LESSON 15.
GRAMMAR: Forming the plural of nouns. Group 1 (continued).
Plurals by internal change of vowels:
Singular. Plural.
olk evil uilk
poht pot poiyt
poyll pool puill
punt pound puint
purt port puirt
sack sack saick
seyir joiner sieyr
shiaull sail shiauihll
smeyr berry smeir
sock nossle sick
sparroo sparrow sperriu
spoht spot spuit
stabyl stable stabil
stott bullock stitt
stouyr store stewir
stoyl stool stuill
tarroo bull terriu
towl hole tuill
clag clock cluig
corp body kirp
criggyl cripple criggil
croan mast cruin
cronk hill crink, croink
cront knot cruint
cubbyl couple cubbil
doarn fist duirn
dooinney man deiney
dow ox dew
eayn lamb eayin
edd nest idd
eean fowl ein
fer person fir
foawr giant foawir
geayl coal geayil
glack hollow glick
glass lock glish
goayr goat goair
CONVERSATl0N.
SHIAULLEY MYGEAYRT MANNIN.
Taggloo eddyr Jees.
B. Vel Purt ny Hinshey feer shenn?
A Ta dy-jarroo, v'ee ayns shen tra haink ny Loghlinee gys yn Ellan, d'enmys ad ee Holmtun.
B. Cre'd ta'n cheeayll er shen?
A. Ta'n cheeayll cheddin echey as t'ec Purt ny hinshey. Ta shiartanse dy glionteenyn bwaagh er y slyst shoh. Erskyn shen ta'n slyst feer gheinnagh as t'eh dy kinjagh nieet ersooyl liorish y cheayn.
B. Bastagh! Shegin shen ve goll er rish foddey.
A. Shegin. Er hoh ta shin cheet gys Kione ny hayrey.
B. Ta mee credjal dy vel y thalloo g'aase ayns shoh. Nish t'ad goaill ersooyl yn geinnagh ayns lhongyn ta mee clashtyn. Ta mee gindys cre'd tad jannoo lesh?
A. T'ad gra dy vel ad jannoo sheeabin jeh.
B. Sheeabin! Cre'n sorch dy heeabin foddee ad jannoo ass geinnagh.
A. Sheeabin scooiree. Tra ta sheeabin as geinnagh er nyn mastey t'ad mie son scooirey puit as pannaghyn as claareeyn as red erbee elley ta laccal glenney ayns y thie.
B. Nagh yindyssagh eh dy vod ad feddyn lheid yn ymmyd son geinnagh.
A. Nish ta shin cheet faggys da Rhumsaa.
B Yn nah balley ayns yn Ellan.
B. Vel Rhumsaa feer shenn?
A. Cha nel mee smooinaghtyn dy vel y halley hene feer shenn, foddee er ve balley beg ayns shenn ayns laghyn Loghlinagh, agh cha nel monney caslys jeh.
B. Nagh row unnane jeh ny reeaghyn Manninagh er ny varroo ayns Rhumsaa?
A Va. Va Ree Olave er ny varroo. V'eh er ny ghunverys liorish unnane jeh e vec braarey ny shayrey, ta mee jarrood quoi jeu.Agh lhaihee oo ooilley my e chione ayns Cronickyl Vannin as ny Hellanyn. Nish ta shin goll mygeayrt Kione Maghal as gerrid beemayd ec Laksaa.
B. Row ny Loghlinee ayns Laksaa?
A. O va, shegin daue er ve ayns shen son ta dy-chooilley red pointeil gys shen. Ta'n ennym Loghlinagh son ta'n keeayll er Awin Braddan.
B. Foddee v'ad feddyn argid as leoaie.
A. Ta shen likly dy-liooar son tad er n'gheddyn moorane er dy traa shen.
B. Er hoh shin ec Doolish reesht.
A. Ta mee goaill foddiaght ny yei cappan dy hey.
B. Mish neesht!
A. Lhig dooin goaill baroose seose.
B. C'raad t'ou lheim jeh?
A. Ec Keeill Noo Ninian. Slane lhiat!
B. Slane lhiat! Bee'm fakin oo gerrid reesht.
Yn Jerrey.
READlNG PRACTICE.
ASHLISH VAXEN.
Skeeal Shenn Vretin.
Va'n halley aalin. Va'n mullagh as dorrysyn jeant jeh airh as va boallaghyn jeant jeh cliegeenyn glistral. Va ny buird jeant jeh argid as va ny stuill jeant jeh airh. Ec unnane jeh ny buird hoie daa phonniar cloie ec tawlish (chess), as va boayrd-gamman argid oc as babbanyn-tawlish (chessmen) airhey. Va ny garmadyn oc jeant jeh strol (satin) doo, va ny boadrymyn (buskins) oc jeant jeh liare Cordovan noa as bugglyn airhey orroo; as va'n folt oc kianlt lesh attaghyn dy airh ruy as cliegeenyn.
Liorish unnane jeh ny pillyryn ayns y halley honnick Maxen dooinney niartal lesh folt lheeah ny hoie ayns stoyl iuaagagh (ivory) as daa urley dy airh ruy er. Va brashleidyn airhey er e roihaghyn as ymmodee fainaghyn er e laueyn, as colliar dy airh mygeayrt e wannal as er e chione va crooin d'airh. Va boayrd tawlish airhey kiongoyrt rish as slat airhey as craueghan staillinagh ny laue as v'eh grainney babbanyn-tawlish.
Noi yn chenn dooinney hass moidyn ayns caayr (chair) jeant jeh airh ruy. V'eh ny s'assey dy yeeaghyn ec y ghrian tra v'ee sollys na ve dy yeeaghyn urree, v'ee cha bwaagh. Cheau ee perree sheeidey bane clespit lesh airh ruy er e cleeau, cooat jeant jeh, snaihaghan airhey (gold tissue) as cryss airhey, as crooin d'airh ruy, claghyn-ruy as pearlyn er e kione.
Dirree y voidyn ass e stoyl as cheau Maxen e roihaghyn mygeayrt e mwannal as phaag eh ee, agh eer tra va ny roihaghyn echey mygeayrt-y-moee as e lieckan noi yn lieckan ecksh, ren feiyr scaapyn as shutternee cabbil y ghoostey yn lmpir.
(Tannaghtyn).