Part 13.6: Transport and Health
Ayrn 13.6: Arraghey as Slaynt

What time will the last bus be going? = Cre'n traa vees y barroose s'jerree goll?

What time is the Castletown bus? = Cre'n traa nee'n barroose goll gys Balley Chashtal?

Where is the bus station? = C'raad ta'n stashoon-barroose?

How can I get to Ramsey from here? = Cre'n aght foddym goll dys Rhumsaa voish shoh?

Buses run regularly to the airport = Ta barrooseyn goll dy reiltagh gys y phurt-aer.

Is public transport adequate? = Vel arraghey theayagh mie dy liooar?

They have to rely on private transport = Shegin daue croghey er arraghey preevaadjagh.

I like the smaller buses = S'mie lhiam ny barrooseyn sloo.

Do you think public transport should be free? = Vel oo smooinaghtyn dy lhisagh yn arraghey theayagh ve nastee?

My car won't go. I have to go to the garage = Cha jean my ghleashtan goll. Shegin dou goll dys y garreish.

They'll look at the engine and brakes = Nee ad jeeaghyn er y jeshaght as ny glackanyn.

The battery's dead = Ta'n kishtey-pooar marroo.

They didn't service the car very well = Cha ren ad jeshaghey'n gleashtan feer vie.

Where's the nearest service station? I need some petrol = C'raad ta'n stashoon-shirveish sniessey? Ta mee ayns feme jeh pedryl.

Fill it up = Lhieen seose eh.

I don't feel too good = Cha nel mee gennaghtyn ro vie.

How do you feel? Terrible = Cre'n aght t'ou gennaghtyn? Agglagh.

She looked well enough = V'ee jeeaghyn mie dy liooar.
I'm sick. I'm going to throw up = Ta mee çhing. Ta mee goll dy hilgey.

She had a headache = Va çhingys-king eck.

Have you got stomach ache? Yes = Vel çhingys-bolg ayd? Ta.

I've got toothache = Ta çhingys-feeackle aym / Ta ny beishtyn aym.

What's the matter with you? = C'red ta jannoo ort?

Is that sore? Is it broken? = Vel shen gonnagh? Vel eh brisht?

My foot's very painful.. Maybe it's broken = Ta'n chass aym feer ghonnagh. Foddee dy vel ee brisht.

I hurt my back = Ren mee gortey'n dreeym aym.

I've had this pain for a day or two = Ta'n pian shoh aym rish laa ny jees.

I must make an appointment to see a doctor = Shegin dou reaghey shilley er fer-lhee / ben-lhee.

Can I make an appointment to see the dentist? = Noddym reaghey shilley er y feeackleyr?

You can arrange that with the receptionist = Foddee oo reaghey shen lesh yn oltagher.

Here's the painful tooth....down there = Shoh'n feeackle gonnagh...heese ayns shen.

Will he take it out? Yes = Jean eh goaill magh eh? Nee (eh).

The filling has fallen out = Ta'n pronney er duittym magh.

People don't like dental drills = Cha mie lesh sleih tarraryn-feeackle.

What do you think of the hospital? = C'red t'ou coontey jeh'n thie-lheihys?

Are you in favour of the National Health Service? = Vel oo ayns foayr jeh'n Çhirveish Slaynt Ashoonagh?

He's got private insurance. Is it worthwhile? = Ta urrysaght-phreevaadjagh echey. Vel ee feeu?

That doctor is excellent, I think = Ta'n ven-lhee shen mie er bashtal, er lhiam.