FOCKLE AYNS DTY CHLEAYSH

BANGLANE JIASS!

Ec y chaglym shoh chaie eck choard bing ny Sheshaght Ghailckagh dy chur er bun fo ving dy eddyn magh anaase ny jiassee ayns laare ny/as possan Gaelgagh ayns y jiass. Er lesh ymmodee Gaelgeyryn dy nhegin da'n Cheshaght er lheh as ny Gaelgeyryn hene croo tooilley caaghyn dy yannoo ymmyd jeh'n Ghaelg, as jannoo ny smoo obbyr na ta shin dy chur er hoshiagh y Ghaelg.

Ta banglane twoaie er ve gobbragh dy doccaragh er cooishyn Gaelgagh er dyn traa nagh row mee oc my stuggey beg, as she obbyr vie dy jarroo t'er ve jeant oc er y twoaie. Mysh hoght ny nuy bleeantyn er dy henney va Caarjyn ny Gaelgey currit er bun as adsyn jannoo yn chooid smoo jeh nyn obbyr ayns mean yn Ellan er lheh yn heear. Reeshtagh she obbyr niartal as ymmydoil ta ny Caarjyn er n'yannoo.

Shinyn 'sy jiass, choud's ta fys aym, cha nel agh ny thieyn oastey ta bishaghey liorish nyn obbyr. Yioym rish dy vel lessoonyn braew er ve ynsit 'sy jiass rish tammylt foddey er lheh ny brastyllyn Ballabeg va currit er bun ny smoo na jeih bleeantyn er dy henney, agh cha nel monney taghyrtyn elley er jeet lhien.

Wahll, nish ta caa dooin shen y chaghlaa. Hed chaglym er cummal Jemayrt, 6oo Jerrey Souree ec Thie Vaddrell, Cregneash mysh 8 sa dy eddyn magh yn aght share y chooish shoh y chur fo-raad. S'treisht lhiam dy bee 'possan Gaelgagh ny jiassee' currit er bun vees reaghey taghyrtyn Gaelgagh (shooylyn, leaghtyn, cuirraghyn kiaullee, seshoonyn as y lheid), taghyrtyn ry-hoi troggal argid son y Ghaelg as foddee freayll 'thie y Ghaelg' (my yiarragh Gaelgeyryn lhisagh fys share y ve oc) ayns y jiass. Chellvane orrym er 834844 my t'ou geearree tooilley fys mychione y chooish.

BWAANE TINVAAL!

Bee yn Cheshaght Ghailckagh as Mooinjer Veggey freayll bwaaneyn Tinvaal ec feailley Tinvaal 'sy chiaghtin shoh cheet. Bee ymmodee reddyn anaasagh ry-chreck as ry-akin ec ny bwaaneyn Gaelgagh shoh, as s'treisht lhiam dy heemayd oo ayns shen.

Peiagh erbee nagh vel tarroogh agglagh yn laa shen bee failt mooar ort ec ny bwaaneyn er lheh my vees oo arryltagh cur cooney dooin creck lioaryn as loayrt rish sleih. Cur lhiat berreenyn, lussyn ny red erbee er lhiat vees cooie dy hroggal argid son ny sheshaghtyn Gaelgagh.

Chellvane er Helen Robinson (801925) ny Cathy Clucas (835778) my vees caa ayd dy chooney lesh Mooinjer Veggey, as chellvane er Brian Stowell (623821) as cur dty ennym da my vees oo arryltagh dy chur cooney da'n Cheshaght Ghailckagh.

THE SOUTHERN BRANCH?

At its last meeting the committee of Yn Cheshaght Ghailckagh agreed to set up a sub-committee to find out if there was any interest amongst the Gaelic speakers in the south to set up a Gaelic centre in the south and/or a southern group. Many Gaelic speaker believe that Yn Cheshaght Ghailckagh particularly as well as Gaelic speakers generally must provide more opportunities for using Manx as well as doing more work to promote the language.

Banglane Twoaie has been working hard for the Manx Gaelic for many years now, and it is indeed good work that they've been doing down the north. About eight or nine years ago Caarjyn ny Gaelgey was set up and they have provided many Gaelic based activities in the middle and particularly the west of Mann. Again it is very useful and excellent work that the Caarjyn have done.

We in the south, as far as I know, have done little more than support the important work of the pubs and breweries. I will accept that this is not entirely true as there have been some excellent Manx classes in the south, particularly the Ballabeg classes which have been running for over ten years now, but we've not been big on running Gaelic events.

Well, now is our chance to change all this. There will be a meeting held on Tuesday, 6th July at 8 pm at Thie Vaddrell, Cregneash, to find out and plan the best way forward for Gaelic in the south. I hope that a Manx group for the southern Manx speakers will be formed which will organise Gaelic events (walks, lectures, concerts, music sessions and the like), fund raising events for the Gaelic societies and maybe will look to finding a suitable Gaelic resource centre in the south. Give me a ring on 834844 if you want more information on this.

TYNWALD STALLS!

Yn Cheshaght Ghailckagh and Mooinjer Veggey will have stalls at Tynwald fair again this year. There will be many interesting things to see and to buy at these Gaelic stalls, so we hope to see you there.

Anyone who isn't busy awful that day will be welcomed with open arms by those of us who'll be manning the stalls especially if you can stay for an hour or so and help sell books and talk to interested people. Bring cakes, biscuits, plants or anything which you think might be a good way of raising money for the Gaelic societies.

Ring Helen Robinson (801925) or Cathy Clucas (835778) if you can help Mooinjer Veggey, and ring Brian Stowell (623821) if you can help Yn Cheshaght Ghailckagh.

Phil Gawne