Carn 6

Bee ny Sostnee Gimmeeaght?

(After the Ulster Workers' Council Strike, Whitehall seems to have no policy on Northern Ireland. British politicians have always deplored Irish nationalism but seem to be willing to make concessions to "Ulster nationalism").

Tree laa erreish da Stan Orme v'er chur er yn SDLP Coonseil Nerin y chur seose, hie sheer-unnaneyseyryn stiagh ayns ynnydyn-obbree ayns Nerin Twoaie as hug ad er ny hobbreeyn goll er stholk - lesh y chooney jeh gunnyn. Syn ynnyd jeh jannoo red ennagh, haink Wilson boght er yn chellooish as ren eh branlaadee mychione "spongers". Nee yn boghtynid shoh jeeyl vooar da'n Cheshaght Obbree Hostnagh - hig yn laa, my ta.

As nish, t'eh baghtal ry-akin nagh vel fys ec Lunnin cre nee ad jannoo. Tra loayr mee rish ayns Parliament un vlein er dy henney, dooyrt Merlyn Rees rhym dy vel eh toiggal ny Yernee er y fa dy vel eh ny Cheltiagh (she Bretnagh eshyn). Ta treisht aym dy vel eh toiggal ad. Ta mee shickyr nagh vel eh toiggal yn "ashoonaghys Ultagh" shen t'eh er ngeddyn lesh shoh. Cre'n anchaslys t'eddyr yn "ashoonaghys" shoh as shenn vian ny Unnaneysyeyryn yn "cheer oc hene" y reill gyn Lunnin ve cur y drogh orroo? Veg d'anchaslys, dy jarroo! Shegin da gagh Celtiagh as dagh dooinney ta cur graih da cairys jannoo e chooid share dy chaggey noi'n fashistaghys ayns Nerin Twoaie.

Brian Mac Stoyll