Part 11.6: Academic Subjects & Training
Ayrn 11.6: Cooishyn-Ynsee & Traenal

We'll do these subjects today: maths, French, English and history = Neemayd ny cooishyn shoh jiu: maddaght, Frangish, Baarle as shennaghys.

We did these subjects yesterday: geography, Manx, physical education, German and music = Ren shin ny cooishyn shoh jea: çheer-oaylleeaght, Gaelg, ynsagh corpoil, Germaanish as kiaull.

In science, we studied physics, chemistry and biology = Ayns sheanse, va shin jannoo studeyrys er fishig, kemmig as bea-oaylleeaght.

When will the Spanish lesson start? = Cuin vees y lessoon Spaainish goaill toshiaght?

She'll be studying medicine at university = Bee ish jannoo studeyrys er lheihys ec yn ollooscoill.

You can study computing at the college = Foddee oo jannoo studeyrys er co- earrooaght ec y cholleish.

He is training to be a cook / He is being trained as a cook = T'eh goll er traenal / ynsaghey myr coagyrey.

Which class is this? The accountancy class = Cre'n brastyl ta shoh?
Y brastyl-coontysseyraght.

Will there be language classes at the college? Yes = Bee brastyllyn- çhengaghyn ec y cholleish? Bee.

What certificate can I get with this course? = Cre'n teisht foddym geddyn lesh y coorse shoh?

Which courses are available at the university? = Cre ny coorseyn ta ry- gheddyn ec yn ollooscoill?

They'll be doing a degree course = Bee ad jannoo coorse-keim.

Can mature students register here? Yes (They can.) = Nod studeyryn shinney claaraghey ayns shoh? Foddee ad.

Will the banks train their employees? Yes. = Jean ny bancyn traenal ny failleydee oc? Nee.

What training courses will be available in the company? = Cre ny coorseyn- traenal vees ry-gheddyn sy cholught?
She's doing an accountancy course at night classes = T'ee jannoo coorse- coontysseyraght ec brastyllyn-oie.

He's an accountant = She coontysseyr eshyn / T'eh ny choontysseyr /
T'eh coontysseyr.

Orree was a teacher = She ynseyder va Orree / Va Orree (ny) ynseyder.

The workman's in the office now = Ta'n obbree syn offish nish.

Will the mechanic be working on the car? No. = Bee yn obbrinagh gobbraghey er y ghleashtan? Cha bee.

Jonee is taking a course in law. She wants to be a lawyer. = Ta Jonee jannoo coorse-leigh. T'ee laccal dy ve ny leighder.

He'd like to be a policeman = By vie lesh ve ny veoir-shee. / By vie lesh ve meoir-shee.

She'd like to be a policewoman = By vie lhee ve ny meoir-shee. / By vie lhee ve meoir-shee.

How long would the training course be? I don't know. = Cre cho foddey as veagh y coorse-traenal? Cha s'aym.

Will the company pay for training courses? Yes / No. = Jean y colught geeck son coorseyn-traenal? Nee / Cha jean.

I thought the teaching was excellent = Smooinee mee dy row yn ynsagh mie er bashtal.

He thinks the teaching was terrible = T'eh smooinaghtyn dy row yn ynsagh agglagh.

They couldn't hear the teacher = Cha dod ad clashtyn yn ynseyder.

The students couldn't read the material on the board = Cha dod ny studeyryn lhaih'n stoo v'er y voayrd.

The diagrams were very good, weren't they? = Va ny jallooyn-soilshee feer vie, nagh row?

I'm sorry you can't study Manx here = S'treih lhiam nagh vod oo jannoo studeyrys er yn Ghaelg ayns shoh.

I was impressed by the lectures = Va mee jannoo mooar jeh ny leaghtyn.