FOCKLE AYNS DTY CHLEAYSH
Chaglym Cadjin Bleinoil

Hed Chaglym Cadjin Bleinoil yn Cheshaght Ghailckagh er cummal ec jerrey y chiaghtin shoh cheet ayns Thie ny Gaelgey, Balley Keeill Yude. Jeheiney yn trass laa Mee Boaldyn ec 8 sa hig ny Gaelgeyryn ry-cheilley reeshtagh son clashtyn mychione yn aght ta'n Ghaelg goll er vishaghey.

Dooyrt Chris Sheard, Caairliagh yn Cheshaght Ghailckagh, dy b'reisht lesh fakin dy chooilley Ghaelgeyr ec y chaglym. Ta obbyr vie yindyssagh er ve jeant car ny bleeantyn shoh chaie agh ta foast ram ry-yannoo. Ta'n Cheshaght Ghailckagh ayns feme jeh olteynyn dy liooar ta lane dy vree as eieyn noa oc dy yannoo shickyr traa ry-heet y Ghaelg.

S'bastagh dy bee co-hirraghyn Gaelgagh y 'Ghuild' reaghit son yn oie as traa cheddin as y CCB agh nagh row eh rieau myr shen. T'ou fuirraghtyn rish ooryn son baroose as ta jees cheet ec yn un cheayrt!

Arraghey Stiagh, Thieyn as Lheid Myr Shen

Shiaghtin er dy henney hug yn Commeeys Celtiagh roish eie dy aa-chummal chaglym mychione 'Geyre-ghaue Thieyn' va cummit 'sy Chorn mee er dy henney. Haink chaghteryn ry-cheilley veih'n Chorn hene as Bretyn son loayrt mychione y vaggyrt da'n chultoor as ny boodeeysyn oc va cheet veih troggal gyn streeaney - troggal dauesyn veih cheu mooie y voayl cha nee dauesyn veih'n voayl hene.

Strooys dy vel ny boirraghyn mooarey ain ta cheet veih arraghey stiagh lesh rour siyrid ry-akin ayns ardyn elley mygeayrt ny Ellanyn Goaldagh. Cha nel eh cha olk ayns Bretyn as y Chorn as t'eh ayns Mannin agh ta ny Bretnee as ny Cornee feer imneagh mychione y vuilley mooar ta cheet er nyn moodeeysyn veih arraghey stiagh neustreeanit.

Haink loayrtee veih Cymuned, Possan Thieyn Bretnagh, stiagh lesh Gloo-Pharteeaght Cornagh as politickeyr ard-ghooagh veih'n Chorn ec chaglym bioyr ayns Penzance. Ec y chaglym va politickeyryn, olteynyn jeh sheshaghtyn arryltagh as y theay.

Cha dod Malcolm Williams cheet agh hug eh screeuyn roish y chaglym gra "ta geyre-ghaue costys thieyn er ve ec y Chorn er dyn ny kiare feedyn". Ren Richard Angove veih Gloo-Pharteeaght Cornagh ymmyd jeh'n arganeys shen as ren Coonseilagh Countee Markys Kaczmarek gra dy lhisagh y chaglym v'eh ymmydit son greinney caggey dy yannoo shickyr costyssyn cooie 'sy traa ry-heet da sleih ynnydagh, nagh vel argid dy liooar oc son kionnaghey thieyn costalagh.

Ta Cymuned er ve speeideilagh dy liooar, as adsyn possan boodeeys voish bun ny cheerey ta caggey son thieyn neu-chostallagh da boddeeysyn raad ta Bretnish goll er loayrt. Hoilshee magh loayrtagh son Cymuned, Dr. Seimon Brooks, “dy row yn chaglym va cummit lesh Gloo-Pharteeaght Cornagh ayns Penzance soilshey magh dy nee boirey cadjin t'ayn er fud ny cheerey ayns ny Ellanyn Goaldagh."

Red ennagh haink magh shiaghtin er dy henney ta kianglt lesh shoh shen speeideilys yn dooinney veih'n skian feer yesh, Jean-Marie Le Pen, ayns reihys yn Eaghtran 'sy Rank. Cheayll shin car y chiaghtin dy daink speeideilys Le Pen veih neu-arryltys ny neu-aghtalys ny politickeyryn meanagh dy gheaishtagh rish imneays y theay mychione ny boiraghyn ta cheet veih arraghey stiagh neustreeanit

S'treisht lhiam dy row ny OKFyn jeeaghyn dy myn er ny taghyrtyn 'sy Rank as dy jig dy gerrid polaseeyn nee freayll rick er y phreays mooar ta arraghey stiagh cur er ny Manninee.

Manx Society's AGM

The Annual General Meeting of Yn Cheshaght Ghailckagh will be held at the end of this week at Thie ny Gaelgey, St Judes. On Friday 3rd May at 8 pm Manx speakers from all over the Island will meet to hear of the great steps forward being made for our language.

Chris Sheard, Chairman of Yn Cheshaght Ghailckagh said he hopes to see as many Manx speakers as possible at the meeting. Some fantastic work has been done this year but there's still an awful lot left to do. Yn Cheshaght Ghailckagh needs lots of new energetic and enthusiastic members to ensure that our language goes from strength to strength in the future.

Its a shame that the AGM clashes with the Manx classes in the Guild but wasn't it always the way. You wait around for hours for a bus then two come along at the same time.

Immigration, Housing and All That

Last week saw a call from the Celtic League for a repeat of a 'Housing Crisis' Meeting held last month in Cornwall. The meeting saw representatives from Cornwall and Wales coming together to discuss the threat to their communities and cultures by unbridled development of homes built for new residents and well beyond the reach of most local people.

It seems that the problem caused by our own overheating rate of immigration is being mirrored in other parts of the British Isles. Things may not be quite as out of control in Wales and Cornwall as they are here but the Welsh and Cornish are deeply concerned at the major impact which uncontrolled immigration is having within their communities.

Speakers from the Welsh Housing Campaign group Cymuned joined forces with Cornish Solidarity and a Cornish County Councillor at a heated public meeting in Penzance. Those attending included many councillors, members of voluntary organisations and the public.

In his absence, Malcolm Williams forwarded a letter stating that "Cornwall has suffered an affordability crisis in housing since the early 1980s". This argument was taken up by Richard Angove of Cornish Solidarity and County Councillor Mark Kaczmarek, who stipulated that this should be the start of further action to campaign for a fairer deal for local people, who are unable to afford housing.

Cymuned, a grassroots community group that campaigns on behalf of Welsh-speaking communities in Wales for affordable housing, have had a great deal of success. Dr. Seimon Brooks, Cymuned spokesperson, explained that "by holding a public meeting with Cornish Solidarity in Penzance, we hope to show that this housing crisis is one that is common to many parts of rural Britain."

A disturbing development related to these widespread concerns about immigration was highlighted last week by the successes of the far-right candidate, Jean-Marie Le Pen, in France's presidential election. Political commentators spent much of last week explaining that much of Le Penn's success came from the inability or unwillingness of mainstream French politics to listen to the electorate's concerns about the pressures of immigration.

It is to be hoped that our newly elected MHK's will have been following the unsavoury developments in France and will act soon to relieve the pressures caused by unrestricted immigration on our own community and culture.

Phil Gawne