Fockle ayns dty chleaysh

Foaysyn Farrysagh veih Enney Ashoonagh Lajer!

Hie yn Cohaglym Celtiagh er cummal mysh shiaghtin ny ghaa er dy henney as she cohaglym feer anaasagh v’ayn as ghow mee soylley mooar jeh. Booise theay Vannin da’n ving ren reaghey yn shiaghtin er nyn son.

She caa yindyssagh va currit dooin ooilley dy eaishtagh rish kiaull mie er bashtal as leaghtyn feer anaasagh veih ny shey cheeraghyn Celtiagh. Va mee beggan mollit er y fa dy dug yn sniaghtey lhietrymys orrym as cha row caa aym dy eaishtagh rish ooilley ny leaghtyn agh cheayll mee tree leaghtyn feeu. Loayr ooilley ny loayrtee mychione farrysyn ny cheeraghyn Celtiagh as cheayll mee yn Yernagh, yn Cornagh as yn Manninagh nyn leaght y livrey.

Loayr Conall Ó Móráin dy mie mychione Nerin. T’eh er ve ny voorsagh as eshyn stiureyder jeh Boorsee Riada agh nish t’eh ny stiureyder jeh Slattery PR dellal rish soilsheydys theayagh. V’eh feer anaasagh cur foill ny shenn boirraghyn farrys jeh Reiltys Nerin er ny Olteynyn Kiare as Feed Nerin. Dooyrt eh dy row eh adsyn ta dellal rish cooishyn argidoil ren bishaghey farrys Nerin, ta gaase nish chammah’s farrys erbee ‘sy theihll, agh hug eh yn raaue shoh dooin. Nee reih ny politickeyryn farrys Nerin y chiangley rish farrysyn yn Oarpey assee mooar da’n farrys cheer oc, ayns ny sloo na blein ny ghaa.

V’eh ny smoo anaasagh dooys tra loayr eh mychione ny foaysyn farrysagh ta cheet veih enney ashoonagh lajer as breeoil. Dooyrt eh dy row speeideilys yn possan bluckan coshey Nerin kiare blein er dy henney ec kione-chloieyn y theihll feer scanshoil da bishaghey yn farrys cheer Nerin ren cheet ec yn tra shen. T’eh cooie dauesyn ta credjal ayns y ‘vargey seyr’ dy veansal as dy vishaghey tradishoonyn as cultoor yn ashoon oc. Shoh croo enney ashoonagh niartal as gien mie theayagh as veih shen ta’n farrys cheer bishaghey!

Loayr Chalse Cain mychione Mannin as enn mie ec yn theay Vannin ersyn. S’cooin lhiam Chalse screeu dy row eh geearree daa cheead thousane cummaltee er yn ellan shoh ‘sy traa ry-heet, as myr shen cha row mee shickyr mychione geaishtagh rish.

Va’n leaght echey feer oayllysagh. ‘Sy toshiaght dinsh eh dooin mychione yn aght ta farrysyn cheerey gobbragh as eisht loayr eh mychione farrys cheer Vannin. Dooyrt eh dy row caghlaaghyn mooarey er jeet er yn ‘arrys cheer ain er dyn ny tree feedyn. Ta’n farrys cheer Vannin gaase dy niartal nish cha tappee as farrys cheer erbee elley ‘sy theihll. Ren eh spotch feer vie jeh ny farrysyn cheerey ‘Tiger’, cur yn ennym farrys cheer ‘Stubbin Manninagh’ er yn ‘arrys cheer ain.
Dinsh eh yn kiart irrin firrinagh agh trimshagh nagh vel eirinys Vannin cohirreydagh ‘sy vargey seyr eddyr ashoonagh agh s’feeu lhien cooney y chur da ny eirinee dy reayll yn cheer as yn thalloo ayns stayd cooie. S’bastagh nagh vel polasee Reiltys Vannin greinney eirinee dy reayll arrey er nyn n’ghowaltysyn dy tradishoonagh ayns ynnyd jeh cur orroo dy lhieggey cleighyn as croo gowaltysyn mooarey neu-chooie, ny creck nyn dhalloo ry-hoi troggal thieyn as croo foain golf.

V’eh loayrt dy mie mychione yn kerroo argid. Dooyrt eh dy row dellalyn jeant ayns Straid Atholl ny smoo cairagh as onnoroil na dellalyn jeant ayns cheer erbee elley agh cha nod cheer erbee shaghney ny kimmee ta geearree niee yn argid sollagh oc.

Cha nel Mnr Cain coontey monney jeh olteynyn Tinvaal. Dinsh eh dooin dy nhegin dooin bishaghey foaynoo ny politickeyryn ain ayns aght ennagh my ta Mannin son shagney ‘sy traa ry-heet ny brockyn mooarey ta er ve jeant ec olteynyn Tinvaal ‘sy traa t’er n’gholl shaghey!

Economic Benefits from a Strong National Identity!

The Celtic Congress was held a week or two ago and very interesting and enjoyable it was too. Many thanks to the committee who organised it for us.

A wonderful opportunity was given to us to listen to excellent music and very interesting lectures from the six Celtic countries. I was a bit disappointed that because of the big snow I was unable to listen to all the lectures but I did hear three of them. All the speakers spoke about the economy of their Celtic country and I heard the Irishman the Cornishman and the Manxman deliver their lectures.

Conall Ó Móráin spoke well about Ireland. He has been a stockbroker and was director of Riada stockbrokers, but now he’s a director of Slattery PR dealing with public relations. His talk was very interesting. He blamed members of the Irish Government for the past problems of the Irish economy. He said that it was those who were involved in economics and finance who had caused the upturn in the Irish economy which is now growing as well as any of the economies in the world, and he gave this warning. The decision of Irish politicians to tie their economy to the economies of Europe will lead to great harm to their economy in less than a year or two.

It was more interesting to me when he spoke about the economic benefits which come from a strong and spirited national identity. He said that the success of the Irish football team four years ago at the world cup finals was very important to the improvement in the Irish economy at that time. It is right and proper for those who believe in the ‘free market’ to support and help develop the traditions and culture of their country. This leads to a strong national identity and the ‘feel good factor’ which helps the economy grow!

Charles Cain, who is well known to the Manx public, spoke about the Isle of Man. I remember a few years ago Charles quoted as wishing to see two hundred thousand residents on the Isle of Man in the future, and so I was unsure about going to listen to him.

His lecture was very informative. To begin he told us about how economies work and then he spoke about the Manx economy. He said that big changes had taken place in the Manx economy since the sixties. The Manx economy is now growing as strongly as any other economy in the world. He made a good pun on the ‘Tiger economies’ of the far-east, by calling our economy the “Manx -cat economy’.

He told us the great but sad truth that Manx agriculture is not competitive in the international free market, but it is worthwhile us supporting our farmers to keep the land and country in good order. It is a pity that Manx Government policy does not seem to encourage farmers to look after their farms in the traditional way, but rather forces them to knock down hedges and create large factory farms, or to sell their land for housing development or golf courses.

He spoke well of the finance sector. He said that deals done in Athol Street were more upright and honourable than those made in any other country, but no country could avoid the criminals who wished to launder their dirty money.

Mr Cain does not reckon much to the members of Tynwald. He told us that we must improve the quality of our politicians somehow, if in the future the Isle of Man is to avoid the great mistakes which members of Tynwald have made in the past.

Phil Gawne