Droghad Vlogg

Veagh Mainsteyr Blogg er ellan beg. Va thie as baatey echey as va agh un charrey da, foillan emmysit Parkinson. Va Mainsteyr Blogg ny lomarcan agglagh.

"Veagh eh mie sleih ennagh dy veeteil," dooyrt mainsteyr Bloggs.

Cha row Parkinson ayns cordailys rish.

"Dy beign droggal droghad, oddagh sleih cheet tessyn y droghad as cur shilley orrym." dooyrt Mainsteyr Bloggs.

Myr shen, Hrogg eh droghad.

As ren peiagh ennagh cheet dy chur shilley er. V'eh Mainsteyr Chyndaa harrish as e voddey Argid. Cha row Parkinson booiagh.

"By vie lhiam kionnaghey meeir jeh dty ellan," dooyrt Mainsteyr Chyndaaharrish. "Mie dy liooar" dooyrt Mainsteyr Blogg.

Hrogg Mainsteyr Chyndaaharrish thie obbree er e veeir jeh yn ellan. Hooill e obbreeyn tessyn y droghad dy gobbraghey ayns y thie obbree dagh ooilley laa.

"B'liak eh mie lhiu beaghey er yn ellan," dooyrt Mainsteyr Blogg. "S'mie lhiam," dooyrt ny obbreeyn. Mys shen va thie mooar troggit er yn ellan.

Nish, Hrogg Mainsteyr Chyndaaharrish purt er yn ellan myr shen oddagh lhing cheet rish y cheiy as goaill ersooyl ny chooid voish yn thie obbree.

Hrogg eh droghad noa as tooilley thieyn.

As ny smoo thieyn foast.

Nish, oddagh Mainsteyr Blogg fakin sleih feie'n laa er y fa dy row ard valley er ve troggit mygeayrt y thie beg echey. Va gleashtanyn (traaght) goll mygeayrt feie'n laa as fud ny hoie as va feiyr agglagh ayn.

As va jaagh agglagh ayn. Er y fa dy row yn jaagh as feiyr cho olk, va agh un red dy jannoo son Mainsteyr Blogg as Parkinson.

Ghrapp ad stiagh nyn maatey veg as hiaull ad ersooyl cha tappee as oddagh ad, dys ellan beg elley, gyn sleih as gyn traaght as gyn thie obbree as gyn jaagh, agh lesh palchey dy aer glen as shee as fea.