FOCKLE AYNS DTY CHLEAYSH
Reurey 'sy Gharey as Lhing y Rio

Shegin dou goaill rish nagh vel smooinaght erbee er ve aym er red erbee car y shiaghtin shoh chaie. Ta mee er ve shaghney obbyr, cha nel mee er ve jeeaghyn er ny postyn-L aym as ny smessey na shen cha nel mee er ve smooinaghtyn er cooish son y cholloo shoh. Nabbyr veg roosyn nagh vel toiggal y Ghaelg!

Wahll, chouds ta mee er ve er my laghyn seyrey ta mee er cheau my hraa reurey 'sy gharey. Ta mee er ve prowal y gharey shoh y reaghey rish tree bleeantyn nish agh choud's shoh cha nel mee er ve speeideilagh. Ec y toshiaght va'n gharey jingit lesh dress, cabbag as undaagagh as sooghyn thallooin - ta mee credjal dy nee gharey mess yn shenn thie bee v'eh!

Va'n chooish cheet lhiam dy mie nurree agh haink chingys mooar orrym as tra raink mee gys y gharey va ny gartlanyn ersooyl voym cha chiu as aittin. Eer dy vrish mee my asnaghyn mee ny ghaa er dy henney ta mee cosney mleeaney er lhiam as s'treisht lhiam dy bee lossreeyn mooarey feer vlasstal ain ayns mee Luanistyn.

Red elley ren shin er y chiaghtin va shen turrys gys y thie jalloo. Hie y clane lught-thie aym as honnick shin y scannane enmyssit Lhing y Rio. Va shoh beggan dy voghtynid jeant son paitchyn agh gyn ouyrys ve feer vie son slieh aasit neesht. Hoie my neen as my vac as mongey mooar er nyn eddin car y scannane as va mish as my ven coontey ram jeh neesht. V'eh aitt dy liooar as va bun y skeeal feer chairoil mychione mieys ta cheet veih caarjys.

Va'n ayrn share dou goaill stiagh possan mooar dy Dodoyn as adsyn gaarlaghey ad hene son baase, anvioys as cragh veagh cheet vein ling yn rio. Va mysh keead dy Dodo ayn as tree mellonyn oc son beaghey ad hene car y cheead vlein ry-heet. Cha syms noadyr bee yn scannane shoh foast cloie ec y thie jalloo agh my vees eh ayn immee as jeeagh er.

Ice Age - go and see it

I was wondering as the deadline for the column approached last week what I should write about. Nothing much was springing to mind so I decided to put aside Thursday afternoon for coming up with a few ideas and writing them up. Unfortunately Thursday dinner time arrived and the kids suggested we should go to see the film 'Ice Age' at the pictures so by the end of the afternoon I was well entertained but still lacking a topic for the column!

So the stark choice that presented itself was a review of the film or a discussion on the merits of double digging for extracting Ginnie nettle roots (the vegetable garden being the only other topic that's been on my mind this week). A relatively straightforward choice then I'd suggest!

'Ice Age' is a computer animated film aimed at younger viewers which has an awful lot going for it. This computer animation seems to get better all the time and Ice Age certainly doesn't let you down in terms of picture quality. The film opens with a small furry squirrel like mammal carting a nut about with the obvious intention of storing it for the coming icy months. Various cartoon misfortunes befall this unfortunate character all of which were met with cheery laughter from the audience.

It was great to see huge big grins on my children's faces throughout the film and they haven't stopped talking about since they came home. The enjoyment of the film was not restricted to the children as even us oldies found the whole thing good value. Laughter is never far away during the film and the strong moral message of the great value of friendship is an added bonus.

Perhaps the best section of the film is an hilarious encounter with a group of Dodo's during which the Dodo's clearly exhibit the characteristics of a bird doomed and on the path to extinction. The birds for example have gathered together to prepare for the coming harshness of the ice age. Provisions had been collected to keep about 100 birds alive over the coming decades, totalling 3 melons! An absolute must see film for children and the young at heart.


Phil Gawne