Carn 5

Builley Noi Paris


(The recent blowing-up of a French television pylon in Brittany highlighted the ludicrously small time allocated to Breton by the French radio and TV services)


Heid yn FLB (Front cour Seyrey yn Vritaan) toor chellooish seose sy nah vee ec Roc'h Tredudon sy Vritaan Heear. She polt mooar v'ayn as bee yn stashoon chellooish ass ymmyd son meeghyn. Traa haghyr yn polt, va'n radio as yn shirveish chellvane ass ymmyd dy shallidagh. Va'n toor hene, ta 600 trie er yrjid, brisht ayns daa pheesh. Daag lught yn FLB fogrey soilshaghey magh dy heid ad yn toor seose son yn chengey Vritaanagh.

Ga dy bee thousaneyn dy 'leih sy Vritaan Heear fegooish yn chellooish, bee ad fegooish propaganda Frangagh neesht. Ga dy vel ymmodee sleih Britaanagh loayrt yn Vritaanish, cha nel ad geddyn agh minnid ny ghaa aynjee er yn chellooish gagh shiaghtin. Ta'n skeeal bunnys cho olk as shen er yn radio neesht. By vie lesh Paris yn Vritaanish y gheddyn baase dy slane.

Yiowmayd magh nish vees lught stiurey ny chellooish as nyn mainstyryn politickagh arryltagh ny smoo traa y chur da'n chengey.

(15-3-74) Brian Mac Stoyll