shoh my she ayrn jeh Reeriaght Unnanyssit va Ellan Vannin, agh cha nee shoh yn chooish. Ta shoh gollrish gra dy vel kiartys ec ny Americanee dy yeeaghyn harrish gagh red ta ny Sostnee son jannoo. My she yn chooish yn red shen, by ghiall dy bee ny Sostnee gaccan dy lajer noi echey. Skiart eh dy ghra dy re Chiarn Vannin Ben-Rein ny Sostnee, as my t'eh ymmyrchagh son coonceil dy ve ayn, lhisagh eh ve er ny yannoo seose lesh Manninee. Agh er y fa nagh re shen yn chooish, as mannagh vel dy liooar sleih ayns Mannin jeant magh lesh y stayd shoh, my tamain geearree geddyn reh rish pooar ny Sostnee dy reayll arrey orrin syn aght shoh, shegin yn kiangltys shoh y vrishey. Red elley, ta pooar ec ny Sostnee dy chroo leighyn son ny Manninee, ny dy yannoo ny Manninee kercheenagh roo, as t'ad abyl shoh y yannoo trooid yn kiangltys ta eddyr Mannin as yn Chrooin Hostnagh. Tamain coontey dy re neu-ghemocratagh yn red shoh dy vel ny Sostnee abyl jannoo shoh er y fa nagh vel oltey ny peiagh erbee ayns reiltys Hostyn dy loayrt ass nyn leih. Cha nod y lheid ve ayn er yn oyr dy vel reiltys ain hene hannah. Ta daa choorse foshlit roin:
a) dy chur seose yn reiltys ain as dy huittym stiagh lesh ny Sostnee, ny
b) dy vrishey ersooyl veih niart ny Sostnee dy bollagh, as my tamain laccal geddyn rey rish yn aght ta ny Sostnee jargal reill harrish ny Manninee, shegin dooin geddyn rey rish yn red dy yannoo shen jeantagh, ta shen dy ghra, oik Chiarn Vannin as dy chur er bun poblaght vees ayns neuspliaaghys (independence) veih reill ny Sostnee. Ta shenn chairys bunraghtagh ec ny Manninee dy reih cre erbee peiagh t'ad laccal dy reill harrystoo, as ta'n cairys oc nearys lhing Ree Ghorree Crovan. Ayns ny shenn laghyn cha voddagh peiagh erbee, ny ree erbee, reill ayns Mannin gyn cordailys ny Manninee. T'eh orrin nish dy ghreinnaghey ny Manninee er y raad shoh. Er y fa dy vel ny Manninee corree rish ny Sostnee nish maidjey rish y clat-veih, as dy vel dy liooar sleih sy reiltys ain nish smooinaghtyn dy lhaggaghey ny dy vrishey ny lhoobyn ta kiangle Mannin as Sostyn, shen yn chied chesmad er y raad. She orraghey jeh Gleayshaght Phoblaghtagh Vannin (The Manx Republican movement) dy vrasnaghey as dy ghreesaghey eieghyn ayns y pobble dy cheau ersooyl leighalyssyn erbee oc rish y chrooin (shen job vooar) as dy chooney lhien Poblaght Vannin y chur er bun.
Shorus Y Creayrie.