FOCKLE AYNS DTY CHLEAYSH

GAELGEYRYN AEGEY VEIH MOOINJER VEGGEY!

Mysh shiaghtin er dy henney hooar kiare paitchyn aegey teishtyn ta cur feanish dooin dy daink yn Ghaelg lhieu choud's v'ad goll gys Mooinjer Veggey. Hooar Sarah Edwards, Rae Hynes, Illiam McCartney as Mick Wrench ny teishtyn shoh veih Mnr Loayreyder, Noel Cringle LKF, as eshyn ny Chaairliagh jeh Undinys Eiraght Vannin. Hie y chooish shoh er cummal ec y phossan cloie Vooinjer Veggey ec Shenn Thie Scoill Vraddan, Braddan.

Ayns shen va paarantyn jeh paart jeh ny paitchyn as olteynyn y ving Vooinjer Veggey. Hug y caairliagh, Phillie Gawne, booise y ving da dy chooilley pheiagh ta cooney lesh Mooinjer Veggey, ny paitchyn, y leeideilagh as ny cooneyderyn er lheh. "Ta ny paitchyn shoh 'traa ry-heet' y Ghaelg as t'eh cur foays da nyn gree dy vel y Ghaelg gaase as bishaghey lhieu. S'treisht lhien ooilley dy jed ny paitchyn gys Gael-Scoill (lieh laa lane Gaelgagh ec Ballacottier, ynsit ec yn skimmee Gaelgagh) 'syn imbagh shoh cheet as dy jean ad cummal seose y Ghaelg."

Va Mnr Loayreyder goaill taitnys jeh'n obbyr ta Mooinjer Veggey er n'yannoo car ny bleeaney as v'eh feer arryltagh ny teishtyn shoh y chur magh. Ta Undinys Eiraght Vannin er chur cooney dy liooar da Mooinjer Veggey myr toyrtyssyn as cooney y Ghreinneyder as t'ad slane ayns foayr jeh ny deanyn as yeearreeyn ec Mooinjer Veggey.

Neayr's va'n possan cloie Braddan currit er bun mysh tree bleeantyn er dy henney ta ny smoo na daeed paitchyn er ve gys Braddan. Ta'n chooid smoo dy phaitchyn t'er n'aagail Mooinjer Veggey er n'gholl gys Gael-Scoill, Ballacottier as myr shoh ta shey bleeantyn dy phaitchyn gynsaghey trooid Gaelg nish.

Dooyrt Leeideilagh Vooinjer Veggey, Cathee y Clugaish, dy vel ee jeant magh lesh yn aght ta'n obbyr goll ec Braddan. "Shoh traa cooie da paitchyn dy ynsaghey Gaelg ny chengey erbee elley. Ta fir-ronsee, ta gobbraghey er mynchengaghyn, er n'eddyn magh dy vel paitchyn ny saa na mysh hoght blein dy eash feer aghtal as schleioil er gynsaghey daa ny tree chengaghyn, as shen feer chronnal dy akin ec Mooinjer Veggey. Cha nel boirrey erbee ec ny paitchyn mychione loayrt, cloie ny geaishtagh rish y Ghaelg."

Ta foast spoar ny ghaa faagit ec Braddan son yn imbagh shoh cheet. Loayr rish Cathy er 835778 ny Helen er 801925 son tooilley fys.

CAARJYN VOOINJER VEGGEY

Er y laa cheddin va Caarjyn Vooinjer Veggey currit er bun. Va Mooinjer Veggey currit er bun ayns 1996 as t’ee er ve feer speeideilagh neayrs shen cur y Ghaelg er hoshiagh as streeu dy jeadagh moggyl dy possanyn roie-scoill Ghaelgagh y chroo ayns Mannin.

Dooyrt Helen Robinson "Er-lesh Mooinjer Veggey dy lhisagh caa ve currit da dagh paitchey ayns Mannin goll gys lheid y phossan-cloie bishagh Vraddan. Agh, mannagh vod Mooinjer Veggey baarail tooilley argid son moylley as soilsheeney yn chooish eck, ynsaghey ny obbreeyn eck as croo stoo ynsee Gaelgagh er lheh cha jean obbyr Vooinjer Veggey bishaghey dy mie."

"Cha nel olteynys Caarjyn Vooinjer Veggey agh costal £10 dagh blein. Myr shen cre’n fa nagh jean oo as dty chaarjyn cheet dy ve nyn oltey as cur cooney braew da obbyr scanshoil Vooinjer Veggey. Cur dty ennym as enmys thie as £10 da Helen Robinson, Scrudeyr, 5 Pretoria Terrace, Balley Keeill Eoin."

OIE GAELGAGH

Hed Oie Gaelgagh er cummal ec y Loghlynagh, Balley Chashtal raad vees caa dooin loayrt Gaelg ry-cheilley. Hed shoh er cummal Jerdein, 5oo Luanistyn mysh nuy er y chlag.

THE FUTURE OF THE MANX LANGUAGE!

About a week ago four young children received certificates of merit which confirmed that they had made excellent progress in the Manx language at Mooinjer Veggey. Sarah Edwards, Rae Hynes, Illiam McCartney and Mick Wrench were presented with their certificates by Mnr Loayreyder(Mr Speaker), Noel Cringle SHK, the chairman of the Manx Heritage Foundation. The presentation was held at the Mooinjer Veggey playgroup at the Old School House next to Braddan School.

Attending the presentation were parents and Mooinjer Veggey committee members. Chairman of Mooinjer Veggey, Phil Gawne, thanked on behalf of the committee everyone who helps with Mooinjer Veggey, in particular the children, group leader and helpers. "These children are the future of our Gaelic tongue and it warms our hearts to see their success and progress with the language. We all hope that these children will now go on to Gael-Scoill (a half day/week Manx course conducted through Manx at Ballacottier, and taught by the Department of Education's Manx language team) next term and that they will continue their interest in Manx."

Mr Cringle was delighted to see the work of Mooinjer Veggey and was pleased to present the certificates. The Manx Heritage Foundation has been generous in its support of Mooinjer Veggey through grants and the work of yn Greinneyder (Manx Language Development Officer) and is very supportive of the aims and aspirations of Mooinjer Veggey.

Since the Braddan group was set up, nearly three years ago, more than forty children have attended the group. Most of the children who have left Mooinjer Veggey have gone on to attend the Gael-Scoill at Ballacottier and there are now six year groups of children attending Gaelic-medium sessions.

Mooinjer Veggey's playgroup leader, Cathy Clucas, is overwhelmed with the success of the Braddan group. "This is the best time to be teaching children Manx or indeed any language. Research into the teaching of minority languages shows that children up to about eight years old are particularly adept at picking up a second or third language, and this is clearly shown at Mooinjer Veggey. The children have no problem with adapting to play, stories and songs in Manx."

There are still a few spaces left at Braddan for this coming term. Speak to Cathy on 835778 or Helen on 801925 for more information.

FRIENDS OF MOOINJER VEGGEY

On the same day Caarjyn Vooinjer Veggey (the Friend's of Mooinjer Veggey) was launched. Since it was formed in 1996 Mooinjer Veggey has been successfully promoting Manx Gaelic and working specifically to establish a network of Manx Gaelic pre-school groups throughout the Island.

Secretary of Mooinjer Veggey, Helen Robinson was pleased to announce the initiative. "Mooinjer Veggey strongly believes that the opportunities provided at its thriving Braddan playgroup should be available to all children in the Isle of Man. However, unless Mooinjer Veggey can spend more money on promotion, staff training and production of resources it can not expand to meet even existing demand."

"For just £10 a year you or your friends can join Caarjyn Vooinjer Veggey and help to support the important work of Mooinjer Veggey. Please send your name and address together with £10 to me, Helen Robinson, Scrudeyr, 5 Pretoria Terrace, St Johns."

Manx Night

A Manx speaking night is to be held at the Viking, Castletown, on Thursday 5th August at or soon after nine o'clock. This will give an opportunity for Manx speakers and learners to use their Manx.