caairliagh - chairman
roosteen - nudist
ardjeean - enthusiastic
brattagh - flag
rybban - ribbon
tharmane - rumble
bleaystey - explosion
mooynlagh - sewage
broo - pressure
boirit - embarassed
Feystyn
1. Keayrt dy row va barrantagh ayn va beaghey ayns Balley Laagh.
2. V'eh ennymsit Jamys Ballaquark ny agh J.B. da e chaarjyn.
3. V'eh ny hoie er y fo ving turrysaght ny barrantee.
4. Laa dy row haink eie yindyssagh da er y valley.
5. Lhig dooin croo traie roosteenagh ec Balley Laagh.
6. Bee driss mooar ec yn sleih dy heet dys shoh as ceauee ad ram argid.
7. Va ooilley ny barrantee elley ayns coardailys rish ayns shoh.
8. Hug ad screeuyn da yn chiare as feed shirrey keid goaill toshiaght
er.
9. Smooinee Phil Kermode dy beagh eh eie mie.
10. Dooyrt eh myr shen er y radio.
11. Va Allan Bell as e rheynn turrysaght ardjeeanagh neesht.
12. Myr shen hrogg J.B. thie bee noa, shapp, carrlann as premee faggys
da'n traie.
13. Raink yn laa mooar as va ny brattaghyn getlagh ayns Balley Laagh.
14. Va ny meooiryn shee ayns shen dy reayll leigh as rick.
15. She laa braew griannagh v'ayn as va ny raadjyn lum lane dy ghleashtanyn
16. Va ram sleih ayn aarloo as arraltagh cur jeu nyn eaddeeyn.
17. Va Terry Cringle as skimmee chellveeish ayn dy yeeagh orroo.
18. Ghiarr J.B. y rybban as hoilshee eh magh dy row yn traie foshlit.
19. Choud's va ny roosteenyn roie er y traie, cheayll ad tharmane dowin.
20. Eisht dy doaltattym va bleaystey ayn,
21. as roie awin dy vooynlagh er y traie voish e piob.
22. Va'n phremee noa er chur rour broo er y shenn phiob.
23. Traa soar ny roosteenyn ee, roie ad er ash dys nyn gleashtanyn
-
24. as dimmee ad er ash dys Langlish, Traie Vane as Glion Sulby -
25. raad ta roosteenyn foast ry gheddyn jiu -
26. my vees fys eu er y voayl kiart dy yeeagh er.
26. Daag ad J.B. boirit as coodit lesh mooynlagh neesht -
27. er y fa dy row eh ny chaairliagh y fo ving mooynlagh.
Yn Isabel Foasley, t'ee boirey mee-hene,
As kyndagh r'ee ta mee g'aase fioghit as creen;
Lesh sooree as breagey as g'insh reddyn bwaagh,
As gialdyn nagh jean ee chooilleeney dy bragh.
Ny cheayrtyn t'ee gearey as jannoo jeem spotch,
As eisht cheayrtyn elley dy graihagh rhym loayrt,
Myr shoh ta shin dellal, cur shaghey yn traa,
Veih traa lie ayns yn oie dys peesh veg dy laa.
Ny cheayrtyn goym daanys as geddin veih kiss
As eisht nee ee gra rhym, "T'ou maarliagh gyn-ys"
Nee shoh shin dys focklyn, as eisht gowmayd cooish;
Veagh tassane dy cowag ain reiltagh shin dooisht.
Tammylt ny lurg shen cheet feiyr mygeayrt thie,
Veagh s'liooar ny agglagh ny sleih ta ny lhie:
Beem oolee as craa, ny hoie heer ec yn aile,
Eer sooie ta cloie cooyl yn grainle.
Hig polt er y dorrys, ny chrank er yn gless.
My chree lhiem myr ushag cheu sthie ayns my vress
Goaill aggle dy darragh yn skeealeyder stiagh,
Dy beagh eh dy aarloo dy woailley myr jaagh.
Nagh treih yn red sooree, as goll magh 'syn oie
Fud lane dangeyr moddee, as drogh aigney sleih,
Dy beagh oo fud jiargan oddagh oo chea
Ayns shoh beign dhyt caggey, ny ve currit sheese rea.
Tra vees eh er ny gholl er peesh veg dy laa.
Beem ceaut er son focklyn cha bee veg ayn dy braa.
Irree aym dy lhiastey heer ayns corneil,
As eisht lesh y dorrys beem snaue myr snail.
Goll trooid chiu as thanney, v'eh brishey my chree
Goll thie myr ragh maarliagh veagh geid fud ny h'oie,
Goaill aggle as nearey as chea ass y raad;
Cha booiagh v'eh marroo na ve oc son craid.
Dy smooinaght er sooree, t'eh cur orrym craa,
Dy ve dooisht fud ny h'oie as skee fey yn laa
Nagh bare dou ve laccal ben chouds as veem bio,
Ny ve boirit as eiyrit as heaghnit myr shoh.
Agh nish ta mee fakin yn seaghyn va aym
Ta mee booiagh g'insh eh magh da dagh unnane
Dy vod as goaill tastey as voish sooree chea,
Ayns aght ennagh s'assey dy leeideil nyn mea.