FOCKLE AYNS DTY CHLEAYSH
Yn Cheyllys

Hie laare noa yn Cheyllys er fosley dy oikoil er kione ny shiaghtin, my haink yn chooish dy mie lhieu, as eer dy row shoh scruit roish shen ta fys mie aym dy nee boayl vie t'ayn. Dagh, wahll bunnys dagh, moghrey rish shey meeghyn nish ta mee er ve roie sheese da'n cheyllys as er ash da Creneash son freayll my chorp ayns slaynt vie, as t'eh er ve yindyssagh fakin yn troggal gaase veih'n thalloo car ny meeghyn shen.

T'eh ort hene dy reih ny t'ou smooinaght jeh gyn ouyrys agh dooys hene ta cheu mooie yn troggal jeeaghyn feer vie dy jarroo. Ta mullagh y troggal jeant ass foaidyn, yn chied troggal myr shoh ayns Mannin ta mee credjal, as veih'n oirr ny marrey t'eh jeeaghyn dy nee ayrn jeh'n chronk ta'n troggal. T'eh er ve kiaddey lesh ard-smooinaght as sheiltynys (inspiration imagination) as ta mee shickyr dy bee eh speeideilagh 'sy traa ry-heet.

Red mie elley lesh yn troggal shoh as shen yn ymmyd t'er ve jeant jeh'n Ghaelg. Cheu sthie ta Gaelg dy baghtal ry-akin er ny taishbynysyn as ta mee shickyr dy bee Gaelgeyryn jeant magh lesh. Jeant dy mie Eiraght Ashoonagh Vannin.

C'raad ta'n Sourey?

Wahll, screeu mee beggan heose mychione yn ard-jeeanid ayms, ny tootys foddee, goll magh moghey sy voghrey roie. Yn red ta jannoo orrym beggan beg shen nagh vel caghlaa erbee er ve ry-akin ayns ny meeghyn ta mee er ve jannoo shoh er lhimmey jeh beggan ny smoo soilshey ayns y voghrey.

Ta Mean Souree er ve cho feayr as fliugh Mayrnt ta mee smooinaghtyn. Jeeaghyn heese er ny magheryn ta'n chorkey as yn curnaght jeeaghyn treih as trimshagh prowal ny chooid share ayns thalloo fliugh as feayr. Va mysh kerroo yn chaayl stroiet liorish ny sterrymyn ren cheet mysh mee er dy henney as gyn ouyrys cha nel yn imbagh shoh er jeet rish dy kiart.

Ta palchey dy ir sheanse ayn nish t'er ve ghra rish blein ny ghaa nish dy bee ny souree ny smoo feayr as fliugh kyndagh rish 'chiow ny cruinney'. Cha syms noadyr vel ad kiart ny dyn agh lurg yn mee shoh chaie t'eh cur ort smooinaghtyn er.

The Sound

The new cafe and visitors centre down the Sound was opened on the weekend and a fine looking building it is to. I've been down the Sound on my early morning run quite regularly over the past six months and its been wonderful to see the building slowly growing up from the earth.

No doubt the public will come to its collective decision on the centre in the coming months but from what I've seen I think its quite magnificent. The roof is covered in turf, the first of its kind in Mann as far as I'm aware, and looking back at the whole building from the shore it looks like its part of the hill side. The design is very imaginative and I feel sure that people visiting it will be very impressed.

From the Manx speaker's point of view full marks must go to the design team for their use of Manx. Inside the building Manx has been used in a very visible way in the exhibition giving the language an important boost. Well done Manx National Heritage!

Where's the Summer?

As I wrote above the new enthusiastic, perhaps foolish, fitness drive I've been on lately has seen me out before breakfast for a run. This has been quite enjoyable but there's one thing which has been worrying me while my feet have been pounding the tarmac - where's the summer? Apart from the extra light in the morning there's been very little noticeable difference between June and the early spring.

June has been as cold and wet as March it seems and looking out at the wheat and oats from the kitchen window they look quite dejected in the cold wet soil despite their best endeavours to grow out of it. Nearly quarter of the cabbages growing up here were fatally damaged by the strong gale force winds and bucketing rain about a month ago and there's little sign of this season finally getting its act together.

I'm sure we're all aware of the growing number of scientists who talk of global warming and predict cooler and wetter summers. I don't know are they right or wrong but after last month it does make you wonder.

Phil Gawne