Mod2Tasks

Manx Module 2 - LISTENING Mod2.Tasks

Task 1 - Tier 1

Ta ben briaght feyshtyn mychione Mannin jeh dooinney.
Eaisht rish y recortys, eisht lhieen stiagh ny baarnaghyn ayns Gaelg (ta sambyl jeant hannah):

Lhiurid Vannin Tree meeiley jeig as feed

Lheead Vannin

Ard-valley Vannin nish

Yn shenn ard-valley

Y slieau syrjey

Boayl ta'n Wheeyl Vooar

cheer ry-akin voish Doolish

cheeraghyn ry-akin voish
Purt ny h-Inshey

Yn ellan beg er cheu jiass Vannin

Marks Points

0 - 3 0

4 - 5 1

6 - 10 2

Manx Module 2 - LISTENING Mod2.Tasks

Task 2 - Tier 2

Eaisht rish y recortys mychione troailt ayns Mannin as cur tick ayns ny boayllyn kiart (coardail rish y recortys):

Kiart Neu-chiart Dyn-yss

1. Cha nod oo getlagh dys Lunnin er
etlanyn Emerald Airways.

2. Lesh y keesh, ta tiggad dys Lerpoyll
as erash costal jeih punt as
tree feed.

3. Ta'n turrys eddyr Roonysvaie as
Lerpoyll goaill un oor.

4. T'eh costal ny smoo dy etlagh dys
Lunnin ny dy etlagh dys Divlyn.

5. T'ou geeck feed punt keesh son
gagh tiggad-etlan.

6. T'eh costal keead punt dy etlagh
dys Manchuin.

7. Foddee dy beagh Jurby ny share na
Roonysvaie er y fa dy vel y
thalloo rea ec Jurby.

8. Ec y traa t'ayn, cha nod oo getlagh
dys Caerdydd (Cardiff)
voish Mannin.

Marks Points
0-3 0
4-6 3
7-8 4

Manx Module 2 - LISTENING Mod2.Tasks

Task 3 - Tier 3

Eaisht rish y recortys, eisht soilshee magh y freggyrt kiart (coardail rish y recortys):

1. C'raad va'n dooinney ren coayl ny kirree echey?
Ayns Skylley Maayl / Sy thie ching / Er ny sleityn.

2. T'eh guee er quoi dy irree seose as sauail ny kirree?
Ny bochillyn echey / Mooinjer Skyll Lonan / Mooinjer Skylley Chreest.

3. C'raad ren ad feddyn ny kirree marroo?
Skylley Chreest / Laksaa / Laggan Varooyl.

4. C'red va sliennoo Illiam Dhone?
Lonan / Cristeen / Resowr.

5. Sy chaggey theayagh ayns Sostyn, va lught Cromwell jannoo caggey noi:
Y Commonwealth / Ny Sostnee / Ny reeoilee.

6. Cre ren cheet dys Mannin sy chaggey shen?
Lhongyn-caggee Commwealth / Ny reeoilee / Ree Hostyn.

7. Cre'n sorch dy ghooinney va Illiam Dhone?
Dooinney boght / Dooinney niartal / Dooinney faase.

8. Cre'n fa va Illiam Dhone goaill aggle mychione Mannin?
Veagh y Ree marrooit / Veagh caggey agglagh ayns Mannin / Veagh Cromwell marrooit.

9. Cre'n aght ren ny reeoilee ayns Mannin cur seose y caggey?
V'ad currit fo cosh ec lught Cromwell /
V'ad eginit jannoo shen liorish y militia Manninagh as Illiam Dhone /
Ren Illiam Dhone cur argid daue.

10. Cre'n aght va Mannin er ny sauail?
Liorish oardagh Cromwell / Va shee reaghit ec Illiam Dhone lesh lught y Commonwealth /
Ren leeideilagh ny reeoilee ayns Mannin geddyn baase.

11. Cuin va Illiam Dhone currit gy baase?
Cho leah as va shee reaghit ayns Mannin / Tra va Ree Hostyn currit gy baase /
Tra va ree noa ayns Sostyn.

12. Quoi ren cur Illiam Dhone gy baase?
Ny noidyn echey / Cromwell / Y ree noa.

Marks Points
0-5 0
6-8 4
9-12 6

Manx Module 2 - SPEAKING Mod2.Tasks

Task 1 - Tier 1

Ayns Gaelg, freggyr ny feyshtyn shoh mychione Mannin:

Teacher: C'red ta'n balley smoo ayns Mannin?

Candidate: (...............)

Teacher: Cre ny baljyn elley t'ayns Mannin?

Candidate: (...............)

Teacher: C'red ta'n slieau syrjey ayns Mannin?

Candidate: (...............)

Teacher: C'raad ta'n Wheeyl Vooar?

Candidate: (...............)

Teacher: Vel Rhumsaa ayns y jiass ny ayns y twoaie?

Candidate: (...............)

Teacher: Cre'n ennym t'er yn ellan beg t'er y cheu jiass jeh Mannin?

Candidate: (...............)

Teacher: Ny keayrtyn, cre'n cheer ta ry akin veih Doolish?

Candidate: (...............)

Marks Points

0-3 0
4-5 1
6-9 2

Manx Module 2 - SPEAKING Mod2.Tasks

Task 2 - Tier 2

Lhig er dy vel carrey briaght feyshtyn mychione troailt. Freggyr ny feyshtyn ayns Gaelg:

Possible transcript

Friend (Teacher): Tra t'ou troailt voish Mannin, mie lhiat y baatey, ny mie lhiat yn etlan?

Candidate: (...............)

Friend (Teacher): Share lhiat / Nhare lhiat y baatey ny yn etlan?

Candidate: (...............)

Friend (Teacher): Vel oo goll er y vaatey dy mennick? Un cheayrt sy vlein,
daa cheayrt sy vlein ....?

Candidate: (...............)

Friend (Teacher): As vel oo goll er yn etlan dy mennick?

Candidate: (...............)

Friend (Teacher): Tra t'ou goll er y vaatey / yn etlan, c'red t'ou jannoo
er y turrys?

Candidate: (...............)

Friend (Teacher): Vel oo cheet dy ve ching er y vaatey / yn etlan?

Candidate: (...............)

Friend (Teacher): C'red va'n turrys smoo ren oo rieau jannoo?
Row yn turrys mie?

Candidate: (...............)

Marks Points

0-4      0
5-6      3
7-10    4

Manx Module 2 - SPEAKING Mod2.Tasks

Task 3 - Tier 3

Jean recortys er kishteen - loayr mychione troailt ayns Mannin.
Ny jean loayrt son ny smoo na 5 minnid.

Loayr mychione ny cooishyn shoh:

1. Ny h-aghtyn ta sleih troailt ayns Mannin - shenn aghtyn as aghtyn noa.

2. Ny h-aghtyn t'ou uss hene troailt mygeayrt Mannin.

3. Reddyn s'mie lhiat as reddyn nagh mie lhiat bentyn rish troailt ayns Mannin.

Manx Module 2 - READING Mod2.Tasks

Task 1 - Tier 1

Lhaih y veer shoh heese:

Ta Mannin mysh jeih meeiley as feed er lhiurid, as jeih meeiley er lheead. She Doolish yn ard-valley. Keayrt dy row, she Balley Chashtal va'n ard-valley. Ta red goll rish jeih as tree feed thousane dy chummaltee ayns Mannin. Ta'n chooid smoo jeu cummal ayns Doolish as Kione Droghad.

Ny baljyn elley, shen Rhumsaa, Purt ny h-Inshey, Purt chiarn as Purt le Moirrey. Va sleih cliaghtey gra 'gobbagyn' rish cummaltee Phurt ny h-Inshey.

She Sniaul y slieau syrjey ayns Mannin. Ta Baroole Twoaie bunnys cho ard as Sniaul. Ta'n thalloo sleitagh ayns mean yn Ellan, agh t'eh rea er y twoaie.
Ta coan eddyr Doolish as Purt ny h-Inshey scarrey crink y twoaie veih crink y jiass.
Cha nel awinyn mooarey ayns Mannin, agh shimmey glion aalin t'ayn.

Ta ellan beg er y cheu jiass jeh Mannin. Ta'n ellan shoh enmyssit Yn Cholloo.
----------------------------------------------------------------------------------------------------------------
Cur linney fo gagh marran:

ARD-VALLEY VANNIN NISH: Doolish.

SHENN ARD-VALLEY VANNIN: Purt ny h-Inshey.

SLIEAU SYRJEY: Baroole Twoaie.

C'RAAD TA'N THALLOO REA? Er y twoaie.

EARROO DY CHUMMALTEE VANNIN: 60,000

YN ELLAN BEG SY JIASS: Yn Cholloo.

BALLEY NY 'GOBBAGYN': Purt chiarn.

LHIURID VANNIN: Mysh 30 meeiley.

LHEEAD VANNIN: Mysh 16 meeiley.

Marks Points

0 - 2 0
3 1
4-5 2

Manx Module 2 - READING Mod2.Tasks

Task 2 - Tier 2

Lhaih y veer shoh heese mychione shiaulley veih as gys Mannin:

Ayns y tourey, foddee oo shiaulley dy reiltagh eddyr Mannin as Sostyn, as eddyr Mannin as Nerin. Cha nel ny baatyn goll gys Nerin gagh laa. Ayns y gheurey, cha vod oo shiaulley eddyr Mannin as Nerin agh nish as reesht.

Ta ny baatyn shiaulley veih Doolish gys Lerpoyll as Heysham ayns Sostyn, as gys Divlyn as Beeal Feirshtey ayns Nerin.

Ta'n turrys eddyr Doolish as Heysham goaill kiare oor. Eddyr Doolish as Lerpoyll, ta'n turrys cliaghtey goaill kiare oor gys kiare oor dy lieh. Agh my t'ou goll er y Chayt Marrey gys Lerpoyll, cha nel y turrys goaill agh daa oor dy lieh.

Mannagh vel oo goll er y Chayt Marrey, ta'n turrys eddyr Mannin as ny baljyn Yernagh goaill kiare oor dy lieh gys queig oor. Ta'n turrys goaill daa oor as tree kerroo er y Chayt Marrey.
----------------------------------------------------------------------------------------------------------------
Lhieen stiagh ny baarnaghyn (ta sambil jeant hannah):

Turrys Goll dy reiltagh Foddid y turrys
sy gheurey?

Doolish-Heysham ................................... .................................

Doolish-Lerpoyll Ta. .................................

Doolish-Divlyn .................................... 2³/₄ - 5 oor

Doolish-Beeal Feirshtey .................................... ...................................

Marks Points

0 - 3 0

4 3

5 - 6 4

Manx Module 2 - READING Mod2.Tasks

Task 3 - Tier 3

Lhaih y pheesh shoh mychione shennaghys Vannin:

Ta shin cliaghtey gra 'Manninagh' rish y mestey shen jeh Celtiee as Loghlinee, lesh Sostnee cheet stiagh lurg shen. Ny smoo as ny smoo, beemayd gra 'Manninagh' rish peiagh erbee ta cummal ayns Mannin, t'eh jeeaghyn.

Ayns yn chennaghys shione dooin, she cheer Cheltiagh Mannin, lesh chengey Cheltiagh (yn Ghaelg) as cliaghtaghyn Celtiagh. Cha nel fys ain cuin haink ny Celtiee gys Mannin. Foddee dy ren ad cheet gys Mannin mysh thousane blein roish Creest , ny foddee dy ren ad cheet mysh tree cheead blein roish Creest .

Roish 500 BNJ*, va chengey Cheltiagh goll rish Bretnish goll er loayrt ayns Mannin. Lurg 500 BNJ, va Shenn Yernish goll er loayrt ayns Mannin er y fa dy ren ny Yernee cheet gys Mannin (ren ad cur lhieu yn chengey oc gys Nalbin ec y traa cheddin). Va'n Ellan foast Celtiagh, agh va'n chengey Cheltiagh caghlaait. Haink yn Chreestiaght dy ve lajer syn Ellan, liorish obbyr Pherick, Vaghal as Vreeshey as nooghyn elley.

Ayns 798 BNJ, ren ny Loghlinee soie er Purt ny h-Inshey. Lurg shen, ren ny Loghlinee geddyn greim er Mannin. Va deiney Loghlinagh poosey mraane Manninagh. Gyn ourys, va Yernish as Loghlinish ec ny paitchyn oc.

Ren ny Loghlinee cur er bun Reeriaght Vannin as ny h-Ellanyn (ny h-ellanyn Albinagh). Va Mannin feer scanshoil, er y fa dy ren eh cur smaght da ny Loghlinee er Muir Vannin. Ren ny Loghlinee cur Tinvaal er bun, ta ny smoo na thousane blein dy eash nish.

T'eh jeeaghyn dy row ny Loghlinee gynsaghey Yernish tappee dy liooar. Lurg keeadyn dy vleeantyn, haink yn chengey shoh dy ve chengey elley (yn Ghaelg) ayns Mannin, as chengey elley (Gàidhlig) ayns Nalbin.

Sy vlein 1266, ren ny Loghlinee coayl caggey mooar noi ny h-Albinee as haink Mannin fo smaght Albinagh. Va Reeriaght Vannin as ny h-Ellanyn brisht seose lurg shen. Va caggaghyn dy liooar eddyr ny h-Albinee as ny Sostnee, as fy yerrey, ren ny Sostnee geddyn greim er Mannin. T'ee fo smaght ny Sostnee neayr's y traa shen, sy chiarroo eash jeig. Agh va ny Manninee freayll seyrsnys ennagh.

*BNJ = Blein Nyn Jiarn = The Year of Our Lord = AD

(2R3) Cur linney fo'n ansoor kiart: Mod2.Tasks

1. Va 'Manninee' mestey jeh Manninee as Bretnee

Loghlinee as Yernee

Celtiee, Loghlinee as Sostnee

2. Roish my daink ny Yernee gys Mannin, va'n chengey ayns Mannin

goll rish Yernish

goll rish Bretnish

goll rish Frangish

3. Foddee dy daink ny Celtiee gys Mannin ayns 798 BNJ

lurg 500 BNJ

eddyr 300 RC as 1000 RC
(RC = Roish Creest)

4. Va smaght ec ny Loghlinee er Mannin ayns 1266 BNJ

lurg 798 BNJ

roish 500 BNJ

5. Va Reeriaght Vannin as ny h-Ellanyn ny reeriaght Loghlinagh

Cheltiagh

Yernagh

6. Va Mannin fo smaght Hostyn veih'n 12 ⁰⁰cheead

6⁰⁰cheead

14⁰⁰cheead

Marks Points
0 - 3 0
4 4
5 - 6 6

Manx Module 2 - WRITING Mod2.Tasks

Task 1 - Tier 1

Shoh fys mychione Mannin. Lhieen stiagh ny baarnaghyn (ta sambyl jeant hannah):

ARD-VALLEY................................ : Doolish

..................................................... : Sniaul

..................................................... : Tree meeiley jeig as feed.

..................................................... : Tree meeiley jeig.

..................................................... : Jeih thousane as tree feed.

Marks Points

0 - 2 0

3 1

4 2

Manx Module 2 - WRITING Mod2.Tasks

Task 2 - Tier 2

Screeu mysh 50 - 60 fockle mychione shennaghys Vannin.

Manx Module 2 - WRITING Mod2.Tasks

Task 3 - Tier 3

Screeu coontey jeh ny h-aghtyn ta sleih troailt gys as voish Mannin, as ny h-aghtyn t'ad troailt ayns Mannin hene.

Screeu mysh 120 fockle.