Carn 7

Ashoonaghys Albinagh as yn Reihys Goaldagh


(Although consigned to a premature grave by many political commentators in 1970, the SNP is now in a position of really influencing the speed with which power is switched from London to Edinburgh).

Va Sheshaght Ashoonagh ny hAlbey currit er bun sy vlein 1934, agh cha dug monney sleih geill da'n Cheshaght SNP derrey jeih bleeaney er dy henney. Cha dooar yn SNP agh 0.8% jeh ny voteyn ayns 1959 - agh lurg yn reihys s'jerree she yn SNP yn cheshaght s'troshey lurg yn Cheshaght Obbree ayns Nalbin, rere ny voteyn. As ayns bree as spyrryd ec yn traa t'ayn, she yn SNP yn cheshaght smoo. Ga dy ghow yn SNP soieagyn veih ny Thoreeyn yn keayrt shoh as gyn veih ny ''Sostnee" elley, hug yn SNP aggle vooar er yn Cheshaght Obbree. As nish ta'n cheshaght shen aarloo dy smooinaght er red v'ad coontey y ve traidoorys roish nish - cur pooar (beggan?) da Dunedin. Hooar yn SNP un toieag jeig ayns Kiare as Feed Westminster. Foddee dy re red mie eh nagh dooar ad tooilley ta deiney ennagh ayns Lunnin fuirraght rish yn laa vees ad abyl dy scoltey yn SNP edyr yn skian jesh as yn skian toshtal.

Brian y Stoyll. 27 / 10 / 74.