FOCKLE AYNS DTY CHLEAYSH

Taghyrtyn Car y Nollick

Sy chiaghtin shoh cha nel mee er screeu oc beggan - ta'n chooid smoo jeh'n cholloo er ve currit dou liorish caarjyn as fys oc er ooilley ny taghyrtyn hed er cummal ec y traa Nollick. Hed giense 'goaill arrane' er cummal 'sy thie ain Jesarn yn hoghtoo laa as feed - tar my t'ou geearree.

Guillyn Baney Jesarn 21ed
Wahll ta ny Guillyn Baney foast bio. V'ad goll mygeayrt straaidyn Phurt ny h-Inshey moghrey Jesarn 21 mysh 10.30 - 12. T'eh ro anmagh ginsh shen dhyt agh kyndagh rish beggan dy voirey v'ayn nuirree t'eh scanshoil dy liooar dy vel fys ec dy chooilley pheiagh dy nee tradishoon bio t'ayn.

Goaill Arrane Carvalyn Jelune 23oo
Bee Possan Sheshoil Skyll Maghal goaill arrane carvalyn ayns Skyll Maghal mygeayrt Glion Mona - goaill toshiaght ec Halley ny Killagh, Dhoon, ec 7 sa.

Shelg yn Drean 26oo
Bee Shelg yn Drean cummit ayns Purt le Moirrey er 26oo. Gowee shoh toshiaght eddyr 10 as 10.30 ec y Thie Golf raad vees co-hirrey ny thammagyn Drean ayn as ny lurg shen daunsin er straaidyn y Phurt as cheet gys jerrey sy thie oast Reayrt y Vaie. Loayr rish Quintin Gill MHK son tooilley fys.

Hed Shelg yn Drean er cummal ayns Balley Keeill Eoin neesht. Bee kiaulleyderyn, arraneyderyn, as daunseyryn cheet cooidjagh ec 10.30 am 'sy phairk gleashtanagh ec yn Arboretum. Chellvane er Helen er 801925 son tooilley fys.

Ta possan cadjin cheet quaiyl son Shelg yn Drean goaill toshiaght ec Albany Road, Douglas. Bee Chris Caine cloie er y vandalyn as ta cubyl dy iddleryn aeg ayn as sleih cloie dollinyn as y lheid. Chammah's shen bee daunseyryn as arraneyderyn ayn as, ny jaarrood yn thammag vees jesheenit myr t'eh dy cliaghtagh liorish lught thie Callow. Bee failt currit da peiagh erbee ta geearree cheet stiagh lesh y phossan - chellvane er Chris er 471615. T'ad jannoo Chyndaa'n Builley as Eunysagh Vona neesht.

Bee possan elley ayns Doolish Shelg yn Drean veih 10 - 12.30 goaill toshiaght faggys da'n Woodbourne er Alexander Road.

Ta possan Shelg yn Drean ayns Skylley Maayl dy cliaghtagh er Laa'll Steoin goaill toshiaght ec pairk gleashtanagh y vanc mysh 10.30 sv. Ta mee clashtyn nagh vel Jane Lawrence jannoo Keim er Keim nish as myr shen foddee nagh bee daunseyryn dy liooar oc. Myr shen immee gys Skylley Maayl my vees caa ayd shen y yannoo.

Cammag - Jerdein 26oo
Cha nel mee rieau er nakin yn gamman shoh Cammag goll er cloie agh ta mee er chlashtyn dy nee gamman feer chreoi t'ayn raad ta daa phossan cheet cooidjagh dy woalley ad hene as bluckan ennagh derrey vees nane jeh ny cloiederyn currit dys y thie lheihys. She shenn tradishoon y gamman shoh y cloie er fastyr laa'll Steoin ec 2 sa er yn 'aaie. Bee yn twioae nyn varriaght rheeshtagh agh myr vees peiagh ennagh veih yn jaiss geeree cloie bee failt mooar currit daasyn. Ta'n Jiass fo line eddyr Bradda as Shenn valley, Cregneash!

Shibbyr Dhyt Hene - Jeheiney 27oo
Bee Caarjyn ny Gaelgey cummal sorch dy Ghiense y Nollick mysh 7.30 er lhiam. Cur lhiat bee, jough as gien mie.

Laa Cooinaghtyn Illiam Dhone - Jerdein 2ah
Hed yn Laa Cooinaghtyn Ashoonagh Illiam Dhone er cummal er y nah laa jeh'n vlein noa. Bee ny loayrtee mleeaney Paul Rogers (Gaelg) as Roy Kennaugh (Baarle). Hed shoh er cummal ec Cronk Hango ec 2.00 sa. Bee duillagyn ry-gheddyn nastee mychione bea as streeu Illiam Dhone ec y Chronk. Lurg shoh bee shirveish ec Keeill Valew raad va Illiam Dhone oanluckit as lurg shen bee seshoon kiaullee ec y Loghlinagh, Balley Chashtal.

Oie'll Verree - Jesarn 4oo
Bee cuirrey kiaull Oie'll Verree goll er cummal Jesarn 4oo Jerrey Geuree ec 7.30 sa ayns Skylley Maayl as shen goaill stiagh cloie ayns Baarle Manninagh as cappan dy hey as cooish ny lurg. Cha syms raad t'eh agh bee jing dy ghleashtanyn cheu mooie yn halley!

Shirveish y Nollick - Jedoonee 5oo
Hed shirveish y Nollick er cummal ec shenn Keeill Balley Laagh ec 3 sa. Bee 9 lessoonyn as carvalyn ayn as ta mee credjal dy bee shoh y shirveish s'jerree as yn Aspick ayn roish my vees eh ny haaue syn Arragh.

Christmas Events

This week I'm letting my friends do most of the work with the column. I've been supplied with information on a vast array of Christmas happenings for you to get to over the next week or so.

White Boys Saturday 21st
Well I'm a bit late really with this but its good to know that the Whiteboys are still terrorising the happy Christmas shoppers. Last Saturday they were out in force on the streets of Peel. I'm afraid 'traa dy liooar' got the better of me organising them south - maybe next year!

Carol Singing Monday 23rd
Maughold Social Club are going carol singing in Maughold on Dec 23 round Glen Mona - starting at Dhoon Church Hall 7 pm.

Hunt the Wren Thursday 26th
Port St Mary Hunt the Wren will be held on 26th December. Starting at 10 am for 10.30 at PSM Golf Pavilion there'll be a Wren Pole Competition sponsored by PSM Commissioners then dancing through the Port, ending up at Bay View Hotel. Contact Quintin Gill MHK for further information.

Hunt the Wren will be happening in St Johns. Musicians, singers and dancers meet 10.30 am prompt in the Arboretum car park. Telephone Helen on 801925 for further details.

There's a regular group who meet for Hunt the Wren, starting at Albany Road, Douglas. Chris Caine will be on mandolin and there's a couple of young violinists and percussionists as well as a full complement of singers/dancers and the wren pole, of course, decorated by the Callow family. They meet around 9.30-10am and go to various homes in the area until midday. Anyone interested in joining them can call Chris on 471615. They do other folk dances too - Chyndaa'n Builley and Eunysagh Vona.

Another group will be out in Douglas on the Hunt the Wren from 10 - 12.30 starting by the Woodbourne on Alexander Road.

There is always a hunt the Wren in Kirk Michael on St Stephen's day usually starting in the Bank car park at around 10-30 am. I'm told Jane Lawrence is not doing dancers now (Keim er Keim) so they might struggle for dancers, so get along to Kirk Michael if you can.

Cammag - Thursday 26th
Cammag for those of you who've never played the game involves two teams belting each other and occasionally a ball with gorse bons, hockey sticks and the like. It seems to have become traditional to do this each year on the fair field in St Johns after Hunt the Wren at or about 2 pm. The Northern Alliance usually substantially beat the Southern Wooses - an embarrassing one sided debacle guaranteed.

Faith Supper - Friday 27th
Caarjyn ny Gaelgey will be having a Manx party at the Manx House in St Johns starting at 7.30 I think. Bring your own food, drink and entertainment.

Illiam Dhone National Commemoration - Thursday 2nd

The National Illiam Dhone commemoration takes place on the 2nd of January and this years speakers will be Paul Rogers (Manx Oration) and Roy Kennaugh (English Oration). The ceremony will take place at Hango Hill at 2:00 pm. A number of pamphlets outlining the life and struggle of Illiam Dhone will be available (free) at the Hill. After this there's a service at Malew Church where Illiam Dhone was buried and a bit of music and drink at the Viking afterwards.

Oie'll Verree - Saturday 4th
There is an Oie'll Verree concert on Saturday 4th January 7-30 pm in Kirk Michael which includes a Manks dialect play and tay after. I think its in the Methodist Hall but if you drive about looking for a hall with loads of cars outside you'll find it soon enough!

Manx Language Service - Sunday 5th
Manx Language Service at Old Ballaugh Church at 3pm. 9 Lessons and Carols and this will be the last Manx service which the Lord Bishop will be attending before his retirement.

Phil Gawne