FOCKLE AYNS DTY CHLEAYSH
Shirrey Freggyrt da Feysht Neuaashagh
S'baghtal dy liooar dy vel feyshtyn neuaashagh dy liooar faagit gyn freggyrt ayns as ass Mannin. Shoh heese paart jeh ny feyshtyn neuaashagh shen lhisagh ve freggyrit ayns y vlein noa.
Ta Eiraght Ashoonagh Vannin ayn, ta Reiltys Ashoonagh Vannin ayn, ta politickaght ashoonagh ain, ta radio ashoonagh ayn as adsyn mastey ymmodee reddyn ashoonagh as Manninagh elley. Cre'n fa nagh vel Shennaghys Ashoonagh Vannin goll er ynsaghey da nyn baitchey?
Cre'n fa nagh vel shin jannoo ymmyd jeh'n 'ockle Manninagh son ainyn ta cummal 'syn Ellan shoh? Cre'n fa ta shin ooilley 'cummaltee Vannin' nish?
Cre'n fa ta keeadyn as keeadyn dy chummaltee noa cheet gys Mannin dagh blein ec y traa cheddin as ta genney dy hieyn son ny Manninee? Nagh row yn chooid smoo jeh ny politickeyryn ain gialdin ec y reihys cadjin shoh chaie dy chur sthapp er ny boiraghyn va cheet ass rour dy chummaltee noa cheet gys Mannin? Myr shen, cre'n fa ta'n reiltys ain foast cleayney cummaltee noa dy heet gys yn Ellan ain?
Cre'n fa ta shin son jannoo faase 'kiedyn obbree' ec y traa cheddin as ta keeadyn as keeadyn dy obbreeyn noa cheet gys nyn ellan dagh blein? Cre'n fa ta shin son jannoo faase 'kiedyn obbree' ec y traa cheddin as ta'n Oarpey gaase ny smoo as bee thousaneyn dy cummaltee yn Oarpey Hiar shirrey startaghyn dy gerrid ayns buill gollrish Mannin?
Cre'n fa ta shin cur thousaneyn dy phunt da'n VBC son shirveish nagh vel ayn as ec y tra cheddin ta sleih gaccan mychione cur argid dy liooar da Radio Vannin son cur dooin shirveish radio ashoonagh?
Cre'n fa ta'n kianoort ry-akin dagh shiaghtin fosley shoh, geaishtagh rish shen, cur magh aundyryn, dy jarroo shassoo son Mannin ooilley? Cre'n fa nagh vel yn onnor shoh currit da'n Eaghtyran ny'n Ard-Shirveishagh?
Ta mysh 1,700 loayrtee Gaelgagh ayns Mannin. Cre'n fa nagh vel ny smoo jeu screeu Gaelg son ny pabyryn naight?
Wahll, ta mee bunnys shickyr nagh bee freggyrtyn currit da ny feyshtyn heose 'sy vlein shoh cheet agh gyn ourys erbee bee palchey jin gobbraghey dy trang dy reayll bio Mannin, ny Manninee as Manninaghys.
Seeking Answers to Difficult Questions
It is fairly clear that there are many difficult questions which remain unanswered or unasked in Mann. Here's a few of those difficult questions which hopefully will be answered in the coming year.
We have Manx Nation Heritage, we have a Manx National Government, national politics, national radio and many other Manx national organisations exist. Why is it then that we still do not teach Manx national history to our children?
Why do we no longer use the word Manx to describe the people who live in our country? Why must we all be Isle of Man residents?
Why are hundreds and hundreds of new residents being enticed to come and live here at the same time as we have a housing shortage which denies the Manx an opportunity to buy a home in their own country? Didn't the overwhelming majority of those elected to the keys just over a year ago promise to deal with the housing? So why does Government continue to attract more and more people to come and live here?
Why are we considering weakening the work permit system at the same time as hundreds of people each year are moving to the Isle of Man to work? More alarmingly, why are we considering weakening the work permit system at the same time as Europe is about to substantially expand potentially opening up our job market to hundreds of thousands of workers from Eastern Europe?
Why do we pay vast sums of money to the BBC for a non existent service and at the same time complain heartily about paying Manx Radio enough money to provide a good national radio service?
Why do we keep seeing the Governor's face beaming out from the newspapers having just opened, launched awarded some thing or other - why is he representing us at all these events? Why do we not honour our President and Chief Minister by asking them to open, launch, award etc...
A personal one now - there are about 1,700 Manx speakers in Mann. Why don't more of them write articles for the papers?
Well, I'm pretty sure that most of the questions above will go unanswered but there is a growing number of people who will strive to ensure that the Isle of Man, the Manx and Manxness will be kept very much alive in the coming year.
Phil Gawne