Naight Radio Vannin 2003 Brian Stowell
Naight Radio Vannin 8.1.03
TEACHING CRISIS EXISTS ON ISLAND
Teachers are leaving the Island’s schools for the same reasons as those in the UK.
Coardail rish ny skeealyn, ta geyre-ghaue ayns scoillyn Vannin kiart goll rish y geyre-ghaue sy Reeriaght Unnaneyssit. Ta ynseyderyn faagail scoillyn Vannin son ny h-oyryn cheddin as adsyn tessen y keayn.
Sue Moore, Ard-ynseyder Scoill Ard Phurt ny h-Inshey as y çhaghter ynnydagh jeh Sheshaght Ard-ynseyderyn ny Scoillyn Ard, t’ee gra dy vel ynseyderyn faagail son paart dy h-oyryn. T’ad shoh goaill stiagh y doilleeid cliaghtagh jeh rouyr ynseydee ayns brastyllyn, agh, chammah as shen, laadyn noa kyndagh rish curriglym neulhoobagh nagh vel lowal traa da immeeaghtyn taitnyssagh son ynseydee. Ta shoh traastey ynseyderyn ny smoo.
Er lhimmey jeh shen, ta Benainshtyr Moore gra nagh vod ynseyderyn ennagh tannaghtyn feer foddey ayns Mannin er y fa nagh vod ad fordrail kionnaghey thieyn.
GROUP AIMS TO REDRESS ENVIRONMENTAL BALANCE
The Isle of Man’s branch of Agenda 21 is calling for more to be done to preserve the Island’s environment and heritage.
Ta banglane Vannin jeh Agenda 21 (Claare-Obbyr 21) geearree tooilley dy ve jeant dy ’reayll çhymmyltaght as eiraght yn Ellan. Hie Agenda 21 er enmys myr shen dy hoilshaghey cooishyn-boirey yn chied cheead as feed. V’eh currit er bun lurg çhaglym-mullee ny h-Ashoonyn Unnaneyssit ayns Rio sy vlein nuy cheead jeig, kiare feed as daa-yeig. T’eh kiarail cur er sleih smooinaghtyn ‘Smooinee er y chruinney, eisht jean reddyn feie ny cruinney’.
Ta kuse dy heeraghyn er ngoaill yn claare-obbyr ayns laue, as ta fir-oik oc ayns lughtyn-reill ynnydagh ta cur coyrle mychione cummalaghys (sustainability) bentyn rish lhiasaghyn (developments) vees goll er oi ayns ny h-ardjyn oc.
Oltey jeh possan yn Ellan, Muriel Garland, t’ee gra dy by vie lhee dy beagh tooilley geill politickagh currit da ardsmooinaghtyn çhaglym-mullee Rio, ga nagh ghow Mannin ayrn sy çhaglym shen.
MANX CLIMBER TO ATTEMPT EVEREST AGAIN
John Crellin hopes to be the first Manxman to reach the summit of the world’s highest peak.
Nee slieaueyder Manninagh, John Crellin, prowal reesht dy ghrappal seose Slieau Everest, as eshyn jerkal dy ve yn chied Vanninagh dy roshtyn y mullagh jeh baare syrjey yn teihll. Haink drappal jerrinagh John Crellin gy kione lesh doo-skeeal tra hooar co-lieaueyder baase. Begin cur seose y drappal, as sleih gaggyrts dy row sheshaght-reaghee yn drappal er reirey reddyn dy moal. She cooish-leigh t’ayn nish.
Agh ta John Crellin slane soit er roshtyn y baare jeh’n clieau syrjey ayns gagh fer jeh shiaght mooar-rheynnyn y teihll. Lurg da drappal queig jeu dy speeideilagh, t’eh shickyr dy jean eh roshtyn mullagh Everest. Nee Mainshtyr Crellin yn eab echey ny s’anmagh sy vlein, as eshyn kiarail roshtyn y baare ayns Mee Boaldyn. As bee traa dy liooar echey foast dy heet erash as goaill ayrn sy TT!
DRUGS SENTENCES - APPEALS TURNED DOWN
Four people sentenced to two and a half years have had an appeal turned down.
Lurg aachlashtyn syn Ard Whaiyl mychione ny deyraghyn ec kiare persoonyn son loghtyn-druggaghyn, dob ny briwnyn shallidagh Carter as Scholes ny deyraghyn y chaghlaa. Wendy Peel, Timothy Barnett, Carl Wood as Nicola Corkish, v’ad ooilley faagit mooie son loghtyn eigsoylagh (various) bentyn rish geddyn ecstasy son sleih elley er y hoghtoo laa jeh Mee Vayrnt nurree. V’ad ooilley goit ec ny meoiryn-shee ayns Obbraghyn ‘Sauçhey’ (‘Safe’) as ‘Daiman’ (‘Diamond’).
Va aachlashtyn ayn er y fa dy row eh baghtal dy row ny deyraghyn oc ro hrome, v’eh grait - va gagh peiagh deyrit gys daa vlein dy lieh y pheesh ayns pryssoon. Agh, as adsyn jiooldey yn aghin, dooyrt ny briwnyn shallidagh nagh row eh er ny phrowal dy row ny deyraghgyn ro hrome, as dy row ny deyraghyn kiart coardail rish reillyn t’ayn nish.
Ny sodjey, dooyrt ad dy beagh bree currit da deyrey sloo jeh queig bleeaney ayns pryssoon roish foddey. Hug ad coyrle dy yiooldey aachlashtynyn myr shoh sy traa ry heet.
‘Old’ and ‘New’ Festivals
The change in the calendar in the distant past meant that people ended up with two separate dates to commemorate a particular festival. For instance, 5th January was Shenn Laa Nollick, Old Christmas Day - still recognised in parts of the Isle of Man until about 100 years ago.
There is a proverb connected with this day: ‘My ta kay er ny sleityn Shenn Laa Nollick, bee palçhey skeddan goll’ - ‘If there’s mist on the mountains on Old Christmas Day, there’ll be plenty of herring going’.
And 12th January is Shenn Laa Nollick Beg - Old New Year’s Day (‘Old Little Christmas Day’).
Naight Radio Vannin 15.1.03
GOVERNMENT DEPARTMENT IS ‘MOVING THE GOALPOSTS’ CLAIM
The pressure group ASAP says the Department of Local Government and the Environment is not giving the public accurate or sufficient information.
Y possan-traastee ASAP, t’ad gra nagh vel Rheynn Reiltys Ynnydagh as y Çhymmyltaght cur fys kiart ny fys dy liooar da’n theay mychione yn ynnyd lhieeney thalloo (landfill site) ec Arçhallagan. Ta’n Rheynn gra dy vel garey biljagh Arçhallagan soit myr y boayl share son y seyraad (facility), agh cha nel ASAP coardail rish shen. T’ad gra dy vel y Rheynn gra reddyn mychione Arçhallagan nagh vel kiart. Ta’n possan-traastee gra dy beagh yn ynnyd lhieeney thalloo 8.49 hectare er mooadys sy toshiaght, agh nish bee eh jeih as daeed sy cheead (50%) ny smoo na shen, coardail rish ny plannyn va currit roish.
Chammah as shen, ta ASAP gra dy row eh grait ec çhaglym theayagh dy beagh ushtey sollit currit lesh ersooyl veih’n ynnyd ayns doaghyn troailt. Agh nish t’eh jeeaghyn dy bee yn ushtey sollit goll er tashtey ayns mooirlee (lagoons), as eisht roie stiagh ayns awinyn sy jerrey. James Vickers, loayrtagh son y possan-traastee, dooyrt eh nagh vod treisht ve currit sy Reiltys bentyn rish y chooish shoh.
SKIP HIRE COSTS WILL LEAD TO JOB LOSSES, SAYS OWNER
Wilf Young suggests that the price of hiring a skip will soar.
Wilf Young, y shellooder jeh colught failley-kishan, t’eh gra dy nee ‘baanrys’ y costys jeh failley kishanyn tra vees sleih geeck ny symyn-argid noa ayns Mee Averil va reaghit ec y Reiltys son clashal (tipping) orçh.
Ta Mainshtyr Young cur sannish dy jean y costys jeh failley kishan getlagh seose dys foddey ny smoo na queig ny shey cheead punt, tra vees orçh costal keead punt y thunney ec yn ynnyd lhieeney thalloo. T’eh credjal dy bee tooilley sleih clashal orçh dy h-anleighalagh kyndagh rish shen. T’eh gra dy vel y Reiltys er vailleil dy ghoaill vondeish jeh ymmodee ynnydyn elley mygeayrt yn Ellan oddagh jannoo myr ynnydyn lhieeney thalloo veagh neugheyr as fondagh.
Ta Mainshtyr Young cur y loght dy bollagh er y Reiltys as sharvaantyn theayagh.
THERE COULD BE FURTHER INCREASES IN THE PRICE OF GAS
Yesterday, the Managing Director of Manx Gas announced an 8% rise.
Chris Sidley, y Stiureyder Reirey jeh Gas Vannin, t’eh cur faaue dy noddagh troaryn e cholught costal ny smoo ayns ny meeghyn ry heet. Y laa jea, dooyrt Mainshtyr Sidley dy bee mooadaghey jeh hoght sy cheead (8%) ayns ooilley ny claareyn-costys son ard-phiobyn (mains tariffs) veih’n çhiaghtin shoh çheet. Va shoh kyndagh rish y vaggyrt jeh caggey syn Earack, as stholk ny h-obbreeyn-ooill ayns Venezuela.
V’eh jerkal dy beagh yn mooadaghey-prios mooar dy liooar da costyssyn-troarey brash (extra production costs) eddyr nish as jerrey yn gheurey, agh cha dod eh ve shickyr mychione shen.
GOVERNMENT LETTER OF CONDOLENCE TO THE GIBB FAMILY
The letter of condolence is addressed to Maurice Gibb’s widow, Yvonne.
Ta Reiltys Vannin er chur screeuyn cocheayney gys lught-thie Bee Gee Maurice Gibb, hooar baase ec y jerrey-shiaghtin. T’eh goll er oanluckey jiu.
Ta’n Ard-Hirveishagh assairagh, as hug y Shirveishagh Turrysid, David Cretney, yn ennym echey er y screeuyn, ta goll gys Yvonne, ben-treoghe Maurice, ayns Florida.
GANG FIGHTS CAUSING CONCERN
A Douglas Councillor is expressing concern over youths gathering in Noble’s Park.
Ta Coonseilagh ayns Doolish, Lynda Ramsay, gra dy vel ee boirit mychione yn aght ta sleih aeg çhaglym cooidjagh ayns Pairk Noble. T’ee gra dy vel gengyn dy stuggaghyn veih ayrnyn eigsoylagh (various) jeh’n valley goll gys shen, jerkal rish caggey. Ta’n Coonseilagh Ramsay gra dy row skeeal ayn y çhiaghtin shoh chaie dy row eh jeeaghyn dy row possan jeh feed persoon aeg gaghtey dy eulyssagh noi ry hoi. T’ee gra dy nhegin sthap y chur dy çhelleeragh da aghtey erbee myr shoh, roish my vees eh goll er dy cliaghtagh.
Loayr y Coonseilagh Ramsay magh er y gherrid noi jeeyl yoinagh (vandalism) ayns ynnydyn-cloie yn Cho-Chorp. T’ee gra dy noddagh earrooyn mooarey dy ’leih aeg, marish caggey-possan, foddee, as jough veshtallagh, dy noddagh shen croo immeeaght olk.
The Bee Gees and ‘Ellan Vannin’
The sad death of Maurice Gibb reminded me of the great recording they did of ‘Ellan Vannin’ the unofficial Manx national anthem. Not long after this was released, someone in the Isle of Man Postal Authority contacted me and suggested that the Bee Gees might be willing to do another recording of ‘Ellan Vannin’, but this time in Manx.
I did a new translation into Manx of the song and this was sent off to the Bee Gees by the Postal Authority, along with guidance on the pronunciation of the Manx. What a pity we didn’t hear any more!
Naight Radio Vannin 22.1.03
ENVIRONMENT MINISTER DEFENDS RISE IN WASTE TIPPING COSTS
Pam Crowe says it will encourage people to be more responsible with their waste.
Ta Shirveishagh y Çhymmyltaght, Pam Crowe, er vendeil e briwnys dy hirrey costyssyn jeh keead punt y thunney son geddyn rey rish orçh veih’n chied laa jeh Mee Averil. T’ee gra dy jean eh greinnaghey sleih dy ve ny smoo currymagh lesh yn orçh oc, as dy chur geill da’n raa ‘aa-choorsal, leodaghey as aa-ymmydey’. T’ee gobbal dy jean y costys cur er sleih dy chlashal (to tip) dy h-anleighalagh.
Agh ta Sheshaght y Lught-Traghtee (Chamber of Commerce) gra dy noddagh colughtyn-dellal goll er brishey mannagh vees y Reiltys smooinaghtyn reesht mychione ny costyssyn jeh geddyn rey rish orçh. Ta’n Çheshaght gra nagh lhisagh reddyn goll er caghlaa son blein er y chooid sloo, choud’s ta ymmodee possanyn shirrey yn feaysley share.
T’ad cremmey yn Reiltys er y fa dy vel y Reiltys ‘jannoo drogh red dy siyragh dy ’eaysley doilleeid t’ad er haghney dellal rish son kuse dy vleeantyn.’ Lhiass-Chaairliagh y Çheshaght, Stuart McCudden, t’eh gra dy noddagh colughtyn-dellal goll er brishey kyndagh rish ny costyssyn syrjey.
CHANGES TO ONCHAN’S RATES SYSTEM
Up to now, Onchan has been divided into the urban and the rural.
Bentyn rish ny keeshyn ynnydagh (rates), oddagh Barrantee Kione Droghad - Connaghyn caghlaa yn dooghys jeh’n ard oc. Gys nish, ta Kione Droghad - Connaghyn er ny rheynn ayns ard-çheerey as ard-baljagh, as sleih syn ard-çheerey geddyn leodaghey jeh lieh-cheead sy cheead (50%) ayns ny keeshyn ynnydagh oc. Agh nish ta treealtys ayn nagh lhisagh sleih syn ard-çheerey geddyn y leodaghey shen.
Y Barrantagh David Quirk, hug y treealtys roish ec jerrey ny bleeaney shoh chaie, t’eh laccal y caghlaa er y fa dy bee yn Reiltys mooadaghey yn costys jeh geddyn rey rish orçh. Ta’n lught-reill ynnydagh er ve abyl jannoo lheid y chaghlaa neayr’s y vlein nuy cheead jeig, kiare feed as jeih. Ta Mainshtyr Quirk arryltagh dy chur y caghlaa er e hoshiaght, ga dy vel adsyn ta cummal syn ard-çheerey cliaghtit rish keeshyn ynnydagh leodit - as ta’n Ard-Hirveishagh ny mast’oc shid.
GOVERNMENT PLAN ENDORSED BY TYNWALD
An attempt to adjourn the debate to July failed.
Ren Tinvaal coardail rish plan tree bleeaney noa ec y Reiltys lurg resoonaght kiare oor dy lieh. Haink y resoonaght gys jerrey ec lieh-oor lurg shiaght fastyr Jemayrt.
Peter Karran, oltey jeh’n Chiare as Feed son Kione Droghad, phrow eshyn y resoonaght y chur sheear gys Jerrey Souree, agh ren yn eab shen failleil. As cha dod Hazel Hannan, yn oltey jeh’n Chiare as Feed son Purt ny h-Inshey, cha dod ish cur er Tinvaal goaill rish imraa yn phlan syn ynnyd jeh coardail rish.
Ec jerrey yn resoonaght, ren hoght olteynyn as feed votal son strateysh chadjin y phlan. Cha nee agh Benainshtyr Hannan as Mainshtyr Karran ren votal noi.
Haink y resoonaght shoh roish Bushaid Vannin (Manx Budget) y vee shoh çheet as ny myn-phabyryn polasee veih rheynnyn-reiltys.
PASSENGER FIGURES FOR DOUGLAS HARBOUR CONTINUE TO RISE
Director of Harbours Captain Michael Brew is delighted with the increases.
Ny h-earrooyn dy hroailtee-marrey son Doolish sy vlein daa veeilley as jees (2002), v’ad ny h-earrooyn syrjey neayr’s nuy cheead jeig, kiare feed as kiare. Va ny shlee na shey cheead as shiaght jeig as daeed meeilley (657,000) dy hroailtee-marrey recortyssit. Va shoh ny vishaghey jeh shey-jeig sy cheead (16%), bunnys, cosoylit rish ny h-earrooyn ayns daa veeilley as nane.
Hie ny h-earrooyn dy charbid seose neesht, gys ny shlee na hoght feed as daa-yeig dy veeillaghyn (172,000), bishaghey jeh nuy as feed sy cheead (29%) cosoylit rish earrooyn daa veeilley as nane. Ren traaght-traghtee (commercial traffic) bishaghey neesht, liorish hoght sy cheead as ny smoo.
Va’n bishaghey smoo ec raad-marrey Veeal Feirshtey, lesh bishaghey jeh nane-jeig as feed sy cheead cosoylit rish nurree. Hie ny h-earrooyn son Lerpoyll seose liorish shiaght-jeig sy cheead, as hie adsyn son Heysham seose liorish tree-jeig sy cheead.
Stiureyder ny Purtyn, y Captan Michael Brew, t’eh jeant feer wooiagh ec y vishaghey. T’eh gra dy vel eh jeeaghyn dy bee ny h-earrooyn gaase dy fondagh mleeaney myrgeddin. Ghow yn aase toshiaght sy vlein nuy cheead jeig, kiare feed as nuy-jeig.
Doom and Hope in saying.
Saturday is 25th January is Laa’l Noo Paayl - St Paul’s Feast Day.
Like most saints’ days, this has a saying (a long one) connected with it:
‘Laa’l Paayl dorrinagh, geayee / Genney er y teihll as baase mooar sleih. /
Laa’l Paayl aalin as glen, / Palçhey er y teihll dy arroo as meinn.’
(‘St Paul’s day - stormy and windy, / Want in the world and great death of people. /
St Paul’s day fine and clear, / Plenty of corn and meal in the world’.)
Unlike some Manx sayings, this one has a bright side to it!
Naight Radio Vannin 29.1.03
REWARD OFFERED FOR INFORMATION REGARDING ROBBERY
Police are investigating an armed robbery at Kirk Michael filling station.
Ta ny meoiryn-shee ronsaghey roosteyrys armit ec stashoon-pedryl, raad va tendeilagh er ny vaggyrt lesh skynn. Haghyr shoh mysh jeih minnid lurg hoght syn ’astyr, as hie yn gaddee roish lesh argid veih’n tayrnag-argid. Dy aighoil cha row peiagh erbee er ny lhottey, agh ta offishearyn veih squad ny loghtyn trome-chooishagh er ve ec y stashoon, va tannaghtyn dooint.
Sleih veih’n cholught-ooill Total, ta stiurey yn stashoon, t’ad çhebbal leagh jeh daa veeilley punt da peiagh erbee vees cur fys leeidagh gys geddyn foiljagh fer ennagh. Ta lught Total gra dy bee ad gaareayrtyssey yn shickyrys (security) oc.
Y dooinney ren craa skynn, t’ad gra dy vel eh mysh queig trie as jeih oarlagh, ny shey trie, er yrjid, castreycair sy chorp echey, as foddee dy vel eh mysh feed blein dy eash.
V’eh ceau perree-loamrey dorraghey lesh tayrnag as troosyn dorraghey, as va garmad dorraghey harrish yn eddin echey. Reireyder-Creck Total Ellan Vannin, Andrew Corrie, t’eh gra dy vel y taghyrt liorish hene, agh hed cooishyn-shickyrys er ronsaghey. Sleih erbee oddagh cooney lesh ny meoiryn-shee, t’ad shirrey orroo dy yllagh er Unnid ny Loghtyn Trome-Chooishagh, ec ard-stashoon ny meoiryn-shee ayns Doolish er 631212, ny er linney ny Scuirreyderyn-Loght (Crimestoppers), 0800 555111.
NO NEED FOR CONCERN OVER HEALTHCARE PROVISION IN RAMSEY
The Health Minister says Leonard Singer’s concern is pure speculation.
Y Shirveishagh-Slaynt, Clare y Christeen, t’ee gra nagh nee agh sheiltynys y boirey ta jannoo er Leonard Singer, oltey jeh’n Chiare as Feed son Rhumsaa, bentyn rish y livrey-ys jeh kiarail-slaynt ayns Rhumsaa. Ayns Tinvaal y çhiaghtin shoh chaie, dooyrt Mainshtyr Singer dy row eh credjal dy jinnagh caghlaaghyn ayns conaantyn ny fir as mraane-lhee cadjin leeideil gys leodaghey sy çhirveish geyre-ghaue (emergency cover) ayns Rhumsaa as mygeayrt. Dooyrt eh dy heill eh dy row shoh myr ayrn jeh giarrey sheear kiarail-slaynt son sleih er y twoaie.
Agh ta Benainshtyr y Christeen gra, ga dy bee caghlaaghyn ayn ayns ny tree mee ta ry heet, cha nel briwnyssyn erbee jeant foast as she sheiltynys t’ec Mainshtyr Singer. Ta Mainshtyr Singer gra dy vel boirey firrinagh ayn nagh bee fer-lhee ny ben-lhee ec Thie-Lheihys Cott Rhumsaa çheu-mooie jeh ooryn-obbyr reiltagh. As mannagh vel shen kiart lhisagh Benainshtyr y Christeen gra nagh vel.
CHIEF MINISTER SAYS CLAIMS OF CONTINUING POOR SERVICE FROM BA CITIEXPRESS ARE UNFOUNDED
Mr Corkill told the House of Keys ‘it would be unrealistic to expect British Airways to alter their group strategy’.
Dinsh yn Ard-Hirveishagh da’n Chiare as Feed ‘dy beagh eh neu-rieughagh dy yerkal dy jinnagh Raaidyn-Aer Goaldagh caghlaa nyn strateysh-phossan dy heet jesh da Ellan Vannin ny lomarcan’.
V’ad er hirrey er Mainshtyr Corkill eh dy ghra red ennagh mychione ‘yn çhirveish voal chinjagh’ veih’n linney-aer, coardail rish aggyrtyn. Lurg ronsaghey, dooyrt eh, v’eh er ny hoilshaghey nagh row anchaslys, son y chooid smoo, eddyr barrantoilid as stundayrtyn Raaidyn-Aer Goaldagh as barrantoilid as stundayrtyn Skianyn Vannin. Ny sodjey, dooyrt eh dy row BA CitiExpress gobbraghey er yn aght cheddin as v’ad gobbraghey feiy ny cruinney
ZERO TOLERANCE POLICING IS NOT APPROPRIATE FOR THE ISLE OF MAN
The Home Affairs Minister said zero tolerance policing would be too much of a drain on Manx police resources.
Coardail rish Shirveishagh Cooishyn Sthie, Phil Braidwood, cha nel poleeney lesh veg dy lowaltys (zero tolerance policing) cooie da Mannin. Va Mainshtyr Braidwood freggyrt feysht veih Martin Quayle, yn oltey jeh’n Chiare as Feed son Medall, ec Traa ny Feyshtyn sy Chiare as Feed.
Dooyrt Mainshtyr Braidwood dy row poleeney lesh veg dy lowaltys speeideilagh ayns ard-valjyn casley rish York Noa, agh veagh eh costal rouyr ayns Mannin.
STEAM PACKET PLANS TO IMPROVE PIER HEAD FACILITIES AT LIVERPOOL
The Steam Packet Managing Director hopes the end result will be an ‘all-singing, all-dancing facility’.
Hed y Paggad Bree er oi lesh plannyn dy haraghey ard Kione y Pheer ayns Lerpoyll son troailtee-marrey. Dooyrt Hamish Ross, Stiureyder-Reirey yn Phaggad Bree, dy vel genney-sharaghey ayns shen er chur yn olk er dy bollagh neayr’s haink eh gys Mannin. Tra vees reddyn cooilleenit, t’eh jerkal dy bee dy chooilley nhee ry gheddyn ayns shen. Ta’n obbyr dy haraghey reddyn fo raad hannah.
Naight Radio Vannin 5.2.03
SNOW BRINGS TRAFFIC CHAOS
An inch of snow yesterday evening brought most of the central belt in the Island to a standstill.
Oarlagh dy ’niaghtey riyr, ren eh cur sthap er y chooid smoo jeh mean yn Ellan. Ta Giat y Clieau tannaghtyn dooint. Doolish as raad y clyst-marrey eddyr Skylley Maayl as Cronk y Voddee, v’ad shid mastey ny buill smessey. Va carbid-ghrineen veih Rheynn Arraghey er nyn yllagh magh dy haraghey reddyn, as ee ad gobbraghey reesht moghrey jiu.
NOBLE’S HOSPITAL OPEN AS NORMAL
All today’s planned admissions are to go ahead as usual, after the situation caused by the Winter Vomiting Bug.
Ooilley ny surransee v’ad kiarail lhiggey stiagh ayns Thie-Lheihys Noble y laa jiu, bee ad er nyn lhiggey stiagh myr dy cliaghtagh. Hie shen er reaghey jea, lurg da lught y thie-lheihys jannoo aareayrtys mychione y çhingys Tilgey-Geuree. Ta’n çhingys shoh er ve jannoo er skimmee as surransee rish shiaghtin as ny smoo. As ta Ward Nuy er ny ’osley reesht.
Peiagh erbee v’eh reaghit da ny jee dy gholl stiagh son lheihys y laa jiu, ta Reireyder y thie-lheihys, Frank Inman, gra dy lhisagh ad çheet dys y thie-lheihys myr dy cliaghtagh. Gagh laa son y chooid elley jeh’n çhiaghtin, bee ad freayll arrey er yn aght ta Tilgey-Geuree er nyannoo er skimmee Thie-Lheihys Noble.
IRIS SCHEME EXHIBITION IN SOUTH OF ISLAND
An exhibition of the Iris Scheme and how it’s progressing in the south was held in Port St Mary last night.
Taishbynys jeh Skeym Iris as yn aght t’eh goll er oi sy jiass, v’eh er ny chummal ayns Purt le Moirrey riyr. Hed y taishbynys er cummal reesht fastyr jiu eddyr shey as hoght er y chlag, ayns yn çhamyr-farkee jeh’n stashoon-traen ayns Purt Çhiarn.
Mark Gorry, y jeshaghteyr cummaltagh son ny fir-choyrlee, Burrows Stewart, t’eh gra dy vel shoh cur caa da sleih dy vriaght feyshtyn. Ta Mainshtyr Gorry gra dy vel ad laccal jannoo yn boirey sloo oddys ad.
NATIONAL IDENTITY: CELTIC LEAGUE RESPONDS
The Celtic League is questioning whether the Government is right to link national identity to economic progress.
Ta’n Commeeys Celtiagh briaght vel y Reiltys kiart dy chiangley jarroo-enney ashoonagh lesh goll er oi tarmaynagh. Ta’n Ard-Hirveishagh er ghra dy nhare çhymmyltaght tarmaynagh (economic environment) ta tayrn sleih gys Mannin na çhymmyltaght boayl ta’n cultoor Manninagh goll er thannaghey, kyndagh rish Manninee eginit faagail yn Ellan dy hirrey kiartaghyn boayl ennagh elley. As ta Brian Stowell, fer-ynsee as Gaelgeyr, gra dy vel sleih ennagh ta garraghey gys Mannin jannoo foays da’n chultoor Manninagh (cha nee ‘cultoor ynnydagh’ myr screeu peiagh ennagh sy naight ayns Baarle).
Agh ta’n Commeeys Celtiagh gra nagh vel y Reiltys cur geill da Manninee ta smooinaghtyn dy vel y bieauid jeh caghlaa gee seose y jarroo-enney ashoonagh. Ta’n Commeeys gra dy vel ram sleih smooinaghtyn dy vel goll er oi tarmaynagh lhiettal y Reiltys as eh kiarail sharaghey gien sheshoil (social well-being), quallid y çhymmyltaght as jarroo-enney ashoonagh jarrooagh (positive national identity).
Types of wedding
Looking through Doug Fargher’s Manx dictionary, I discovered a couple of strange terms for weddings:
‘poosey fannag’ = ‘a crow wedding’ - a wedding where none of the wife’s relatives is present.
‘poosey pieannad’ = ‘a magpie wedding’ - a wedding where no relatives at all are present.
Naight Radio Vannin 12.2.03
NINE MILLION POUNDS FOR REDEVELOPMENT OF OLD GOVERNMENT BUILDINGS
This will include a new library, new offices and alterations to the Tynwald court.
Yn çhiaghtin shoh çheet, bee ad shirrey er Tinvaal coardail rish ceau ny smoo na nuy millioon punt dy aa-lhiasaghey (redevelop) as jannoo ass y noa ny shenn troggalyn-reiltys ec Crongan y Reayrt. Bee lioarlann noa as offishyn noa ayn. As hed shamyr-Tinvaal er caghlaa, goaill stiagh lout-reayrtey noa (new viewing gallery).
Loayreyder y Chiare as Feed, Tony Brown, t’eh gra dy vel ad er ve kiarail jannoo yn obbyr neayr’s y vlein nuy cheead jeig, kiare feed as tree-jeig. Ta lowanse son y skeym sy vushaid (budget) mleeaney. T’ad jerkal dy bee yn obbyr goaill eddyr daa vlein dy lieh as tree bleeaney. My vees eh coardit ec Tinvaal, oddagh yn obbyr goaill toshiaght ec y jerrey jeh Mee Averil.
Stiureyder-Shalee (Project Director) yn obbyr, Phil Halliwell, t’eh gra dy vel ad kiarail obbraghey dy co-ennaghtagh as freayll wheesh as oddys ad. T’eh gra dy bee ad freayll ny troggalyn myr t’ad nish çheu-mooie. Çheu-sthie, hed ad er jeianaghey (modernised). Agh, son y chooid smoo, freillee ad ny troggalyn myr t’ad ec y traa t’ayn.
WAR PENSIONS COMMITTEE NOMINATIONS SOUGHT
The committee administers various funds on behalf of ex-service personnel.
Ta’n theay goll er cuirrey dy enmys sleih dy heet dy ve nyn olteynyn jeh Bing Penshynyn-Caggee Ellan Vannin. Ta shoh ry hoi kiare soiagyn da sleih nagh vel nyn olteynyn jeh Tinvaal. Ta’n Ving stiurey tashtaghyn-argid anchasley, ass lieh sleih hug shirveish-sidooragh. Ec y traa t’ayn, ta kiare olteynyn ec y Ving, pointit liorish Coonseil ny Shirveishee, agh ta reamys da kiare olteynyn elley.
Mastey reddyn elley, ta’n Ving goaseiraghey Shirveish-Lhiass (Welfare-Service) ny Penshynyn-Caggee. As t’ee co-stiurey yn obbyr jeusyn ta cooney lesh penshyneyryn-caggee as mraane-treoghe-caggee.
Yn earroo jeusyn ta geddyn vondeish liorish obbyr y Ving, t’eh goll sheese, kyndagh rish sleih geddyn baase. Agh, myr ta lught y Reiltys gra, y feme ocsyn ta foast er mayrn, t’eh gaase as adsyn çheet dy ve ny shinney. Lhisagh enmysaghtyn ve currit gys offish yn Ard-Scrudeyr roish jerrey’n vee.
COUNCIL’S TRIBUTE TO BASIL CALLOW
Councillor Callow, who was Mayor of Douglas from 1992 to 1993, died suddenly yesterday morning.
Ver coonseilee Ghoolish arrym da eear cho-obbree, Basil Callow, roish y çhaglym bushaid bleinoil jiu. Nee ny coonseilee shassoo ayns tostid. Hooar y Coonseilagh Callow baase dy doaltattym moghrey jea. V’eh yn Meoir jeh Doolish veih’n vlein nuy cheead jeig, kiare feed as daa-yeig gys kiare feed as tree-jeig.
Va dellal-shenndaght echey, as v’eh er ny reih gys y Choonseil son y chied cheayrt sy vlein nuy cheead jeig, kiare feed as kiare. Daag eh e ven as mac.
Lurg daue cur arrym da’n eear cho-obbree oc, reaghee Coonseilee raayt y valley son y vlein shoh çheet. Fer-Toshee yn Choonseil, David y Christeen, t’eh er veeraghey dy bee ad shirrey er coonseilee coardail rish mooadaghey jeh jeih sy cheead sy raayt.
Nurree, hie yn raayt seose liorish shey sy cheead. Ta Coonseilagh y Christeen er veeraghey dy vel feme er yn argid brash y keayrt shoh kyndagh rish yn argid ta’n Reiltys shirrey veih’n chied laa jeh Jerrey Souree son geddyn rey rish orçh.
T’eh cur raaue neesht dy beagh y mooadaghey sy raayt er ve jeih as feed sy cheead mannagh beagh aayeeilley jeh kiare feed as jeih sy cheead er ny choardail.
The Old Feast Day of St Brigid
12th February is the Old Feast Day of St Brigid - it was also known as the Day of Caillagh ny Gueshag - the Old Woman of the Charms. She was a witch who survived being thrown into the sea off Ireland and floated to the Isle of Man, landing here on the morning of 12th February. The weather was fine, so she was able to gather sticks to make a fire to dry herself. The spring that year was wet.
The belief grew up that if Caillagh ny Gueshag was not able to gather sticks on the morning of 12th February, the spring would be fine, and vice versa.
So, fine weather on the morning of 12th February means a wet spring, and vice versa.
Naight Radio Vannin 19.2.03
BUDGET APPROVED
Tynwald has unanimously supported the Treasury Minister’s budget.
Lesh un aigney, ta Tinvaal er phohlldal bushaid (budget) Allan Bell, y Shirveishagh-Tashtee, son y vlein argidoil shoh çheet. Lurg resoonaght jeh shey oor as ny smoo, dooyrt Mainshtyr Bell dy row yn vushaid ny phaggey dy hreealtyssyn va jarrooagh as jeeaghyn er oi, as ee kiaddit dy chummal seose y speeideilys jeh tarmaynys ta goll er caghlaa.
Agh ta reddyn sy vushaid er chur beggan dy yindys er ard-traghteyr argidoil (leading financial commentator). Ta Nick Williamson veih Treishteilee Walbrook (Ellan Vannin) cur faaue dy row yn Shirveishagh-Tashtee ro twoaieagh as y tarmaynys foast ayns stayd feer vie. T’eh gra dy vel gaue ayn dy noddagh y çhaghteraght goll magh dy vel yn Ellan ‘çhionney e chryss’ dy choadey kiartaghyn as feer veggan dy leih shirrey kiartey.
Dooyrt y Shirveishagh-Tashtee dy row eh slane soit er çhaglym keeshyn nagh row eeckit foast. Lurg da Tinvaal pohlldal e vushaid lesh un aigney, dooyrt Allan Bell dy beagh y rheynn echey cur geill jeean da colughtyn as persoonyn va jannoo drogh ymmyd jeh reillyn-keesh foayroil yn Ellan.
MICRO-CHIPPED WHEELIE-BINS FOR PEEL
Peel Commissioners are to start a six-month trial of wheelie-bins fitted with micro-chips.
Ta Barrantee Phurt ny h-Inshey goaill ayns laue prowalys shey mee jeh coir-wheeylagh lesh meegra-slissagyn (micro-chips). Myr shen, foddee ny coir-wheeylagh goll er meihaghey choud’s t’ad goll er folmaghey.
Ta ny Barrantee reaghey shoh as y Reiltys er çhee shirrey tooilley argid son geddyn rey rish orçh. Bee yn argid shoh er ny hroggal liorish ny keeshyn-ynnydagh (ny raaytyn). Kyndagh rish coarys ny meegra-slissagyn (the micro-chip system), foddee gagh peiagh geeck reir y mooadys dy h-orçh t’ad ceau magh. Haink yn eie rish lurg da kuse dy lughtyn-reill ynnydagh cur shilley er y Phobblaght Yernagh, raad t’ad goaill ymmyd jeh’n choarys shoh.
LOWER AIR FARES TO LIVERPOOL
BA CitiExpress is trying to bring passengers back to its Liverpool service.
Ta BA CitiExpress prowal tayrn troailtee erash gys e hirveishyn liorish giarrey yn costys jeh etlagh gys Lerpoyll. Ayns Jerrey Geuree, ren feed sy cheead ny sloo dy hroailtee getlagh er ny h-etlanyn oc na detlee er etlanyn Skianyn Vannin sy traa cheddin nurree. Dooyrt y colught dy vel eh çhebbal barrantys er gagh soiag er yn etlan ta goll gys Lerpoyll ec jeih minnid gys munlaa son tree feed as nuy punt, goll as çheet.
Agh, ga dy vel BA gra dy vel ad çhebbal shoh son lhing nagh vel soit, bee ad cur geill da’n earroo dy leih ta goaill yn çheb, as nee ad eh y aareayrtyssey sy traa ry heet.
NO COMMENT ON SAFETY AT SELLAFIELD
The authorities at the Cumbrian re-processing plant are reassuring the public about anti-terrorist measures at the site.
Ny lughtyn-reill ec Sellafield, yn ynnyd aa-heeley çheshveanagh ayns Cumbria, t’ad shirrey cur cree da’n theay mychione ny reddyn ta jeant ec yn ynnyd atçhimeyryn y lhiettal. Agh peiagh erbee ec Sellafield, ny peiagh erbee ayns Reiltys y Reeriaght Unnaneyssit, cha jean ad gra veg mychione ny t’er ve jeant neayr’s y chied laa jeig jeh Mean Fouyir daa veeilley as nane, ny neayr’s haink eh dy ve baghtal dy beagh caggey syn Earack.
Ta sleih cur geill noa da’n tauçhys jeh ynnydyn çheshveanagh neayr’s haink imraa magh mychione sauçhys ec ynnyd ayns Essex. Çhaghteryn veih Sellafield, t’ad gra dy vel lught Sellafield freayll rick er sauçhys car y traa, as ta caghlaaghyn er nyn yannoo kyndagh rish baggyrt erbee t’ad coontey dy ve ayn. Agh t’ad gra nagh vod ad loayrt mychione reddyn dy myn, er y fa dy noddagh eer shen brishey shickyrys.
Ta Oik Shickyrys Çheshveanagh Theayagh (Office of Civil Nuclear Security) cur ny conaantyn shegin da’n chiedoonee (licensee) y chooilleeney. She Connaghyn Çheshveanagh Goaldagh (British Nuclear Fuels) y kiedoonee ec Sellafield. Dooyrt peiagh veih’n Oik nagh nee polasee-reiltys eh dy loayrt mychione reaghyssyn-shickyrys.
International recognition for Manx Gaelic
Last Friday it was announced that the Isle of Man Government had agreed to extend the European Charter for Regional or Minority Languages to the Island. This Charter is organised by the Council of Europe.
In a statement from the Chief Minister’s Office, the Manx Government confirmed that it recognises the value of Manx Gaelic and that the language should be protected and promoted as ‘an essential feature of the Island’s culture and heritage’. This is also in line with the Government’s plan for 2003 to 2006, which aims to promote the national identity of the Isle of Man.
Naight Radio Vannin 26.2.03
FIREWORKS BILL
The Member of the House of Keys responsible for the Fireworks Bill is welcoming the support given by the House of Keys.
Alex Downie, yn oltey jeh’n Chiare as Feed ta freggyrtagh son Billey ny Çhentagyn, t’eh cur oltaghey da’n phohlldal t’eh geddyn veih’n Chiare as Feed ec y cheim-oltyn (clauses stage). Mainshtyr Downie, yn oltey son Doolish Heear, t’eh gra dy row yn slattys er ny niartaghey ec lhiasaghyn (amendments) coardit ec y Chiare as Feed bentyn rish paart dy chooishyn. T’eh jeeaghyn roish gys y traa vees ny treealtyssyn nyn leigh.
Cha nel oyr imnea erbee ayn da sleih ta goaill ymmyd jeh çhentagyn er aght freggyrtagh, ta Mainshtyr Downie gra. Agh adsyn ta gaghtey dy meereggyrtagh, bee ad er nyn gerraghey dy trome.
Ta Mainshtyr Downie jeant booiagh ec y phohlldal t’eh geddyn veih mynchreckeyderyn. Foddee sleih çhentagyn y chionnaghey as ad y lhiggey myr dy cliaghtagh ayns lhing daa hiaghtin mygeayrt y mysh Oie ny Çheinjeanyn.
HEALTH COMMITTEE UNHAPPY WITH DHSS VOTING PLANS
A new consultative committee is weighed against the medical profession, according to a Member of the House of Keys.
Ta bing-choyrlee noa neugheynlagh (undemocratic), laadit noi’n gherrym-lhee, as kiaddit dy ve ayns foayr jeh Rheynn Slaynt as Shickyrys y Theay, coardail rish David Cannan, yn oltey jeh’n Chiare as Feed son Maayl.
Hirr sleih ass gerrym-lhee yn Ellan er Mainshtyr Cannan eh dy chur faaue da Tinvaal dy lhisagh ad cur sheear resooney mychione Bing-Choyrlee ny Shirveishyn Slaynt gys veagh tooilley coyrle er ny geddyn.
Ta sleih gaccan er y fa dy noddagh olteynyn jeh’n Ving nagh vel ass y gherrym-lhee, dy noddagh ad lhiettal votyn sy Ving, as dy nee Coonseil ny Shirveishee veagh genmys yn Caairliagh.
Ayns y jerrey, hug lhiasaghey orroosyn ta goaill ayrn sy chooish dy ronsaghey yn aght vees y Ving er ny kiaddey. Y Shirveishagh-Slaynt, Clare y Christeen, t’ee gra dy vod y daa heu gobbraghey ry cheilley dy mie, ga dy vel Mainshtyr Cannan drogh-ouryssagh.
CALL FOR CAR PARK IN RAMSEY
Ramsey Commissioners want to develop the Manx Electric Railway site in the town for a multi-storey car park.
Ta Barrantee Rhumsaa geearree lhiasaghey ynnyd Raad-Yiarn Lectragh Vannin ayns y valley myr pairk-ghleashtan yl-laareagh. Ta’n lught-reill ynnydagh coontey shoh myr ayrn jeh co-strateysh-arraghey foddey-çharrymagh (long-term integrated transport strategy) vees kiarail cur sthap er Rhumsaa goll sheese y liargagh ny smoo, as tayrn stiagh dellal, kionneyderyn, cummaltee as keayrtee.
Ta ynnyd Raad-Yiarn Lectragh Vannin er ny reih myr yn ynnyd share. T’ad jerkal geddyn cooney argidoil veih’n Rheynn Arraghey as kied veih Rheynn Turrysid as Soccar s’lesh paart jeh’n ynnyd.
Eieyn elley cour lhiasaghey skeymyn-pairkal, t’ad goaill stiagh mooadaghey cryssyn-jysk (disc zones) as shirrey argid son pairkal giare-çharrymagh as foddey-çharrymagh ersooyl veih straiddyn. Foddee dy beagh pairkal giare-çharrymagh nastee ny neugheyr.
Veagh ad geeck son pairk-ghleashtan yl-laareagh liorish boodeeys theayagh-preevaadjagh (public-private partnership), ny liorish copharteeys lesh y Reiltys.
HOUSE PRICES CONTINUE TO RISE
Manx estate agents say there is no sign of housing prices coming down.
Cha nel monney (sign) ayn dy vel ny priosyn jeh thieyn goll sheese, coardail rish jantee-hallooin ayns Mannin. Ayns y Reeriaght Unnaneyssit, ta skeealyn goll mygeayrt dy vel y mooadaghey jeh priosyn thieyn goll er leodaghey nish. Agh Stiureyder Black Grace Cowley, Nick Cooper, t’eh gra nagh vel shen taghyrt ayns Mannin.
Ayns buill ennagh syn Ellan, ta foast thieyn ta costal ny sloo na thieyn ayns buill elley, as ta shen soilshaghey nagh vel y margey baiht. As, kyndagh rish speeideilys y tarmaynys, ta foast sleih dy liooar ayn oddys fordrail kionnaghey ny thieyn s’costallee.
Ta Mainshtyr Cooper gra dy vel feanish ayn foast dy vel sleih coontey thieyn dy ve nyn ynesteeaghtyn (investments) mie syn ynnyd jeh reddyn dy chummal ayn nyn lomarcan.
St Matthew and St Matthias
In Manx, ‘Mian’ means both ‘Matthew’ and ‘Matthias’. 24th February is the Feast Day of St Matthias, or Laa’l Mian in Manx.
21st September is the Feast Day of St Matthew - Laa’l Mian again in Manx.
There’s a saying that covers both saints’ days:
‘Laa’l Mian carragh.
Skaayn arroo
Syn ’ouyr, as marroo
Ny eayin syn arragh’.
‘Scurvy Feast Day of Mian.
Blowing the corn down
In the autumn, and killing
The lambs in the spring.’
More unlucky saints’ days!
Naight Radio Vannin 5.3.03
CHIEF MINISTER ‘DISAPPOINTED’ AT FIRST ELECTION
Both the Health Minister and the Minister for Local Government received just ten votes in an election for the Legislative Council.
Ta’n Ard-Hirveishagh, Richard Corkill, er ngoaill rish dy vel eh mollit er y fa nagh row yn daa hirveishagh echey speeideilagh sy reihys sy Choonseil Slattyssagh jea. Y Shirveishagh Slaynt, Clare y Christeen, as y Shirveishagh Reiltys Ynnydagh, Pam Crowe, cha dooar ad agh jeih votyn y pheesh, tree ny sloo na va ymmyrçhagh.
Oltey jeh’n Chiare as Feed son Rhumsaa, Leonard Singer, as Eddie Lowey, oltey jeh’n Choonseil Slattyssagh, v’ad speeideilagh sy reihys. Ta shen faagail daa hoiag dy ve lhieent yn çhiaghtin shoh çheet, as cur er fo-reihys dy ve reaghit ayns Rhumsaa son y Kiare as Feed. Cha row Ray Kniveton, oltey jeh’n Choonseil Slattyssagh, speeideilagh noadyr.
Ta Richard Corkill gra nagh vel y chooish harrish er chor erbee, as tooilley reihyssyn ayn tra vees y Kiare as Feed çhaglym reesht yn çhiaghtin shoh çheet.
T’eh gra dy lajer nagh vel ny votyn soilshaghey nagh vel barrant ayn er e hirveishee.
Choud as shoh, cha nel agh un pheiagh er chur magh dy vel ee kiarail shassoo son soiag Leonard Singer sy Chiare as Feed. She Anne Craine y peiagh shen.
FUNERAL FOR THREE TEENAGERS TODAY
The joint funeral of the three teenagers who died in a car crash near Peel was held today.
Co-hirveish ny merriu son ny tree jeigeyryn hooar baase ayns smoash-gleashtan er gerrey da Purt ny h-Inshey ec jerrey yn vee shoh chaie, hie ee goll er cummal jiu.
Yn çhirveish, son Benjeman Jones, Adam Pope as Anthony Shaw, ren ee goaill toshiaght ec lieh-oor lurg munlaa ec Keeill Noo Shorys ayns Doolish.
Lurg y smoash, ren taghyrt er y nuyoo laa jeig jeh Toshiaght Arree, dooyrt lughtyn-thie ny tree deiney aegey dy row yn cree jeh gagh fer jeu ayns creeaghyn ny fir elley. As, er y fa dy dooar ad baase ry cheilley, veagh ad laccal nyn shirveish ry cheilley myrgeddin.
Dooyrt y toshiagh joarey, Michael Moyle, dy row yn drogh-haghyrt nane jeh ny doo-skeeallyn smessey syn Ellan rish kuse dy vleeantyn.
MANX RIVERS IMPROVEMENT ASSOCIATION REMAINS CONFIDENT
The Manx Rivers Improvement Association says its work is still crucial despite IRIS.
Yn Çheshaght cour Sharaghey Awinyn Vannin, t’ee gra dy vel yn obbyr eck lane femoil foast son eeastyn as beiyn elley ta croghey er awinyn yn Ellan, ga dy bee anchaslys jeant ec skeym IRIS. Ec çhaglym cadjin bleinoil yn çheshaght, ren y caairliagh, Keith Harrison, goaill rish nagh row ad er hroggal argid dy speeideilagh sy vlein shoh chaie. Agh v’eh foast shickyr dy beagh ventyryn noa cur lhieu speeideilys.
Dooyrt Mainshtyr Harrison dy vel obbyr yn çheshaght echey foast lane ymmyrçhagh, ga dy jean y skeym-sornaigys feiy yn Ellan leodaghey sollaghey dy mooar. Myr sampleyr, ta’n çheshaght coadey braddanyn noi eeastagh anleighalagh. As t’ad jannoo studeyrys sheansagh (scientific) er sollaghey ayns awin Sulby. T’eh treishteil dy vel yn Çheshaght cour Sharaghey Awinyn Vannin cleayney (influencing) yn aght vees ad jeeaghyn mysh awinyn sy traa ry heet.
GOOD NEWS FOR AMBULANCE SERVICE
A survey by the Island’s ambulance service has given a satisfaction rating of 94%.
Ayns creearey jeh surransee er ny yannoo liorish shirveish charbid-lheihys yn Ellan, ta kiare feed as kiare-jeig sy cheead jeh ny surransee gra dy vel ad jeant booiagh ec y çhirveish. As ta bunnys tree feed as jeih sy cheead gra dy vel y çhirveish mie er bashtal.
Va’n creearey bentyn rish surransee ta reaghey arraghey ayns carbid-lheihys as cha nee roosyn ren shirrey carbyd-lheihys ayns geyre-ghaue. Bee creearey elley er ny yannoo son ocsyn ny s’anmagh sy vlein.
Hoilshee yn feyshtane (questionnaire) dy row boayl ny ghaa ayn raad va doilleeid ec sleih. Hannah, ta’n çhirveish er ngoaill toshiaght dy ghellal rish shoh liorish kionnaghey daa charbyd noa.
Foddee dy bee skimmee-carbid-lheihys ceau cowraghyn-enney (identity badges) sy traa ry heet, ga dy vel kaartyn-enney (ID cards) oc hannah.
Smoke abatement in the 1830’s.
You tend to think of smoke abatement as a recent activity. However, I came across an act of Tynwald from about 1835, entirely written in Manx, which required people operating furnaces, boilers and so on to make each one of these to ‘burn and destroy its own smoke’ (‘lostey as stroie yn jaagh lesh hene’) to cut down emissions. Sensibly, people would only be fined (pretty heavily) if they hadn’t make reasonable efforts to carry out this near impossible order.
Topical stuff with all the fuss about waste management.
Naight Radio Vannin 12.3.03
CONFERENCE ON SELLAFIELD DISCHARGES TO BE HELD
The conference will discuss the effects of technetium-99 discharges.
Y vee shoh çheet, hed co-whaiyl er cummal dy resooney ny h-eiyrtyssyn jeh lhiggey çheghnaiçhum-nuyad-nuy stiagh sy cheayn veih Sellafield. Adsyn vees goaill ayrn sy cho-whaiyl, bee ad BNFL, yn Undinys-Çhymmyltaght Bellona, as çhaghteryn veih ellanyn-eeastee ayns twoaie Norlann as reiltys Norlann. Cha nel fys ry gheddyn foast mychione çhaghteryn veih’n Reeriaght Unnaneyssit.
Ta reiltyssyn Vannin as Nerin er ve caggey noi lhiggey çheghnaiçhum-nuyad-nuy stiagh sy cheayn rish tammylt liauyr.
Coardail rish fockley liorish Shirveishagh Çhymmyltaght y Reeriaght Unnaneyssit, Michael Meacher, Mee ny Nollick shoh chaie, cha bee ad cur tooilley orçh lesh goul-roorid injil sy cheayn ayns ny meeghyn ry heet. T’ad smooinaghtyn er aghtyn elley dy gheddyn rey rish.
QUINE CALLS FOR MORE SCRUTINY
Ayr MHK Edgar Quine claims huge sums of public money have been wasted.
Ayns imraa (report) vees currit da Tinvaal yn çhiaghtin shoh çheet, yn oltey jeh’n Chiare as Feed son Ayre, Edgar Quine, t’eh gra dy row symyn mooarey dy h-argid er nyn yummal, kyndagh rish genney ronsaght chiart.
Ta’n imraa ny aareayrtys (review) liorish Bing Shassoo Baarail as Coontyssyn Theayagh, enmyssit dy cadjin myr Bing Coontyssyn Theayagh. Ta faaue ayn dy lhisagh y Choonseil Slattyssagh scrutaghey ny fo-lattyssyn (secondary legislation) as cooishyn veih’n Unnaneys Oarpagh.
Ta Mainshtyr Quine goaill rish dy vel yn imraa soilshaghey yn aght ren Bing Coontyssyn Theayagh failleil sy traa hie shaghey, agh t’eh gra dy ren shen taghyrt kyndagh rish genney argid. Ta Mainshtyr Quine ny oltey jeh’n Ving rish ymmodee bleeantyn.
T’eh gra nagh vel eh jerkal dy bee yn Ellan scrutaghey cooishyn myr shoh cho jeean as adsyn sy Reeriaght Unnaneyssit. Agh ny yei shen as ooilley, t’eh credjal dy vel feme er tooilley dy ve jeant dy choadey yn theay as yn argid oc.
MHK QUESTIONS RAISING THE HEIGHT OF WRIGHTS PIT EAST
Edgar Quine says a special inquiry should be set up.
Yn oltey jeh’n Chiare as Feed son Ayre, Edgar Quine, t’eh gra dy lhisagh brialtys er lheh er ve currit er bun dy ronsaghey yn yeearreydys dy hroggal yn yrjid jeh Clash Hiar Wright. T’eh gra nagh lhisagh cooish jeh scansh ashoonagh croghey er briwnys scruteyr. Ta yeearreydys er ny chur stiagh dy hroggal y chlash liorish daa veadar dy lieh (2.5 m) dy lhiggey da ymmyd ve jeant jee foastagh, derrey vees y losteyder ec Cronk Bwoaill Rhennee goaill toshiaght d’obbraghey.
Ta Mainshtyr Quine gra dy jean shen caghlaa Clash Wright veih ‘lhieeney thalloo’ gys ‘troggal thalloo’. Cha nel eh cooilleeney femeyn y laa jiu, t’eh gra.
Noght, bee Pam Crowe, y Shirveishagh Reiltys Ynnydagh, resooney yn chooish jeh ny shirveishyn cour çhymsaghey orçh as ny keeshyn ynnydagh (ny raaytyn) ec çhaglym son ooilley ny lughtyn-reill ynnydagh syn Ellan.
DOUGLAS LIBRARY IS MOVING
Douglas Library will transfer from Ridgeway Street to Victoria Street.
Veih toshiaght yn çhiaghtin shoh çheet, nee skimmee Lioarlann Ghoolish goaill toshiaght dy gharraghey e stoo-lhaih gys troggal noa er lheh ta kiarit jee.
Hed daeed meeilley (40,000) lioar er garraghey veih’n çhenn troggal ayns Straid Ridgeway gys y thie noa ayns Straid Varriaght. Ta Lioarlann Ghoolish ayns Straid Ridgeway rish ny smoo na keead blein.
She obbyr vooar vees ayn, ta’n lioarlannee John Bowring gra.
CANNAN WELCOMES SUPPORT FOR HIS PRVATE MEMBERS BILL
The bill is to restrict development in Kirk Michael and help reduce coastal erosion.
Yn oltey jeh’n Chiare as Feed son Skylley Maayl, David Cannan, t’eh goltaghey yn pohlldal hooar eh sy Chiare as Feed jea as eshyn cur lesh stiagh billey dy lhiettal lhiasaghey ayns Skylley Maayl, as leodaghey yn aght ta’n keayn shuilgey yn thalloo ayns shen.
T’eh laccal thalloo ta faggys da oirr yn eaynin dy ve ny ard coadit (protected area).
As t’eh geearree gobbraghey marish y Rheynn Arraghey dy chur lesh stiagh slattys ry hoi coadey yn slyst-marrey ayns shen. Ta Mainshtyr Cannan gra dy vel eh lane shickyr dy nee leigh noa yn ynrican aght yn balley beg y choadey sy traa ry heet.
Naight Radio Vannin 19.3.03
IMPORTANT MEETING OF EUROPEAN FINANCE MINISTERS
The ministers will be discussing issues of significance to offshore finance centres.
Ta shirveishee argidoil Oarpagh çhaglym jiu, as bee ad resooney cooishyn bentyn rish ynnydyn argidoil mooie, goll rish Mannin. Oddagh ny shirveishee jannoo briwnyssyn mychione yn Oardagh Keesh cour Sproagyn (Savings Tax Directive) as yn Coad-stiuree (Code of Conduct). Ec y çhaglym jerrinagh, lhiet yn Iddaal coardailys mychione yn Oardagh, as hug ee er shen dy ve currit sheear gys çhaglym yn laa jiu.
Ayns Mannin, t’ad gra nagh jean ad briwnys erbee mychione coonrey fysseree derrey vees yn Oardagh Keesh cour Sproagyn coardit.
BY-ELECTION IN RUSHEN
The election of Pam Crowe to the Legislative Council means there will be a by-election in Rushen.
Ta’n Shirveishagh Reiltys Ynnydagh, Pam Crowe, er ny reih myr oltey jeh’n Choonseil Slattyssagh. Er yn oyr shen, hed fo-reihys er cummal ayns Rosien.
She rheynn-reihys (constituency) tree soiagyn t’ayn. Syn ard-reihys jerrinagh, ayns Mee Houney, daa veeilley as nane, haink Benainshtyr Crowe sy trass ynnyd. Cha dooar ee agh un vote jeig ny smoo na’n coontysseyr Andy Roy.
Ta Mainshtyr Roy gra nagh bee eh shassoo yn keayrt shoh, kyndagh rish cooishyn lught-thie, as er y fa dy vel yn traa cooie er ngoll shaghey. T’eh gra dy lhisagh Rosien - as yn Ellan - ve shirrey sorçh er lheh dy yeearreyder.
She Philip Crellin as John Gill va ny yeearreyderyn elley syn ard-reihys sy vlein daa veeilley as nane.
REFORM FOR LEGISLATIVE COUNCIL?
The continuing process of trying to fill the vacant seats in the Legislative Council has re-introduced the issue of reform.
T’ad foast prowal dy lhieeney ny soiagyn follym sy Choonseil Slattyssagh, as ta shen er n-aavioghey yn chooish jeh aachummey yn çhamyr heose.
Y vote jea, va shen y nah eab dy lhieeney ny soiagyn follym. She yn Shirveishagh Slaynt, Clare y Christeen, as yn Shirveishagh Reiltys Ynnydagh, Pam Crowe, va speeideilagh. Nee ad prowal son y trass cheayrt y toiag s’jerree y lhieeney er y chied laa jeh Mee Averil. Oltey jeh’n Chiare as Feed son Rosien, John Rimington, ren cur roish Benainshtyr y Christeen, t’eh gra dy vel caghlaaghyn mooarey çheet, foddee. Agh ec y traa t’ayn, by vie leshyn dy beagh olteynyn jeh’n Chiare as Feed goaill ymmyd jeh ny votyn oc syn ynnyd jeh lhiggey da’n chooish goll dy dree.
Dinsh Benainshtyr Crowe da David Callister veih Radio Vannin dy nee currym olteynyn y Chiare as Feed y vunraght t’ayn nish y chummal seose derrey vees bunraght elley ayn.
WHEY DISPOSAL
The Milk Marketing Association was told that the disposal of whey would not be possible through the IRIS scheme.
V’eh inshit da Sheshaght Margeeys Bainney ny smoo na kiare bleeaney er dy henney nagh dod ad geddyn rey rish meaig liorish skeym IRIS. Loayreyder y Chiare as Feed, Tony Brown, dinsh eh da Tinvaal dy ren eh coyrlaghey da’n Çheshaght cooney argidoil y hirrey bentyn rish y chostys jeh geddyn rey rish meaig.
Va Tinvaal resooney toyrtys da’n Çheshaght jeh shiaght cheead meeilley punt, dy eeck son tree sailanyn dy ghoaill seose gys queig cheead as daeed meadar kern-thummidagh dy veaig, fo-hroar (by-product) veih jannoo caashey.
Cheayll olteynyn Tinvaal dy begin geddyn rish y veaig sy cheayn sy jerrey, trooid piob ayns Baie Ghoolish.
Oddagh ad yn veaig y chaghlaa gys poodyr, oddagh goll er creck. Agh y Shirveishagh Eirinys, John Rimington, dooyrt eh dy jinnagh skeym bunargidagh y lheid y yannoo, dy jinnagh shen costal shiaght millioon dy lieh dy phuntyn. Cha beagh shen tarmaynagh.
Choard Tinvaal dy cheau ny shiaght cheead meeilley punt.
St Patrick’s Day
St Patrick features prominently in Manx traditions and folklore.
A saying connected with St Patrick’s Day is:
‘Laa’l Parick arree, yn dow gys e staik as y dooinney gys e lhiabbee’ - ‘St Patrick’s Feast Day in the spring, the ox to its stake and the man to his bed.’
On St Patrick’s Day when it got dark, the ox was supposed to be tied to the stake and the man was supposed to go to bed - it was supper at dark and then to bed for both of them. No light was expected to be lit after St Patrick’s Day.
Naight Radio Vannin 26.3.03
HOTELS STILL COUNTING COST OF FIRE
The owners of four guest-houses are trying to rebuild their businesses.
As ad scughey ersooyl ny remladyn jeh’n thie-oast Delamere lurg yn aile ren stroie eh, ta ny shellooderyn jeh ny kiare thieyn-goaldee er yn çheu elley jeh’n raad prowal dy aa-hroggal ny dellalyn oc.
Y Mereside, Rosslyn, Ainsdale as Castlemount, hie ad er jeeylley dy mooar tra lheim yn aile gys ny loutyn oc, moghey er yn chiarroo laa jeig jeh’n vee shoh.
Dy jeeragh lurg yn aile, va obbyr ny shirveishyn geyre-ghaue er ny moylley dy mooar. Nish, t’ad cur booise da troggeyderyn, lectreyryn, thieyn-nieeaghyn as fir-dellal sy nabooys ren cur cooney myrgeddin.
Shellooder y Mereside, Paul Simpson, t’eh gra dy bee eh gaa-hroggal son queig mee, foddee, agh t’eh slane kiarit y dellal echey ’osley reesht. Va paart jeh clea y Mereside er ny ghoaill ersooyl cour sauçhys.
FATAL ACCIDENT - APPEAL FOR WITNESSES
A motorcyclist and mother of four was killed.
Peiagh erbee va çheu-mooie jeh’n thie-lhionney ec Creg ny Baa Jedoonee, eddyr nane er y chlag as kerroo lurg nane syn ’astyr, ta ny meoiryn-shee guee orroo ad dy loayrt roo.
Ta shoh bentyn rish drogh-haghyrt ec Corneil Hillberry ayns Skyll Connaghyn. Va Dianne Louise Chreseson, ben roar-bree as moir jeh kiare paitçhyn, er ny marroo sy drogh-haghyrt.
Peiagh erbee as fys oc lhisagh ad çhellvaney Ard-Stashoon ny Meoiryn-Shee er 631212.
BILL PROPOSES INTRODUCING A POPULARLY ELECTED LEGISLATIVE COUNCIL
Edgar Quine’s bill is due to receive its second reading next week.
Billey Oltey Preevaadjagh Edgar Quine, oltey yn Chiare as Feed son Ayre, hed eh er lhaih son y nah cheayrt yn çhiaghtin shoh çheet. Ta’n Billey treeal coonseil lesh hoght olteynyn, goll er reih ec y theay son queig bleeaney, lesh currymyn screeut sheese ayns docamad leighdaragh.
Ta Mainshtyr Quine gra dy nee coonseil dy steateyryn shinney veagh ayn, currit da scrutaghey cooishyn. Agh t’eh gra neesht nagh jed y Billey trooid Tinvaal dy h-aashagh.
FRIENDS OF THE EARTH CALL FOR BETTER BUILDING REGULATIONS
The environmental group wants better use of insulation and positioning of houses.
Coardail rish banglane Vannin jeh Caarjyn y Teihll, ta feme er annaghyn-troggal share dy chur er thieyn croghey ny sloo er connaghyn-fossyl. Ta’n possan çhymmyltaghtoil shirrey caghlaaghyn-plannal dy ghoaill ymmyd share jeh çhiass-jeenaght as soiaghey (positioning) dy leodaghey yn feme dy hiow thieyn.
Ta sleih yn phossan fockley nyn imnea as Ynnyd y Reeriaght Unnaneyssit cour Faaishnys-Emshyr cur faaue dy nod sleih leodaghey ny gassyn thieyn-gless ta goll er livrey syn aer.
By vie lesh Caarjyn y Teihll dy beagh y kiaddey (design) jeh thieyn unnaneagh as steatyn dy hieyn goll er sharaghey, as dy beagh sleih sy jeadys-troggal goll er traenal ny share ayns fondid-bree (energy efficiency)
CONTAMINATED SOIL EXPORTED TO GERMAN STERILIZATION PLANT
It would have been preferable to have dealt with the soil in the Island, but the technology is not available here.
Meeilley dy lieh (1,500) dy hunnaghyn dy h-ooir sollit veih Stashoon Pooar Phoyll Roish, t’eh dy ve currit gys y Ghermaan ny s’anmagh sy çhiaghtin. Ta seyraad (facility) oc hoal ry hoi jannoo yn ooir shast.
Stiureyder Shirveishyn Çhaghnyssagh son Lught-Reill Lectraghys Manninagh, Aston Lewis, t’eh gra dy bare dellal rish yn ooir sollit ayns Mannin, agh cha nel y çhaghnoaylleeaght ry gheddyn ayns shoh.
T’eh gra dy vel y sollaghey myr fo-hroar dooghyssagh veih’n çhenn stashoon-diesel.
Mary’s Feast Day of the Whisper
25th March in Manx is Laa’l Moirrey ny Sannish - Mary’s Feast Day of the Whisper, or the Annunciation - the announcement of the incarnation by the Angel Gabriel to the Virgin Mary.
This day was also known in Manx as Çhaghter da’n Voidyn Moirrey - Messenger to the Virgin Mary.
Religious terms in Manx possibly give a hint that the Manx themselves were relaxed about the Reformation, which some have said took 200 years to carry out in the Isle of Man!
Naight Radio Vannin 2.4.03
POSSIBILITY OF A 32 MEMBER ELECTED TYNWALD TO BE RE-EXAMINED
The House of Keys has accepted the principle that the Legislative Council should be popularly elected.
Ta’n Kiare as Feed er hoiaghey jeh’n phrinsabyl dy lhisagh y Choonseil Slattyssagh goll er reih ec y theay. Billey Oltey Preevaadjagh Edgar Quine, yn oltey jeh’n Chiare as Feed son Ayre, v’eh er ny choardail ec y nah lhaih liorish kiare voteyn jeig noi hoght.
Agh, gyn jerkalys, Steve Rodan, yn oltey jeh’n Chiare as Feed son Garff, hooar eh kied dy chur er e hoshiaght lhiasaghey yinnagh cur erash y treealtys, my vees eh coardit, dy lhisagh y theay reih gagh oltey ass daa-yeig as feed jeu ayns Tinvaal.
Dy firrinagh, yinnagh treealtys Vainshtyr Rodan cur treealtys jeant sy toshiaght ec Victor Kneale, eaar-oltey jeh’n Chiare as Feed son Doolish Heear, ayns ynnyd villey Vainshtyr Quine. Y treealtys haink veih Victor Kneale hoshiaght, v’eh er ny cheau magh ec y Chiare as Feed tra v’eh goll er leeideil trooid Tinvaal liorish Geoff Cannell, eear-oltey son Kione Droghad.
Dooyrt Allan Bell, oltey jeh’n Chiare as Feed son Rhumsaa, dy jinnagh cur lesh stiagh billey elley myr lhiasaghey, dy jinnagh eh çhyndaa cooishyn bunraghtoil bun ry skyn. Cha ren y lheid rieau taghyrt roïe, dooyrt eh.
Ny sodjey, hirr kuse dy lhiasaghyn er billey Vainshtyr Quine goll gys bing. Myr shen, hie bing lesh queig olteynyn er cur er bun. Ver y ving magh ny briwnyssyn eck roish Mee Averil ayns daa veeilley as kiare.
Lhiasaghey Vainshtyr Rodan, leeidagh shen gys un reihys dy chooilley wheig bleeaney, ayns yn ynnyd jeh reihyssyn scarrit son y Kiare as Feed as y Choonseil Slattyssagh. T’eh gra dy vel y prinsabyl undinagh feer scanshoil. Ayns deynlaght (democracy), sleih ayns reiltys as pooar oc, lhisagh ad goll er reih ec y theay.
Ta Mainshtyr Rodan gra dy derragh y lhiasaghey paart dy leighoilid deynlagh (democratic legitimacy) da’n Choonseil Slattyssagh. Yinnagh eh shaghney streeu as çhennid eddyr y daa vanglane.
RAMSEY HEALTHCARE ROW DEVELOPS
Leonard Singer says the Health Minister should either resign or find herself forced from office.
Leonard Singer, eear-oltey jeh’n Chiare as Feed son Rhumsaa as oltey jeh’n Choonseil Slattyssagh nish, t’eh gra dy lhisagh y Shirveishagh Slaynt girree ass oik, er nonney lhisagh ee ve currit ass oik kyndagh rish caghlaaghyn ayns shirveishyn-slaynt fud ny h-oie ayns y twoaie.
Agh y Shirveishagh Slaynt, Clare y Christeen, oltey jeh’n Choonseil Slattyssagh, t’ee gra dy vel y doilleeid er jeet rish er y fa dy vel fir-lhee ayns y twoaie er nobbal dy obbraghey ayns yn oie arragh.
REACTIONS TO PLANS FOR PORT ST MARY TOWN HALL
The Friends of Port St Mary Town Hall want more information about future plans for the building.
Caarjyn Halley Balley Phurt le Moirrey, t’ad geearree tooilley fys veih Barrantee Phurt le Moirrey mychione ny plannyn oc son y troggal sy traa ry heet.
Loayrtagh son ny Caarjyn, Seán Lynch, t’eh gra nagh vel ad noi yn eie jeh troggal noa. Agh t’ad shirrey barrantys dy bee lheid y halley foast ry gheddyn sy traa ry heet.
CIVIL SERVICE ‘HEAD-HUNTING’
The Council of Ministers is confirming its support for plans to increase the appeal to graduates of entering the Civil Service.
Ta Coonseil ny Shirveishee feeraghey pohlldal plannyn ry hoi cleayney tooilley keimeeyn stiagh sy Çhirveish Shivoil. As eshyn cur freggyrt screeut rish feysht va currit er y voayrd ec David Cannan, oltey jeh’n Chiare as Feed son Maayl, ta’n Ard-Hirveishagh Richard Corkill gra dy vel ram obbyr jeant hannah ec yn Oik Skimmee (Personnel Office). T’ad kiarail cur er yn Çhirveish Shivoil dy ve smoo tayrnagh da sleih ta laccal coorse-kiartey breeoil.
Chammah as shen, ta Mainshtyr Corkill soilshaghey dy vel Coonseil ny Shirveishee pohlldal as goaill rish y scansh jeh traenal as lhiasaghey skimmee ec Colleish Shirveish Shivoil y Reeriaght Unnaneyssit ec Sunningdale ayns Sostyn.
April Fools and the Tarroo-Ushtey
Making April Fools does not seem to have been a particularly Manx custom, but the custom was certainly well established by the 19th century. For instance, on 1st April 1859 somebody reported that there was a tarroo-ushtey (a water-bull - a terrifying supernatural animal) in a field at Ballure. Hundreds of people went out from Ramsey to see the tarroo-ushtey, but were disappointed - there was nothing there.
Naight Radio Vannin 16.4.03
RENEWED IRISH-MANX FRIENDSHIP
The Irish Taoiseach, Bertie Ahern, was guest speaker at the Island’s Euroclub.
Coardail rish yn Ard-Shirveishagh, va kianglaghyn eddyr Mannin as Nerin er nyn niartaghey tra hug Taoiseach Nerin shilley er Mannin Jelune. Loayr Bertie Ahern myr cuirreydagh ec Euroclub yn Ellan as eh resooney kianglaghyn Nerin lesh yn Unnaneys Oarpagh.
Tra v’eh ayns Mannin, loayr Mainshtyr Ahern rish sleih ayns Reiltys Vannin mychione cooishyn ta’n daa heer boirit mychione, goaill stiagh Sellafield as laadyn çheshveanagh ayns Mooir Vannin. Dooyrt Mainshtyr Ahern dy row eh jeeaghyn roish gys co-obbraghey sodjey marish Reiltys Vannin bentyn rish lheid ny cooishyn shoh.
Loayr yn Ard-Shirveishagh Richard Corkill mychione ny kianglaghyn cultooroil lajer eddyr Nerin as Mann as nyn go-eiraght Ghaelagh. Dooyrt Mainshtyr Corkill myrgeddin dy hoilshee yn cheayrt (visit) yn feeuid jeh’n Choonseil Goaldagh-Yernagh, va currit er bun queig bleeaney er dy henney myr ayrn jeh Coardail Jeheiney Caisht.
BERTIE AHERN REMINDED OF MANX-IRISH CULTURAL LINKS
Eamon de Valera’s visit in 1947 led to the recording of native speakers of Manx.
Ny kianglaghyn cultooroil eddyr Mannin as Nerin, v’ad currit ayns cooinaghtyn Bertie Ahern, Taoiseach Nerin, tra hug eh shilley beg er Mannin Jelune. Va Mainshtyr Ahern ec Cashtal Rosien tra dinsh ad da dy dug Taoiseach elley shilley er Mannin roish shoh, as dy reagh eshyn dy jinnagh ny coraaghyn jeh ny shenn loayrtee dooghyssagh Gaelgagh s’jerree goll er recortyssey.
Sy vlein nuy cheead jeig shiaght as daeed, hug Eamon de Valera - nane jeh fir vooarey pholitickaght Nerin syn eedoo eash - hug eh shilley er Mannin. Hoilshee eh anaase er (mastey reddyn elley) yn Ghaelg, as heb eh yn ymmyd jeh unnid-recortyssee gleashagh (mobile recording unit) Commishoon Beeal-Arrish Nerin.
Haink yn unnid noal sy vlein nuy cheead jeig hoght as daeed. Cha row yn turrys yindyssagh - begin da’n unnid goll er y lout-eaghtyr sinshley jeh lhong-ollee, as begin da’n unnid goll er glenney roish my dod ad goaill toshiaght dy obbraghey.
Haink ny recortyssyn dy ve feer leaghar, as ec y traa t’ayn t’ad goll er bun-earrooaghey (being digitised) ec Raidio Teilifís Éireann. Ta treisht ayn dy jean Eiraght Ashoonagh Vannin ny recortyssyn y chur magh myr jysk cumir (CD) ny s’anmagh sy vlein.
Y Taoiseach t’ayn nish, Bertie Ahern, hooar eh cooinaghtane frameit jeh keayrt de Valera myr gioot. Dooyrt Mainshtyr Ahern dy row eh jerkal dy beagh lheid y cho-obbraghey cultooroil messoil shen ayn sy traa ry heet.
RAMSEY TO CREATE CARDBOARD RECYCLING INITIATIVE
Ramsey Commissioners propose shipping cardboard to a recycling plant in the UK.
Ec çhaglym noght, nee Barrantee Rhumsaa resooney cur er bun laare dy haglym as dy aa-choorsal (recycling) pabyr creoi er y twoaie. Ta bunnys shiaght cheead thunney dy phabyr creoi çheet rish ayns Rhumsaa gagh blein. Y treealtys t’ayn, shen dy haglym pabyr creoi dy liooar veih buill-hraghtee (commercial premises) as eisht eh y chur ayns lhong gys mwyllin aa-choorsal sy Reeriaght Unnaneyssit.
My vees y skeym speeideilagh, shegin orçh pabyr creoi y horçhal dy kiart ec ny buill-hraghtee, vees shirrey foays liorish ny costyssyn leodit. As bee yn prios t’ad geeck son y pabyr creoi ec ny mwyljyn aa-choorsal scanshoil.
Ta faaue ayn dy lhisagh ad çhaglym pabyr creoie veih’n twoaie ooilley cooidjagh.
SULBY TREATMENT WORKS CONTRACT AWARDED
The UK firm Earth Tec will build the northern water treatment works.
Ta Lught Reill Ushtey er ghra dy jed ny h-obbraghyn ry hoi glenney ushtey ayns Sulby er troggal liorish Earth Tec, colught veih’n Reeriaght Unnaneyssit. Roish shoh, v’ad kiarail troggal obbraghyn Sulby ec y traa cheddin as obbraghyn ayns Doolish, agh ta obbraghyn Ghoolish er ve currit sheear kyndagh rish obbal arganagh son kied-plannal.
Ta’n conaant feeu daa villioon punt yeig as t’eh reaghit dy ghoaill toshiaght ayns Jerrey Souree. T’ad kiarail cur kione er yn obbyr ayns beggan ny smoo na daa vlein. Reireyder-Shalee son Earth Tec, John Kay, t’eh gra dy vel ad jerkal dy bee Earth Tec goaill ayrn ayns troggal obbraghyn ayns Doolish tra vees fys ayn c’raad vees ny h-obbraghyn soit ayns shen.
Manx surnames: Quilliam
A lot of Manx surnames start with the letters C, K or Q - this comes from the Gaelic for ‘son’, which is ‘mac’. Knock off the ‘m’ and the ‘a’ and you’re left with ‘c’. That’s what happened to ‘Mac William’ (‘Son of William’), which in time became ‘Cwilliam’ or ‘Quilliam’. If we had used Gaelic spelling, all those surnames starting with ‘K’ or ‘Qu’ would have started with ‘C’ - from ‘Mac’.
Naight Radio Vannin 23.4.03
NEW CONSERVATION AREAS FOR UPPER DOUGLAS
Among the issues raised are grants available to owners.
Crooee Rheynn Reiltys Ynnydagh paart dy h-ardjyn-freayltys (conservation areas) ayns Doolish Heose. Ver ad loayrtys-fysseree mychione shoh ayns Keeill ny Nooghyn Ooilley Jeheiney as Jesarn. Yiow ooilley ny cummaltee duillagyn vees cur fys er yn eiyrtys jeh lheid y treealtys.
Mastey ny cooishyn troggit ta ny toyrtyssyn (grants) ry gheddyn son shellooderyn thieyn dy chooney lesh y chostys jeh cummal seose as karraghey thieyn.
She shooylaghanyn Ghoolish va’n chied ard-freayltys. Ec y traa t’ayn, t’ad croo ard-freayltys elley ec Balley Garey (ny Balley Keeill Varkys) .
Ta Rheynn Reiltys Ynnydagh gra dy vel lheid ny h-ardjyn-freayltys shoh ny aght dy reayll as dy lhiasaghey eiraght yn Ellan. T’ad cur cuirrey da’n theay dy chur barelyn mychione ny treealtyssyn roish yn çhiaghtoo laa jeh Mee Boaldyn.
UK FIRM WINS MANX GAS £4 MILLION CONTRACT
The conversion to natural gas is expected to start this summer.
Ta Primeshade, colught veih’n Reeriaght Unnaneyssit, er chosney yn conaant mooar son Gas Vannin dy chaghlaa gys gas dooghyssagh. Ta’n conaant feeu kiare millioon punt. Ta sleih voish Primeshade ayns Mannin hannah jannoo ro-obbyr (preliminary work) as feeraghey sauçhys-gas.
T’ad jerkal dy bee ad caghlaa gys gas dooghyssagh y sourey shoh, trooid Doolish, Kione Droghad, Mwyllin Doo Aah, Crosby as Glion Vian.
Ta Primeshade nane jeh ny colughtyn smoo ta jannoo obbyr-gas as y lheid sy Reeriaght Unnaneyssit.
TOOLS FOR UGANDA
Two full crates of old tools and sewing machines have left for Uganda.
Daa chishtey mooar lane dy henn ghreieyn as greieyn-whaaley hie er çhaglym ec yn ynnyd-orçh sy jiass, t’ad er naagail yn Ellan dy gholl gys Uganda. V’ad currit myr toyrtys da’n çheshaght ghiastyllagh ‘Greieyn son Unnaneys’ ta cur culleeyn da sleih anlheiltagh as schleiyn oc syn Affrick dy chosney saase-beaghee dauesyn hene.
Sy toshiaght, t’ad er chur lesh ny greieyn gys Beeal Feirshtey, boayl vees ad jeant ass y noa roish my jed ad gys Uganda. Nee Bing Cooney Mooie Reiltys Vannin geeck son arraghey ny greieyn gys yn Affrick.
T’ad çhaglym greieyn reesht ec ynnyd-orçh y jiass son kishtey mooar elley. Erskyn ooilley t’ad laccal shenn ghreieyn-whaaley as greieyn ry hoi obbyr-foiee.
LOCAL AUTHORITIES HAVE TO DEVELOP SCHEMES THEMSELVES
The Minister for Local Government is congratulating Ramsey Commissioners for coming up with a cardboard recycling scheme.
Y Shirveishagh son Reiltys Ynnydagh, Pam Crowe, t’ee moylley Barrantee Rhumsaa son kiaddey skeym ry hoi aa-choorsal (recycling) pabyr creoi er y twoaie. Agh t’ee gobbal y faaue nagh dug y Rheynn eck cooney ny coyrle da lught-reill ynnydagh Rhumsaa.
Hug caairliagh Varrantee Rhumsaa faaue dy row treealtys Rhumsaa er jeet rish kyndagh rish genney ventyrys (initiative) veih’n reiltys. Ta Barrantee Rhumsaa kiarail çhaglym pabyr creoi ec ard-ynnyd sorçhal, as cur y pabyr creoi gys y Reeriaght Unnaneyssit dy gholl er aa-choorsal.
Ta Benainshtyr Crowe gra dy vel eh er lughtyn-reill yn Ellan lheid y skeym shoh y chur er bun. T’ee credjal dy bee skeymyn myr shoh foaysagh er aght tarmaynagh as sleih reaghey strateysh Vannin ry hoi geddyn rey rish orçh.
THREE HILLS CHALLENGE
Cars of all sorts will attempt to be the quickest up Creg ny Baa, the Sloc and Lhergy Frissel.
Nee Doolane ny Tree Crink goaill toshiaght mairagh. Shoh immeeaght tree laa as gleashtanyn jeh dy chooilley horçh prowal dy ve y fer smoo tappee goll seose ughteeyn ec Creg ny Baa, y Sloc as Lhargee Frissel. Hed ny raaidyn er dooney ec jeih er y chlag ec Creg ny Baa er y choorse TT Jerdein, ec y Sloc Jeheiney, as ec lhoob gear Rhumsaa er y choorse TT Jesarn.
Agh ny prowallyn-bieauid v’ad kiarail cummal er y raad jeeragh boayl ta’n TT goaill toshiaght as çheet gys jerrey, cha bee ad ayn mleeaney. Va’n Rheynn Turrysid pohlldal ny prowallyn-bieauid, agh va’n Rheynn Arraghey noi oc.
Manx surnames: Bridson
An old Manx surname that doesn’t start with C, K or Q! This is actually an English translation of the Manx Mylvreeshey, which originally came from Mac Guilley Vreeshey - The Son of the Servant of Brigid. The Christian Brigid was said to have been the Abbess at Kildare in the 6th century. She has a parish named after her in the Isle of Man. Stories about the Christian Brigid merged with those about the pagan goddess Brigid, the patron of poets and craftsmen.
Naight Radio Vannin 30.4.03
NO CONSTITUTIONAL BAR TO LEGCO REFORM
David Kermode says there should be no constitutional barrier to reform of the Legislative Council.
Ta David Kermode ny scoillar t’er nyannoo studeyrys er Mannin. Coardail rishyn, cha lhisagh bunraght Vannin lhiettal aachummey yn Choonseil Slattyssagh.
Ta olteynyn ennagh jeh’n Chiare as Feed smooinaghtyn dy lhisagh shirveishee çheet veih’n Chiare as Feed ny lomarcan, as dy lhisagh Tinvaal goll er reih ec y theay dy bollagh, syn ynnyd jeh shamyr heose ta goll er reih ec y Chiare as Feed.
PROFOUND CHANGES FOR SCHOOL STAFF THIS YEAR
Teachers as well as the Department of Education need to be prepared.
Goaill toshiaght ayns Mean Fouyir, bee caghlaaghyn mooarey syn aght ta’n skimmee goll er reaghey ayns scoillyn. Ta feme er ynseyderyn chammah as er y Rheynn Ynsee dy ve aarloo nyn gour, coardail rish John Dunford, y Scrudeyr Cadjin jeh Sheshaght Ard-Ynseyderyn ny Scoillyn Ard (Secondary Heads Association).
Bee doilleeidyn ayn kyndagh rish y pholasee t’ayn nish as cagliagh currit er yn earroo dy leih oddys obbraghey ayns rheynn-reiltys ennagh, ta John Dunford gra.
Va Mainshtyr Dunford ayns Mannin jea as eh resooney saaseyn dy leodaghey yn obbyr-phabyrey t’ec ynseyderyn ry hoi cur tooilley traa daue dy ve gynsaghey ayns brastyllyn. Ta ynseyderyn er ve prowal d’eaysley yn doilleeid jeh tooilley obbyr-phabyrey as currymyn-reirey rish paart dy vleeantyn. Sy Reeriaght Unnaneyssit, v’eh coardit dy beagh obbyr ennagh goit voish ynseyderyn as currit da skimmee-coonee (support staff).
Ta Mainshtyr Dunford gra nagh vod yn Ellan ‘fuirraghtyn as feddyn magh’ yn aght vees ny caghlaaghyn goll sy Reeriaght Unnaneyssit roish jannoo ny caghlaaghyn cheddin ayns shoh.
QUESTIONNAIRE ON COMMUTER TRAINS DISTRIBUTED
The study began last month and it’s hoped a report will be complete by June.
Y colught ta ronsaghey noddagh shirveish raad-yiarn cour troailtee-reiltagh (shen commateyryn) eddyr Doolish as jiass yn Ellan ve currit er bun, t’ad jerkal dy vow ad freggyrt mie rish feyshtane (questionnaire) t’ad cur magh. T’ad shirrey barelyn voish sleih mychione troailt gys y chied-valley (capital).
Ghow yn studeyrys toshiaght y vee shoh chaie, as t’ad jerkal dy bee imraa jeant roish Mean Souree. Philip Higgs, yn Ard-Choyrlagh jeh Boodeeys y Chiartey Çharmaanit (The Task Partnership Limited), t’eh ghra dy vel ad er chur magh meeilley feyshtane dy lieh (1,500).
PORT ST MARY CLERK OF COMMISSIONERS STEPS DOWN
Julius Popper leaves his post today after 13 years in the job.
Julius Popper, y Cleragh jeh Barrantee Phurt le Moirrey, t’eh girree ass oik y laa jiu, lurg tree bleeaney jeig sy chiartey. T’eh gra dy row yn aigney echey jeant seose lurg da fer veih’n theay caartrey eh lurg çhaglym.
Ga dy vel yn aigney echey jeant seose, t’eh gra dy bee eh doillee d’aagail y kiartey.
FRENCH CONSUL VISITS ISLAND
Monsieur Roche was here to establish links between France and the Isle of Man.
Consyl y Rank son Nalbin, Monsieur Roche, hug eh shilley er Mannin Jelune as Jemayrt. Ta’n eaghtyrys echey goaill stiagh Mannin chammah as Nalbin.
Haink Monsieur Roche dys shoh kianglaghyn y yannoo eddyr y Rank as Mannin.
Haink eh ny whail y Lhiass-Chiannoort, ard pholitickeyryn as Meoir Ghoolish.
Chammah as shen, haink eh ny whail sleih Frangagh ta cummal ayns Mannin.
CANCELLATION OF BOAT WEEKEND A BLOW TO PEEL
The Chairman of Peel Commissioners says he understands the cancellation.
Bert Quayle, Caairliagh Varrantee Phurt ny h-Inshey, t’eh gra dy vel y naight nagh bee Jerrey Shiaghtin ny Baatyn Tradishoonagh ayns Purt ny h-Inshey mleeaney, dy vel eh ny red olk da’n valley. Agh t’eh toiggal cre’n fa dy vel eh er ny scryssey.
Lurg çhaglym ny Barrantee fastyr mairagh, bee yn Lhiass-Chaairlagh, Pat Sweeney, ny Caairlagh jeh ny Barrantee.
Manx surnames: Cain, Caine
This is from Irish ‘Mac Catháin - ‘Son of the Warrior’ (‘battle’ in Irish and Manx is ‘cath’ / ‘cah’ and ‘cathán comes from this).
Gybbon and Patric Mac Kane were in the House of Keys in 1408. Before the 16th century, the ‘principal seat’ of the Cain(e) family was the treen of Ballacain in Ballaugh.
Naight Radio Vannin 7.5.03
MINISTER TO MAKE A STATEMENT ON OUT OF HOURS COVER
Leonard Singer, MLC, will initiate a full debate on the subject.
Y coarys (system) noa ry hoi shirveish fir-lhee cadjin (GP-yn) çheu-mooie jeh ooryn cadjin dy h-obbyr, yiow ad magh lurg paart dy hraa vel y coarys shen mie dy liooar, dooyrt David Anderson, oltey politickagh ayns Rheynn Slaynt as Shickyrys y Theay.
Lurg resoonaght ghow toshiaght reesht sy Chiare as Feed jea, nee’n Shirveishagh Slaynt, Clare y Christeen, fockley (statement) mychione y çhirveish lhiasit (revised) ayns Tinvaal y vee shoh. Ec y traa cheddin, ver Leonard Singer, oltey jeh’n Choonseil Slattyssagh, resoonaght ooilley-ghoaillagh fo raad mychione y chooish.
Sy chegeesh shoh çheet, ta Mainshtyr Anderson gra, nee yn rheynn echey freayll arrey er aggyrtyn (demands) y theay er yn çhirveish, as nee ad briwnys vel ee streeu rish (if it’s coping).
MHK CONTINUES TO DEMAND IMPROVED COVERAGE
David Cannan was behind the Keys motion which called on the minister to review the provision of out of hours primary health care.
She David Cannan, oltey jeh’n Chiare as Feed son Maayl, va’n fer hug treealtys speeideilagh da’n Chiare as Feed y shirveishagh dy aareayrtyssey yn aght ta’n theay geddyn chied chiarail slaynt (primary health care) çheu-mooie jeh ooryn cadjin dy h-obbyr.
Lhiasaghey veih Quintin Gill, oltey jeh’n Chiare as Feed son Rosien, ta cur er yn çhirveishagh slaynt dy chur fockley mychione y chooish da Tinvaal ayns Mee Boaldyn, va’n lhiasaghey shen er ny phohlldal feer niartal chammah as treealtys David Cannan.
Geiyrt er y resoonaght sy Chiare as Feed jea, ta Mainshtyr Cannan foast shirrey shirveish share son Mannin ooilliu veih fir-lhee çheu-mooie jeh ooryn cadjin dy h-obbyr.
REQUISITION MEETINGS
There will be by-elections for the House of Keys in Ramsey and in Rushen.
Ny tree yeearreyderyn sy fo-reihys ayns Rhumsaa, ghow ad ayrn ayns çhaglym sy valley riyr, raad va caa ec voteyryn feddyn magh barelyn ny yeearreyderyn. Dreggyr Anne Craine, Myles Hardman as Kevin Mayne feyshtyn mychione cooishyn eigsoylagh (various), paart jeu mychione Rhumsaa hene, as paart elley va smoo lhean. Ren ny cooishyn goaill stiagh lhiasaghey sy valley, Rhumsaa sy traa ry heet, earroo yn phobble ayns Mannin, yn chair dy chummal ayns Mannin, as lhiasaghey tarmaynagh. Ren y çhaglym tannaghtyn rish daa oor, as she John Kennaugh va ny chaairliagh.
Hed çhaglym fo-reihys elley er cummal ayns Rosien yn oie noght, ayns Halley Saasilee Phurt Çhiarn ayns Raad y Stashoon. Gowee yn çhaglym toshiaght ec lieh-oor lurg shiaght, as she Captan y Skeerey, John Clugaaish, vees ny chaairliagh. Ta kiare yeearreyderyn ayns fo-reihys Rosien: Phillip Crellin, Phil Gawne, Brian Goldie as Shirley Skears. Ny fo-reihyssyn ayns Rhumsaa as Rosien son y Chiare as Feed, hed ad er cummal Jerdein, y wheiggoo laa jeig jeh Mee Boaldyn.
CONTRACTS ARE NOT THE ONLY OBSTACLE TO DENTAL SERVICE PROBLEMS, ACCORDING TO THE HEALTH DEPARTMENT
The dentists say the main stumbling block is the Health Department’s insistence that they sign a contract obliging them to take a certain number of patients.
Coardail rish Geoff Newberry, y Reireyder Cadjin jeh Chied Chiarail Slaynt ayns Rheynn Slaynt as Shickyrys y Theay, cha nee conaantyn yn ynrican lhiettrimys ta cur sthap er feaysley yn argane eddyr y reiltys as sheshaght ny feeackleyryn.
Va shiartanse d’eyshtyn sy Chiare as Feed jea mychione yn çhirveish-feeackleyrys, mychione cooish ta sleih gra gear-ghaue (crisis) rish. Dooyrt Caairliagh Sheshaght Feeackleyryn Vannin dy nee yn lhiettrimys smoo va briwnys y Rheynn Slaynt geginagh feeackleyryn dy ghoaill rish conaant, veagh cur orroo goaill earroo soit dy hurransee.
Cha nel ny feeackleyryn coontey monney jeh shoh. Agh ta Geoff Newberry gra dy vel ny cooishyn bentyn rish listal (recruiting) feeackleyryn cramp. T’ad prowal skeymyn-listal eigsoylagh sy Reeriaght Unnaneyssit. Ta Mainshtyr Newberry jerkal dy chur treealtys noa da feeackleyryn yn Ellan - as da ny surransee neesht.
Manx surnames: Caley
In the Isle of Man, this is generally from Mac Caolaidhe - ‘Son of the Slender Man.’ In Manx, ‘keyl’ means ‘slender’ or ‘thin’. Maybe the original Caleys in the Isle of Man came from Tipperary. Later, one of the main branches of the Manx family was at Ballacaley, in Lezayre.
Arthur Caley (1809 - 61) was the Manx Giant. At age 22, he was 7ft 6in in height.
The name Caley (and similar spellings) can also be of English origin.
Naight Radio Vannin 14.5.03
PROPOSED NEW MOUNT MURRAY HOUSES ANGER MHK
Nine holes of the golf course would be lost if the scheme went ahead.
Y treealtys dy hroggal tree cheead thie noa ec Cronk Murray, she ‘sonnaase as daanys t’ayn yinnagh goaill yn ennal ayd ersooyl’, coardail rish Martyn Quayle, oltey jeh’n Chiare as Feed son Medall. Ta’n treealtys çheet veih’n reirey jeh Club-Çheerey as Thie-Oast Cronk Murray, as yinnagh eh goaill stiagh bunscoill noa, veagh currit myr gioot da’n Rheynn Ynsee. Veagh nuy tuill jeh’n choorse-golf er nyn goayl dy jinnagh y skeym goll er oi.
Veagh ny thieyn noa goll er troggal ayns rheynn-reihys Martyn Quayle. T’eshyn gra dy vel eh feer neu-chooie dy chur y treealtys shoh er e hoshiaght ec y traa t’ayn, tra ta’n Commishoon-Brialtys foast scrutaghey cooishyn Cronk Murray. Bee scruteyr neuchrogheydagh stiurey brialtys theayagh y vee shoh çheet mychione plan noa son Braddan. Ta Mainshtyr Quayle greinnaghey yn scruteyr plan noa Cronk Murray y cheau magh. As hannah, t’eh gra, ta’n theay soilshaghey dy vel ad slane noi’n phlan.
WALKING TWENTY-FOUR HILLS FOR CHARITY
Paul Rogers and Mark Kermode are undertaking a78 mile hike for cancer relief.
Ta daa ghooinney ynnydagh kiarail shooyl harrish ny kiare mulleeyn as feed syrjey ayns Mannin. Ta Pawl ap Rhosier as Markys y Kermod goll dy yannoo cosheeaght dy hree feed as hoght meeilley jeig dy chosney argid son Couyr Kahngyr Macmillan (Macmillan Cancer Relief) as Pohlldal Kahngyr (Cancer Backup).
T’ad kiarail jannoo yn chosheeaght çheu-sthie jeh tree laa, veagh cur orroo shooyl daa veeilley yeig gagh laa. Ta’n jees oc shickyr dy vod ad roshtyn y dean shoh.
As bee ad taggloo Gaelg car y traa.
DEFEAT FOR REVISED AMENDMENT BILL
The House of Keys rejected the bill by eleven votes to ten.
Va’n Reiltys currit fo haart sy Chiare as Feed bentyn rish y Villey Lhiasaghyn, v’er ngoll er caghlaa. Yioold y Chiare as Feed y billey ec y nah lhaih, liorish un vote jeig noi jeih.
Yn Ard-Shirveishagh Richard Corkill, ren tayrn sheear lhieggan sleaie (earlier version) jeh’n villey yn vee shoh chaie, ren eshyn failleil dy yannoo olteynyn booiagh dy jinnagh y caghlaa sy villey leodaghey yn gaue dy derragh slattys veih’n villey tooilley smaght da’n Reeriaght Unnaneyssit er Mannin.
Hoilshee Mainshtyr Corkill dy nee billey neuchramp v’ayn. Cha jinnagh eh lhiggey agh kuse dy lhiasaghyn dy ve jeant liorish oardaghyn veih Coonseil ny Shirveishee. Begin da Tinvaal coardail rish lheid ny h-oardaghyn, as cha jinnagh ad tayrn stiagh agh yn enney jeh lughtyn-reill aa-enmyssit sy Reeriaght Unnaneyssit (the recognition of re-designated UK authorities) as quaiyllyn jeeveanit (devolved assemblies), goll rish Ard-Whaiyl Nalbin.
BILL TO IMPROVE ELECTION TURNOUT
David Cretney MHK is suggesting a number of measures .
Oltey jeh’n Chiare as Feed son Doolish Yiass, David Cretney, t’eh cur roish billey oltey preevaadjagh dy phrowal dy ghreinnaghey tooilley sleih dy votal ayns reihyssyn. T’eh gra dy vel kiangley eddyr neuyeeanid ny voteyryn as ny ta sleih coontey jeh politickeyryn. As t’eh credjal dy vel eiyrtys veih naightyn veih’n Reeriaght Unnaneyssit mychione politickeyryn, dy vel shen ny lhie er sleih ayns Mannin.
Ta pohlldal coaignagh y Chiare as Feed ec David Cretney yn billey shoh y chur er e hoshiaght. Mastey ny faaueyn t’eh cur, ta cummal reihyssyn ayns Mean Fouyir, mooadaghey yn traa ta ny h-ynnydyn-votal foshlit, as cur kied da sleih ta shey bleeaney jeig dy eash dy votal.
PUBLIC MEETING OVER BIRCH HILL HOUSING SCHEME
There is a plan to build 135 houses on land adjoining the Birch Hill estate in Onchan.
Hed çhaglym theayagh er cummal noght dy resooney yn treealtys dy hroggal shey feed as queig thieyn jeig er thalloo lhiattaghey steat-thieyn Cronk Beih ayns Kione Droghad. Va cummaltee ayns shen shirrey yn çhaglym, as ad cur nyn enmyn er aghin shirrey yn caa dy resooney ny boiraghyn oc.
Ny h-olteynyn ynnydagh jeh’n Chiare as Feed, Barrantee Kione Droghad, as çhaghteryn veih Thieyn Eiraght (Heritage Homes), t’ad ooilley er ngeddyn cuirraghyn dy ve ayn.
Y çhaglym, vees goaill toshiaght ec lieh-oor lurg shiaght, hed eh er cummal ayns Halley Killagh Noo Peddyr ayns Astyl Reeoil. She Harvey Briggs, Captan y Skeerey, vees ny chaairliagh.
Manx surnames: Callin / Callan
This name comes from the Gaelic Mac Aileáin or Mac Ailín - ‘Son of the Noble One’. The main seat of the family in the Isle of Man was Ballacallin in Kirk Patrick, with a smaller branch at Ballacallin in Marown.
A branch of the family from Patrick altered the spelling to Callan in the 1880’s.
Naight Radio Vannin 21.5.03
HEALTH MINISTER RESTATES POSITION ABOUT HEALTH CARE IN THE ISLAND
Clare Christian has restated the reasons for the removal of twenty-four hour GP cover at Ramsey Cottage Hospital.
Ta’n Shirveishagh Slaynt, Clare y Christeen, er nockley reesht ny h-oyryn nagh vel fir-lhee cadjin ayn kiare oor as feed sy laa ec Thie-Lheihys Cott Rhumsaa.
Dinsh Clare y Christeen da Tinvaal jea dy jinnagh y rheynn eck foast ronsaghey ny reddyn oddys ve jeant. Agh dooyrt ee myrgeddin dy nee ny fir-lhee hene ayns Mannin yinnagh reaghey ny veagh taghyrt.
CALL FOR REVIEW OF TAX RELIEF SYSTEM
A Ramsey Commissioner suggests money from the system could help first-time buyers of houses.
Ta Barrantagh ayns Rhumsaa, Richard y Radlagh, shirrey aa-reayrtys jeh coarys-coonee keeshyn (tax relief system) yn Ellan ec çhaglym noght. T’eh cur faaue dy noddagh argid veih’n choarys cooney lhieusyn ta kionnaghey thie son y chied cheayrt.
Ta Mainshtyr y Radlagh credjal dy vod y coarys-coonee keeshyn t’ayn nish jannoo foays dauesyn as kuse dy hieyn oc. By vie leshyn argid veih’n choarys dy ve currit raad ta feme er. T’eh smooinaghtyn dy vel shoh ny aght noa argid y ghiennaghtyn son lughtyn-reill ynnydagh yn Ellan.
Ta Mainshtyr y Radlagh er chur roish ‘raaue jeh treealtys’ (‘notice of motion’). My vees niart currit rish shen, foddee yn faaue goll er scrutaghey rish mee, roish goll gys ny Barrantee son ronsaghey ec y nah haglym.
IRISH PRESS REPORTS ABOUT ISLE OF MAN ‘INACCURATE’
The Chief Financial Officer is responding to articles in the Irish press.
Coardail rish yn Ard Fer-Oik Argidoil, Mark Shimmin, bentyn rish skeealyn ayns Pobblaght Nerin, cha nel ny skeealyn shen kiart mychione Mannin, e reillaghyn argidoil as e kianglaghyn lesh ny lughtyn-reill Yernagh.
Ta Mark Shimmin freggyrt strane dy h-artyn ayns ny pabyryn-naight Yernagh er y gherrid mychione cooishyn-leigh as binshyn (tribunals) ayns y Phobblaght. T’ad shoh er ngoaill stiagh anreiltyssyn-keesh bentyn rish Yernee berçhagh, kuse jeu lesh argid tashtit ayns Mannin. Va un chooish mychione peiagh ta cummal ayns Mannin nish.
Ta ny lughtyn-reill Yernagh er ve jannoo nyn gooid share dy hickyraghey dy vel Yernee geeck ny keeshyn oc. Agh ta art ny ghaa ayns ny pabyryn-naight Yernagh er chur faaue dy vel Mannin ny fastee dauesyn ta foast jerkal shaghney eeck nyn geeshyn, red ta Mainshtyr Shimmin gobbal.
RELUCTANCE SHOWN TO SHELTERED ACCOMMODATION
The Local Government Minister was a guest at the opening of the new Heywood Court complex.
Ta Shirveishagh Reiltys Ynnydagh, Pam Crowe, er loayrt mychione y neuarryltys jeh sleih ayns Mannin d’aagail ny thieyn oc as goll dy chummal ayns thieyn coadit.
Va Pam Crowe nane jeh ny goaldee tra hie ard-hroggalys noa Cooyrt Heywood er fosley ayns Kione Droghad ny sleaie sy çhiaghtin. T’ee moylley dy mooar ‘lhiasaghey yindyssagh’, myr t’ee gra rish. Agh t’ee gra nagh vel eh kinjagh aashagh d’eddyn tannyssyn son thieyn coadit.
‘SAFE IN THE SUN’ CAMPAIGN
Manx people are at risk from skin cancer.
Ta Manninee currit ayns gaue liorish kahngyr-crackan, coardail rish Rheynn Slaynt as Shickyrys y Theay. Ta’n Rheynn er lunney faghtys (campaign) ny ghaa fo’n chullee ‘Sauçhey fo’n Ghrian 2003’. T’ad cruinnaghey stiagh er y chooish jeh kahngyr-crackan y çhiaghtin shoh.
T’ad gymmydey posteyryn as duillagyn dy chur er e hoshiaght y foays jeh coadey-greiney son babbanyn, paitçhyn as sleih aasit, goaill stiagh adsyn ta gobbraghey çheu-mooie dy reiltagh. Çheet dy ve losht un cheayrt ec y ghrian, ta shen mooadaghey yn gaue jeh’n ghorley.
Y Stiureyder jeh Sharaghey Slaynt (Health Promotion), Lez Dorward, t’eh gra dy vel eh doillee cur er sleih dy hoiggal y chooish gyn y ve troiddey.
Manx surnames: Callister, Collister
This name is from Mac Alastair, or Son of Alexander. Alexander is a Greek name, meaning ‘Helper of Men’ or ‘Defender of Men’. The ‘a’ in ‘Callister’ is always pronounced like the ‘a’ in English ‘what’ in the Isle of Man.
The main seat of this family was Ballacollister in the parish of Lonan.
Naight Radio Vannin 28.5.03
FEARS FOR STEAM PACKET’S FUTURE
Leonard Singer MLC has asked for assurances over jobs and pensions.
Ta oltey jeh’n Choonseil Slattyssagh, Leonard Singer, er screeu gys yn Ard-Shirveishagh dy hirrey shickyrys dy bee kiartaghyn as penshynyn ec y Phaggad Bree sauçhey. Ta’n colught er ve ry chreck neayr’s Mee Vayrnt, tra ren e phaarant, Cummeydaneyn Marrey (Sea Containers), çhebbal eh dy gheddyn rey rish keead millioon punt d’eeaghyn.
T’ad jerkal rish fockley (announcement) mychione y chooish ny s’anmagh sy çhiaghtin shoh, as faaue ec paart dy leih dy vel y colught kionnit ec banc. Ta shoh er ny obbal, as Cummeydaneyn Marrey gra dy vel barganey foast goll er.
Ta screeuyn Vainshtyr Singer shirrey ‘shickyrys veih ny shellooderyn noa’ nagh bee sleih currit ass obbyr as dy jean y skeym-penshyn tannaghtyn ayns bree.
MHK’S WARNING OVER PROPOSED EU CONSTITUTION
It is the intention of the Isle of Man Government to preserve the Island’s present constitutional position.
Ta’n Ard-Shirveishagh er ghra dy baghtal dy vel Reiltys Vannin kiarail cummal seose staydys Vannin myr Crogheen-Crooin (Crown Dependency) chammah as mooinjerys Vannin lesh yn Unnaneys Oarpagh. Va shoh jeant baghtal ayns freggyrt rish feysht screeut sy Chiare as Feed veih’n oltey son Maayl, David Cannan. V’eh briaght cre harragh er Mannin kyndagh rish aght-reill noa yn Unnaneys Oarpagh.
Dinsh Mainshtyr Corkill da’n oltey son Maayl dy bee eh traa foddey roish my jed y teks jerrinagh jeh’n chonaant er coardail liorish ooilley ny steatyn ta nyn olteynyn jeh’n Unnaneys. Agh ta Mainshtyr Cannan shirrey er y Reiltys ad dy yannoo reddyn nish.
SAME DAY LOCAL ELECTIONS PROGRESS
A bill to have all local elections on the same day has gone through the Keys.
Billey ry hoi reaghey ooilley ny reihyssyn ynnydagh er y laa cheddin, t’eh er ngoll trooid y Chiare as Feed. T’ad kiarail caghlaa reddyn elley ayns reiltys ynnydagh lesh y villey shoh myrgeddin, as ny mast’oc, mooadaghey yn traa vees olteynyn ayns oik veih tree gys kiare bleeaney.
She oltey jeh’n Chiare as Feed son Kione Droghad, Adrian Earnshaw, ta stiurey yn billey shoh. T’eh gra dy vel barelyn eigsoylagh ec sleih mychione ny caghlaaghyn treealit. T’ad er nyannoo nyn gooid share dy yannoo booiagh whilleen sleih as oddys ad. She oltey elley son Kione Droghad, Peddyr Karran, ren goll noi’n villey son y chooid smoo. Agh ta Mainshtyr Earnshaw credjal dy vel eh pohlldal caghlaa jarrooagh.
Oltey yn Chiare as Feed son Malew as Stondane, y Captan Andrew Douglas, phrow eshyn dy neuspeeideilagh y billey y chur ry lhiattee ec keim ny h-oltyn (the clauses stage). Smooinee y Captan Douglas dy lhisagh ad er chur caa da ny lughtyn-reill ynnydagh eieyn Vainshtyr Karran y resooney.
NEW TT BOOK BY LOCAL AUTHOR
David Wright’s book traces the TT from its beginnings in 1907.
Ta lioar elley mychione y TT er ny chur magh ayns traa son feailley TT mleeaney.
Ta’n lioar liorish ughtar ynnydagh, David Wright, as t’eh mychione y TT neayr’s y traa ren eh goaill toshiaght, sy vlein nuy cheead jeig as shiaght. T’eh goaill stiagh yn aggle ayns ny bleeantyn tree feed as jeih dy beagh yn eailley marrooit tra va sthap currit da ratçhal-feniaghtys syn Ellan.
Agh t’eh scrutaghey yn aght ta’n eailley er ngoll er dy chummal seose e h-ynnyd myr nane jeh ny taghyrtyn smoo sy teihll son ratçhyn roaryn-bree.
MANXWOMAN COULD BE BRITAIN’S ‘FRIEND IN A MILLION’
Linda Meecham was nominated by Lynne Cain for the way she helped her.
Oddagh ben voish Mannin ve ‘Carrey mastey Millioon’ y Vretyn Vooar. Va Linda Meecham er ny h-enmys liorish Lynne Cain tra hooar Lynne magh dy row kahngyr-keeagh jannoo urree. Scryss Linda laghyn seyrey dy phohlldal e carrey tra v’ee geddyn lheihys kemmigagh (chemotherapy). Chammah as cur shilley er Lynne sy thie-lheihys gagh laa, hrog Linda ny smoo na kiare cheead punt cour kiarail kahngyr-keeagh.
Ta Lynne gra dy nee traa doillee ass towse v’ayn. Cha noddagh ee beaghey trooid y lheihys mannagh row Linda cooney lhee cho niartal.
Ta Linda nane jeh queig jerrinee jeig sy cho-hirrey. Bee fys eck lurg kegeesh vees ee goll er crooinaghey myr ‘Carrey mastey Millioon’ ny dyn.
Yn ard-aundyr, shen jerrey shiaghtin soaillagh son daa pheiagh. Yinnagh Linda cur Lynne lhee myr sheshey troailt.
Manx surnames: Callow and Cowley.
It looks as though both of these names came from a Gaelic - Norse combination ‘Mac Olaf’ - ‘Son of Olaf’. ‘Olaf’ means ‘Ancestor’ or Peaceful Reminder’.
‘Mac Olaf’ developed into ‘Mac Allow’ and then ‘Callow’ - a name that use to be found mainly in the west of the Island.
‘Mac Olaf’ was also made more Gaelic as ‘Mac Amhlaoibh’, giving ‘Cowley’ (correctly pronounced ‘Cowla’) in the Isle of Man and ‘Mac Auliffe’, etc., off the Island.
Naight Radio Vannin 4.6.03
JUNIOR RACE DAY
The Junior and the second of the sidecar races are scheduled for today.
Va ratçhal dy ghoaill toshiaght ec kerroo gys nane-jeig moghrey jiu, lesh TT Soshar 600 y Phaggad Bree. Reesht, veagh Adrian Archibald, cosneyder Formley Nane Jesarn, ratçhal noi fir goll rish John McGuinness as Ian Lougher.
Lurg y Ratçh Soshar, v’ad kiarail cummal y nah ratçh çheu-charr, er ny chur er e hoshiaght liorish Thie-Oast as Cronghyr y Hilton. Ta Dave Molyneux jeean dy ghoaill cooilleeney er Ian Bell as Neil Carpenter, hooar y varriaght Jesarn. Begin da Molyneux cur seose, kyndagh rish doilleeidyn çhagnyssagh ec stashoon-barroose Rhumsaa er y chied gharrey. Hoilshee eh ny haghyr er Radio TT.
V’ad kiarail dooney ny raaidyn ec jeih er y chlag moghrey jiu as fosley ad ec queig er y chlag, my va gagh red goll dy mie.
IMF REVIEW LOOKS POSITIVE
The Financial Supervision Commission has released its annual report.
Ta Barrantee Oaseirys Argidoil (Financial Supervision Commission) er chur magh nyn imraa bleinoil. T’ad gra dy vel feme foast er reilley trome as plannyn ry hoi lhiasaghey slattyssyn vees aashagh dy hoiggal as dy ymmydey.
Kyndagh rish shen, ta feme er aareayrtys dowin jeh leigh yn Ellan bentyn rish colughtyn, neuhooghid as argidys. Oddagh shoh leeideil gys cur er bun yn oik jeh Resowir Oikoil.
As y scrutaght jeant liorish y Tashtey Argidoil Eddyrashoonagh, t’eh jeeaghyn dy bee shen foaysagh da Mannin.
NEW MANAGER FOR NOBLE’S HOSPITAL
Paul Shields was born and educated in Liverpool and has worked for the National Health Service for twenty years.
Ta reireyder noa Thie-Lheihys Noa Noble er ny phoinsheil. Nee Paul Shields goaill yn obbyr ayns laue roish foddey, as bee eh gobbraghey marish y reireyder t’ayn nish, Frank Inman, derrey hig eshyn dy ve ny haaue ny s’anmagh sy vlein shoh.
Va Mainshtyr Shields ruggit ayns Lerpoyll as hie eh er ynsaghey ayns shen. T’eh er nobbraghey son Shirveish-Slaynt y Theay rish feed blein. Ec y traa t’ayn, she reireyder cadjin eh ayns Oxford ec thie-lheihys treisht ayns Shirveish-Slaynt y Theay.
Y Shirveishagh-Slaynt, Clare y Christeen, t’ee gra dy vel oayllys dowin ec Mainshtyr Shields er y cherroo-slaynt. Lhisagh shen cur yn ablid da dy chooilleeney yn currym noa echey.
AUSSIE LOOKING FOR ISLAND POEMS
The poems must have ‘an islanded consciousness’.
Ta scoillar Austrailagh, Peter Hay, shirrey draneyn screeut ec sleih ta cummal ayns ellanyn. Ta Mainshtyr Hay ny leaghteyr jeh studeyrys-çhymmyltaght as lettyraght sy Tasmaan. T’eh femblal lioar dy ghraneyn ellanagh.
T’eh gra nagh nhegin da ny draneyn ve mychione cummal ayns ellan. Agh, myr t’eh gra, shegin ‘bree ellanagh’ ve oc. By vraew leshyn geddyn draneyn cho leah as oddys eh.
Ta’n enmys post-L echey ry gheddyn er ynnyd-eggey Radio Vannin:
[email protected]
MORE VISITORS TO HERITAGE SITES
More than 400,000 people visited Manx National Heritage sites in 2002.
Yn earroo dy leih hug shilley er ynnydyn Eiraght Ashoonagh Vannin, hie eh seose liorish daa-yeig sy cheead. Hug ny smoo na kiare cheead meeilley dy leih shilley er ny h-ynnydyn sy vlein daa veeilley as jees. Ta Eiraght Ashoonagh Vannin er voylley yn pohlldal t’ee er ngeddyn harrish y vlein shoh chaie.
Ta shiaght persoonyn ass keead jeh cummaltee Vannin nyn olteynyn jeh Caarjyn Eiraght Ashoonagh Vannin. Shoh nane jeh ny h-olteynyssyn-pohlldal smoo t’ec reagheydys thie-lheihys erbee ayns ny h-ellanyn shoh.
Y Stiureyder, Stephen Harrison, t’eh gra dy vel ny toyrtyssyn veih ny Caarjyn as yn obbyr ry hoi troggal argid ta jeant oc er ve feer foaysagh as Eiraght Ashoonagh Vannin cummal seose ynnydyn shendeeagh yn Ellan.
Manx surnames: Craine, Carine, Caren, Carran and Karran
These all come from same root - Gaelic Mac Ciaráin (Son of Kieron) or Mac Giolla Ciaráin (Son of the Servant of Kieron). Two sixth century Irish saints were called Ciarán. The name means ‘dark’, from Gaelic ‘ciar’ / ‘keeir’. This was a widely scattered family in the Isle of Man - maybe the different English spellings of the name reflects this.
Naight Radio Vannin Jemayrt, 10.6.03
ARCHALLAGAN SITE COULD BE UNIQUE
A consultant said he had no experience of a site set within a plantation on a hillside.
Ynnyd lhieeney-thalloo Archallagan, my vees ee coardit, oddagh ee ve gyn cosoylaght ayns ny h-ellanyn shoh, coardail rish Neil Pendell, fer-coyrlee er lheh ta gobbraghey ass lieh Rheynn Reiltys Ynnydagh as y Çhymmyltaght.
Dinsh Mainshtyr Pendell da’n vrialtys-plannal ec Thie-Oast Cronk Murray dy vel eh cliaghtey gobbraghey er jeih ny queig-jeig dy haleeyn lhieeney-thalloo ec yn un cheayrt. Agh cha ren yn obbyr echey rieau goaill stiagh ynnyd ayns keyll v’er lhargagh. Ny yei shen, v’eh er nakin ynnydyn smessey.
ARCHALLAGAN SITE QUESTIONS
Government claims that it would plant the site with trees are being questioned.
Caairliagh Varrantee Pherick, Joe O Hanlon, ta noi’n treealtys dy lhieeney thalloo lesh orçh ec Archallagan, t’eh ouryssagh mychione aggyrtyn veih’n Reiltys dy jinnagh ad soie biljyn ayns shen tra veagh yn ynnyd lhieent.
Ta Mainshtyr O Hanlon gra dy vel yn eie sheeaney ro ghoillee as dy beagh cochassaghyn (complications) ayn. Hroggagh y lhieeney-thalloo y leval-thallooin liorish queig-jeig ny feed dy veadaryn. Dooyrt Mainshtyr O Hanlon dy jinnagh shen croo doilleeidyn tra veagh ad cur baare er yn ynnyd as ad prowal biljyn as rassanyn y hoie stiagh ayn.
DECISION ON EUROPEAN UNION TAX REFORM PACKAGE
It’s widely believed the Island will choose ‘withholding tax’ rather than ‘disclosure of information’.
Freggyrt Vannin rish aachummaghyn-keesh yn Unnaneys Oarpagh, ta shen çheet magh y laa jiu. Ga nagh vel faaue erbee er jeet magh mychione y reih jerrinagh, shimmey peiagh ta credjal dy jean yn Ellan reih ‘cummal keesh’ as cha nee ‘soilshaghey fysseree’.
S’cosoylagh dy jig fockley Vannin magh ec y traa cheddin as focklaghyn elley goll rish shen veih Jersey as Guernsey.
Raink shirveishee argidoil yn Unnaneys Oarpagh coardailys mychione mynjeig aachummey-keesh (tax reform package) lurg resooney dowin as cumrail ennagh.
MENTAL HEALTH CONFERENCE
The centre-piece of the conference was a play called ‘Reading the Signs’.
Va co-whaiyl ayns Doolish jea mychione slaynt inçhynagh. Kuse dy leih ren goaill ayrn ayn, t’ad moylley yn irrinaght jeh cloie va ny ard-veer jeh’n cho-whaiyl.
She ‘Lhaih ny Cowraghyn’ (‘Reading the Signs’) ennym y chloie, as t’eh mychione yn aght ta çhingys inçhynagh çheet er dooinney aeg, as y doilleeid ta’n voir echey feddyn as ish prowal dy gheddyn lheihys cooie da.
Ta Christine Brown as Joyce Healey gra dy row yn cloie myr bea firrinagh. Hoilshee eh paart jeh ny doilleeidyn haink orroosyn hene as ad geddyn cooney son ny mec oc.
MALE IGNORANCE OF PROSTATE RISKS
The aim is to raise awareness about cancers affecting men.
Ta deiney foast saastagh (complacent) mychione y gaue jeh kahngyr prostaitagh, coardail rish Rheynn Slaynt as Shickyrys y Theay. Shoh Shiaghtin Ashoonagh Slaynt Deiney sy Reeriaght Unnaneyssit as ta’n Rheynn kiarail cur er deiney dy chur tooilley twoaie da kahngyryn oddagh jannoo orroo.
Ta’n Rheynn greinnaghey deiney dy ve twoaieagh mychione caghlaaghyn ta çheet er ny kirp oc, erskyn ooilley tooilley neuaash, ny jannoo moon ny s’menkey.
Don Murray, fer as kahngyr prostaitagh jannoo er, t’eh gra dy vel eh scanshoil dy ve jarrooagh eer my ta’n çhingys shen jannoo ort.
Manx surnames: Comish, Camaish, Comaish
All these come from Gaelic Mac Thomais or Mac Thomáis, ‘Son of Thomas’ - equivalent to English ‘Thom(p)son’. The surname Comish was associated with the south of the Isle of Man and Camaish with the north. The principal seat of the Comish family was Ballacomish in Kirk Arbory, while the main seat of the Camaish faimily was Ballacamaish in Kirk Andreas.
There are no Camaish’s at all in the present Isle of Man phonebook, and of the eleven entries for Comish only three are in the south!
Naight Radio Vannin 18.6.03
DOMESTIC WASTE CHARGES MAY BE DROPPED
The Speaker of the House of Keys will ask Tynwald to drop the proposal to charge private householders for the disposal of domestic waste.
Nee Tony Brown, Loayreyder y Chiare as Feed, shirrey er Tinvaal y laa jiu dyn dy chur er e hoshiaght y treealtys dy chur er y theay dy eeck son geddyn rey rish orçh veih thieyn preevaadjagh.
Ayns lhiasaghey lesh shey ayrnyn as tree cheead fockle, nee eh gra nagh lhisagh y Reiltys, ny Rheynn Reiltys Ynnydagh as y Çhymmyltaght, ny yn Boayrd Reirey Orçh, cur er sleih ayns thieyn preevaadjagh dy eeck son geddyn rey rish orçh.
Nee eh gra dy lhisagh sleih eeck son geddyn rey rish orçh jeadyssagh (industrial) as rish orçh traghtee, agh cha lhisagh y theay ve eginit dy eeck son cur orçh ayns ynnydyn-orçh theayagh.
Nee Mainshtyr Brown cur roish ny treealtyssyn shoh ayns resoonaght mychione taillaghyn-orçh, vees currit fo raad ec y Çhirveishagh-Çhymmyltaght, Pam Crowe.
MOVE TO CENSURE DHSS FAILS IN TYNWALD
Despite pressure for a re-think on out of hours medical care, most members of Tynwald were not prepared to censure the DHSS.
Ga dy daink traastey veih Rhumsaa dy smooinaghtyn reesht mychione freayll kiarail-lheihys çheu-mooie jeh ooryn-obbyr cliaghtagh, cha row yn chooid smoo jeh olteynyn Tinvaal arryltagh dy chur oghsan da Rheynn Slaynt as Shickyrys y Theay bentyn rish y chooish.
Va Leonard Singer, oltey jeh’n Choonseil Slattyssagh, er chur roish treealtys va shirrey er Tinvaal ad dy ghoaill arrys dy ren y Rheynn failleil dy yannoo red erbee mychione boiraghyn y theay bentyn rish y chooish feiy’n Ellan.
FRENCH POLICE REOPEN MUR
DER INVESTIGATION WITH ISLE OF MAN LINK.
The skull of a child has been discovered in northern France.
Ta meoiryn-shee Frangagh ronsaghey cooish-dunverys reesht. Hug y chooish shoh er meoiryn-shee Frangagh dy chur shilley er Mannin kiare bleeaney er dy henney. Haink ad dys yn Ellan as ad shirrey yn Fer-Lhee Yves Godard, va fo ourys dy varr eh yn ven echey sy thie oc ayns Normandie ayns Jerrey Fouyir, nuy cheead jeig, kiare feed as nuy-jeig.
Cha dooar ad y fer fo ourys ayns shoh, as ren ad troailt my hwoaie dys yn Ellan Lioas, raad va skeeal neuhickyrit dy vaik peiagh ennagh y fer-lhee as y daa phaitçhey aeg echey.
Nish t’ad er ngeddyn y vollag jeh nane jeh ny paitçhyn sy twoaie jeh’n Rank, as ta ny meoiryn-shee er ngoll erash dys Steornavaie dy hirrey tooilley leeidyn.
POST OFFICE CHIEF SUMMONED TO TYNWALD
Concerns have been raised in Tynwald over the sub-post office at Ballasalla.
Hig Ard-Sheckteragh Phost Ellan Vannin dys Barr Tinvaal moghrey jiu kyndagh rish boiraghyn hie er troggal syn ard-whaiyl mychione fo-offish phostagh Valley Sallagh.
Treealtys, va currit roish ec John Houghton, oltey jeh’n Chiare as Feed son Doolish Twoaie, myr cooish jeh scansh theayagh, ren eh jeeraghey er daa red.
V’ad shoh y fondid jeh conaant y fo-vainshtyr postagh enmyssit (designate), as y briwnys d’arraghey yn offish phostagh veih’n voayl t’ee er ve ayn rish foddey, faggys da’n çhymmyltane (roundabout) as beeal rish y thie-lhionney, y Chlagh Vane, dys Y Çhenn Shapp-Fuinnee (Ye Olde Bakery Store).
Y laa jea, Eaghtyrane Tinvaal, Noel Cringle, hug eh sheear y resoonaght mychione cre hig er offish phostagh Valley Sallagh, derrey oddys ad feddyn magh vel conaant fondagh ec y fo-vainshtyr postagh enmyssit ny dyn.
LORD FILKIN COULD BE NEW MINISTER FOR CROWN DEPENDENCIES
This follows the changes in the United Kingdom’s ministerial and legal systems.
Ayns y Reeriaght Unnaneyssit, s’cosoylagh dy bee yn Çhiarn Geoff Filkin y shirveishagh ayns Rheynn Cooishyn Bunraghtoil (Department of Constitutional Affairs) vees freggyrtagh son Mannin.
Hie Rheynn Cooishyn Bunraghtoil er croo myr nane jeh ny caghlaaghyn ayns shirveishee as coarys leighoil y Reeriaght Unnaneyssit v’er nyn vockley liorish Tony Blair y çhiaghtin shoh chaie. Va rheynn y Çhiarn-Shansyleyr (Lord Chancellor) er ny h-astyral.
Manx surnames: Cannan, Cannon
This is from the Gaelic Mac Canann - Son of Cana, or Son of the Wolf.
George Quayle Cannon (1827 - 1901) was president of the Mormons and represented them in the American Congress. Incidentally, his name shows the Manx custom of using a surname (often of the mother) as a first name.
Naight Radio Vannin 25.6.03
BOUNDARIES BILL MOVES FORWARD
Middle MHK Martin Quayle will bring forward a private member’s bill to redefine constituency boundaries.
Ta Martin Quayle, yn oltey jeh’n Chiare as Feed son Medall, er ngeddyn kied dy chur roish billey oltey preevaadjagh dy chaghlaa ny cagleeyn jeh rheynnyn-reihys son ard-reihyssyn y Chiare as Feed.
She yn dean, kiartaghey meechorrymid t’er jeet rish syn earroo dy voteyryn son gagh soiag sy Chiare as Feed. Ta mysh kiare-jeig as daeed meeilley as queig cheead (57,500) voteyr syn Ellan, veagh cur er yn earroo slanjeant dy ve daa veeilley dy lieh (2,500) son gagh soiag.
Agh nish ta nane as daeed sy cheead (41%) dy voteyryn ny smoo na’n earroo meanagh shen ayns Medall, as tree-jeig as feed sy cheead (33%) ny smoo ayns Garff. Ta Mainshtyr Quayle gra dy vow eh coyrle veih olteynyn jeh’n Chiare as Feed sy tourey d’eddyn magh ny t’ad coontey jeh’n chooish.
Ta Mainshtyr Quayle currit da çhaghterys smoo cairagh, myr t’eh gra rish, son sleih Vedall. Agh t’eh gra dy nee doilleeid feiy’n Ellan t’ayn.
SMACKING CHILDREN - REACTION IN THE ISLAND
People questioned by Manx Radio on the subject were generally in favour of the practice, provided it was as a last resort.
Vrie dooinney voish Radio Vannin jeh sleih cadjin c’red v’ad coontey jeh cur bassag da paitçhyn. Son y chooid smoo, va’n sleih shen ayns foayr jeh, choud’s nagh row couyr erbee elley ayn, as choud’s nagh row ny paitçhyn bwoaillt ro chreoi.
Va barelyn y sleih er nyn shirrey erreish da bing ardwhaiyllagh sy Reeriaght Unnaneyssit v’er resooney dy row yn fendeilys leighagh jeh ‘smaghtagh resoonagh’ ayns meechoardailys rish Conaant ny h-Ashoonyn Unnaneyssit cour Cairyn ny Paitçhyn.
LITTER DANGER TO PETS
A vet is warning of the danger from carelessly discarded litter.
Ta lhee-baagh ayns Mannin, Ray Cox, cur raaue mychione yn assee oddagh orçh ta ceaut ersooyl dy meereggyragh jannoo da bigginyn as beiyn-gowaltys.
Bee va ceaut ersooyl as er loaughey, ta Ray Cox gra, t’eh jannoo skielley da gaillaghyn. As beiyn ta sluggey orçh, shen boirey elley. Trass ghaue, shen gless va ceaut ersooyl.
Myr freggyrt rish faghtys (campaign) y reiltys ‘Glen Mannin’, ta Mainshtyr Cox greinnaghey dy chooilley pheiagh dy smooinaghtyn er beiyn as goaill kiarail smoo tra t’ad geddyn rey rish orçh.
BAN ON SELLAFIELD EFFLUENT
A survey commissioned by Greenpeace has revealed radioactivity in salmon on sale in major UK supermarkets.
Towshan v’er ny oardaghey ec Greenpeace, t’eh er hoilshaghey dy vel goul-roorid ayns braddanyn ta goll er creck ayns ard-vargaghyn mooarey sy Reeriaght Unnaneyssit. Ta shoh er chur er Reiltys y Reeriaght Unnaneyssit sthap shallidagh y chur er ceau tooilley orçh goul-rooragh ayns Mooir Vannin veih Sellafield.
Ny levallyn dy heghnaiçhum kiare feed as nuy-jeig (99) va feddynit ayns ny eeastyn, ta Greenpeace goaill rish nagh vel ad feer ghaueagh. Ny yei shen, hirr Reiltys y Reeriaght Unnaneyssit er Connaghyn Çheshveanagh Goaldagh (British Nuclear Fuels) dyn y cheau tooilley stoo stiagh sy cheayn son nuy mee, derrey vees aght elley oc dy gheddyn rey rish y stoo.
Sheanseyr Shinsharagh (Senior Scientist) ec Seyrlannyn Reiltys Vannin, y Dr Paul McKenna, t’eh gra nagh vel towshan Greenpeace er anchoodaghey fysseree noa, ny fysseree vees cur yindys er sleih. Agh ta’n towshan er hoilshaghey sollaghey çheshveanagh ec traa scanshoil.
RAMSEY IN BLOOM
There are six days left to enter this year’s Ramsey in Bloom competition.
Ta shey laa faagit dy ghoaill ayrn sy cho-hirrey Rhumsaa my Vlaa mleeaney.
Y laa s’jerree son entreilys, shen Jelune, y jeihoo laa as feed jeh Mean Souree.
Ta fermyn-entreilys ry gheddyn ec y halley-balley.
Hed briwnys er cummal sy vean jeh Jerrey Souree.
Manx surnames: Carroon, Corooin
There are twelve entries under ‘Carroon’ in the present Isle of Man phonebook, but none under ‘Corooin’.
The origin of the name isn’t clear. It might have come from an old Irish name,
Mac Eireamóin, Son of Eireamóin.
Or it might have come from Ó Ciardhubháin - Descendant of the Dark-haired One.
Finally, the Manx scholar J J Kneen suggested the name might have come from the Gaelic-Norse name Mac Thorfin - take your pick!
Naight Radio Vannin 2.7.03
DRAMA AT ISLAND GAMES
The men’s football team from Rhodes could be thrown out of the Island Games.
Oddagh skimmee bluckan-coshey ny deiney veih Rhodes ve er ny cheau magh ass Gammanyn ny h-Ellanyn moghrey jiu, lurg da queig cloiederyn ocsyn ve er nyn gur ersooyl ayns gamman kerroo-yerrinaght (quarter final) fastyr jea noi Guernsey, yn ashoon-cuirreyder (host nation).
Kyndagh rish reillyn y ghamman, begin da’n fer-reaghys y gamman y chur seose tra daag y wheiggoo chloieder y magher. Va mysh kerroo oor jeh’n traa faagit eisht, as Guernsey leedeil liorish jees noi nane.
Honnick fir-naight veih Radio Vannin cloiederyn veih Rhodes, yn ellan Veanvooir, prowal dy vrishey sheese dorrys y fer-reaghys ec lieh-hraa. As ec lane-traa, va feed meoir-shee, paart jeu lesh moddee, ec çheu yn vagher.
Va shirveishagh Cair-Chredjuagh Greagagh ayns gooyn liauyr doo ry akin, as eshyn guee er cloiederyn Rhodes dy ve kiune.
Haghyr shoh er y laa va Gammanyn Daa Veeilley as Shiaght er nyn stowal er yn ellan Greagagh liorish Sheshaght Eddyrashoonagh Gammanyn ny h-Ellanyn. Roish gamman y laa jea, v’ad briaght jeh’n Arrymagh Brian Partington, Lhiass-Chaairliagh y Çheshaght, mychione faaueyn nagh beagh Rhodes y reih share.
DUTCH ELM DISEASE IN DOUGLAS
The new outbreak is far away from the main area of infection.
Ta gorley-lhiouan Ollanagh er ny ’eddyn ayns daa villey ayns Doolish. Shoh brishey-magh noa, as t’eh foddey ersooyl veih’n vrishey-magh smoo, t’er y twoaie.
Ta’n Rheynn Eirinys, Eeastagh as Keylljyn freayll arrey er y ghaue ta baggyrt er lhiouanyn slayntoil ayns yn Ellan.
Robin Pollard, Ard-Offishear ny Keylljyn, t’eh gra dy bee eh olk da’n Ellan my vees y gorley goll er skeaylley.
NEW RAILWAY MAINTENANCE MACHINE
The machine will re-align and level the 62 miles of track.
Ta’n Rheynn Turrysid as Soccar er chionnaghey carbyd son daa cheead as feed meeilley punt (£220,000) cour cummal seose raaidyn-yiarn Vannin. T’ad gra tampeyr rish y jeshaght shoh, as nee ee gaa-yeeraghey as jannoo rea ny tree feed as daa veeilley dy skelfyn.
David Howard, Stiureyder Arraghey yn Theay, t’eh gra dy vel y jeshaght jeeaghyn quaagh, agh bee obbyr scanshoil jeant eck.
INCREASE IN SEXUALLY TRANSITTED DISEASE
There is a tendency to overlook sexual health problems.
Yn earroo dy leih as gorlaghyn oc haink orroo kyndagh rish comyssey, t’eh er ngoll seose dy mooar ayns ny bleeantyn jerrinagh, coardail rish y Çhirveishagh Slaynt,
Clare y Christeen. Benainshtyr y Christeen as ish freggyrt feysht veih Leonard Singer, oltey jeh’n Choonseil Slattyssagh, dooyrt ee dy row yn earroo dy hurransee hie gys y Lheelann Gienyçhoil-Mooinagh (Genito-Urinary Clinic) sy vlein daa veeilley as jees, dy row yn earroo shen bunnys daa cheayrt cho mooar as yn earroo sy vlein daa veeilley.
Dooyrt Benainshtyr y Christeen dy vel strateysh slaynt cheintyssagh (sexual health strategy) er ny lhiasaghey, agh dy bee shen laccal tooilley argid veih Rheynn Slaynt as Shickyrys y Theay as veih’n Rheynn Ynsee.
T’ee gra dy vel y doilleeid jeh gorlaghyn feddynit liorish comyssey ry gheddyn ayns ymmodee çheeraghyn . T’ee gra dy lajer dy vel ee currit da cur e laue gys y doilleeid ayns Mannin.
Paul Emerson, Fer-Coyrlee son Slaynt y Theay ayns Mannin, t’eh gra dy vel beoyn ayn dy chur doilleeidyn jeh slaynt cheintyssagh ry lhiattee. Shegin caggey noi’n veoyn shen.
REUNION FOR ELLA OLSEN STUDENTS
The Department of Education is planning a reunion for all the students who have benefited from the Ella Olsen scholarship since 1969.
Ta’n Rheynn Ynsee kiaddey aachruinnaght son ooilley ny studeyryn t’er ngeddyn foays veih scoillaraght Ella Olsen neayr’s y vlein nuy cheead jeig, tree feed as nuy.
Ta’n aundyr goll er giootal da studeyryn bwoirrin eear-cheimagh (postgraduate) dy yannoo studeyrys ayns Idaho. T’eh enmyssit lurg ben veih Rhumsaa va recortysser yn ollooscoill ayns shen.
Yn oyr son yn aachruinnaght mleeaney, shen dy bee daa pheiagh ta jeeaghyn mysh ny studeyryn Manninagh ayns Idaho er yn Ellan son bannish. Y Ven-Toshee jeh Shirveishyn Reiragh sy Rheynn Ynsee, Roz Gash, t’ee gra nagh vel eh aashagh d’eddyn ooilley ny mraane hooar yn scoillaraght. Agh t’ee jerkal dy jig cho whilleen jeu gys yn aachruinnaght as oddys ad.
Hed yn aachruinnaght er cummal ec kiare er y chlag er y chiarroo laa as feed jeh Jerrey Souree ec y Rheynn Ynsee ayns Cooyrt Noo Shorys ayns Doolish.
Manx surnames: Casement
This is from Mac Ásmundr - a typical Manx combination of Gaelic ‘Mac’ (‘Son’) with Norse ‘Ásmundr’ - mean Son of Ásmundr (Fee of the Gods). There are just five Casements in the current Isle of Man phonebook.
Roger Casement, who was of Manx descent, was knighted for exposing atrocities in the Belgian Congo in the early 20th century. He became an Irish Republican and was executed for his part in the Easter Rising of 1916.
Naight Radio Vannin 9.7.03
CHIEF MINISTER CONDEMNS LEAGUE’S ‘WILFUL CONFUSION’
The Celtic League was responding to the Mount Murray Inquiry report.
Ta’n Ard-Shirveishagh, Richard Corkill, er deyrey yn Commeeys Celtiagh son ‘mestid tooilloil jeh’n chooish’ sy chur-magh naight (press release) oc mychione trulleeys (corruption).
Hug y Commeeys magh y fockley shoh kyndagh rish yn imraa mychione lhiasaghey Cronk Murray. Dooyrt ad dy vel briwnys yn imraa soilshaghey ‘stayd feer voiragh’ bentyn rish yn aght va rheynnyn-reiltys, politickeyryn as fir-oik dellal rish y lhiasaghey.
Ta’n Ard-Shirveishagh gra dy vel y fockle ‘trulleeys’ ry akin sy chur-magh daa cheayrt yeig, gyn soilshaghey magh nagh dooar Commishoon Brialtys Cronk Murray prowalys erbee jeh ‘trulleeys’, goaill ymmyd jeh’n ockle lesh y cheeayll chadjin. Dy jarroo, t’eh gra, “ta’n imraa hene gra ‘cha dooar shin feanish jeh trulleeys sy cheeayll chadjin jeh eeckyn neughlen, giootyn ny reddyn elley myr shen, bentyn rish lhiasaghey Cronk Murray”.
Eisht ta Mainshtyr Corkill gra dy vel y cur-magh naight cur er y ‘vestid tooilloil’ shoh dy ve ny smessey liorish y faaue dy vel Brialtys Cronk Murray yn un red as Binshyn Nerin (the Irish Tribunals), ta dy firrinagh bentyn rish sollaghey-laue as trulleeys argidoil. Ta shoh cur reayrt cammit jeh briwnys y Vrialtys, t’eh gra, cur er sleih çheu-mooie jeh’n Ellan vees lhaih cur-magh y Chommeeys Celtiagh dy chredjal dy vel prowalys jeh sollaghey as kionnaghey er ny eddyn, as cha nel shen kiart.
DAVID LAMMY TO VISIT ISLAND
Tottenham MP David Lammy is the latest member of the British Parliament to be given responsibility for the Crown Dependencies.
David Lammy, yn oltey jerrinagh jeh’n Ardwhaiyl Ghoaldagh d’eddyn freggyrtys son ny Crogheenyn-Crooin (Crown Dependencies), t’eh kiarail cur shilley er Mannin.
Yn oltey jeh Kiare as Feed Hostyn son Tottenham, cha row Mainshtyr Lammy rieau ayns Mannin roïe. Agh t’eh gra dy vel eh er ngeddyn cooney liorish fysseree va currit da ayns e rheynn-reiltys, as liorish loayrt rish Michael Wills as Rosie Winterton, va jannoo yn kiartey roish shoh.
Va naighteyr ayns Mannin briaght jeh David Lammy noddagh Mannin jeeaghyn roee gys kiangley messoil noa lesh y Reeriaght Unnaneyssit as y currym noa shoh echey. Ta’n freggyrt echey ry chlashtyn er ynnyd-eggey Radio Vannin.
BOARD OF EDUCATION CANDIDATE HAS RESERVATIONS ABOUT SYSTEM
Cath Andrews says strict timetabling stifles the skills of teachers.
Coardail rish Cath Andrews, yeearreyder sy fo-reihys ayns Garff son y Boayrd Ynsee yn çhiaghtin shoh çheet, ta Rheynn Ynsee Vannin feer vie, agh ta olk currit urree liorish neulhoobid.
Ta Cath Andrews gra dy vel scoillyn Vannin geddyn argid mie as stooghyn mie.
Agh yn aght neulhoobagh ta traaghyn-ynsee goll er reaghey, t’eh plooghey schleiyn ny h-ynseyderyn. Ny sodjey, t’ee gra dy vel feme ayn er cormid eddyr ynsaghey cour speeideilys ayns scrutaghtyn, as ynsaghey cour beaghey.
Ta Benainshtyr Andrews gra dy vod y Boayrd Ynsee jannoo red ennagh mychione shen.
Hed fo-reihys y Voayrd Ynsee er cummal ayns Garff er y çhiaghtoo laa jeig jeh Jerrey Souree. She Elizabeth Godby yn yeearreyder elley.
RAMSEY CELEBRATES NATIONAL WEEK
Ramsey National Week began last Saturday with an exhibition.
Ghow Shiaghtin Ashoonagh Rhumsaa toshiaght Jesarn shoh chaie lesh taishbynys sy Halley Balley, enmyssit ‘Balley Rhumsaa, Balley Rhumsaa’, veih’n arrane ardghooagh.
Ta shiaghtin dy chelloorey (celebration) goll er yn çhiaghtin shoh, lesh giensaghyn-straiddey as cosheeaghtyn-fysseree (informative walks). T’ad shoh er nyn reaghey myr ayrn jeh ventyr dy chur Rhumsaa er e hoshiaght myr balley hed er bishaghey.
Oltey jeh’n Chiare as Feed son Rhumsaa, Anne Craine, t’ee gra dy vel yn çhiaghtin er ny reaghey dy chur moyrn ashoonagh da ny cummaltee.
Manx surnames: Cashen, Cashin
These are slight variations, coming from the Gaelic Mac Caisín - ‘Son of Curly’, or, more precisely, ‘Son of the Small Curly Haired One’. Less pleasantly, maybe ‘Son of the Small Crooked One’.
Naight Radio Vannin 16.7.03
TYNWALD DEBATES MOUNT MURRAY
Tynwald last night received the report of the Mount Murray Commission of Inquiry.
Lurg resoonaght ren goll er mysh queig oor dy lieh, ren Tinvaal goaill rish imraa Commishoon Brialtys Cronk Murray. Hug Tinvaal moyllaghyn yn imraa da Coonseil ny Shirveishee cour tooilley sursmooinaghtyn.
Lhiasaghey veih Bill Henderson, oltey jeh’n Chiare as Feed son Doolish Twoaie, v’eh speeideilagh liorish tree votyn as feed noi tree. Ta’n lhiasaghey cur er Coonseilee ny Shirveishee yn feme dy chaghlaa as dy hessal (assess) ny tree moyllaghyn as feed t’ayns yn imraa, as dy ghra tra vees Tinvaal soie reesht ayns Jerrey Fouyir cre choud as oddys ny moyllaghyn goll er cooilleeney.
Yn oltey hug roish y treealtys hug y brialtys fo raad, Peddyr Karran, oltey son Kione Droghad, dooyrt eshyn nagh dod yn Ard-Shirveishagh as e cho-obbreeyn cur ersooyl yn imraa as ny va feddynit magh liorish shenn raaghyn follym as smooinaghtyn mianagh. Ghow Mainshtyr Karran ayrn sy resoonaght lesh oraid screeut.
ALLAN BELL’S APOLOGY TO TYNWALD
Allan Bell, the politician who received most criticism in the Mount Murray report, apologised if he had been naïve or over enthusiastic in supporting the development.
Allan Bell, yn eear-shirveishagh son turrysid as y politickeyr hooar y cremeydys smoo ayns imraa Cronk Murray, ren eh goaill leshtal rish Tinvaal my v’eh er ve credjallagh ny ro yeean as eshyn pohlldal lhiasaghey Cronk Murray.
Hug eh failt er y vriwnys nagh row trulleeys argidoil er ve ayn tra va’n skeym goll er coardail as çhyndaa veih lhiasaghey-turrysid gys lhiasaghey-thieyn.
V’eh foast jiooldey yn faaue v’eh er ve faggys dy neuchooie da’n fer-lhiasee. Dooyrt Commishoon Brialtys Cronk Murray dy dug shen traastey er fir-oik plannal dy lowal y skeym.
SCHOOL PLANNED FOR OLD NOBLE’S SITE
The school would be built in the next four or five years.
Ta Steve Rodan, y Shirveishagh Ynsee, er veeraghey dy vel y Rheynn Ynsee kiarail troggal bunscoill noa er ayrn jeh ynnyd shenn Thie-Lheihys Noble. T’eh gra dy vel y skeym ayns ny plannyn bunargidoil, ga nagh vel ny myn-reddyn reaghit foast.
Ragh y scoill er troggal ayns kiare ny queig bleeaney dy hraa, mygeayrt y vlock-ward noa, va kiaddit dy ve ceaghlit cour y lheid. Va faaue er ve ayn dy jinnagh y scoill noa goaill yn ynnyd jeh Scoill Lhiennoo Ballacloan as Bunscoill Magher y Vargee (Fairfield). Agh nish, ta’n Shirveishagh gra, foddee dy bee ny scoillyn shoh tannaghtyn as gobbraghey marish y scoill noa.
Veagh Rheynn Slaynt as Shickyrys y Theay foast goaill ymmyd jeh ayrn jeh’n ynnyd, agh ta Mainshtyr Rodan gra dy vel reamys dy liooar da scoill neesht.
STEAM PACKET WILL BE UNAFFECTED BY TAKEOVER
The Chief Executive of the Steam Packet expects the takeover by Montagu Private Equity Limited to be a ‘seamless transfer’.
Ta Hamish Ross, Ard-Sheckteragh y Phaggad Bree, smooinaghtyn dy bee caghlaa gyn boirey veih un shellooder gys shellooder elley tra vees y Paggad Bree kionnit son keead as jees as daeed millioon punt liorish Cairys Argidagh Preevaadjagh Montagu Çhiarmaanit.
Ta Mainshtyr Ross gra dy jean ooilley ny reddyn scanshoil ec y cholught, goll rish y lhuingys, y lught-reirey as skimmeeyn elley er y thalloo as er y cheayn, dy jean ad tannaghtyn myr t’ad nish. As nee yn strateysh cour aase tannaghtyn myr t’ee myrgeddin.
Cha jean ennym y cholught, Colught Paggad Bree Ellan Vannin, goll er caghlaa.
Ta Mainshtyr Ross gra dy vel Montagu kionnaghey colught speeideilagh as t’ad booiagh d’aagail eh myr t’eh.
Manx surnames: Christian
This is a Gaelic-Norse name, coming from Mac Kristinn, meaning Son of the Christian. When most of the Vikings were still pagan, they called a Viking who had converted to Christianity ‘Kristinn’ - and there is evidence they made fun of such converts.
Historically, the most famous Christian was William Christian, or Illiam Dhone, who was executed in 1663. Illiam Dhone is credited with preserving Manx independence.
23.7.03
PRIVATE OPERATIONS COULD AFFECT NHS
Leonard Singer believes the best
way forward is to encourage a major private healthcare provider to set up in the Isle of Man.
Oltey jeh’n Choonseil Slattyssagh, Leonard Singer, t’eh boirit dy noddagh obbraaidyn (operations) preevaadjagh cur yn olk orroosyn ta fuirraghtyn rish obbraaidyn fo’n Çhirveish Slaynt Ashoonagh.
Vrie eh feysht ny ghaa tra va Tinvaal soie yn vee shoh, as dreggyr y Shirveishagh Slaynt, Clare y Christeen.
Ta Mainshtyr Singer credjal dy bare greinnaghey colught-slaynt mooar preevaadjagh dy heet gys Mannin dy yannoo lheid ny h-obbraaidyn.
CHIEF MINISTER LAUNCHES ‘LIVE AT HOME’ SCHEME
The new ‘Live at Home’ scheme in Onchan was officially launched last night.
Y skeym noa ‘Cummal ec y Thie’, ren eh goll er lunney ayns Kione Droghad riyr.
She yn Ard-Shirveishagh Richard Corkill ren y sharmanys (ceremony). Voyll eh yn obbyr ayns Forsdal as Balley Keeill Eoin, raad ta ventyryn myr shoh er ve fo raad rish kuse dy vleeantyn. Ta’n Ard-Shirveishagh ny chaairliagh jeh skeym Chione Droghad, as she oltey jeh’n Chiare as Feed eshyn son yn ard.
She yn dean dy ghreinnaghey arryltee dy yannoo caarjyn jeh sleih shinney ta nyn lomarcan, ny cummal ayns boayl fadaneagh. Dooyrt Mainshtyr Corkill dy row eh jerkal dy beagh moggyl dy skeymyn myr shoh currit er bun feiy’n Ellan ayns ny queig bleeaney ta roin. Ta ventyryn myr shoh scanshoil, dooyrt eh.
POLICE OFFICERS’ BAIL RENEWED
Two police officers face various offences.
Tra hie daa veoir-shee kionfenish yn Ard-Vaylee reesht, va ny raanteenyn oc jeant ass y noa, gys y nah laa yeig jeh Mee Luanistyn.
T’ad kyndaghey Raymond James Forbes lesh jeih loghtyn as feed. T’eh voish Cooyrt y Ven-Rein, Rhumsaa, as t’eh un vlein as daeed
dy eash. Ta ny loghtyn goaill stiagh maarleeys, geddyn argid liorish molteyrys, farscreeu as molteyrys.
T’ad kyndaghey Simon Arthur Grayley lesh tree loghtyn. T’eh voish Raad Doolish, Skylley Maayl, as t’eh lieh-cheead blein dy eash. Ta ny loghtyn cooney as greesaghey molteyrys, as coontysseyraght foalsey.
Dooyrt y leighder oc dy row eh er ngeddyn pabyryn-kyndee (committal papers). Hirr eh scuirr, as va shen coardit.
CYCLE RACE CONTROVERSY
The Italian team was furious with the French riders involved in the final sprint.
Haink Kermesse Roarey Eddyrashoonagh Ghoolish gys jerrey lesh arganys riyr. Va’n skimmee Iddaalagh jeant feer chorree ec ny markee Frangagh ren goaill ayrn ayns eab niartal ec y jerrey. Lurg jerrey yn ratçh, ren cohirreyderyn y lhiastynys y ghlenney lesh cohirreyderyn elley (competitors squared up with other competitors).
She yn fer-roar eddyrashoonagh veih’n Rank, Francis Mourey, hooar y varriaght sy Kermesse.
Cha daink yn arganys dy ve ny smessey kyndagh rish reireyderyn-skimmee, fir-oik as meoir-shee ren cur stiagh er yn arganys.
She Kristian House veih’n Vretyn Vooar va’n nah ghooinney sy ratçh. Ga dy row fys echey dy row arganys ayn, cha vaik eh ny va taghyrt.
SPRING VALLEY ROAD WORKS - FINAL STAGE
The final stage of the Road Island Inner Link Scheme will start on Monday July 28th.
Ta’n Rheynn Arraghey gra dy jean yn ayrn s’jerree jeh Skeym Kiangley Sthie Ellan Raad, dy jean eh goaill toshiaght er y hoghtoo laa as feed jeh Jerrey Souree. Hig obbraghyn-raad ec Coan Farrane (Spring Valley ?) gy kione er yn çheyoo laa as feed jeh Jerrey Souree. Y raad eddyr y çhymmyltane (roundabout) as Cronk Kewaig, hed shen er fosley son traaght ayns mean y voghrey, Jelune, y hoghtoo laa as feed jeh Jerrey Souree.
Bee soilshaghyn-reill ayns ynnyd erskyn Scoill Kewaig choud’s vees y raad goll er aahroggal. T’ad smooinaghtyn dy bee shen goaill queig shiaghtin.
Tra vees shen goll er, bee ny soilshaghyn-reill ec bun Cronk Bwoaill Rhennee (Richmond Hill) goit ersooyl as hed ooilley yn traaght trooid çhymmyltane Coan Farrane.
Ta’n Rheynn Arraghey gra dy jean ny cagleeyn-bieauid shallidagh as ny cughlinyn-traaght ec Cronk Bwoaill Rhennee tannaghtyn son y traa t’ayn, er y fa dy bee carbid goll dys as çheet veih’n losteyder foast goll trooid y ghoal (junction) ec Cronk Bwoaill Rhennee.
Manx surnames: Clague
This is a Gaelic name, possibly from Mac Luathóg, ‘Son of the Swift One’.
A centre of the family was at Ballaclague in Arbory. A famous Clague was Dr John Clague, a well-known general practioner from Arbory in the late 19th and early 20th centuries who collected Manx folklore and folk music. He was occasionally accused of being more interested in these topics than in medicine!
Naight Radio Vannin 13.8.03
NEW BISHOP WELCOMES EUTHANASIA DEBATE
The Very Reverend Graeme Knowles has been discussing some of the issues he will face.
Hie er enmyssit myr yn aspick noa, y Feer-Arrymagh Graeme Knowles, t’eh goltaghey yn resoonaght mychione cooney sleih dy gheddyn baase my t’ad çhing gy baase. T’eh er ve resooney magh paart jeh ny cooishyn shegin da dellal rish tra vees eh pointit dy h-oikoil myr yn aspick ayns Mee ny Nollick.
T’eh gra dy vel eh slane femoil dy vel cooishyn arganagh goll er resooney magh dy kiart. As t’eh credjal dy vel eh cairagh dy vel vote ec yn aspick ayns Tinvaal as eshyn loayrt son Creesteenyn er yn Ellan. Ta’n Arrymagh Knowles gra dy nee liorish resooney magh neu-lhiettit dy vod barelyn goll er caghlaa.
MOUNT MURRAY AND TAXATION
The Mount Murray inquiry will examine the way in which amendments to tax legislation were developed.
Caairliagh y chommishoon-brialtys ec Cronk Murray, Nigel Macleod QC, t’eh gra dy nee scanshoil ta cooishyn bentyn rish keeshyn ayns imraa (report) Chronk Murray, as dy vel ny cooishyn shoh kianlt dy bollagh lesh obbyr y chommishoon.
Chammah as shen, ta Nigel Macleod gra dy vel y commishoon kiarail goaill ymmyd jeh ayrn jees yn imraa myr caa dy ghra reddyn mychione paart jeh ny h-aghtyn ren sleih freggyrt ayrn nane yn imraa.
Bee yn commishoon dy hroor goaill toshiaght d’eaishtagh rish feanish syn ‘ouyr, roish my vees ayrn jees yn imraa er ny chur magh.
Nee yn commishoon scrutaghey yn aght va slattyssyn-keesh dellal rish leodaghey keesh-turrysid (tourism tax relief) er ny lhiasaghey ec y toshiaght jeh ny bleeantyn kiare feed as jeih (early 1990’s).
Hed ny clashtynyn er cummal ayns Shamyryn Strathallan ayns Doolish. S’cosoylagh dy bee yn chooid smoo jeh ny feanishyn er nyn symney ec y toshiaght jeh Mee Houney.
Va ayrn nane yn imraa er ny chur magh ec y jerrey jeh Mean Souree. Rheynnyn-reiltys ec y toshiaght jeh ny bleeantyn kiare feed as jeih, ta’n imraa cremmey ad dy lajer - chammah as kuse dy h-olteynyn jeh’n Chiare as Feed - son yn aght v’ad dellal rish yeearreydyssyn-plannal ec Cronk Murray.
Tra vees Tinvaal soie ayns Jerrey Fouyir, nee Coonseil ny Shirveishee cur coontey mychione cre cho whilleen jeh ny moyllaghyn (recommendations) ayns ayrn nane oddys goll er cooilleeney.
POSSIBLE LEGISLATION OF MULTI-OCCUPANCY HOUSING
Currently, houses where residents do not form a single household are illegal in the Island.
Thieyn as cummaltee ayn nagh vel nyn dhielagh (household), oddagh ad ve jeant leighoil as currit fo smaght reillyn, my vees bree currit da slattys currit roish ec Rheynn Reiltys Ynnydagh as y Çhymmyltaght.
Ec y traa t’ayn ayns Mannin, ta thie anleighalagh mannagh vel ny cummaltee ayn nyn dhielagh. Fir-oik Slaynt Çhymmyltaghtoil, ta fys oc dy vel sleih cummal myr shoh. Agh ta gaue mooar jeh aileyn ayns lheid ny thieyn shoh.
Martin Hall, Stiureyder Çhymmyltaght, Sauçhys as Slaynt, t’eh gra dy vel yn ynrican aght y doilleeid ’eaysley, shen dy chur reillyn er bun.
EARLY HARVEST
Hot weather in the Isle of Man has meant earlier harvests.
Ta’n fouyr er jeet dy leah ayns Mannin kyndagh rish emshyr çheh. Ga dy vel fouyryn ennagh ny sloo kyndagh rish yn emshyr çhirrym, t’ad er chur stiagh oarn as curnaght seose gys jeih laa ny s’leaie, cosoylit rish y chooid smoo dy vleeantyn.
T’ad goaill ymmyd jeh’n chooid smoo jeh curnaght Vannin cour flooyr as jannoo arran çheu-sthie jeh’n Ellan.
Yn Eaghtyrane jeh Sheshaght-Cheirdee Ashoonagh Eirinee Vannin, John Crellin, t’eh gra dy vel ny h-eirinee jeant feer wooiagh er y fa dy jean ad cosney ny smoo, s’cosoylagh. Hoilshee eh magh yn aght ta’n emshyr er chaghlaa ny fouyryn.
Manx surnames: Clark, Clarke
In the Isle of Man, this was often a translation of the Manx Gaelic Mac y Chleree, Son of the Clerk. Originally a clerk was a man in a religous order - possibly one of few men there who could read and write. They produced all the written material. Later, such people were called ‘clerics’, with the word ‘clerk’ taking its modern meaning of ‘office worker’.
Naight Radio Vannin 20.8.03
MOUNT MURRAY RECOMMENDATIONS SHOULD BE ACCEPTED IN FULL.
MHK’s have written to the Management and Members’ Standards Committee.
Lhisagh y Reiltys goaill rish dy bollagh ny reddyn hooar Brialtys Chronk Murray magh - goaill stiagh y briwnys dy dug Allan Bell, y Shirveishagh Tashtee nish, dy dug eshyn y Chiare as Feed er shaghryn. Ta shoh coardail rish screeuyn veih olteynyn jeh’n Chiare as Feed gys Bing Reirey as Ymmyrkey Olteynyn.
Ta’n screeuyn briaght nee faghid va fockley jeant liorish Mainshtyr Bell ayns nuy cheead jeig, kiare feed as daa-yeig as eshyn freggyrt feysht sy Chiare as Feed.
Myrgeddin, ta’n screeuyn briaght cre’n aght lhisagh eh goll er smaghtey.
Sy chied ayrn jeh’n imraa echey, hooar Commishoon Chronk Murray dy dug Mainshtyr Bell y Chiare as Feed er shaghryn, red t’eh gobbal.
Ta’n screeuyn screeut ec olteynyn jeh’n Chiare as Feed - Brenda Cannell, Phil Gawne, Peter Karran, Edgar Quine as John Houghton, lesh oltey elley, Bill Henderson, shirrey yn ennym echey dy ve goit stiagh neesht ayns screeuyn elley.
Ta Benainshtyr Cannell gra dy lhisagh ad goaill rish ooilley ny reddyn hooar y Commishoon magh, eer my t’ad sharroo.
MLC SAYS MOUNT MURRAY ‘DIDN’T STACK UP’ IN 1992
Dominic Delaney says he knew plenty of people in 1992 who were not convinced about Mount Murray’s potential as a tourist development.
Cho foddey sheear as nuy cheead jeig, kiare feed as daa-yeig, cha row keeall ayns skeym Chronk Murray, coardail rish Dominic Delaney, oltey jeh’n Choonseil Slattyssagh. Shen y fa ren eh briaght y feysht ta arganagh nish jeh Allan Bell, y Shirveishagh Turrysid ec y traa v’ayn. As eshyn freggyrt y feysht shoh, ren Mainshtyr Bell focklaghyn (statements) ren cur y Chiare as Feed er shaghryn, ren Commishoon Brialtys Chronk Murray briwnys.
Bee Bing Reirey as Ymmyrkey Olteynyn scrutaghey yn briwnys shen d’eddyn lhisagh Mainshtyr Bell goll er smaghtey. T’ad er hirrey er Mainshtyr Delaney - as er fir elley - dy heet gys clashtynyn theayagh feyshtyn y reggyrt. As bee tooilley clashtynyn ec Commishoon Chronk Murray mychione cooishyn-keesh ny s’anmagh sy vlein.
Ta Mainshtyr Delaney gra dy row fys echey ayns nuy cheead jeig, kiare feed as daa-yeig dy row ymmodee sleih nagh row credjal dy noddagh Cronk Murray çheet dy ve scanshoil myr lhiasaghey-turrysid.
LOCAL SEAFOOD IS SAFE
But more needs to be done to reduce emissions from Sellafield.
Bentyn rish goulraght veih Sellafield, ta bee-marrey mygeayrt yn Ellan foast sauçhey, coardail rish sheanseyr (scientist) y Reiltys - agh shegin jannoo tooilley dy leodaghey goulraght veih’n ynnyd çheshveanagh ayns Cumbria.
Ta’n Reiltys er chur magh ny levallyn-goulraght mygeayrt yn Ellan, goaill stiagh y ghoulraght ayns bee Manninagh, goll rish bainney, feill as bee-marrey.
T’eh ry akin dy vel y sollaghey goul-rooragh jeh gimmagh ynnydagh liorish çheghnaiçhum nuyad-nuy (99) ny sloo na lieh yn vooadys feddynit ayns nuy cheead jeig, kiare feed as hoght-jeig, as cha nel shen agh yn wheiggadoo (50th) ayrn jeh’n leval lowit, eer son peiagh ta gee bee-marrey ynnydagh ‘dy liooar’.
Agh sheanseyr y Reiltys, y Dr Paul McKenna, t’eh gra nagh nee naightyn mie t’ayn dy bollagh. Shegin da lught Sellafield feddyn aght noa dy gheddyn rey rish yn orçh oc.
JEFFERIES INQUEST TODAY
The nine times TT winner was killed at Crosby in May.
Y ving-vaaish mychione baase David Jefferies, hed ee er cummal ec Thie-Quaiyllagh Ghoolish jiu. Chossyn eh yn varriaght sy TT nuy keayrtyn, as hie eh mygeayrt y choorse sy traa sloo. V’eh jeih bleeaney as feed dy eash, voish Yorkshire Heear. V’eh marrooit ec Crosby ayns seshoon-roortys, Jerdein, y nuyoo laa as feed jeh Mee Boaldyn.
Ghow yn ving-vaaish toshiaght yn wheiggoo laa jeh Mean Souree, agh choard y Toshiagh-Jioarey ee y chur sheear tra dooyrt y turneyr Peter Saunders nagh row ad er loayrt rish feanishyn feer scanshoil. Va’n turneyr shoh loayrt ass lieh skimmee Jefferies, ta shen dy ghra, TAS Suzuki.
Manx surnames: Clucas
This is from Manx Gaelic Mac Lugaish, of Mac Lucas, ‘Son of Lucas’ or ‘Son of Luke’. As far as I know, Clucas may be a uniquely Manx name. It was occasionally translated into English as Lucason.
One of the main estates of this family was Ballaclucas in Marown.
In the present Isle of Man phonebook, ‘Clucas’ is quite prominent, with over 50 entries.
Naight Radio Vannin 27.8.03
GAS CONVERSION DELAYS
Manx Gas had hoped the conversion would take two or three days per property.
Ta cummaltee ayns Doolish er ve gaccan kyndagh rish cumrailyn sy chaghlaa gys gass dooghyssagh. Va Gass Vannin jerkal dy beagh y caghlaa goaill daa ny tree laa ayns gagh thie, agh ny keayrtyn t’eh goaill queig ny shey laa.
Y Reireyder-Caghlaaee, Jim Deacons, t’eh gra dy vel eh goaill ny sodjey kyndagh rish foiljyn ayns ny culleeyn-caghlaaee (modification kits). Paart jeh ny meeryn ayns ny culleeyn, cha nel ad kiart, ta laue-lioaryn fysseree assairagh, as, ny keayrtyn, ta ny laue-lioaryn ayns çhengaghyn joarree. T’eh gra dy nhegin da reddyn sharaghey, agh t’eh jeant booiagh dy vel yn obbyr goll coardail rish y skedjal.
MOTORCYCLIST SERIOUSLY INJURED IN ROAD ACCIDENT
Police are appealing for witnesses.
Ta ny meoiryn-shee shirrey feanishyn lurg da fer roar-bree goll er lhottey dy h-olk ayns drogh haghyrt er Giat y Clieau. Haghyr shen ec Giat Keppel mysh feed minnid gys kiare fastyr jea - haink eh er dooinney va cur shilley er yn Ellan.
V’eh markiaghey yn roar-bree Honda echey tra va’n drogh haghyrt ayn.
T’ad shirrey er peiagh erbee lesh fys dy hellvaney er y Rheynn Traaght ec ard-stashoon ny meoiryn-shee, er 63 12 12.
TODAY’S GRAND PRIX
The programme features the combined Junior and Lightweight Classic.
Shoh y nah laa dy ratçhal ayns Grand Prix Vannin daa veeilley as tree. Y Ratçh Soshar (Junior) marish y Ratçh Eddrym Classicagh, hed ad er cummal ry cheilley ec kerroo lurg jeih. Hed y Ratçh Soshar er cummal ec kerroo lurg nane.
Hed raaidyn mygeayrt y coorse er dooney ec lieh-oor lurg nuy moghrey jiu, as hed ad er fosley reesht ec queig er y chlag.
Bee lane fys er ny ratçhyn ry chlashtyn er Radio Vannin, er y tonn veanagh ec tree-jeig, sheyad-hoght (1368).
NO AGREEMENT ON CIVIL SERVICE PAY
The Government Officers’ Association is unhappy at several of the proposals being suggested by the Civil Service Commission.
Cha nel eh jeeaghyn dy bee coardailys ry gheddyn dy tappee eddyr Commishoon y Çhirveish Theayagh as Sheshaght Fir-Oik y Reiltys bentyn rish plannyn dy chaghlaa yn strughtoor-faill. Ta’n Commishoon lhiasaghey strateysh-aundyr noa (a new reward strategy). T’ad gra dy vel shoh ry-hoi coarys-graayd sloo cramp, sharaghey briwnys-obbyr (performance appraisal), as lhiasaghey so-lhoobaght.
Ta shoh ayrn jeh skeym lhean dy aa-chummey yn strughtoor-faill, lhiasaghey schleiyn as sharaghey shirveishyn theayagh.
Agh Sheshaght Fir-Oik y Reiltys - ta loayrt son ymmodee shirveishyn theayagh - cha nel ad jeant booiagh ec paart jeh ny treealtyssyn, goaill stiagh cur er bun possan shinsharagh (senior). Ta Sheshaght Fir-Oik y Reiltys gra dy lajer dy nhegin da shen ve scarrit rish yn aa-reayrtys-faill bleinoil.
Ta Sheshaght Fir-Oik y Reiltys er recortyssey argane-keirdee bentyn rish coardail t’ayn nish. Ta’n Çheshaght gra dy vel neu-nhee er ve jeant jeh’n choardail shoh. T’ad credjal nagh lhisagh 2.7 sy cheead ve yn bun son mooadaghey faill - veagh 5 sy cheead ny smoo cooie. Hed y nah haglym jeh’n cho-ving-varganee (joint negotiating committee) er cummal er y hoghtoo laa jeh Mean Fouyir.
MANX HERITAGE FOUNDATION ANNUAL REPORT
The report describes the policy and work of the Foundation.
Ta Undinys Eiraght Vannin er chur magh yn imraa bleinoil as ny coontyssyn echey son y vlein haink gys jerrey er y chied laa jeig as feed jeh Mee Vayrnt, daa veeilley as tree. Chammah as ny coontyssyn scrutit, ta coontey jeh polasee as obbyr yn Undinys ry gheddyn syn imraa. Nurree, doardee yn Undinys aaronsey shenndeeagh (historical research) mychione ny troggalyn-caggee er as mygeayrt magher-etlee Jourby.
Caairliagh yn Undinys, shen Loayreyder y Chiare as Feed, Tony Brown. Hoilshee eshyn magh yn aght t’ad reih ny shaleeyn vees geddyn argid.
Naight Radio Vannin 3.9.03
POSSIBLE CRIMINAL ACTION IN FATAL CAR CRASH
A King William’s College student was killed in a one-vehicle crash.
Ta ny meoiryn-shee smooinaghtyn mychione aghtey-kimmeeys bentyn rish drogh-haghyrt ren marroo studeyr voish Colleish Ree Illiam. Dominic Mark Blake voish Colby, va shiaght-jeig, v’eh marrooit moghey sy voghrey jeh’n wheiggoo laa as feed jeh Mee Luanistyn er Shenn Raad Valley Chashtal.
Yn immanagh, Andrew Mark Dixon, ta shiaght-jeig neesht as ny studeyr ec Colleish Ree Illiam, t’eh foast ayns y thie-lheihys.
Doshil Michael Moyle, y Toshiaght Joarey, yn ving vaaish bentyn rish baase Vainshtyr Blake. Agh va’n chooish currit sheear echey as ny meoiryn-shee shirrey tooilley fys.
PENSIONS UNDER PRESSURE
An ageing population means that fewer people are paying into pensions.
Ta ny penshynyn fo traastey - ta’n pobble gaase ny shinney ooilley cooidjagh, as myr shen ta sloo pobble geeck son penshynyn, as smoo pobble goaill argid magh ass tashtaghyn-penshyn.
Cha nel dy chooilley pheiagh geddyn foays veih penshyn-keirdee (occupational pension) ny penshyn preevaadjagh tra t’ad çheet dy ve nyn daaue. Shimmey peiagh ta croghey er penshyn y steat tra t’ad çheet dy ve nyn daaue. Ta tooilley-penshyn Ellan Vannin feer foaysagh, agh cha nel penshyneyryn geddyn y tooilley shoh mannagh vel ad cooilleeney conaantyn ennagh.
Eaghtyrane Choonseil Sheshaghtyn Keirdee Vannin, Bernard Moffatt, t’eh gra dy vel feme er y Reiltys dy ve smoo jarrooagh mychione skeymyn-penshyn çheu-mooie jeh skeym y steat.
SPEED LIMIT REDUCED AT UNION MILLS
This decision has been made to improve road safety.
Y cagliagh-bieauid eddyr cagliagh Ghoolish as Snugborough, t’eh er ny leodaghey veih daeed gys jeih meeilley as feed meeilley syn oor.
Stiureyder ny Raaidyn, Bruce Hannay, t’eh gra dy row yn briwnys shoh jeant myr red beayn dy haraghey sauçhys-raad syn ard shoh.
MAJOR AUTHOR’S VISIT
Ian Rankin was signing copies of his latest novel yesterday.
Va nane jeh ughtaryn smoo scanshoil y Vretyn Vooar ayns Mannin jea. Hug Ian Rankin yn ennym echey er coipyn jeh’n oorskeeal jerrinagh echey ec shapp-lioaragh Ottakar. Loayr eh mychione e vea as e lioaryn myrgeddin.
Ta’n lioar jerrinagh echey y wheiggoo fer jeig ayns strane mychione John Rebus, cronneyder Albinagh. Va shoh yn chied cheayrt hug Mainshtyr Rankin shilley er yn Ellan. Foddee dy der eh breeaghys da as eshyn screeu sy traa ry heet, t’eh gra.
NEW COINS LAUCH TODAY
The 24 carat coins will feature characters from The Fellowship of the Ring.
Ta Reiltys Vannin lunney çhaglym dy chooinaghyn Çhiarn ny Fainaghyn y laa jiu.
Y fer ta cloie Gimli yn crivassan, John Rhys-Davies, bee eshyn ny ghoaldagh ec yn immeeaght ayns Surrey.
Bee karracteyryn veih Commeeys y Fainey er ny cooinaghyn kiare as feed carat, goaill stiagh y fer-obbee Gandalf, Aragorn as Frodo. Ta Mainshtyr Rhys-Davies cummal ayns Mannin.
LECTURE ON SEA BASS
The distribution and seasonal migration of sea bass has been tagged.
Y Dr Graham Pickett, ard-oayllee Goaldagh bentyn rish cregganee, hug eh leaght ec Knockaloe riyr. Ta’n Dr Pickett ny heanseyr ec yn Ynnyd cour Çhymmyltaght, Eeastagh as Sheanse Lhiasaghey-Ushtey (Aquaculture Science) ayns Lowestoft.
Neayr’s y toshiaght jeh ny bleeantyn kiare feed, ta’n Ynnyd er ve freayll arrey er yn earroo dy chregganee ta ry gheddyn feiy’n cheayn, as raad t’ad garraghey veih imbagh gys imbagh elley. T’ad jannoo shoh liorish lipaidey (tagging).
Bob Carswell ayns Rheynn Eirinys, Eeastagh as Keylljyn Vannin, t’eh gra dy vel anaase ec ymmodee sleih
er ny cregganee, agh cha nel ad goll er tayrtyn ayns shoh myr dellal ec y traa t’ayn.
Manx surnames: Cojeen, Cotteen
These are 100% Gaelic names, from Mac Pháidín, ‘Son of Little Patrick’. They’re the same as ‘Mac Fadden’ and names similarly Anglicised. It was a Manx thing to stress the second syllable.
Ballacogeen in Lonan was one of the family bases.
Naight Radio Vannin 10.9.03
MANX RADIO AUDIENCE SURVEY
85% of Island residents over 15 listen to the station.
Creearey noa jeh lught-eaishtagh Radio Vannin, t’eh soilshaghey dy vel y stashoon freayll earroo ard dy chlashtynee ayns Mannin. Earrooyn veih ronsaght jeant liorish NOP Media ayns Mee Luanistyn, v’ad currit da keead dy lieh dy ghoaldee cuirrit ec Thie Tashtee Vannin riyr.
Dinsh ad daue dy vel kiare feed as queig sy cheead dy chummaltee Vannin ta ny shinney na queig-jeig, dy vel ad geaishtagh rish y stashoon son shiaght-jeig dy lieh dy ooryn gagh shiaghtin.
Stiureyder-Reirey noa Radio Vannin, Anthony Pugh, t’eh gra dy vel tree-jeig as daeed meeilley dy chlashtynee aasit ny earroo neuchadjinagh.
LONDON CALLING FOR MANX BANDS
The winners of a competition for Manx bands to get a chance to play in London has been announced.
T’ad er chur magh enmyn ny cosneyderyn jeh co-hirrey son possanyn-kiaullee Manninagh dy gheddyn caa dy chloie ayns Lunnin. Ta co-hirrey er ve fo raad ec y thie-lhionney Trafalgar ayns Doolish ayns ny meeghyn shoh chaie. She shiaght possanyn-kiaullee, un chubbyl (duo), as arraneyder ta screeu arraneyn t’er chosney.
T’ad jerkal dy jean cloie ayns Lunnin cur y caa da ny fir-chiaullee dy ve fakinit as cluinnit ec bunneyderyn as leayreyderyn (producers) veih colughtyn-recortys sy Reeriaght Unnaneyssit.
Shoh yn lane list dy chosneyderyn: ayns rhenk ny possanyn bunneydagh - Cleatus, Jacoba, Chairoscura as Slimpig; ayns rhenk ny possanyn-moyllee (cover bands) - Purged, Enormous as Romero; ayns rhenk ny cubbil, Fait; as y cosneyder-lomarcan - Jimmy Tinkler.
Foddee lughtyn-eaishtagh Manninagh guee aigh mie er ny cosneyderyn ec y Venue Jedoonee, y chiarroo laa jeig Mean Fouyir, roish my jed ad gys Lunnin y trass laa Jerrey Fouyir.
DIRECTOR OF E-COMMERCE DEFENDS USE OF CONSULTANTS
Tim Craine is responding to the President of the Trades Union Council.
Stiureyder Dellal-L Vannin, Tim Craine, t’eh gra dy lhisagh y feme er fir-choyrlee goll er sessal dy neurheynnagh. T’eh freggyrt Bernard Moffatt, Eaghtyrane Choonseil ny Sheshaghtyn-Keirdee, ren briaght lhisagh y Reiltys coardail rish ceau argid son fir-choyrlee tra nagh vod y Reiltys kinjagh fordrail geeck tooilley argid dauesyn ta gobbraghey sy cherroo theayagh.
My ta rheynn-reiltys gymmydey fir-choyrlee dy reiltagh, ta Mainshtyr Craine gra dy lhisagh ad feddyn magh vel feeuid ayn son yn argid, as noddagh yn obbyr ve jeant çheu-sthie jeh’n rheynn. As goaill ymmyd jeh ny slattyn-towse shen, t’eh gra dy vod eh cairyssaghey tuarastyl Charteris, y tuarastyl haink magh er y gherrid mychione ard-strateysh dellal yn Ellan.
TOUGH TIMES AHEAD FOR EMPLOYMENT
Companies are consolidating their positions in the Island.
Oayllee listal sheckteree (executive recruitment specialist) Alan Burman, veih Ronsagh as Reih (Search & Select), t’eh gra dy vel colughtyn stooaltaghey nyn ynnydyn syn Ellan, lurg daue scrutaghey ynesteeaght (investment) ayns ny dellalyn oc. T’eh cur raaue dy bee eh doillee sy traa ry heet, foddee.
Ta ny h-earrooyn jerrinagh veih’n Reiltys soilshaghey dy vel y raayt mee-startaght ny sloo na nane sy cheead, agh ta Mainshtyr Burman gra nagh bee eh cho mie sy traa ry heet. Ec y traa t’ayn, ta tree cheead, tree feed as nuy dy leih gyn obbyr ayns Mannin. Ta shen shiaght-jeig as feed ny smoo na’n earroo yn vee shoh chaie, as un cheead, tree feed as kiare-jeig ny smoo na’n earroo nurree.
MANX SOCIAL SERVICES AHEAD OF UK RECOMMENDATIONS
There is a need for a dedicated commissioner to take an overview of the social and emergency services.
Ta Shirveishyn Theay Vannin er ve cur geill da coyrle sy Reeriaght Unnaneyssit lurg y dunverys jeh inneen aeg, Victoria Climbié. Ayns tuarastyl va currit magh ec reiltys y Reeriaght Unnaneyssit v’eh grait dy vel feme er barrantagh çhymnit dy yeeaghyn harrish shirveishyn y theay as ny shirveishyn-gear-cheim (emergency services), dy hickyraghey nagh jean y lheid taghyrt reesht.
Fer-Toshee Shirveishyn Theay Vannin, David Cook, t’eh gra dy vel y rheynn echey gobbraghey hannah lesh coarys (system) goll rish y fer t’ad coyrlaghey sy Reeriaght Unnaneyssit.
Naight Radio Vannin 17.9.03
LOCAL GOVERNMENT REFORM BACK IN THE SPOTLIGHT
The Department of Local Government and the Environment has organised a meeting.
T’ad jeeaghyn dy myn reesht er aachummey reiltys ynnydagh. Ta Rheynn Reiltys Ynnydagh as y Çhymmyltaght er reaghey çhaglym ec scoill ard Ballakermeen ayns Doolish son dy chooilley varrantagh jeh balley, balley beg as skeerey.
DOLGE FAILED TO CONSULT LOCAL AUTHORITIES OVER PROPOSED ELECTORAL CHANGES
An Onchan commissioner is unhappy that the Department made changes without prior consultation.
David Quirk, barrantagh son Skyll Connaghyn, t’eh gra dy ren Rheynn Reiltys Ynnydagh as y Çhymmyltaght failleil dy gheddyn coyrle veih lughtyn-reill ynnydagh mychione caghlaaghyn treealit ayns reihyssyn ynnydagh.
Ta David Quirk credjal dy row yn briwnys dy vooadaghey cummaltys (tenure) barrantee veih tree gys queig bleeaney, dy row ymmodee sleih goaill rish shen.
Agh cha nel eh jeant booiagh dy ren y Rheynn briwnys eisht dy chaghlaa yn cummaltys gys kiare bleeaney, gyn geddyn coyrle ro laue veih lughtyn-reill ynnydagh. T’eh credjal neesht nagh vel eh cairagh da barrantee hie er reih son cummaltys tree bleeaney ayns Mee Averil daa veeilley as jees dy ve inshit daue lurg shen dy jagh ad er reih son daa vlein nyn lomarcan.
Bentyn rish y chooish shoh, hug Mainshtyr Quirk roish aghin dy chiartaghey aggairys (petition for redress of grievance) ec Tinvaal ayns Jerrey Souree. Hoshiaght, va’n aghin er ny cheau magh, agh t’ad goaill rish nish lurg da v’er ngoll er sessal (assessed) ec Bing ny Reillyn Beayn (Standing Orders Committee).
T’eh jerkal dy jean oltey jeh’n Chiare as Feed goaill yn aghin echey ayns laue.
POSSIBLE UK POSTAL STRIKE WOULD AFFECT LOCAL MAIL
Postal staff in the Island are expected to vote against withdrawing their labour.
Bee fys ec obbreeyn postagh ayns Mannin mairagh jean ny co-obbreeyn oc sy Reeriaght Unnaneyssit stholkey mychione argane-faill. Ayns shid, ren fir-toshee sheshaght-cheirdey meeiteil rish lught-reirey Phost Reeoil syn eab s’jerree dy haghney stholk.
T’ad jerkal nagh jean obbreeyn postagh ayns Mannin votal son stholk, er y fa dy vel lught-reirey Phost Ellan Vannin çhebbal tooilley argid na adsyn sy Reeriaght Unnaneyssit. Agh stholk postagh erbee hoal sy Reeriaght Unnaneyssit, yinnagh eh cur yn olk er livrey-ys post gys as veih Mannin.
Ver ad magh fys er reihys-stholk mairagh. T’ad jerkal rish raaue shiaght laa roish stholk erbee.
BUSY YEAR FOR FILM COMMISSION
Film production in the Island can last as long as the authorities want.
Foddee jannoo filmyn ayns Mannin goll er cho foddey as ta ny lughtyn-reill laccal shen, coardail rish y Commishoon Filmyn.
Ta’n Commishoon er ve tarroogh mleeaney as tree filmyn goll er jannoo ayns ny meeghyn chaie, as çheet gy kione er y gherrid.
Fer-coyrlee y Chommishoon Filmyn, Steve y Christeen, t’eh goaill rish dy row yn Ellan lhieent lesh filmyn y sourey shoh. Agh t’eh gra dy vel eh doillee dy reaghey gyn filmyn dy ve goll er jannoo ec y traa cheddin.
CYCLE WEEK DROPPED FROM NEXT YEAR’S CALENDAR
The President of International Cycle Week says the move came as a bombshell.
Shiaghtin Eddyrashoonagh ny Roaryn ayns Mannin, immeeaght vleinoil neayr’s y vlein nuy cheead jeig, kiare-jeig as feed, cha bee ee sy chlaare-spoyrt sy vlein shoh çheet. Ren Queeyleyryn Wiggynagh Vannin (Manx Viking Wheelers) as y ving-reaghee yn briwnys shoh er yn oyr nagh vod y Rheynn Turrysid as Soccar pohlldal yn immeeaght lesh argid ny sodjey myr t’ee goll er reaghey choud as shoh.
Eaghtyrane Shiaghtin Eddyrashoonagh ny Roaryn, Mike O Hare, t’eh gra dy nee builley trome v’ayn veih’n Rheynn Turrysid as Soccar, as hug shen er fir-reaghee dy smooinaghtyn mychione reddyn myr t’ad dy firrinagh.
T’ad er chur er bun possan-smooinaghtyn dy resooney reddyn oddys ve jeant, goaill stiagh feailley dy roaraght. T’ad er reaghey çhaglym hed er cummal fastyr Jerdein.
Manx surnames: Cooil, Coole, Cowell, Cowle.
These four versions in English spelling possibly all came from the Gaelic Mac Dhubhghaill, ‘Son of the Black (Dark) Stranger’ - ‘Cooil’ and ‘Coole’ certainly did. Gaelic speakers often called a Dane ‘Dougal’ (‘Dark-Haired Stranger’) and a Norwegian ‘Fingal’ (‘Fair-Haired Stranger’). Balladoole was an important centre for the Cooils and Cooles.
It’s possible that Cowell / Cowle came from Gaelic Mac Cathmhaoil - ‘Son of the Battle Chief’. You find the placename Ballacowle in Lonan, Maughold, Lezayre and Bride.
Naight Radio Vannin 24.9.03
MANSLAUGHTER TRIAL UPDATE
Dennis Latham and Barbara Campbell deny the unlawful killing of Mrs Dennis.
Y lught-reirey ec thie shenn sleih ayns Rhumsaa, cha ren ad red erbee lurg da boandyr v’er shirrey orroo ad dy chur fys er fer-lhee dy hessal (assess) y stayd jeh shenn surransagh, coardail rish y shualtagh ec cooish-leigh dunverys neuvyskidagh ren goaill toshiaght ayns Doolish.
Hug y voandyr ec Garaghyn Valley Stoyll faaueyn dy lhisagh fer-lhee scrutaghey yn stayd jeh Marion Dennis, va tree feed blein as shiaght-jeig dy eash. Hug ee faaueyn ayns Mee Boaldyn nuy cheead jeig, kiare feed as nuy-jeig as daa cheayrt sy vee lurg shen. Tra nagh ren y lught-reirey veg, ren boandyr elley cur fys er fer-lhee cadjin y jeihoo laa as feed Jerrey Souree, ren reaghey dy çhelleeragh dy chur Benainshtyr Dennis gys Thie-Lheihys Noble. Hooar ee baase shiaghtyn lurg shen.
Dennis Latham, tree bleeaney jeig as feed dy eash, va ny reireyder ec Balley Stoyll, as Barbara Campbell, tree feed blein as jees, va ny lhiass-reireyder echey, t’ad gobbal marroo Benainshtyr Dennis dy h-anleighagh gyn smooinaghtyn myskidagh ro laue. Ta’n chooish-leigh goll er.
MHK VOICES CONCERNS OVER THE FUTURE OF WILLASTON POLICE STATION
Bill Henderson says he has had complaints from constituents.
Bill Henderson, nane jeh olteynyn y Chiare as Feed son Doolish Twoaie, t’eh shirrey shickyrys dy bee stashoon meoiryn-shee Willaston ayn sy traa ry heet. T’eh gra dy vel sleih sy rheynn-reihys echey gaccan nagh vel freggyrt ry gheddyn tra t’ad çhellvaney er y stashoon. As t’ad gra nagh vel skimmee yn stashoon mooar dy liooar.
Tra vees Tinvaal meeiteil y vee shoh çheet, nee eh briaght jeh Phil Braidwood, Shirveishagh Cooishyn Sthie, vel ad kiarail dooney yn stashoon. Ta Mainshtyr Henderson gra nagh vod sleih jannoo lesh y chooish myr t’ee ec y traa t’ayn.
TRANSPORT MINISTER SAYS WINTER FLOODS ARE INCREASINGLY LIKELY
John Shimmin is concerned about the impact of global climate change.
Ta’n Shirveishagh Arraghey, John Shimmin, boirit ec ny caghlaaghyn syn emshyr feiy ny cruinney, as y gaue smoo dy bee thooillaghyn ayn kyndagh rish shen.
Ayns ny laghyn shoh chaie, ta Mannin er hurranse geayghyn gullyrnee as fliaghey yeealley. Er y fa dy vel ny duillagyn goaill toshiaght dy huittym, t’eh gra dy vel gagh red cooie da sornaigyn lhiettit.
Ta Mainshtyr Shimmin gra dy vod y reiltys as y theay gobbraghey ry cheilley dy leodaghey doilleeidyn.
HUMAN RIGHTS ISSUES NEED CONSIDERATION WHEN ESTABLISHING TRADE LINKS.
Ignoring the way some countries run their internal affairs can be very damaging for how the Manx are perceived.
Bernard Moffatt, Ard-Scrudeyr y Chommeeys Celtiagh, t’eh er chur raaue dy vod lhiggey harrish yn aght ta çheeraghyn ennagh stiurey ny cooishyn sthie oc, dy vod shen jannoo assee mooar da’n aght ta sleih çheu-mooie jeeaghyn er ny Manninee. Ta Mainshtyr Moffatt er chremmey yn Ard-Shirveishagh er yn oyr nagh dinsh eh da’n ambassadeyr Rooshagh nagh vel Mannin coontey veg jeh’n aght ta’n Reiltys Rooshagh dellal rish cairyn dooinnoil (human rights).
Hug Mainshtyr Moffatt dellal lesh yn Affrick Yiass myr sampleyr jeh’n chooish shoh.
Agh t’eh goaill rish nagh noddagh Mannin gaggyrt dy beagh recortys glen dy chairyn dooinnoil ec gagh ashoon veagh Mannin dellal lesh.
RAMSEY COMMISSIONERS UNDECIDED OVER THE FUTURE OF THE QUEEN’S HOTEL SITE
Some residents feel the site is unsuitable for a housing development.
Cha nel Barrantee Rhumsaa shickyr jean ad lowal rish plannyn dy lhiasaghey ynnyd Thie-Oast y Ven-Rein ayns y valley. Feed blein lurg da’n thie-oast v’er ny stroie liorish aile, ta Rheynn Reiltys Ynnydagh as y Çhymmyltaght laccal troggal lieh-cheead cummal rea, lesh pairkagh. Myrgeddin, ta’n ynnyd-lhiasee goaill stiagh Y Peer Yiarn, va ny hie-lhionney, Thie Somerset as Thie Osborne, er y chorneil jeh Imman Hiar y Ven-Rein as Crongan Hiar Stanlagh.
Ta cummaltee syn ard er ghra rish ny Barrantee nagh vel yn ynnyd cooie da lhiasaghey-thieys. Ta olteynyn jeh’n Voayrd er ghra nagh vel ad jeant booiagh noadyr. Ta ny Barrantee er chur briwnys sheear derrey vees tooilley fysseree-plannal oc.
Manx surnames: Corjeag.
This is a Manx surname which disappeared from the Isle of Man some years ago. Maybe it’s found somewhere else on earth now. ‘Corjeag’ developed from ‘Mac Quartag’ - a Gaelic-Norse name meaning ‘Son of the dark-eyed man’. ‘Corjeag’ sounds like the Manx for ‘Giving dish’, so the surname ‘Corjeag’ was sometimes translated into ‘Cavendish’ - believe it or not! (There are five Cavendishes in the present Isle of Man phonebook.)
Most of the Corjeags lived in Kirk Michael, and Corjeag’s Mill used to stand at the seaward end of Glen Wyllin in Michael. But coastal erosion eliminated the mill. Fate had it in for the Corjeags.
Naight Radio Vannin 1.10.03
PENSIONER CLEARED OF MANSLAUGHTER
High Bailiff Michael Moyle said there was no prima facie evidence to put Mr Moore on trial.
Richard Benedict Moore, tree feed as nuy-jeig dy eash, v’eh currit ass e lieh dy ren eh marroo Maureen Fox, hoght-jeig as feed dy eash, va feddynit marroo ec y Thie-Oast Mannin ayns Doolish y çhiaghtoo laa as feed Jerrey Fouyir nurree.
Agh ec Thie ny Quaiyllyn ayns Doolish fastyr jea va Mainshtyr Moore lhiggit jeh as seyrit. V’eh ny eeasteyr veih’n Daingean (Dingle) ayns Nerin ta ny haaue nish.
Dooyrt yn Ard-Vaylee Michael Moyle nagh row feanish prima facie ayn dy yannoo cooish-leigh noi Mainshtyr Moore. Dooyrt y leighder echey, Pamela Pringle, dy row e lught-thie jeant feer wooiagh lesh shoh. Dooyrt ee dy row yn cliant eck er ghra car y traa dy row eh oney as dy row cairys jeant nish.
Yn credjue ec Mainshtyr Moore as e lught-thie ayns coarys-leigh cairagh ayns Mannin, v’eh er ny niartaghey. Dooyrt inneen Vainshtyr Moore nagh dod focklyn soilshaghey yn aght v’ee gennaghtyn.
PLANNING OFFICER WAS UNDER NO PRESSURE TO APPROVE MOUNT MURRAY DEVELOPMENT
Colin Magee played purely an ‘administrative role’.
Colin Magee, eear-offishear plannal, t’eh er ninsh da Bing Reirey as Stundayrtyn Olteynyn y Chiare as Feed nagh row eh fo traastey as eshyn jannoo briwnys jinnagh eh lowal plannyn ny dyn da’n lhiasaghey-thieyn arganeagh ec Cronk Murray. V’eh scrudeyr y ving-phlannal eddyr nuy cheead jeig, kiare feed as shey as nuy cheead jeig, kiare feed as nane-jeig. Ren eh goaill rish dy ghow eh ayrn breeoil ayns ny h-immeeaghtyn, agh myr reireyder ny lomarcan, dooyrt eh.
Ta’n Ving jeant ass tree olteynyn jeh’n Chiare as Feed: David Cannan (Maayl), David Anderson (Glion Fabey) as Quintin Gill (Rosien). T’ad jannoo briwnys row Allan Bell connaasagh mychione y Chiare as Feed as eshyn cur ad er shaghryn ayns nuy cheead jeig, kiare feed as daa-yeig, coardail rish Commishoon Brialtys Chronk Murray.
Dinsh Mainshtyr Magee da’n Ving, ‘Cha nel cooinaghtyn feer vie aym, agh ta mee credjal dy row mee lowal da lhiasaghey-turrysid ny lomarcan, cha nee skeym-thieyn.’
Ren y Ving çheet er screeuyn veih nane jeh fir-lhiasee Chronk Murray, Gary Spence. Dinsh eshyn da Mainshtyr Bell dy jinnagh eh cur lesh y skeym treeallit erash gys Nerin mannagh jinnagh y Rheynn Turrysid pohlldal y çhalee lesh toyrtyssyn, er nonney geddyn rey rish lhiettrimys va cur sthap er lhiasaghey-thieyn ec yn ynnyd. Ny s’anmagh sy vlein shen, hie ny conaantyn-plannal er caghlaa dy lowal da lhiasaghey-thieyn.
NEW DAY CARE CENTRE PROPOSED FOR BRADDAN
The proposed site is Braddan Road, on land adjacent to Leece Lodge.
Ta ynnyd noa ry hoi kiarail-laa goll er kiaddey son y Strang ayns Skeerey Vraddan. Ta yeearreydys er ny chur roish son yn ynnyd, veagh jeeaghyn mysh sleih aegey, seose gys hoght bleeaney jeig dy eash.
She Raad Braddan yn ynnyd treeallit, er thalloo faggys da Thie Leece. Veagh carlann ayn, as veagh thalloo goll er cummey. T’ad jerkal dy beagh yn obbyr er jeet gys jerrey sy vlein daa veeilley as queig.
Ta laue sy phlannal er ve ec Trevor Noden, Fer-Toshee Shirveish Paitçhyn. T’eh gra dy vel eh feer treishtagh dy vow yn skeym kied-plannal.
STEAM PACKET REVIEW LIVERPOOL SERVICE
The Steam Packet is to offer daily services to Liverpool, at least up until Christmas.
Bee yn Paggad-Bree çhebbal shirveishyn laaoil gys Lerpoyll, er y chooid sloo derrey yn Nollick. Lurg shen, nee ad scrutaghey yn earroo dy leih ta goaill ymmyd jeh ny shirveishyn.
Bee ny shirveishyn shoh goaill toshiaght ayns Mee Houney lesh y lhong ‘Ben Seyr Vannin’ (‘Lady of Mann’), vees çheet erash veih shirveish-souree ayns ny h-Ellanyn Asoar roish foddey. Loayr Hamish Ross, Stiureyder-Reirey yn Phaggad Bree, mychione shoh.
Manx surnames: Corkhill, Corkill
This is a classic Manx name, showing literally the fusion of Norse and Gaelic cultures - a Norse name with the Gaelic ‘Mac’ put in front.
It comes from Mac Thorketill (Son of Thor’s Kettle), which became Mac Thorkill, then Mac’orkill and finally Corkill.
Naight Radio Vannin 8.10.03
MHK CONCERNED ABOUT WATER QUALITY
The situation won’t be resolved until the new works are operational.
Yn oltey jeh’n Chiare as Feed son Doolish Jiass, David Cretney, t’eh gra dy vel eh boirit mychione drogh whallid (poor quality) yn ushtey ec Balley Quark as Raad Thie Saggyrt (Vicarage Road) ayns Doolish. Lurg da sleih sy rheynn-reihys echey v’er naccan, screeu eh gys Ard-Sheckteragh Lught-Reill Ushtey, Patrick Heaton-Armstrong. Vrie eh row yn doilleeid kyndagh rish fo-strughtoor livrey-ys yn ushtey, er nonney kyndagh rish y chumrail er troggal obbraghyn noa ry hoi glenney ushtey ayns Doolish.
Ta Mainshtyr Cretney gra dy vel Lught-Reill Ushtey er chur freggyrt feer ymmydoil, agh cha bee feaysley jeant derrey vees ny h-obbraghyn noa fo raad. Cha jean shen taghyrt gys y vlein daa veeilley as shey.
GUN CONTROL IN THE ISLE OF MAN
Inspector Young says people in the Isle of Man don’t have a lot to worry about.
Ta ard-veoir-shee ayns Mannin er ve loayrt mychione smaght er gunnaghyn, lurg da kuse dy leih v’er ngoll er shottal sy Reeriaght Unnaneyssit er y gherrid. Ta’n Scruteyr Peter Young gra dy vel ny reillyn-gunn ny s’fondee ayns Mannin. Shegin da kied fondagh ve ec shellooder-gunn, ta shellooderyn-gun goll er scrutaghey ec ny meoiryn-shee, as shegin da gunnaghyn goll er stoyral ayns boayl sauçhey.
Va feaysley cadjin (amnesty) speeideilagh ayn ny s’leaie sy vlein shoh, agh sleih erbee as gunn oc foast, foddee ad eh y chur da ny meoiryn-shee ec traa erbee.
Ta’n Scruteyr Young gra nagh lhiass da sleih ayns Mannin ve boirit monney.
DR BIRKIN ON EXTENDED LEAVE
The Island’s senior children’s doctor was cleared of serious professional misconduct.
Ta fer-lhee shinsharagh (senior) paitçhyn ayns Mannin er ngoll er laghyn seyrey sheeynit - laghyn erreish dasyn goll er seyrey liorish quaiyl-lhee veih plaiynt trome-chooishagh jeh drogh ymmyrkey profeshoonagh. Yn çhiaghtin shoh chaie, cheayll y Choonseil-lhee Chadjin (General Medical Council) aggyrtyn dy ren y Fer-lhee Birkin cumrail cur lheihys da daa vabban va surranse lesh ushtey-king, çhingys olk ta jannoo er ny h-inçhyn.
Hooar y Choonseil-lhee Chadjin dy nee kiart va kuse jeh ny cassidyn noi’n Fer-lhee Birkin, goaill stiagh nagh row yn aght v’eh cur lheihys da nane jeh ny paitçhyn slane sauçhey. Agh er lhimmey jeh shen, dooyrt y Choonseil dy row recortys glen echey harrish jeih bleeaney as feed, as dy row ny taghyrtyn arganeagh currit lioroo hene.
Ren y Fer-lhee Birkin stiurey yn ynrican ward son paitçhyn ayns yn Ellan rish queig bleeaney jeig. Tra va’n eaishtaght jeant yn çhiaghtin shoh chaie, hug eh booise da’n lught-thie echey, e cho-obbreeyn as surransee son y pohlldal oc. Dooyrt eh dy row eh kinjagh streeu dy yannoo e chooid share son ny surransee echey.
Paarantyn ny paitçhyn sy chooish, t’ad er chur stiagh son aachlashtyn lurg briwnys y Choonseil-lhee Chadjin.
TRUANCY RATE IS LOW
In the Isle of Man only 0.3% of absences from school are unauthorised.
Paul Craine, y Co-choyrlagh son ny scoillyn ard ayns Mannin, t’eh gra nagh vel y trugganys cadjin ayns Mannin. T’eh gra shoh myr eiyrtys er y resoonaght sy Reeriaght Unnaneyssit mychione ny doilleeidyn jeh’n trugganys as drogh ymmyrkey ayns ny scoillyn ayns shen.
Ta Mainshtyr Craine gra dy bee cooishyn ayn kinjagh bentyn rish paitçhyn goll dys scoillyn, agh ayns Mannin cha nel agh 0.3 sy cheead jeh ny h-assaaryssyn gyn kied. Ny sodjey, dooyrt eh dy vel strateysh ayn dy ghellal rish trugganeyryn.
LEONARD CHESHIRE FUND RAISING WEEK
There are now Leonard Cheshire care homes in more than 57 countries.
Reireyder-shirveish Leonard Cheshire Vannin, Julie Francis, t’ee gra dy nee slane folliaght ny shirveishyn t’ad çhebbal. Va’n giastyllys currit er bun sy vlein nuy cheead jeig, hoght as daeed, dy phohlldal sleih anlheiltagh. Nish, ta thieyn-kiarail ayns shiaght çheeraghyn jeig as daeed, as ny smoo.
Hug ad yn çhiaghtin shoh da troggal argid as jeeaghyn da sleih ayns ny h-ellanyn shoh dy vel thieyn Leonard Cheshire ayn. Ta obbreeyn-kiarail voish Mannin goll dys Divlyn dy ghoaill ayrn ayns ‘shelg-giense’.
Ta Benainshtyr Francis gra dy vel daa hirveish ayns Mannin, y derrey hirveish ayns Rhumsaa as yn jeh elley ayns Kione Droghad. T’ad kiarail mysh ny smoo na tree feed dy leih dy lane-emshiragh, as cooney lesh ymmodee fir elley feiy’n Ellan.
Manx surnames: Corkish
This name comes from the Gaelic Mac Mharcuis (Mac Varkish), Son of Marcus or Mark. There’s a record of the name in its original form in 1511, but by 1620 it had become ‘Corkish’. The family lived at places called Ballavarkish as well as the obvious Ballacorkish in Rushen.
Naight Radio Vannin 15.10.03
MANX GAS IS TACKLING PROBLEMS
Manx Gas is being threatened with legal action by the Office of Fair Trading.
Ta Gass Vannin gra dy vel ad dellal dy jeean rish doilleeidyn bentyn rish caghlaa gys gass dooghyssagh.
Ta’n colught goll er baggyrt lesh immeeaghtyn-leigh liorish Oik Dellal Cairagh, kyndagh rish ymmodee plaiyntyn veih ymmydeyryn-gass ta er ve fegooish gass rish tammylt liauyr. Y Caairliagh jeh Oik Dellal Cairagh, John Houghton, t’eh gra nagh jean eh cumrail eh hene veih jantys, mannagh vees reddyn sharaghey.
Oddagh y caghlaa gys gass dooghyssagh goll er scuirr dy bollagh derrey vees ny rinkyn (components) t’ad shirrey dy chur kione er y chaghlaa, derrey vees ad ayns yn Ellan. Feiy’n chaghlaa, ta Gass Vannin er ghra dy vel doilleeid ayn bentyn rish rinkyn. As ta’n Reireyder-Caghlaaee, Jim Deacons, gra dy vel eh foast myr shen.
£20 MILLION PLANS FOR WATER TREATMENT
The original scheme was not given planning approval.
Ta Lught-Reill Ushtey er chur magh e phlannyn caghlaait son obbraghyn noa ry hoi glenney ushtey ec Raad yn Aaie ayns Doolish. Ayns Toshiaght Arree va ny chied phlannyn jiooldit ec scruteyr neuchroghagh, kyndagh rish mooadys y troggal, as cooishyn bentyn rish sheean. Agh cha nee doilleeidyn mooarey v’ayn, as oddagh y Reiltys er chur kied da’n skeym kyndagh rish feme ashoonagh.
Sy skeym noa, bee tree troggallyn lesh un laare, soiet stiagh sy thalloo, as ad kianlt ry cheilley fo eaghtyr y thallooin. Bee ny costyssyn brash er nyn eeck liorish troggal y cheesh-ushtey dy straneagh (series of rises), va coardit ec Tinvaal sy vlein nuy cheead jeig, kiare feed as nuy-jeig. Bee ad cur roish yeearreydys-plannal y vee shoh çheet, agh cha nel Lught-Reill Ushtey smooinaghtyn dy bee ny h-obbraghyn noa fo raad roish daa veeilley as shiaght.
Foddee yn theay jeeaghyn er ny plannyn as cummaghyn (models) jeh ny troggallyn treeallit ec y Halley-Drilley ayns Tromode. Bee ny plannyn as cummaghyn ry akin eddyr munlaa as jees er y chlag Jesarn shoh çheet, as y Sarn lurg shen. Ard-Sheckteragh Lught-Reill Ushtey, Patrick Heaton-Armstrong, t’eh gra dy bee yn costys brash feer vooar.
POLICE FORUM TONIGHT IN JURBY
It’s hoped the Forum will provide positive dialogue.
Y nah haglym jeh Forym-Coyrlee Meoiryn-Shee Ellan Vannin (the Isle of Man Police Consultative Forum), hed shen er cummal yn oie noght ayns Jourby. Loayree meoiryn-shee son tammylt beg mychione ny doolaneyn t’oc, eisht bee caa ec y theay dy loayrt mychione ny boiraghyn oc hene.
T’ad jerkal dy jean shen croo co-haggloo jarrooagh, as lhiggey da’n daa heu dy hoiggal doilleidyn ny meoiryn-shee ny share, as soilshaghey ny ta’n theay coontey jeh ny meoiryn-shee.
Hed y çhaglym er cummal ec Halley Skylley Jourby ec lieh-oor lurg shiaght. Ta ny meoiryn-shee jerkal dy bee cho whilleen dy leih ayn as oddys çheet.
Y çhiaghtin shoh çheet, bee çhaglymyn elley ec Bunscoill Valley Cottier ec Balley Quark, y feedoo laa Jerrey Fouyir, ec Halley Chatreeney ayns Purt Çhiarn, y chied laa as feed Jerrey Fouyir, as ayns Halley Noo Peddyr ayns Kione Droghad, y nah laa as feed Jerrey Fouyir.
CHANGES PROPOSED TO SCHOOL HOLIDAYS
Board of Education member Alwyn Collister has been approached by parents and teachers over the issue.
Alwyn Collister, oltey shinsharagh jeh’n Voayrd-Ynsee, t’eh er chur roish caghlaaghyn ayns laghyn seyrey ny scoillyn. Ta ny faaueyn echey goaill stiagh brishey-Caisht beayn soiet ec y toshiaght jeh gagh Averil, goll erash gys un shiaghtin seyr ec traa yn TT, as shey shiaghtin seyr ayns y tourey.
Chammah as shen, t’eh credjal dy lhisagh slane shiaghtin dy laghyn seyrey ve ayn ec traa lieh-imbagh ayns Toshiaght Arree.
Hed ny treealtyssyn er resooney ec y lught-ynsee roish my jed ad gys y Shirveishagh-Ynsee, Steve Rodan, son y briwnys jerrinagh.
Ta Mainshtyr Collister gra dy vel paarantyn as ynseyderyn er jeet huggey mychione cooish ny laghyn seyrey.
Manx surnames: Corlett
This is another typical Gaelic-Norse name, coming from Mac Thórljótr, ‘Son of Ugly Thor’. The name used to be pronounced ‘kur-L’YOHD’, like the old Norse name, but was Anglicised to ‘KOR-lett’.
There may be a family link with the Mac Leod clan in Scotland - they use the Three Legs of Mann in their coat of arms and have the same motto as the Manx, ‘Whichever way you throw it, it will stand.’
Naight Radio Vannin 22.10.03
MP WITH RESPONSIBILITY FOR ISLAND WILL VISIT NEXT MONTH
David Lammy MP has responsibility for the Crown Dependencies.
Yn oltey jeh ard-whaiyl Hostyn as freggyrtys echey son ny Crogheenyn-Crooin, David Lammy, ver eh shilley er Mannin son y chied cheayrt y vee shoh çheet. Hig eh yn fastyr jeh’n chiarroo laa Mee Houney, as nee eh tannaghtyn son kiare oor as feed.
Bee çhaglymyn echey marish yn Ard-Shirveishagh, Coonseil ny Shirveishee, Eaghtyrane Tinvaal, Loayreyder y Chiare as Feed, as gowee eh kirbyl marish olteynyn Tinvaal.
Va Mainshtyr Lammy er ny reih myr yn oltey jeh ard-whaiyl Hostyn son Tottenham ayns Mean Souree, sy vlein daa veeilley. V’eh yn oltey saa jeh’n ard-whaiyl as eshyn un vlein jeig as feed dy eash. Ayns Mean Souree mleeaney, haink eh dy ve Fo-Scrudeyr Ard-whaiyllagh ec Rheynn Cooishyn Bunraghtoil (Department of Constitutional Affairs), v’er ny croo er y gherrid. Ghow yn rheynn noa shoh ayns laue yn chooid smoo jeh currymyn Rheynn y Çhiarn-Chormeyder (Lord Chancellor’s Department), nagh vel ayn nish.
She Rosie Winterton yn oltey jeh ard-whaiyl Hostyn va freggyrtagh son cooishyn ny Crogheenyn-Crooin roish David Lammy.
DELAYS IN MURDER TRIAL CAUSED BY DISCLOSURE DIFFICULTIES
The disclosure difficulties will be the subject of an inquiry.
Shlearaghey yn chooish-leigh jeh dooinney as cassid jeant noi son dunverys dooble, v’eh kyndagh rish doilleeidyn bentyn rish anchoodaghey doggamadyn (disclosing documents). Chammah as shen, begin da’n vriw shallidagh tayrn sheear veih’n chooish.
Hickyree yn Turneyr Theayagh, John Corlett, dy ren shen taghyrt tra hug eh freggyrt screeut da feysht ayns Tinvaal veih Adrian Earnshaw, oltey jeh’n Chiare as Feed son Kione Droghad. Ren Mainshtyr Earnshaw shirrey er y Turneyr Theayagh eh dy hoilshaghey yn oyr hie yn chooish-leigh er shlearaghey, as quoid argid va’n theay geeck son shen.
Dooyrt Mainshtyr Corlett dy row yn chooish fo vriwnys as cha dod eh gra quoid va’n shlearaghey costal. Agh hoilshee eh dy beagh ny doilleeidyn-anchoodee yn oyr jeh brialtys lurg y chooish-leigh.
Va cooish-leigh Peter Charles Newbery son goaill toshiaght y nuyoo laa Mean Souree, agh t’ee er ny cur sheear keayrt ny ghaa. Ta tree bingyn er ngoaill loo, agh er ngoll er seyrey lurg shen. Ta’n chooish-leigh son goaill toshiaght reesht y jeihoo laa Mee Houney.
CONSERVATIONIST WARNS BRADDA WILL BE LIKE A DESERT
Small creatures and insects will have been destroyed.
Ta freilltagh ynnydagh cur raaue dy bee yn boayl ec Bradda raad va aile-reeastane, dy bee eh ‘goll rish faasagh son paart dy hraa ry heet.’
Y Stiureyder jeh Treisht Beiyn Feie Vannin, Duncan Bridges, t’eh gra dy vel cretooryn beggey as beishteigyn er nyn stroie as ad er çhee ve nyn gadley-geuree. Kyndagh rish shen, beiyn as ushagyn ta shelg ad, nee ad shaghney yn boayl.
T’eh gra neesht dy bee doilleeid elley ayn, er y fa dy vel freoagh as aittin er nyn stroie, as she fraueyn ny lussyn shen ta kiangley eaghtyr ny moaney ry cheilley.
POACHERS BEWARE
Members of the public in the Isle of Man are being asked to keep a look-out for poachers.
T’ad shirrey er y theay ayns Mannin ad dy chur geill da poatçheryn. Ta’n Çheshaght Cour Sharaghey Awinyn Vannin gra dy nee shoh yn traa sy vlein ta ny braddanyn goll er shelg. T’ad çheet dy ve goan fud ny h-ellanyn shoh.
Scrudeyr yn Çheshaght Cour Sharaghey Awinyn Vannin, Bill Cottle, t’eh gra dy lhisagh sleih cur fys er ny meoiryn-shee ny er Rheynn Eirinys, Eeastagh as Keylljyn my t’ad fakin poatçher.
Ta Mainshtyr Cottle mollit ec ymmyrkey meereggyragh ny poatçheryn.
Manx surnames: Kermode and Cormode
Kermode is a Gaelic name, from Mac Dhiarmada, or Son of Diarmaid, Anglicised as Dermot.
The other name, Cormode, is probably Norse-Gaelic - Mac Thormodr, Son of Thor’s Wrath. But it’s possibly a Norse-influenced version of ‘Son of Diarmaid’, so these two names might have come from the same source.
English influence is making some people pronounce ‘Kermode’ with the stress on the second syllable, tending to give the same pronunciation for the two names.
Naight Radio Vannin 5.11.03
REMAND FOR RAPE AND ATTEMPTED MURDER
The case was adjourned for four weeks.
Ta cassid jeant noi dooinney ass Willaston ta daa vlein as daeed dy eash dy vel eginaghey ben as dunverys tryit jeant echey. T’eh er ny chur erash ayns pryssoon derrey yn nah laa Mee ny Nollick. Chammah as shen, ta cassid jeant noi Kevin Robert Jewell veih Raad Wiggynnagh dy phrow eh toghtey as eshyn kiarail eginaghey ben.
Va’n chooish currit ry lhiattee son kiare shiaghtin lurg da ny meoiryn-shee shirrey shen. Cha row raane er ny hirrey.
MOUNT MURRAY INQUIRY RESUMES
The assessor of income tax is the first of sixteen witnesses over the next month.
Gowee Commishoon Brialtys Chronk Murray toshiaght reesht moghrey jiu.
Nee’n commishoon dy hree deiney clashtyn feanish veih Ian Kelly, fer-oik keesh çheet-stiagh Vannin. She eshyn y chied fer ass shey feanishee jeig vees cur feanish theayagh ayns ny kiare shiaghtin ta ry heet.
Mairagh, John Cashen, yn eear-ard-offishear argidoil, as Dominic Delaney, oltey jeh’n Choonseil Slattyssagh, bee adsyn cur feanish.
PRAISE FOR RAMSEY TOWN HALL
The Town Clerk is paying tribute to the people who helped deal with the recent gas supply problems.
Ta Peter Whiteway, Cleragh Balley Rhumsaa, moylley yn sleih ren cooney dy ghellal rish ny dooilleeidyn lesh livrey-ys gass gys y valley er y gherrid. Chammah as shen, t’eh moylley yn aght va’n halley-balley noa cho ymmydoil. T’eh gra dy row yn halley ny ynnyd chooie da Martin Blackburn as e skimmee dy h-arryltee coadey theayagh.
NOBLE’S HOSPITAL NOT TOO SMALL
The Health Minister has been responding to comments by Leonard Singer.
Ta’n Shirveishagh Slaynt, Clare y Christeen er ve freggyrt reddyn grait ec co-oltey jeh’n Choonseil Slattyssagh, Leonard Singer, ta gaggyrt dy row marranyn mooarey jeant ayns plannal y thie-lheihys noa, ren costal keead as nane-jeig dy villioonyn dy phuntyn (£111M).
Y Rheynn Far-Oltyn (Prosthetics Department) as y Çhirveish-Lheihys Erskyn-Ghorrym ry-hoi Crackan (Ultraviolet Skin Treatment Service), ta Benainshtyr y Christeen gra dy jagh ad er garraghey gys Raad Westmoreland er y fa dy daink ad dy ve ro vooar da’n spoar va currit daue ec Balley Moaney. As t’ee gra nagh vel eh jeeaghyn dy jed y doilleeid magh ass.
RACE BILL GETS SECOND READING
The legislation will ensure that the Isle of Man is complying with international regulations.
Ta’n Ard-Shirveishagh, Richard Corkill, gra dy jean y billey noa cour cooidjaght-chynney (race relations) coadey sleih syn Ellan noi’n doalchraueeaght, gyn scarrey possanyn dy phobble er aght foalsey.
Ta’n Chiare as Feed er lhaih yn slattys son y nah cheayrt. Nee eh shickyraghey dy vel Mannin cooilleeney reillyn eddyrashoonagh.
BONFIRE NIGHT AT PEEL
The chairman of Peel Commissioners will light the fire at 7.15 tonight.
Nee Barrantee Phurt ny h-Inshey cummal nyn daishbynys bleinoil noght lesh çheinjean as çhentagyn. Nee Caairliagh Varrantee Phurt ny h-Inshey foaddey yn aile ec kerroo lurg shiaght, as bee taishbynys dy hentagyn ec lieh-oor lurg shiaght ec kione y woalley-marrey.
Manx surnames: Corran, Corrin
You have to take your pick over the origins of this name - or these names. It (or they) might be from Mac Thorfinnr, Son of Thorfinnr, a Gaelic-Norse origin.
Or the name(s) might be totally Gaelic, from Mac Corraidhín, possibly Son of the Spearman.
Kerroo Corrin in Rushen was one of the main centres of the family. William Corrin, who lived there in the first half of the 19th Century, was said to have been the model for Pazon Gale in ‘Betsy Lee’ by the Manx poet T E Brown.
Naight Radio Vannin 12.11.03
ALLAN BELL TO GIVE EVIDENCE TODAY
The MHK at the centre of the Mount Murray Commission of Inquiry will give evidence today.
Yn oltey jeh’n Chiare as Feed t’ec y vean jeh Brialtys Chommishoon Chronk Murray, ver eh feanish y laa jiu. Ta Allan Bell nane jeh tree feanishee vees çheet kiongoyrt rish y Chommishoon, marish yn eear-Ard-Shirveishagh Miles Walker as Tony Brown, Loayreyder y Chiare as Feed.
Va’n brialtys currit er bun nurree lurg da Peter Karran, oltey jeh’n Chiare as Feed son Kione Droghad, v’er hirrey ronsaghey yn aght va kied-plannal currit son troggal thieyn ec Cronk Murray.
Va oghsan currit da Allan Bell liorish y Chiare as Feed yn çhiaghtin shoh chaie tra va olteynyn ayns coardailys dy ren eh cur y Chiare as Feed er shaghryn jeh yioin ayns Averil nuy cheead jeig, kiare feed as daa-yeig. Ec y traa shen, dooyrt eh dy beagh lhiasaghey Chronk Murray ry hoi yn turrysid, cha nee troggal thieyn beayn.
Y clashtyn moghrey jiu ec Shamyryn Strah Allan ayns Doolish, nee eh goaill toshiaght ec lieh-oor lurg jeih.
ISLAND HAS HIGHEST SUICIDE RATE
The Isle of Man has a higher suicide rate than any rural community in the United Kingdom.
Ta’n raayt dunverys-hene ayns Mannin ny syrjey na adsyn ayns co-phobble çheerey erbee sy Reeriaght Unnaneyssit. Ta shen coardail rish Stiureyder ny Samaritanee ayns yn Ellan, Ray Harvey, ta gra dy vel feme smoo er ny Samaritanee ayns shoh na boayl elley erbee, s’cosoylagh.
T’eh gra nagh vel red erbee scarrey yn sleih ta shirrey cooney: foddee ad ve eash erbee, fyrryn ny bwoirryn, kynney erbee, reih-keintys (sexual orientation) erbee, ny foaynoo sheshoil erbee. Ny ta gunnaneysey ad, ta Mainshtyr Harvey gra, shen y feme dy ve cluinit gyn briwnys ny roïe-vriwnys. S’cummey ny cooishyn, shegin da shen ve jeant.
Ta ny Samaritanee er ve ayns Mannin rish queig bleeaney as feed, bunnys. Hellvane sleih gys arryltee son y chied cheayrt y chied laa, Jerrey Fouyir, nuy cheead jeig, tree feed as nuy-jeig. Ny Samaritanee sy Reeriaght Unnaneyssit, v’ad lieh-cheead blein dy eash y nah laa Mee Houney.
DEFECTS AT NEW HOSPITAL NEED TO BE ASSESSED
The full cost of repairs won’t be known until all the work has been completed.
David Anderson, yn oltey jeh’n Chiare as Feed as freggyrtys echey son cooishyn-slaynt, t’eh gra dy vel feme er lane sess (assessment) jeh quoi ta freggyrtagh son doilleeidyn lesh ny sornaigyn ec Thie-Lheihys Noa Noble.
Va Mainshtyr Anderson freggyrt feysht screeut veih John Houghton, oltey jeh’n Chiare as Feed son Doolish Twoaie. V’eshyn geearree feddyn magh quoi va freggyrtagh son ny foiljyn, quoid veagh eh costal ad y charraghey, as quoi veagh geeck.
Ta Mainshtyr Anderson gra dy nee Crowe EPH Çhiarmaanit hug ny sornaigyn stiagh, agh foddee dy row doilleeidyn elley goll rish piobyn brisht jeant ec coonreyderyn elley - cummeyderyn-çheerey (landscapers), myr sampleyr.
Foiljyn oddagh er chur stiagh er sauçhys y thie-lheihys, t’ad er nyn garraghey, t’eh gra. Agh foiljyn elley nagh vel cho preaysagh, t’ad foast ry charraghey.
Sy jerrey, ta Mainshtyr Anderson gra nagh bee fys er y lane chostys jeh karraghey foiljyn derrey vees ooilley yn obbyr jeant.
Manx surnames: Corris
This is from Gaelic Mac Fheórais, Son of Feóras, or Son of Piers - a form of Peter.
‘Mac Fheórais’ developed into ‘Corrish’ and then into ‘Corris’.
In the early 16th century, Ballacorris in Santan was one of the main centres for the family.
Naight Radio Vannin 19.11.03
MHK CONCERNED FOR ARRESTED WIDOW
John Rimington says the way the situation has been handled by the police is insensitive and disproportionate.
Nane jeh olteynyn y Chiare as Feed ta shirrey slattys dy lowal myghin-varroo ayns Mannin, t’eh boirit dy row ben-treoghe ta tree feed blein as nane-jeig goit ec ny meoiryn-shee. Shen ben-treoghe Patrick Kneen, troddanagh son ‘Baase lesh Arrym’.
John Rimington, oltey son Rosien, t’eh gra dy vel ny meoiryn-shee er ghellal rish y chooish er aght neuennaghtagh as sprangagh. Chammah as shen, t’eh gra nagh vel ny t’er daghyrt jannoo foays da’n theay.
Coardail rish skeeal ayns Brialtagh Ellan Vannin y çhiaghtin shoh, hie Patricia Kneen er feyshtey lurg jee v’er jebbal da’n phabyr-naight screeuyn mychione laghyn s’jerree e dooinney. Hug y Turneyr Theayagh raaue dy hirragh eh lhiettrimys, foddee, dy lhiettal clou yn screeuyn, as cha row yn screeuyn clouit.
Dooyrt Mainshtyr Rimington dy ren ad seyrey Benainshtyr Kneen fo raane. Hoig eh nagh ren ad cassid urree.
Ec y traa t’ayn, ta Bing Reiht jeh’n Chiare as Feed ronsaghey nod slattys ve coardit dy lowal myghin-varroo.
WASTE CHARGES REPORT REJECTED
The report proposed increased charges for commercial waste.
Polasee yn Reiltys mychione eeck son geddyn rey rish orçh, v’eh bwoaillit dy trome ayns Tinvaal riyr tra hie tuarystal veih’n Rheynn Çhymmyltaght er jiooldey. Ga dy jagh y tuarystal er pohlldal liorish tree voteyn jeig noi nane-jeig sy Chiare as Feed, ren kiare olteynyn jeh’n Choonseil Slattyssagh votal noi, lesh troor ayns foayr. Myr shen, ren y treealtys failleil, kyndagh rish y veechoardailys eddyr y Chiare as Feed as y Choonseil.
Ren y tuarystal cur roish ardjaghey yn costys son orçh-traghtee gys keead punt y thunney meadragh roish y chied laa Averil, daa veeilley as kiare, lesh sheeyney jeh blein jeh’n toyrtys kiare feed as jeih sy cheead (90%) da lughtyn-reill ynnydagh son orçh thieoil.
Ny s’leaie, lhiasaghyn veih Tony Brown, Loayreyder y Chiare as Feed, va shirrey caghlaaghyn sy pholasee bentyn rish y chostys jeh geddyn rey rish orçh, hie ad er jiooldey liorish hoght-jeig noi tree-jeig.
Ren olteynyn votal lurg resoonaght liauyr, aynsyn va’n Rheynn Çhymmyltaght er ny cremmey liorish Mainshtyr Brown son failleil dy heet gys Tinvaal lesh caghlaa mooar ayns polasee. Ren eshyn breearey dy nee polasee yn Reiltys dy eeck son geddyn rey rish orçh liorish keeshyn ashoonagh as cha nee keeshyn ynnydagh.
MHK CRITICISES JURBY AS SITE FOR PRISON
Mrs Craine was speaking in a debate on £815,000 professional fees for the prison scheme.
Anne Craine, yn oltey noa jeh’n Chiare as Feed son Rhumsaa, t’ee er chremmey briwnys yn Reiltys dy reih Jourby myr yn ynnyd treeallit dy hroggal pryssoon noa yn Ellan. T’ee ny keayrtagh-pryssoon ayns Doolish, as dinsh ee da Tinvaal dy vel eh doillee hannah da lughtyn-thie jeh pryssoonee dy chur shilley er y phryssoon ayns Raad Victoria ayns Doolish. Oddagh arraghey gys Jourby lhiettal paart dy leih dy bollagh.
Pryssoonee nagh vel lughtyn-thie cur shilley orroo, dooyrt ee, t’ad çheet dy ve corree as feer lhag-chreeagh. Ren ee cremmey yn treealtys dy ghoaill ymmyd jeh feeshaney (videoing) son far-çhaglymyn.
Va Benainshtyr Craine loayrt ayns resoonaght mychione eeck hoght cheead as queig-jeig dy veeillaghyn dy phuntyn son taillaghyn profeshoonagh ro-chonaant (pre-contract professional fees) son skeym y phryssoon. Choard Tinvaal yn argid shen liorish queig voteyn as feed noi queig. Roish shen, choard ad hoght cheead, nane as daeed dy veeillaghyn dy phuntyn (£841,000) dy haraghey fo-strughtoor Yourby.
MORE PEOPLE ARE TAKING THE TRAIN
89,998 people used the Steam Railway this year.
Ta tooilley sleih troailt er Raad-Yiarn Bree Vannin. Mleeaney, ren kiare feed as nuy meeilley as nuy cheead, kiare feed as hoght-jeig dy leih goaill ymmyd jeh’n çhirveish. Ta shen mooadaghey jeh daeed sy cheead cosoylit rish ny h-earrooyn nurree.
Stiureyder Arraghey Theayagh, David Howard, t’eh gra dy vel y mooadaghey ayn er y fa dy row ny skelfyn jeant ass y noa myr ayrn jeh skeym Iris. Nish, foddee sleih goll gys Balley Chashtal veih Doolish syn ynnyd jeh scuirr ec Stondane. Ta Mainshtyr Howard gra dy nee traa greesee t’ayn son y rheynn echey.
Manx surnames: Kerruish
This is a Gaelic name, from Mac Fhearghúis, or Son of Fergus. Maughold is Kerruish territory - in a folk story, the family is said to have come from four shipwrecked sailors who ended up naked on a rock off the coast at Maughold - ‘kiare rooisht’, ‘four naked people’ in Manx. That’s how the name ‘Kerruish’ came about. And if you believe that, you’ll believe anything.
Naight Radio Vannin 26.11.03
DOUBLE MURDER TRIAL RESUMES
A potential witness became a murder suspect.
Ta meoir-shee er ninsh da bing mychione coloayrtys hug er feanishagh cummyssagh dy ve fo ourys dy row dunverys jeant echey.
Va’n Sarjant James Hyatt cur feanish ec cooish-leigh Peter Charles Newbery, daa vlein as feed, ta gobbal marroo jeigeyryn Samantha Barton as George Green ayns Toshiaght Arree nurree.
CALL TO MODERNISE CIVIL SERVANTS’ PAY
George Waft says the existing system is too inflexible and complicated.
George Waft, caairliagh jeh Commishoon Shirveish Theayagh, t’eh gra dy bee livrey-ys shirveishyn theayagh as co-obbyr eddyr rheynnyn-reiltys er nyn sharaghey liorish jeianaghey faill sharvaantyn theayagh Vannin.
Y coarys t’ayn nish, t’eh ro neulhoobagh as co-chast, ta Mainshtyr Waft gra. Cha nel y coarys cooney lesh skimmee dy gheddyn ardjaghey. Myr shen, t’ad kiaddey coarys noa ry hoi faill as keimyn.
Ayns ynnyd ny keead keim t’ayns y choarys nish, t’ad kiarail cur kuse dy voandaghyn (bands) coon. Ta Mainshtyr Waft gra dy jean shen cur tooilley caaghyn-lhiasee da skimmee liorish cur er ardjaghey dy ve ny sassey.
MORE THAN TWO THOUSAND ‘SNAGGING FAULTS’ AT NEW HOSPITAL
The figure was given by Health Minister Clare Christian.
T’eh er ve inshit da’n Choonseil Slattyssagh dy vel mysh daa veeilley dy lieh ‘foiljyn lhiettalagh’ ec Thie-Lheihys Noa Noble. Hug Clare y Christeen, y Shirveishagh-Slaynt, yn earroo shoh as ish freggyrt feysht va currit er y voayrd ec Leonard Singer.
Ta Mainshtyr Singer gra dy noddagh oo jerkal rish doilleeidyn ayns troggal noa erbee, agh t’eh credjal dy vel yn earroo shen cooid veg ard.
Ta Clare y Christeen gra dy vel ish as ny coonreyderyn laccal feaysley ny doilleeidyn cho leah as oddys ad.
RESPONSE TO CRITICISM OF WATER AUTHORITY
The planning application for the new treatment facility in Douglas was turned down by Mrs Crowe, the Local Government Minister.
Caairliagh Lught-Reill Ushtey, Brenda Cannell, dreggyr ee cremeydys veih’n Çhirveishagh Reiltys Ynnydagh, Pam Crowe. Va Benainshtyr Crowe er ghra dy row lhiettalys ayns plannal ry hoi troggal thieyn dauesyn va kiarail kionnaghey thie son y chied cheayrt er y fa nagh dod Lught-Reill Ushtey livrey ushtey gys thieyn noa syn ayrn hiar jeh’n Ellan.
Ta Benainshtyr Cannell gra nagh row yn baght shen cairagh, er y fa dy nee Benainshtyr Crowe hene ren jiooldey yn yeearreydys-plannal son ny h-obbraghyn-glenney noa ayns Doolish. Veagh ny h-obbraghyn noa shoh er veaysley yn doilleeid.
CHIEF OF FINANCIAL SUPERVISION COMMISSION SAYS LEGISLATION NEEDS TO BE SIMPLIFIED
John Aspden is responding to a major study by the International Monetary Fund.
Ta Ard-Sheckteragh Oaseirys Argidoil gra dy lhisagh ad cur er slattyssyn cour shirveishyn argidoil Vannin dy ve sloo co-chast. Ta John Aspden gra shoh kyndagh rish studeyrys mooar jeant ec y Tashtey Argidoil Eddyrashoonagh mychione reillyn argidoil yn Ellan.
T’eh gra dy vel tuarystal y studeyrys, va currit magh jea, dy vel eh soilshaghey dy vel Mannin jannoo mie dy liooar, agh shegin cooishyn ennagh goll er scrutaghey foast.
Eer roish y tuarystal, ta Mainshtyr Aspden gra, hig yn Oaseirys Argidoil dy lhisagh sleih ve abyl dy hoiggal reillyn ny sassey, as lhisagh eh ve ny sassey dy gheddyn ny reillyn. Va shen ymmyrçhagh da colughtyn va geearree jannoo dellal ayns Mannin.
Manx surnames: Corteen, Costain
It’s often thought that both these names came from the Gaelic-Norse combination of Mac Thórsteinn, Son of Thor’s Stone, ending up as Costain in the south of the Island and as Corteen in Maughold.
But it’s possible that the surname Costain came from Mac Austin and that Corteen came from Mac Cruitín, Son of the Hunchback.
Ballacostain in Santan was one of the main centres of the Costain family.
Thomas Custine, one of the most prominent leaders of the French Republic, was born at Ballakneale in Lonan.
Robert Corteen was the first person in the Island to utilise a gas light in the 19th century.
Naight Radio Vannin 3.12.03
DNA EVIDENCE IN MURDER TRIAL
There was a thousand million to one chance that DNA found on the body of Samantha Barton belonged to someone other than the man accused of murder.
V’eh inshit da bing dy row caa meeilley millioon noi nane dy row yn GDN (DNA) va feddynit er corp Samantha Barton lesh peiagh ennagh er lhimmey jeh’n dooinney as cassid jeant noi son y dunverys eck.
Jacqueline Gardner, sheanseyr quaiyllagh voish Chorley, v’ee cur feanish ec cooish-leigh Peter Charles Newbery. T’eh gobbal marroo Samantha as George Green, y jees oc shey bleeaney jeig dy eash, ayns Toshiaght Arree daa veeilley as jees. Hie Benainshtyr Gardner gys Thie-giattey Leece Jees, thie Samantha, as ren ee scrutaghey yn corp va foast ny lhie er y laare lurg da meoir-shee feddyn eh yn fastyr roish shen. Hooar ee fysseree GDN veih Samantha as veih Mainshtyr Newbery myrgeddin.
PRAISE FOR POLICE IN MANSLAUGHTER CONVICTIONS
Two former nursing home managers have been found guilty.
Ta’n fer-toshee jeh ronsaght er voylley yn skimmee echey. Kyndagh rish y ronsaght shoh, va daa eear-reireyder jeh thie-boandyrys deyrit son dunverys neuvyskidagh.
Va’n Scruteyr-Cronneyder Guy Pickard loayrt lurg da quaiyl v’er naagail mooie Dennis Latham, kiare bleeaney jeig as feed, eear-reireyder Garaghyn Balley Stoyll ayns Rhumsaa, as yn eear-lhiass-reireyder Barbara Campbell, tree feed as jees.
Bee ad currit ayns pryssoon son marroo Marion Dennis dy neuleighoil gyn myskid ro laue. Va Benainshtyr Dennis cummal ayns y thie-boandyrys as hooar ee baase sy vlein nuy cheead jeig, kiare feed as nuy-jeig.
‘ASTONISHING’ NUMBER OF APPLICATIONS TO BROADCAST
The Communications Commission is processing a number of applications for different types of service.
Martyn Quayle, oltey jeh’n Chiare as Feed son Medall, ren eh briaght feyshtyn sy Chiare as Feed mychione cur magh kiedyn-creeley (broadcasting licences). T’eh gra dy vel eh goaill yindys mooar kyndagh rish y freggyrt hooar eh: ta Oaseirys Çhellinsh scrutaghey kuse dy yeearreydyssyn son sorçhyn anchasley dy hirveish. Ta Mainshtyr Quayle boirit dy bee assee jeant da stashoonyn t’ayn hannah.
Caairliagh Oaseirys Çhellinsh, Phil Braidwood, t’eh gra dy vel yeearreydys son stashoon-kiaullee cadjin er ngoll trooid yn Oaseirys. Ta shen er ny chur gys Jantys Çhellinsh Radio (Radio Communications Agency) d’eddyn nod mennickid ve feddynit.
My hed mennickid er stowal, reaghee yn Oaseirys vees kied-creeley currit ny dyn. Ta Mainshtyr Braidwood gra dy nhegin da yeearreyderyn prowal dy vod ad cur ‘shirveishyn-claare fondagh’ (‘sound programme services’), myr t’eh gra roo.
MULTILINGUAL SCHOOLS?
The Education Minister says there is great potential for collaboration with other members of the British-Irish Council on the use of indigenous languages in schools.
Ta’n Shirveishagh-Ynsee, Steve Rodan, gra dy vel cummys mooar ayn son co-obbraghey lesh olteynyn elley jeh’n Choonseil Ghoaldagh-Yernagh bentyn rish ymmydey çhengaghyn dooghyssagh ayns scoillyn.
Hie Steve Rodan as yn Ard-Shirveishagh Richard Corkill gys çhaglym jeh’n Choonseil ayns Caerdydd (Cardiff) y çhiaghtin shoh chaie. Ren çhaghter Bretnagh leeideil y resoonaght mychione çhengaghyn dooghyssagh myr ayrn jeh’n churriglym. Ta Mainshtyr Rodan gra dy dug y forym paart dy h-eieyn daue.
RACE RELATIONS LEGISLATION ‘ESSENTIAL’
The bill was unanimously supported by the House of Keys.
V’eh inshit da’n Chiare as Feed do noddagh assee ve jeant da ambee eddyrashoonagh Vannin mannagh jinnagh yn Ellan cur lesh stiagh slattys cour cooidjaght-chynney. Sy trass lhaih jeh’n Villey Cooidjaght-Chynney, dooyrt yn Ard-Shirveishagh Richard Corkill dy nee slattys sheshoil scanshoil v’ayn. Begin da’n Reiltys shickyraghey dy row Mannin cooilleeney ny currymyn eck.
Ren y Chiare as Feed pohlldal y billey lesh un aigney.
Manx surnames: Cottier
This is a Norse-Gaelic name, from Mac Ottar, Son of Ottar - and it apparently does mean ‘otter’, the animal. The name was recorded as ‘Mac Otter’ way back in the 14th and 15th centuries.
David Mac Otter was in the House of Keys in 1502. Appropriately, he was from Ballacottier in Braddan. The main centre of the family used to be at Ballacottier in Lezayre.
10.12.03
NO EMERGENCY DEBATE ON WASTE CHARGES
Tynwald has rejected a call for an emergency debate.
Ta Tinvaal er niooldey yeearree son resoonaght gear-cheim mychione polasee Rheynn y Çhymmyltaght bentyn rish geddyn rey rish orçh.
Dooyrt Leonard Singer, oltey jeh’n Choonseil Slattyssagh, dy row shoh ny chooish va scanshoil da’n theay. Dooyrt eh dy row yn Shirveishagh Çhymmyltaght, Pam Crowe, er chur roee taillaghyn syrjey son geddyn rey rish orçh veih’n chied laa Mee ny Nollick, ga dy chaill ee vote er y chooish ayns Tinvaal y vee shoh chaie.
Ta Benainshtyr Crowe gra dy lajer dy row ny taillaghyn coardit ayns Mean Souree, as dy row yn vote ayns Mee Houney er tuarystal mychione yn aght ta reddyn goll bentyn rish cur y coarys er bun.
Y treealtys veih Mainshtyr Singer, v’eh caillit liorish kiare voteyn jeig noi nuy sy Chiare as Feed, as va’n Choonseil Slattyssagh rheynnit kiare noi kiare.
Va Mainshtyr Singer mollit dy mooar.
OLD CASTLETOWN ROAD RE-OPENS TOMORROW
Traffic will be restricted to a single carriageway.
Shenn Raad Valley Chashtal, faggys da Thie ny Cailleeyn Dooey, bee eh foshlit reesht veih shey er y chlag moghrey mairagh. Agh Stiureyder Sornaigey sy Rheynn Arraghey, Peter Winstanley, t’eh gra dy bee lhiettalys ayn kyndagh rish ny soilshaghyn-reill vees er y raad.
Cha bee agh un lhoan ayn, agh lhisagh dy chooilley nhee ve reaghit lurg kegeesh. Ayns ny laghyn t’er ngoll shaghey er y gherrid, ta glooid er ve ayn ec traaghyn tarroogh. Ta Mainshtyr Winstanley shirrey er sleih e leshtal y ghoaill son shen.
DEBRIS FROM SELLAFIELD WASHED ASHORE
Walkers are being asked to watch out for pieces of yellow piping.
Tooilley meeryn dy phiobyn bwee, skeabit ersooyl veih Sellafield ayns Cumbria, oddagh ad çheet roo er traieyn Vannin. Ta coshee shirrit dy chronnaghey mysh lieh-dussan dy h-ayrnyn-piob goll rish guttyryn. T’ad shoh er jeet veih ‘shalee cour scughey bun ny speyr’ (‘a sea-line removal project’). V’ad skeabit magh sy cheayn liorish dorrin.
Y Dr Paul McKenna veih Seyrlann Reiltys Vannin, t’eh gra dy vel shoh soilshaghey cre cho so-lhottey as ta’n Ellan noi red erbee ta çheet veih’n ynnyd çhesh-veanagh.
SAFE DRINKING HABITS
Anne Craine, MHK, is responding to the fourth Drugs and Alcohol Strategy.
Anne Craine, oltey jeh’n Chiare as Feed son Rhumsaa, t’ee credjal dy lhisagh çhaghteraghtyn mychione cliaghtaghyn-iu sauçhey goll er jeeraghey er sleih aasit.
T’ee gra shoh lurg da Tinvaal v’er soiaghey jeh’n chiarroo Strateysh cour Druggaghyn as Jough Veshtallagh.
S’aashagh feallagh aegey y chremmey my t’ad çheet dy ve er meshtey, t’ee gra. Agh ro vennick cha nel ad agh geiyrt er sampleyr y çheeloghe shinney.
Ta Benainshtyr Craine gra dy by vie lhee fakin faghtys stiurit (focused campaign) dy ghellal rish y doilleeid shoh.
NEW INDUSTRY FOR THE ISLAND
The arrival of an engineering company could create over 150 new jobs.
Tra hig colught jeshaghteyrys gys Mannin, oddagh shen croo keead dy lieh kiartaghyn noa ayns shoh, coardail rish Shirveishagh Dellal as Jeadys, Alex Downie. Ec y traa t’ayn, cha nel eh genmys y colught. Agh t’eh gra dy vel eh nane jeh kuse dy cholughtyn as anaase oc er yn Ellan.
Ta’n jeadys-jannoo er naase liorish shey as feed sy cheead sy daa vlein shoh chaie. Ta Mainshtyr Downie gra dy vel y Rheynn echey goll er lesh yn obbyr dy ghreinnaghey yn bishaghey shoh.
Manx surnames: Cowen, Cowin
This is Gaelic name which could have come from Mac Comhghain, Son of the Co-birth - a twin, or from Mac Eoghain, Son of Owen, or Johnson.
The main centre of the family used to be in Lonan.
24.12.03, Oie'll Verree Naight Radio Vannin
WORK PERMIT REFUSED FOR FIRE CHIEF
The Department of Home Affairs says it will not be able to appoint its first choice candidate.
Ta Rheynn Cooishyn Sthie gra nagh vod ad pointeil yeearreyder nyn gied reihmyr yn ard-fer-mooghee. Ta Binsh Aghinyn Stiurey Failley (Control ofEmployment Appeals Tribunal) er nyiooldey aghin y Rheynn dy chur kied-obbyrda Elliott Crosier, yn offishear-rheynn shinsharagh (senior divisionalofficer) ayns shirveish mooghey as sauail Northamptonshire. Va bingkied-obbyr er nyiooldey yn chied yeearreydys veih'n Rheynn.
Lurg da'n Vinsh v'er nyiooldey yn aghin, v'eh inshit da Mainshtyr Crosiernagh vod y Rheynn eh y phointeil myr yn ard-fer-mooghee ayns Mannin.Shirveishagh Cooishyn Sthie, Phil Braidwood, dooyrt eh dy row eh currym e Rheynn dy chur kiartaghyn shinsharagh da ny yeearreyderyn smoo cooie, ga dyrow yeearreyderyn goll er reih dy fondagh as va'n Rheynn cur geill da nycooishyn cooie. Agh, dooyrt Mainshtyr Braidwood, cha row yn Rheynn gobbaltoilçhynys yeearreyderyn elley. Veagh y Rheynn scrutaghey cre lhisagh vejeant sy Vlein Noa.
Sy Chiare as Feed ny s'leaie sy vee shoh, John Houghton, oltey jeh'n Chiareas Feed son Doolish Twoaie, ren eh shirrey er Mainshtyr Braidwood eh dyphointeil Brian Draper, y lhiass-ard-fer mooghee ec y traa t'ayn. Cha jeany Rheynn gra veg ny sodjey nish.
MHK OBJECTS TO BIRCH HILL PLANS
Adrian Earnshaw says a proposed housing development should not go ahead at Birch Hill in Onchan.
Oltey elley jeh'n Chiare as Feed son Kione Droghad, Adrian Earnshaw, t'ehgra nagh lhisagh kied ve currit da Thieyn Eiraght (Heritage Homes) dyhroggal keead as queig-jeig as feed dy hieyn rish stayd Cronk Beih.
Ta Thieyn Eiraght er chur roish yeearreydys elley, goaill stiagh mysh kiarefeed thie cour ocsyn veagh kionnaghey thie son y chied cheayrt. Agh taAdrian Earnshaw gra nagh lhisagh y skeym goll er oi, er y fa dy neethalloo-eirinys t'ayn dy h-oikoil.
Ta Mainshtyr Earnshaw er chur fysseree gys sleih sy rheynn-reihys echey dyhoilshaghey magh ny ta goll er.
Adsyn ta noi skeym Thieyn Eiraght, shegin daue insh da'n Ving Phlannal roish y jeihoo laa Jerrey Geuree.
Co-oltey jeh'n Chiare as Feed son Kione Droghad, Peter Karran, dooyrt eshyn dy row ny boiraghyn cheddin echey er Radio Vannin y laa jea.
VISIT YOUR NEIGHBOUR THIS CHRISTMAS
Age Concern is asking people to pop in to see their elderly neighbours.
Ta Imnea Eash shirrey er sleih ayns Mannin ad dy chur shilley er ny shennnabooyn oc y Nollick shoh. Ard-Sheckteragh Imnea Eash ayns Mannin, Bob yClugaaish, t'eh gra dy vod y wheiggoo laa as feed Mee ny Nollick ve ny hraafadaneagh dauesyn nagh vel lughtyn-thie as caarjyn oc.
Erskyn ooilley, foddee adsyn shenn ve so-lhottey. T'eh guee er sleih paartdy vaynrys y skeayley.
Ta Mainshtyr y Clugaaish gra nagh vod dy chooilley pheiagh jerkal rish sleih-mooinjerey çheet lesh shilley orroo.
12 ARRESTS IN DRINK DRIVE CAMPAIGN
Only half of those have been charged so far.
Ta daa-yeig dy leih er ve goit ec ny meoiryn-shee neayr's va'n faghtys imman-iu er ny lunney son y Nollick ny s'leaie sy vee shoh.
Choud as shoh, cha nel agh lieh jeu shoh as cassid jeant noi oc. Bee cassid jeant noi fer elley er yn oyr nagh dug eh sambyl.
Va nuy-jeig dy leih goit sy faghtys nurree.
Nollick Ghennal as Blein Vie Noa erriu!
Naight Radio Vannin 31.12.03
SKY MARSHALS
The plain clothes officers will be trained by the Metropolitan Police.
Sleih voish Mannin vees getlagh eddyr yn Vretyn Vooar as ny Steatyn Unnaneyssit, oddagh ad ve er ny h-etlanyn cheddin as 'Marshalyn Speyr' armit. Hed ny h-offishearyn eaddagh cadjin er traenal liorish meoiryn-shee Lunnin. Bee ad armit lesh wappinyn bieauid injil. Ta'n reiltys Goaldaghjannoo shoh myr eiyrtys jeh 'baggyrt-ymagglaghey er lheh' ('a specific terrorist threat').
Bee shoh bentyn rish etlaghyn gys ny Steatyn Unnaneyssit nyn lomarcan, dooyrt John Shimmin, y Shirveishagh Arraghey.
GREATEST GRANDDAD
Sulby man Larry Dunnage is the greatest granddad in the Island.
She Larry Dunnage voish Sulby yn jishig vooar share ayns yn Ellan. Mainshtyr Dunnage, ta tree feed blein as queig-jeig dy eash, t'eh er chosney aundyr veih Imnea-Eash myr Shaner ny Bleeaney. V'eh enmyssit liorish yn oe-inneen echey, Jodie Dunnage, ta cummal ayns Balley y Logh.
Ta kiare oeghyn elley ec Mainshtyr Dunnage as queig aa-aeoghyn. T'eh er chosney turrys gys Lerpoyll lesh gleashtan veih'n Phaggad Bree, chammah as lhongey-Doonee son kiare ec y Thie-Oast Hilton ayns Doolish.
Yiow Jodie aundyr neesht - t'ee jeant feer wooiagh.
MOBILE PHONES AND CAMERAS STOLEN IN RAMSEY
Three phones and two digital cameras were taken.
Ta ronsaghtyn goll er mychione y maarleeys jeh çhellvaneyn shooylagh as shamraigyn bun-earrooagh ayns Rhumsaa. Dy moghey Laa Nollick, uinnag ec Computers 4U ayns Kerrin Skylley Chreest ny h-Ayrey, v'ee er ny brishey lesh beemyl-queeyl mooar jeant ass meddyl.
Va tree çhellvaneyn goit - Ericsson, Samsung as Nokia. As va daa hamraig geidit. By vie lesh ny meoiryn-shee loayrt rish peiagh erbee honnick red erbee va drogh-ouryssagh ec y traa shen, ny peiagh erbee hooar red ennagh myr shoh myr nastey Nollick, foddee.
My ta fysseree erbee ayd, loayr rish meoiryn-shee Rhumsaa, my sailt, er 81 22 34. Er nonney gow ymmyd jeh linney folliaghtagh ny Scuirreyderyn-Loght er 0800 555.
NEW YEAR HONOURS
Four Isle of Man residents have been awarded MBE's.
Ta kiare cummaltee jeh Mannin er ngeddyn yn aundyr Oltey jeh'n Impiraght Ghoaldaght ayns list-onnoryn y vlein noa jeh ben-rein Hostyn.
Reireyder y Thie-Cloie Gaiety, Mervyn Stokes, t'eh geddyn yn aundyr son shirveishagh y thie-cloie. Ard-Vainshtyr Vunscoill Forsdal, Stuart Lambie, t'ad giootal ersyn kyndagh rish yn obbyr echey son ynsagh as y co-phobble (community). T'ad cur yn aundyr da Mike Southall son shirveishagh feallagh aegey. Eshyn barrantagh-coonee ny Scrialtee syn Ellan as oikagh barrantagh ny sidooryn aegey ec Colleish Ree Illiam.
Ta Ken Tomlinson geddyn yn aundyr son shirveishagh slaynt ayns Mannin. Eshyn yn eear-Ard-Sheckteragh jeh Rheynn Slaynt as Shickyrys y Theay.
Blein Vie Noa erriu!
#