LESSON 6.
GRAMMAR (for study).
The following adjectives are irregularly compared:-
mie—good, share— better, best.
olk— bad; smessey— worse, worst.
beg— little: sloo— less, least.
mooar— big, smoo— bigger, more, biggest, most.
ymmodee— many; slee— more most.
mennick— frequent: smenkey— oftener, oftenest.
faggys— near. sniessey— nearer, next.
leah— soon; sleaie— sooner, soonest.
foddey— far; sodjey — farther, farthest.
lhean— wide; shlea— wider, widest.
aeg— young, saa— younger, youngest.
shenn— old; shinney— older, eldest.
lajer— strong; stroshey— stronger, strongest.
trome— heavy; strimmey— heavier, heaviest
ard— high; syrjey— higher, highest.
aashagh— easy; sassey— easier, easiest.
chiu— dense, s'chee— denser, densest
çheh— hot: schoe— hotter, hottest.
lt will be seen that in these irregular adjectives and adverbs the initials of the comparative and superlative is usually written without the apostrophe. Several other adjectives are more or less irregular—
aalin— beautiful s'aaley.
anvennick— seldom s'anvenkey.
broigh— dirty s'broiee.
bwaagh— pretty sthwaaee.
cadjin— common s'cadjinee.
chionn— tight s'chenney.
dowin-— deep s'diuney
garroo— rough s'girroo.
gerrid— shortly s'gerjey.
giall— bright s'gilley.
giare— short s'girrey.
jerrinagh— late, ending s'jerree,
millish— sweet s'miljey.
moal— sluggish s'melley.
roauyr— fat s'riurey.
scoan, s'goan— scarce s'genney.
thanney— thin s'theinney.
PRACTICAL CONVERSATION (for improving vocabulary and readiness of response).
WALKAL DYS KIONE Y DROGHAD
(Co-loayrtys eddyr daa inneen, Ealish as Moirrey).
Moirrey: Vel oo er dty ghoostey, Ealish?
Ealish: Ta, c'wooad er y chlag eh?
Moirrey: Te bunnys hoght er y chlag.
Ealish: Lhisagh shin ve er nyn gosh.
Moirrey: Ta moghrey gloyroil ayn. B'laik lhiat goaill walkal lurg brishey trostey.
Ealish: Nagh beagh eh aalin. Hooin roin er cor erbee
Moirrey: Shen nish, cha leah's ta shin er niee ny claareeyn hemmayd roin.
Ealish: Craad hemmayd: cre mysh Kione y Droghad?
Moirrey: Veagh shen walkal taitnyssagh.
Ealish: Lhig dooin goll eisht!
Moirrey: Nagh vel yn aer millish?
Ealish: Ta dy-jarroo, t'ee goll-rish feeyn.
Moirrey: Jeeagh er ny bodjalyn kys t'ad siyrraghey harrish yn aer, myr dy beagh ad geabey dy verraghtyn er y cheilley.
Ealish: Cre cha aalin ta ny bodjalyn, t'ad jeeaghyn goll-rish carnaneyn d'ollan sniaghtagh.
Moirrey: Ta, as ny cheayrtyn ta fer geddyn falleays jeh'n çheer hoal: Foddee flaunys— quoi ec ta fys?
Ealish: Ta shen ardthie yn chianoort, nagh vel?
Moirrey: Ta, as cummal bwaagh neesht.
Ealish: Nagh vel keayn Ghoolish aalin?
Moirrey: Nagh vel dy-jarroo, er-lheh tra ta fer fakin eh ayns grian y voghrey — er-nonney ec lhie ny greiney.
Ealish: Eaisht, ta ushag kiaulley er nyn skyn, cre'n kiaull millish t'eck?
Moirrey: Ta mee goaill yindys cre'n ushag oddys ee ve? Nagh bing yn arrane eck!
Ealish: O she ushag-happagh t'ayn, cre'n ushag elley oddagh kiaulley cha millish?
As t'ee dy-bragh kiaulley ard heose syn aer.
READING PRACTICE.
CHEER NYN AEG.
Cabdil 3: Immeeaght Oshin.
Craa eh hene as shutternee tree keayrtyn myr venn eh rish yn ushtey, roie yn cabbyl er e hoshiaght myr dy beagh ny tonnyn faiyr. V'eh ny s'tappee na geay yn Vart er mullagh ny sleityn. Nish er y derrey cheu as nish er y cheu elley honnick ny markee slystyn joaree ellanyn as mooarheeraghyn, lesh ardvaljyn as plaaseyn baney as doonyn as caayryn soilshean er y thalloo glass harrish yn ushtey. V'ad foddey magh cheu hoal jeh roie lhongyn, agh keayrt ren feeaih gyn-eairk aeg keimyragh lioroo, roie roish coo bane as cleayshyn jiargey echey; as honnick ad moidyn ghraihoil, er eagh dhone, cur lesh ooyl airhey, as fer-caggee aeg geiyrt urree er eagh bane, coamrit ayns brat jeant jeh strol jiarg, as cliwe lesh duirneen airhey echey. Vrie Oshin quoi va ny markee.
"Cha vel veg ayns ny reddyn shoh," dooyrt Niau, cha vel ad veg soylit rish yindyssyn Cheer nyn Aeg."
Varkee ad rhymboo derrey honnick ad feer foddey jeh grianane erskyn ny tonnyn, as vrie Oshin quoi by lesh y plaase as quoi va'n flaih.
"She Cheer Mienyn ee," dooyrt Niau, "reillt harrish liorish Foawr. Ta'n ven-rein echey inneen da Ree Cheer Bioys. D'ymmyrk eh ersooyl ee er-egin as t'eh cummal ee er-egin ayns y phlaase, boayl t'ee fieau son roortagh dy chaggey rish Foawr. Cha vel fer erbee er ve ry-gheddyn as creeaght dy-liooar echey."
"Bee'm," dooyrt Oshin, "yn roortagh eck as seyrym y Ven-rein."
(Tannaghtyn.)