Ta Mannin mysh jeih meeiley as feed er lhiurid, as jeih meeiley er lheead. She Doolish yn ard-valley. Keayrt dy row, she Balley Chashtal va’n ard-valley. Ta red goll rish jeih as tree feed thousane dy chummaltee ayns Mannin. Ta’n chooid smoo jeu cummal ayns Doolish as Kione Droghad.

Ny baljyn elley, shen Rhumsaa, Purt ny h-Inshey, Purt Çhiarn as Purt le Moirrey. Va sleih cliaghtey gra ‘gobbagyn’ rish cummaltee Phurt ny h-Inshey.

She Sniaul y slieau syrjey ayns Mannin. Ta Baroole Twoaie bunnys cho ard as Sniaul.

Ta’n thalloo sleitagh ayns mean yn Ellan, agh t’eh rea er y twoaie. Ta coan eddyr Doolish as Purt ny h-Inshey scarrey crink y twoaie veih crink y jiass. Cha nel awinyn mooarey ayns Mannin, agh shimmey glion aalin t’ayn.

Ta ellan beg er y çheu jiass jeh Mannin. Ta’n ellan shoh enmyssit Yn Cholloo.

Answer in Manx.
 

1. How wide is the Isle of Man?
2. Where do most of the people live?
3. What is the little island to the south of the Isle of Man?
4. What is the highest mountain?
5. What is between Douglas and Peel?
6. How long is the Isle of Man?

   ---

1. aalin -
2. agh -
3. ard -
4. ard-valley - capital
5. as -
6. awinyn - rivers
7. ayns -
8. baljyn - towns
9. Balley Chashtal -
10. Baroole - Barrule
11. beg -
12. bunnys - nearly
13. Cha nel -
14. çheu -
15. cho - as
16. chooid -
17. cliaghtey - usually
18. coan - valley
19. crink - hills
20. cummal -
21. cummaltee -
22. Doolish -
23. dy chummaltee - of inhabitants
24. eddyr -
25. ellan -
26. elley -
27. enmyssit -
28. er -
29. er lheead - in width
30. er lhiurid - in length
31. feed -
32. glion -
33. gobbagyn - dogfish
34. goll rish - like
35. gra -
36. jeh -
37. jeih -
38. jeu -
39. jiass -
40. keayrt dy row - once
41. Kione Droghad. -
42. Mannin -
43. mean -
44. meeiley -
45. mooarey -
46. mysh -
47. Purt Çhiarn -
48. Purt le Moirrey. -
49. Purt ny h-Inshey -
50. rea flat
51. red -
52. Rhumsaa, -
53. rish -
54. scarrey separating
55. She -
56. shen -
57. shimmey - many
58. shoh -
59. sleih -
60. sleitagh - mountainous
61. slieau -
62. smoo -
63. Sniaul -
64. syrjey - highest
65. t’ayn -
66. t’eh -
67. Ta -
68. Ta’n -
69. thalloo -
70. thousane -
71. tree -
72. twoaie -
73. Va -
74. va’n -
75. veih -
76. y -
77. yn -
78. Yn Cholloo - Calf of Mann

Cur Baarle er shoh.
 

1. She Nerin as Nalbin ny çheeraghyn ta ry-akin voish Purt ny h-Inshey ny keayrtyn.
2. Ta’n raad eddyr Doolish as Purt ny h-Inshey mysh tree meeiley jeig er lheead.

 
3. Ta ellan beg er çheu jiass Vannin. Ta’n ennym jeh’n ellan beg shoh “Yn Cholloo”.
4. Ta Ellan Vannin mysh tree meeiley jeig as feed er lhiurid.

 
5. Ta balley beg bunnys ayns mean jeh’n Ellan. Ta’n ennym er y valley beg shoh Balley Keeill Eoin.

 
6. Ta Doolish yn ard-valley nish.

 
7. Ta’n awin s’liuyrey ayns Mannin enmyssit yn Awin Sulby. T’ee daa veeiley yeig er lhiurid.

 
8. She Sniaul y slieau syrjey syn Ellan. Ta Sostyn, Nalbin, Nerin, as Bretyn ry akin voish shoh.

 
9. Ta cashtal braew sy jiass ayns mean jeh Balley Chashtal. Ta’n ennym er y chashtal shoh, Cashtal Rosien.

 
10. She Sostyn yn çheer ta ry-akin voish Doolish ny keayrtyn.

    ---

1. ard-valley -
2. as -
3. awin -
4. Awin Sulby. -
5. ayns -
6. balley -
7. Balley Chashtal. -
8. Balley Keeill Eoin -
9. beg -
10. braew -
11. Bretyn -
12. bunnys -
13. cashtal -
14. Cashtal Rosien -
15. chashtal -
16. çheer -
17. çheeraghyn -
18. çheu -
19. daa veeiley yeig -
20. Doolish -
21. eddyr -
22. ellan -
23. Ellan Vannin -
24. enmyssit -
25. ennym -
26. er -
27. er lheead. -
28. er lhiurid. -
29. feed -
30. jeh -
31. jeh’n - of the
32. jeig -
33. jiass -
34. Mannin -
35. mean -
36. meeiley -
37. mysh -
38. Nalbin -
39. Nerin -
40. nish -
41. ny -
42. ny keayrtyn - sometimes
43. Purt ny h-Inshey -
44. raad -
45. ry akin -
46. s’liuyrey - longest
47. She -
48. shoh -
49. slieau -
50. Sniaul -
51. Sostyn -
52. sy - in the
53. syn - in the
54. syrjey - highest
55. T’ee -
56. ta -
57. Ta’n -
58. tree -
59. valley -
60. Vannin -
61. voish -
62. Yn Cholloo - 

    ---

Answer in Manx.
 

1. Which countries can be seen from Peel?
2. What is the village in the middle of the Island?
3. Which castle is in the south?
4. Which is the longest river in Mann?
5. Where is the capital?

   ---

cheer (cheer) country

Notice that in Manx we say 'on the country' rather than 'in the country'.

Co-loayrtys

Ean: Beeym goll magh er y cheer mairagh.
Peddyr: C'raad? Yn jiass ny yn twoaie?
Ean: Yn jiass. Nee'm goll dys Balley Chashtal sy ghleashtan as eisht shooyl my-yiass.
Peddyr: Jean oo goll er Bayr ny Skeddan?
Ean: Cha jeanym. Nee'm goll shaghey Poyll Vaaish as Baie ny Carrickey dys Purt le Moirrey. Eisht nee'm shooyl trooid Creneash dys y Cheyllys.
Peddyr: Bee uss goll faggys da ny Skauryn?
Ean: Bee.

yn jiass (in-JASS) the south
yn twoaie (in TOO-ee) the north
Balley Chashtal (BAL-ya-KHASH-chal) Castletown ('Town of Castle')
sy ghleashtan (sa-GHLAYSH-chan) in the car
eisht (esh) then
shooyl (SHOO-al) walking
my-yiass (ma-YASS) to the south; southwards
jean oo? (JINN-oo) will you do? will you make?
jean oo goll? (JINN-oo-GULL) will you go?

Note that you say 'Nee oo goll' for 'You will go', and 'Jean oo goll?' for 'Will you go?'

skeddan (SKATH-an) herring
Raad ny Skeddan (RAAD-na-SKATH-an) The Road of the Herring
cha jeanym (ha-JINN-um) I won't do; I won't make

In the dialogue above, 'Cha jeanym' is the answer ('No') to the question 'Jean oo goll ...?'

shaghey (shah) past
Baie ny Carrickey (BAA-ee-na-KARR-ick-a) Bay ny Carrickey
Purt le Moirrey (PURT-la-MURR-a) Port St Mary
trooid (trood) through
Creneash (kren-AYSH) Cregneash
Y Keyllys (a-KEELL-uss) The Sound
Ny Skauryn (na-SKAW-run) The Chasms
 
 

will be Bee Bee Cha bee
will Nee Jean Cha jean
 

Cur Baarle orroo shoh.
 

1. Nee'm goll shaghey Poyll Vaaish as eisht shooyl my-yiass.
2. Eisht nee'm shooyl trooid Creneash dys y Cheyllys.
3. Beeym goll magh er y cheer mairagh.
4. Nee'm goll dys Balley Chashtal sy ghleashtan.
5. Bee uss goll faggys da ny Skauryn? Bee.
6. C'raad? Yn jiass ny yn twoaie? Yn twoaie.
7. Nee'm goll dys Baie ny Carrickey as Purt le Moirrey.
8. Jean oo goll er Bayr ny Skeddan? Cha jeanym.

From the co-loayrtys answer these in Manx
 

1. How will Ean be going to Castletown?
2. Will Ean go on the Herring Way?
3. Where will Ean walk through on the way to the Sound?
4. Where will Ean pass between Poyll Vaaish and Purt le Moirrey?
5. Will Ean be going near the Skauryn?
6. What will Ean be doing tomorrow?

cre'n sorch? (krinn-SURCH) what sort
dy heer (the-HEER) of country

'dy', meaning 'of', causes the mutation (letter change) called lenition or aspiration in following letters. In this case, 'cheer' becomes 'heer'.
Another example is:

tey (tay) tea
cappan dy hey (KAVV-an-the-HAY) a cup of tea

Coloayrtys

Peddyr: Cre'n sorch dy heer share lhiat?
Ean: Cruink, sleityn, glionteeyn, awinyn, creggyn.....
Peddyr: Cre mysh ny baljyn?
Ean: Jarrood ad shen! S'mie lhiam thalloo sheeoil.

.. share lhiat? (SHARE-l'yatt) .. do you prefer? (..is best with you?)

cronk (kronk) a hill
cruink (krink) hills
glion (gl'yonn) a glen
glionteeyn (GL'YONN-tee-un) glens
awin (OW-in) a river
awinyn (OW-in-un) rivers
creg (kregg) a rock
creggyn (KREGG-un) rocks
cre mysh ..? (kra-MUSH) what about ..?
yn balley (in-BAL-ya) the town
ny baljyn (na-BAL-jun) the towns

In Manx, the commonest way to form the plural is by adding '-yn':
awin - awinyn.

Manx forms plurals in a variety of ways, as can be seen above.

jarrood! (jarr-OOD) forget!
ad shen (add-SHEN) those
s'mie lhiam (SMY-l'yamm) I like
thalloo (TOL-oo) land
sheeoil (shee-OLE) peaceful

Note that 'th' in 'thalloo' is not pronounced as in English, but as 't'. Also, stress is on the first syllable in this word, not on 'oo'.
 

From the co-loayrtys answer these in Manx
 

1. What should Peter forget?
2. What sort of country does Peter prefer?
3. What sort of country does Ean like?

1. In Manx write a short account of the type of countryside that you like or describe the scene below.

 

bayr (burr) a way, a road
skeddan (SKATH-un) herring

'Bayr ny Skeddan' (BURR-na-SKATH-un) means 'The Way of the Herring'. Note that we do not need 'the' in Manx at the start of this expression.

Coloayrtys

Ean: Ren oo rieau shooyl er Bayr ny Skeddan?
Peddyr: Cha ren. C'raad ta shen?
Ean: Eddyr Purt ny hInshey as Balley Chashtal. Voish Purt ny hInshey, t'ou goll my-yiass harrish ny eayninyn dys Glion Meay, trooid Glion Mooar dys ny sleityn. T'ou goll shaghey Barroole Jiass dys boayl faggys da Balley Moddey. Eisht t'ou goll my-yiass reesht dys Balley Chashtal.
Peddyr: Ta mee skee as mish geaishtagh rhyt.

rieau (r'yoo) ever
shooyl (SHOO-al) walking
eddyr (EDD-er) between
Purt ny hInshey (purt-na-HINZH-a) Peel
Balley Chashtal (BAL-a-KHASH-chal) Castletown
voish (vush) from
my-yiass (ma-YASS) to the south, southwards
harrish (HARR-ish) over
eayninyn (EE-an-in-un) cliffs
Glion Meay (gl'yonn-MAY) Glenmaye
shaghey (shah) past
Barroole Jiass (barr-OOL-JASS) South Barrule
boayl (bawl) a place
faggys da (FAHG-us-DAA) near to
Balley Moddey (BAL-a-MAWTH-a) Ballamodha
 

Note how 'Ballamodha' is pronounced. It has nothing to do with fashion!

skee (skee) tired
geaishtagh (GAYSH-chakh) listening
rhyt (rut) to you

'Ta mee skee as mish geaishtagh rhyt' - 'I'm tired from just listening to you' ('I'm tired and I listening to you').
 

Cur Baarle orroo shoh.
 

1. Eisht t'ou goll my-yiass reesht dys Balley Chashtal.
2. T'ou goll my-yiass harrish ny eayninyn dys Glion Meay
3. T'ou goll shaghey Barroole Jiass.
4. C'raad ta shen?
5. Trooid Glion Mooar dys ny sleityn.
6. Eddyr Purt ny hInshey as Balley Chashtal.
7. Ta mee skee as mish geaishtagh rhyt.
8. Voish Purt ny hInshey dys boayl faggys da Balley Moddey.
9. Ren oo rieau shooyl er Bayr ny Skeddan?

From the co-loayrtys answer these in Manx.
 

1. Why is Peter tired?
2. Where do you go to over the cliffs?
3. Where do you go near to?
4. Did Peter ever walk the Herring Way?
5. Where is the Herring Way?
6. Where do you go through?
7. Where do you go past?
8. In what direction do you go from Peel?

Ayns Gaelg
 

1. Write a short account of the journey from your house to any town.

   ---

Douglas is the capital of the Isle of Man = She Doolish ard-valley Vannin.

Wasn’t Castletown the capital previously? Yes. = Nagh row Balley Chashtal yn ard-valley roie? Va.

Two rivers run into Douglas = Ta daa awin roie stiagh ayns Doolish.

There are lots of glens and streams in Mann = Shimmey glion as strooan t’ayns Mannin.

There are lots of hills and mountains in Mann = Ta ymmodee crink as sleityn ayns Mannin.

The country is mountainous = Ta’n çheer sleitagh.

Mann has a ‘backbone’ of hills and mountains = Ta ‘craue-drommey’ dy chrink as sleityn ec Mannin.

They used to call one side of this backbone ‘the North’ and the other side ‘the South’
= V’ad cliaghtey gra ‘y Twoaie’ rish yn derrey heu jeh’n chraue-drommey shoh as ‘y Jiass’ rish y jeh elley.

There’s a valley between Peel and Douglas = Ta coan eddyr Purt ny h-Inshey as Doolish.

Snaefell is the highest mountain = She Sniaul y slieau syrjey.

Ramsey is the capital of the north = She Rhumsaa ard-valley y twoaie.

The Calf is off the south of the Island = Ta’n Cholloo magh ass jiass yn Ellan.

The airport is at Ronaldsway, near to Castletown = Ta’n purt-aer ec Roonysvaie, faggys da Balley Chashtal.

Most boats sail from Douglas, but some sail from Ramsey = Ta’n chooid smoo jeh ny baatyn shiaulley veih Doolish, agh ta kuse jeu shiaulley veih Rhumsaa.

The population of the Island is about 70,000 = Ta mysh jeih as tree feed thousane dy chummaltee ayns Mannin.

Lots of people live in Douglas and Onchan = Ta ymmodee sleih cummal ayns Doolish as Kione Droghad.
 
 

Cur Baarle orroo shoh.
 

1. Nagh row Balley Chashtal yn ard-valley roie? Va.
2. She Doolish ard-valley Vannin.
3. She Rhumsaa ard-valley y twoaie.
4. She Sniaul y slieau syrjey.
5. Shimmey glion as strooan t’ayns Mannin.
6. Ta ‘craue-drommey’ dy chrink as sleityn ec Mannin.
7. Ta coan eddyr Purt ny h-Inshey as Doolish.
8. Ta daa awin roie stiagh ayns Doolish.
9. Ta mysh jeih as tree feed thousane dy chummaltee ayns Mannin.
10. Ta ymmodee crink as sleityn ayns Mannin.
11. Ta ymmodee sleih cummal ayns Doolish as Kione Droghad.
12. Ta’n çheer sleitagh.
13. Ta’n Cholloo magh ass jiass yn Ellan.
14. Ta’n chooid smoo jeh ny baatyn shiaulley veih Doolish, agh ta kuse jeu shiaulley veih Rhumsaa.
15. Ta’n purt-aer ec Roonysvaie, faggys da Balley Chashtal.
16. V’ad cliaghtey gra ‘y Twoaie’ rish yn derrey heu jeh’n chraue-drommey shoh as ‘y Jiass’ rish y jeh elley.

    ---

Cur Gaelg orroo shoh.
 

1. The country is mountainous
2. Wasn’t Castletown the capital previously? Yes.
3. Snaefell is the highest mountain
4. Most boats sail from Douglas, but some sail from Ramsey
5. Lots of people live in Douglas and Onchan
6. There are lots of hills and mountains in Mann
7. The airport is at Ronaldsway, near to Castletown
8. They used to call one side of this backbone ‘the North’ and the other side ‘the South’
9. Mann has a ‘backbone’ of hills and mountains
10. Douglas is the capital of the Isle of Man
11. There are lots of glens and streams in Mann
12. Ramsey is the capital of the north
13. There’s a valley between Peel and Douglas
14. The Calf is off the south of the Island
15. The population of the Island is about 70,000
16. Two rivers run into Douglas