Carn 8

Ceau ny Paddies Magh.


(Not only Irish people and sympathisers are disturbed by England's Prevention of Terrorism (Temporary Provisions) Act. Some English MP's have expressed their concern over the operation of this Act and over the increasing tendency to involve the judiciary in politics).

Haink yn Slattys noi Atchimys (Shallidagh) ayns feme ayns Sostyn Jeheiney, 29 Mee Houney. Hug y slattys shoh er Arm Pobblaghtagh ny hErin y ve ny heshaght anleighalagh as hug eh kied da ny poleenyn sleih fo ourys chummal as 'eyshtey rish shiaght laa. Nish fod Mnr Jenkins, Scrudeyr Hostyn, ceau magh ass y cheer peiagh erbee t'eh coontey y ve ny 'er-atchimys - gyn boirey mychione cooyrtyn as nyn lheid. Lurg ny bleaystanyn ayns Birmingham, va'n chooid smoo dy 'leih ayns Sostyn arryltagh dy cheau ersooyl nyn seyrsnys ooilley dy noddagh ad geddyn greme er ny fir vleaystan. Agh veih'n toshiaght, va M.P. ny ghaa feer voirit mychione yn Aght shoh, ny mast-oc Stan Thorne as Leo Abse. Hug ad raaue dy beagh Yernee ceaut magh son cooishyn politickagh, cha nee son yn atchimys - as t'eh sheiltyn dy vel shoh er daghyrt hannah. Myr sampleyr, va Albert O Rawe currit er ash gys Beeal Feirshtey voish Sostyn ga dy daag eh yn IRA eddyr 1943 as 1947. Er dy gerrid, cha row eh agh chymsagh argid son ny pryssoonee pobblaghtagh. Agh v'eh goit, cummit ayns boayl follit, as ceaut magh ass y cheer; daag shen e ven as ny shey paitchyn echey ayns Lunnin. As tra raink O Rawe Beeal Feirshtey, lhig ny poleenyn da gholl seyr! Red mie shen, agh t'eh soilshaghey magh nagh row y dooinney shoh ny 'er-atchimys eddyr.

Brian y Stoyll. 3-1-75.