Fockle ayns dty chleaysh

Ta Mooinjer Veggey shirrey Unnid Gaelgagh ayns Bun-Scoill

Haink earroo mooar dy leih veih dy chooilley ard bentyn rish ynsaghey trooid Gaelg, as loayr shin mychione ram reddyn feeu as mie. Resoon shin magh nagh row agh tree boiraghyn mooarey ain: s’goan ny fir as mraane ta arryltagh as schleioil dy liooar dy ynsaghey trooid Gaelg; ta genney dy vuill cooie son cur er bun possanyn cloie noa; as cha nel lioaryn as gamman as coorseyn Gaelgagh dy liooar ain foast.

Smooinee yn chaglym er ny cooishyn shoh as choard shin dy lhisagh cummey queig blein ve scruit, ta coyrlaghey dauesyn ta gobbragh er y chooish ny aghtyn share dy chur fo haart ny boiraghyn shoh. Yinnagh lheid y cummey shoh goaill stiagh coorseyn er lheh son ynseydee ta ynsaghey Gaelg dauesyn nagh vel flaaoil dy liooar ayns Gaelg, as coorseyn da Gaelgeyryn as Gaelg dy liooar oc nagh vel mie ynsit er aghtyn ynsee.

Choard y chaglym nagh lhisagh ny ynseydee t’ayn hannah ceau nyn draa cur Gaelg er lioaryn as gammanyn noa choud’s nagh vel traa dy liooar oc dy ynsaghey. Bare daue shirrey chyndaader er maill oddagh yn obbyr shoh y yannoo dyn cur lhiettrimys er yn ynsaghey.

Loayr shin mychione cur er bun possan cloie noa er y twoaie, er y fa dy vel paitchyn dy liooar aynshen shirrey y lheid. Hed chaglym er cummal ayns Rhumsaa mychione shoh laa ennagh traa yn Chruinnaght.

Ec jerrey y chaglym loayr shin mychione cur er bun unnid Gaelgagh ayns bun-scoill. Cheayll shin veih Cathy Clucas dy beagh daa phaitchey yeig ayn t’er n’aagail Mooinjer Veggey ec jerrey yn imbagh shoh, as ny Mummigyn as Jishagyn shirrey ynsagh trooid Gaelg er nyn son ayns bun-scoill. Loayr Caairliagh Mooinjer Veggey mychione speeideilys yn aght ynsee shoh ayns ny cheeraghyn Celtiagh elley. “Dy beagh earroo dy phaitchyn t’ain ayns Nalbin shirrey ynsagh trooid Gaelg, veagh unnid Gaelgagh currit er bun gyn ourys,” dooyrt eh. Choard y chaglym dy lhisagh Mooinjer Veggey shirrey er Rheynn Ynsee y lheid shoh y chroo.

Peiagh erbee ta geearree tooilley fys mychione y chaglym, Mooinjer Veggey ny Ynsagh Trooid Gaelg, loayr rish Phillie Gawne, 834844.

Mooinjer Veggey seeks Gaelic medium unit for Primary School

A meeting was held by Mooinjer Veggey in St Johns last week and a number of interesting things were discussed. The committee of Mooinjer Veggey invited everybody to come to the meeting to discuss the future of Mooinjer Veggey and Gaelic-medium education in primary schools.

A good number of people turned up from every quarter to do with learning through Manx Gaelic and they spoke about many good and worthy topics. It was concluded that there were only three big problems in this area: a scarcity of men and women who are willing and able enough to teach through Manx; a scarcity of suitable premises to establish a new Mooinjer Veggey playgroup; and a shortage of games, courses and books in Manx.

The meeting considered these problems and decided that a 5 year plan should be formulated, suggesting to those working for Manx Gaelic education the best ways to overcome these difficulties. The likes of this plan would include special courses for teachers who have little or no Manx to learn it, and courses for those whose Manx is good enough to learn how to teach languages.

The meeting agreed that those currently working in Manx Gaelic teaching should not have to spend their time translating books and games into Manx. It would be better if a translator were hired to do this work so valuable teaching time would not be lost.

The meeting spoke about establishing a new playgroup in the north where demand is high. A meeting will be held in Ramsey during Cruinnaght week to discuss this further.

Finally the meeting considered a suggestion that a Gaelic medium unit (GMU) be established in a Manx primary school. We heard from the Mooinjer Veggey playgroup leader, that Mooinjer Veggey was almost full for next year, and that by the end of this term 12 children will have left Mooinjer Veggey and their parents have expressed a strong desire to see a GMU for their children at primary school. The Chairman of Mooinjer Veggey spoke of the tremendous success of this form of education in the other Celtic countries. “If the number of children we have already who wish to continue their education through Gaelic lived in Scotland, then a GMU would be established with out doubt,” he said. The meeting agreed that Mooinjer Veggey should approach the Department of Education and ask for a GMU to be established.
Anyone interested in Mooinjer Veggey, learning through Manx Gaelic, or any other related topic should speak to Phil Gawne, 834844.

Seiy Coshal ChildLine

Moghrey Jerdein shoh chaie va paitchyn Mooinjer Veggey seiy yiarn son Childline. Va dagh paitchey er hirrey argid veih nyn mooinjeryn as caarjyn, as my v’ad jannoo turrys ny ghaa jeh garey Vooinjer Veggey er nyn tree queeyl ny daa wheeyl veagh yn argid troggit oc goll dys Childline.

Pedal Push for Childline

On Thursday 25th June, 9.30 am at Mooinjer Veggey. This pedal push will take place in the garden and all children are welcome to come. Bring your bike, trike pram or tractor and raise money for ChildLine!